الرشيدي اقلط حياك الله

[علي فلاح العضياني]

يا مرحبا في مرحبا بالرشيدي=اللي ليا غنّا بيوت القصيدي
اتردد الاسماع هل من مزيدي=يالله على بابك يافتاح الابواب


مرحبا باسم ربعي كاسبين الجميل=ربعي اللي تنومسني قوانينها
يالرشيدي ترى ليلي وليلك طويل=والرسايل تبيّنها عناوينها

[أبو نجر النفيعي]

..

الله الله عليك بالفالح ..
صح لسانك . وازهل الصف يا سنايدي..
ولاهان الرشيدي . وصح لسانه مقدما ..
..
.


:)

[الرشيدي]

يا مرحبا في مرحبا بالرشيدي=اللي ليا غنّا بيوت القصيدي
اتردد الاسماع هل من مزيدي=يالله على بابك يافتاح الابواب


مرحبا باسم ربعي كاسبين الجميل=ربعي اللي تنومسني قوانينها
يالرشيدي ترى ليلي وليلك طويل=والرسايل تبيّنها عناوينها


دام البقا دام البقا يالمغني=في جزل الأبيات اسمع العلم مني
الذيب في بطنه ثلاثين جني=يالله على بابك يافتاح الأبواب


البقا في رجالٍ تعمل المستحيل=مير تغلب شياطيني شياطينها

يالعتيبي ترا ليلك ماهو بأي ليل=كل دعوى تبا تظهر براهينها

[علي فلاح العضياني]

يالمنتحر حنا قبيلة عتابه=اهل المواقف والشرف والمهابه
واليا تعشنّك جياع الذيابه= يالله على بابك يافتاح الابواب



ما يشح الكريم ولا يجود البخيل=الحقايق تبا ترجح موازينها
لا تبقّي كثير ولا تبقّي قليل=واخرتها نحط الكحل في عينها

[علي فلاح العضياني]

مرحبا يابو نجر النفيعي




وجودك يشرفنا يالغالي

[أبو نجر النفيعي]

يالمنتحر حنا قبيلة عتابه=اهل المواقف والشرف والمهابه
واليا تعشنّك جياع الذيابه= يالله على بابك يافتاح الابواب



ما يشح الكريم ولا يجود البخيل=الحقايق تبا ترجح موازينها
لا تبقّي كثير ولا تبقّي قليل=واخرتها نحط الكحل في عينها

..
الله الله يا مبدع .
صح لسانك ,, والصف في ازدياد
..
.


:)

[رجـم النـايـف المطيري]

صح لسانكم ياشعار

وانا متابع معاكم

[الرشيدي]

يالمنتحر حنا قبيلة عتابه=اهل المواقف والشرف والمهابه
واليا تعشنّك جياع الذيابه= يالله على بابك يافتاح الابواب



ما يشح الكريم ولا يجود البخيل=الحقايق تبا ترجح موازينها
لا تبقّي كثير ولا تبقّي قليل=واخرتها نحط الكحل في عينها


ياخي ماحد قال ألك مانته عتيبي=أنته علامك فيك شكة وريبي
ولاٌ الذيابه كلها وسط جيبي=يالله على بابك يافتاح الأبواب



أنت ماجدت باللي تملكه ..والدليل=تاخذ من الصقور أقوى جناحينها

ليش تاخذ عبارة من كتاب الخليل=والعرب ضمنتها في دواوينها

[رجـم النـايـف المطيري]

صح لسانكم ياشعار

وانا متابع معاكم

[العـ ـونـ ـي]

أبك أبك أبك

رد وافي ياوافي (الرشيدي)

صحت السنتكم

[علي فلاح العضياني]

المعذره على التاخير لانقطاع الاتصال



الله يآمر لك بالهدايه ويصلحك=عزالله اني فاول القاف مادحك
لكن لا توزمني الليله اذبحك=يالله على بابك يافتاح الابواب






انت اظنك عميل معاملٍ لك عميل=تحسب ان العرب دينك على دينها
الغناوي رصيده يالرشيدي ثقيل=لا تهمقى علومٍ وينك اوينها

[عمران]

ياسلام على الابداع

الفالح +++الرشيدي

متابعين.......

[الرشيدي]

المعذره على التاخير لانقطاع الاتصال



الله يآمر لك بالهدايه ويصلحك=عزالله اني فاول القاف مادحك
لكن لا توزمني الليله اذبحك=يالله على بابك يافتاح الابواب





انت اظنك عميل معاملٍ لك عميل=تحسب ان العرب دينك على دينها
الغناوي رصيده يالرشيدي ثقيل=لا تهمقى علومٍ وينك اوينها


آمين..يالله بالهداية والإصلاح=والمدح أنا ماني بحاجة للأمداح
والضيف ذبحه عيب..وآثرك سفاح=يالله على بابك يافتاح الأبواب


تشرب من الهماج وتترك السلسبيل=والعرب منه ماتسقي بعارينها

وش تسوي ليا طاح الجمر بالشليل=حالتك والجمر بالحظن ياشينها

[النّاشي]

صـــــــــــــــح لســـــانــــكم ياشعار

واصلو واصلو

متابعين

[تراحيب ابن بصيّص]

عز الله خصم بالرشيدي ..

صح اللسانك

ولايهون الفالح

مبدعين والله

[علي فلاح العضياني]

ليت الدعا رب السما يستجيبه=حتى الكلام المختلف ماتجيبه
والعذر ما ينجيك لا تلتويبه= يالله على بابك يافتاح الابواب




انت في عيبتك فذّات تمرٍ محيل=قبل عامين يابسةٍ عراجينها
وش تسوي ليا جيتك بسيفٍ صقيل=غمّتك تحت حد السيف يازينها

[الرشيدي]

ليت الدعا رب السما يستجيبه=حتى الكلام المختلف ماتجيبه
والعذر ما ينجيك لا تلتويبه= يالله على بابك يافتاح الابواب




انت في عيبتك فذّات تمرٍ محيل=قبل عامين يابسةٍ عراجينها
وش تسوي ليا جيتك بسيفٍ صقيل=حالتك تحت حد السيف يازينها


ليت التمني يالعتيبي يفيدك=يمكن يزود فالليالي رصيدك

واليوم ماحدٍ قيدك غير قيدك=يالله على بابك يافتاح الأبواب


أنت ماتقنع إلا في تمور النخيل=كل ماأكلت تمرة قلت يازينها

سيفك آرده بعلباك حتى يميل=ضربةٍ تاصل الفالح مضامينها

[علي فلاح العضياني]

هذا زمانٍ فيه طالنّ الاقزام=تاكل وتنفخ نفخ من زود الانعام
الله يعز الحكم ويعز الاسلام=يالله على بابك يافتاح الابواب



يارجالٍ تكرٍّم كل عابر سبيل=من ورودٍ تفوح بها رياحينها
سيفنا فيك مضرابه ودمّك يسيل=لو تكفّى دميّك من شرايينها

[علي فلاح العضياني]

الاخ الشاعر الكبير الرشيدي
تشرفت بالعب مع شاعر بهذا الحجم واستفدت الكثير والختام من عندك وصح لسانك وبيض الله وجهك


واسمحلي اخوي ابي انام ماعاد اشوف
اخوك الفالح

[الرشيدي]

صح بدنك يابعدي


والختام صح لسانك وبيض الله وجهك

[رجـم النـايـف المطيري]

أنت ماتقنع إلا في تمور النخيلكل ماأكلت تمرة قلت يازينهـا

الله الله

يالرشيدي صح لسانك على الابداع اللي تقوم فيه

ولايهون اخوي الفالح

تحياتي لكم