في موقع الهيلا .....( سلام)

[محمد العضياني]

السلام عليكم ورحمة الله وبركاته

مصافحة اولى /



في موقع الهيـلا قبل بدع القوافي والكلام = سلام تسليمة وفا تبدي على روس الطوال
عقيدكم يا اهل المواقف يحتزم والدرب شام= اما برك والا حبى والا وقف مثــل الجمال

[العـ ـونـ ـي]

صح السانك يابعدي
وصح السان الشاعر (مقدما)

تحياتي لك

[ابن نميان]

وعليك السلام والرحمه

حياك الله ياوسيع البنايد


صح لسانك


وبــنتظار الشاعر الاخر


دمت بود وعافيه

[مرزوق حمدان العتيبي]

..
.
ارحب ياوسيع البنايد ...
صح لسانك وفي انتظار الشاعر الاخر..
وبالتاكيد انت ضيف وراعي محل في نفس الوقت ..
... وازهل الصف ...
...

[العـ ـونـ ـي]

استلم ياوسيع البنايد


في موقع الهيلا هلاّ المطر في سطحه وستقام=يامرحبا في مرحبا بسم الكريمين السبال
الواجهة من تحتها اعضا وردود(ن) بنتظام=(والبكره اللي ماحبى) مابرك بالحمل الثقال

[محمد العضياني]

العوني ـــ ابن نميان ـــ مرزوق العتيبي


صحت ابدانكم يالنشاما ولاهنتوا


والله يبقكيكم مشكورين على المرور والترحيب




استلم استلم :



دام البقــا والنـور يابن عون جلاي الظلام=الدرب يبغاله جلـد والسوق يبغا راس مال
في تالي الايام اشوف شعيل ما فوقه سنام =يرعى ولا هوعارف حدود الحرام من الحلال

[النّاشي]

وسيع البنايد صح لسانك وحياك الله في منتدى الهيلا

العوني صح لسانك والله يعطيك العافية

واصلو وحنا متابعين

تحياتي

[ناصر الحافي]

صح لسانك ياوسيع البنايد

صح لسانك يالعوني

متابعين متابعين

[محمد العضياني]

طه حسين ــ ناصر الحافي


الله يبقيكم ويسلمكم


صحت ابدانكم ولاعدمناكم


ومشكورين على المرور والترحيب والمتابعه

[العـ ـونـ ـي]

استلم


الصبح يتليها ضحا والليلي يوحي بالمنام=والسوق يشر بالسهم والمال يبغاله ريال
السما سبعه بالصفا والصفا مافك اللحام=ليتك تعـــــرف العلم ولاّ نك تبشّر بالزوال

[العـ ـونـ ـي]

طه حسين

صح بدنك
مرورك شرف لنا طال عمرك

تحياتي لك

[العـ ـونـ ـي]

ناصر الحافي

صح الله بدنك
لاهنت على المروووووووور يابعدي

تحياتي لك

[العـ ـونـ ـي]

الابيات الله لايهينك
الدرب يبغاله جلد والسوق يبغا راس مـال

[مرزوق حمدان العتيبي]

..
.

الاخ العوني ..
سبق وان ذكرنا لك ان قسم المحاوره
للشعراء المتمكنين وزناً ومعناً ... ونبهناك لهذا الشي
وهانت تعيد الاخطاء ببيوت غير متماشيه مع الوزن
الذي يلعب عليه وسيع البنايد ....
للمره الاخيره نلفت انتباهك .. ونقدم اسفنا للشاعر
وسيع البنايد ... وهذي هي شروط القسم ...
...

[ال ماطر]

مشكووووووووووووووووووور
وصح لسانك

[راعي البلهـا]

يعطيك العافيه