أقرب شاعر عتيبي

[العـ ـونـ ـي]

استلم يالعتيبي


مرحبا واللي تمدّا على ظهر المتين=من هجوس(ن) ماتجزّع على من عابها
بنشدك يالصّاحب اللي تقوّ باليمين=عن كتاب(ن) في زمانه روى كتّابها

[مرزوق حمدان العتيبي]

...
.
صح لسانك يالعوني ...
واتمنّى ان لايتكرر منك كسر بعض البيوت
كما حصل امس في اخر المحاوره ...
والتي نقلت لقسم المحاولات الشعريه لهذا السبب ..
.. لان هذا القسم ياعزيزي للشعراء المتمكنين
شعراً ومعناً فقط... وماسوى ذلك ... فقد خصصنا
قسم للمبتدين ولايمنع ان تكون محاولاتهم هناك ..
تنبيه فقط
والله يحييك ...

[العـ ـونـ ـي]

الله لايهينك يالمشرف

كنت مستعجل بالابيات وماصار شي عدلته

شكرا لك على المرووووووور
لاهنت

[سعود العصيمي]

يامرحب في محل الرجال الطيبين = البقاء والطيبه من نصيب اصحابها

مانعرف الا كتاب الولي للمسلمين = وانت قلي دلة فلان من شرابها

[العـ ـونـ ـي]

استلم ياسعود



يالعصيمي لاتمد النظر في نصف عين=والديار الاوله في مكان اذيابها
العلوم اطوال والله على هديه يعين=وانت بين الفجوه اللي تحد انيابها

[سعود العصيمي]

والله اني لادحم الضلع لين انه يلين = والديار المسنيه مانزلّنا اشعابها

كان عندك سالفه يارضي الوالدين = هاتها والوافيه ماخسر جلابها

[العـ ـونـ ـي]

استلم



مايلين الضلع يوم الضبابه ماتبين=والسما مالله خلفها بنثر اضبابها
السوالف كلها لليتيم وللحزين=(والعقارب يامرفف) ترز اذنابها

[رجـم النـايـف المطيري]

صح لسانك ياولد عون

وانا معك وبصفك يالذيب

واصل في ابداعك المنقطع النظير

ولا يهون العصيمي

تحياتي لكم

[العـ ـونـ ـي]

هلا بك ياولد العم

ولاهنت يالقرم

على المرووووووووووووووووووور

تحياتي لك

[العـ ـونـ ـي]

يالربع وين سعود العصيمي؟؟؟

[العـ ـونـ ـي]

يالربع يامن عاينلي اسعود العصيمي
أرسله بالرسايل الخاصة مايجي...
ارسلوله يالإداره

لعبه معي ممتاز