شاعرالوطن من انجلترا

[خلف بن مرزوق]

...
..
هذه قصيدة لشاعر الوطن

الشاعر اللواء/ خلف بن هذال العتيبي

كتابه وبصوته

وقد كتبها من لندن عندما كان ضمن بعثه ضباط من الحرس الوطني
وقد رشحه الملك / عبدالله بن عبد العزيز حفظه الله (الامير انذاك)

والقصيدة تعكس مدى تمسك الشاعر بثوابت الدين واخلاصه لوطنه
ووفاءه لولاة الامر..


اهلي بعيد وذقت هجر وعواقيب***يا أكَّالت الخنزير ما أنتم هل لي
أهل محبتكم دعاية واكاذيب***تتكهنون من الهوى صافي لي
في محفظتكم فرحتي يا معازيب***رسالة عنوانها من محلي
عطوني اقراها ووسع لها الجيب***جيب القميص لحملها مايملي
مكتوب يطلعلي بطيه مكاتيب***ولعل مكتوب الحبايب يسلي
من دمع عيني ما قريته بترتيب***ساعة نشرته قمت ارحب واهلي
واشوف يا مكتوب فيك التعاجيب***المنشي اصبح ما قطع عبرة لي
لكن يا ترحاب واجمل تراحيب***واللي نقص من شرحكم جايز لي
لنا يابو خالد عليكم مطاليب***اخباركم باقلامكم ونسة لي
وإن سألت عني مستقيم على طيب***ارعى حقوق الله واكبر واصلي
عن فرض رب ما اتهاون ولا اغيب***مكة وانا في انقلترا قبلة لي
وفي واجب الدنيا بذلنا التسابيب***وخدمة حبيب المملكة غاية لي
على عواتقنا عهود ومواجيب***ودايع من صانعٍ ما يذلي
ملايكة ربي علينا مراقيب***واللي يخون العهد خله يولي
عبدالله ارسلنا لكسب وتجاريب***يبغى رجال بالعمل تستقلي
إن ماوفينا معه حياتنا عيب***احسن نروح مع البهايم نفلي





للاستماع
777
77
7
http://www.dwaihi.com/25kh6.ram

ونعدكم بالمزيد ان شاء الله

مودتي
.

[ابن نميان]

بيض الله وجهك


يابو مرزوق

وصح لسان خلف ابن هذال


شاعر الوطن

[أبو نجر النفيعي]

ّ

بيض الله وجهك .. يا بو مرزوق.
على الموضوع الجميل سوات راعيه .. :)
..
وصح لسان خلف بن هذال شاعر الوطن ماضي وحاضر ..
ولاهنت..

..

أخوـوـوـوـوـكـ

.

[خلف القثامي]

لاعدمناك ياخلف بن مرزوق

شاعر الوطن ابو هذال دوماااااااااااا قصائده تدووووم مهما تغير الزمن والمكان

سواء داخل الوطن او خارجه ولاننسى قصيدته في نجد باللغه الانجليزيه

وانا ان شاء الله رايح للندن بعد اسبوعين وقصيدة ابو هذال من الحكم الشعريه المتميزه

[خالد بن حويفر]

الف شكر اخوي ابو مرزوق على الموظوع الجميل