لــــو مـــع الشــــعر جنسيــــّه لقيته عتــــيبي

[الحر الأشقر]

هــــذا وقفت موال إبتدعه الشاعر الكبير/ ملفي المورقي في إحدى محاوراته
وكانت المحاورة تجمع كل من رشيد الزلامي، ملفي المورقي، سلطان الهاجري،
وأصبح هذا الموال هو الموال المحبوب لدى الجماهير الصيف الماضي،
وفي محاورة أخرى جمعت بين الشاعرين الكبيرين ملفي المورقي وحبيب العازمي، في الجمش كان موالهم على هذه الوقفة فقال المورقي لو مع الطيب جنسية لقيته عتيبي، وقال العازمي ما يخصم العتيبي غير شاعر عتيبي أضافول له تجديد ومعاني أخرى..
فأنا أقول أن شعراءنا يستحقون الإشادة، والمورقي يستحق االشكر والثناء لبدعه لهذا الموال الملفت والذي يتكلم بالواقع الملموس بدون هضم لحقوق الأخرين ولكن هذا هو الواقع والحاصل،

[راعي المغاتير]

ابدعت خلال ايام بسيطه
يالحر الاشقر << انا اشهد انك حر على اسمك
بيض الله وجهك ((يالحررر))
وننتظر منك المزيد من اخبار الشعراء

وابووافي << شهادتي فيه مجروحه
شاعر مجد قبيلة ومجد افعالها
من خلال (( المحاوره ))
جعلنا والله مانفقده

[الحر الأشقر]

الله يسلمك ياراع المغاتير واتمنى ان أكون عند حسن ظنك دايم ولا عليك زود وانا ما مشيت ألا مع طريقك فأنتم السابقون ونحن اللاحقون,

[الحر الأشقر]

محاورة بين الشاعرين ملفي المورقي وحبيب العازمي على نفس الوقفة وكان منها بيت للمورقي قال فيه...

كـــــل شـــــــاعر بطاروقه ولحنـــه يغني...كم نسب قاف عنــــك وكـــم نسب قاف عني
واصبــــح الوزن والتركيــب منكم ومني... لو مـــع الشــــــعر جنسية لقيته عتيــــــبي

[الشايب]

هلا فيك اخوي الحر الاشقر

وفي محاوره اخرى بين حبيب العازمي وفلاح القرقاح

قال حبيب في احد ردوده على فلاح

موال


خابرين الشعر ينبع من احساس وشعور

والرصاص مع اكثر الناس نصه مايثور

كل شي يبور غير العتــيــبي مايبور

والثنا والملك لله رب العالمــــــــــــين

ثم اردف الرد

بدون مجامله والله يلا الله ثم لالاالعتبان
لصير الشعر مثل الهندي اللي يقلب نعاله :D

[أبوسلطان]

اخوي الكريم ..... الحر الاشقر
اخواني الافاضل

مافية شك في جنسية الشعر

الشعر جنسيتة عتيبي 100%

وذلك لكثرة شعراء العتبان

اخووووووووووكم

ابو سلطان

[الحر الأشقر]

أخوي الشايب لاهنت ومشكور على هالإضافة والموال للشاعر الكبير حبيب العازمي
ولو تكرمت يا خوي تعطينا المحاورة كاملة أو بعض منها

أخوي أبو سلطان لاهنت ومشكور على المرور وما نستغني عن كتاباتك

[الحر الأشقر]

يقول الشاعر ملفي المورقي أيضاً

أنــــــا أعـــــرف الشعــــــر وطروقــــــــه دايـــــــم لبرقــــــــى وللروقــــــــه
إهمــــه هــــــله وإحتــــــموأ ســــــوقـــه والله يعـــــــــز السعــــــــــــــــوديه

ويقول أيضاً

قسم القبــــــــايل مع العتبـــــــان فالشـــــــعر ما ينصف الميــــــــزان
شيٍٍ نـــــــفـذ من قديم وكـــــــان واللي شبكنـــــــــــــــا يخلصـــــــــــنا

ويقول الشاعر مسعود العصيمي للشاعر عبد الله العير المطيري في محاورة جريت بينهما

من عتيبــــــه عمالقة الشعر والأسامي ،،، كا تمينك بقول وفعل ماهو كلامي
بس يكفيـــــك أبو تركي وذكــر الزلامي لو مع الشعر جنسيه لقيته عتيبي

لحالك وإحديناك ما تارد على البيـــــر
.................................................. . وكلٍ شايفك حالتك فالوقت حالــــــــــــه

[الشايب]

والله يالحر الاشقر مبطي ماسمعت المحاوره لكن بقولك اللي اذكره منها

المحاوره كانت في الدمام

فلاح
موال

ياحبيب لا تريح سرى ليلك سرى = من درى بالعلم علم به اللي ما درى
لا دخلنا السوق صار فيه بيع ومشترى = والثنا والشكر لله رب العالمين


ثم اردف قائلا

تقدم يا حبيب وامسك الصفين ياشيهان = انا وياك في الساحل سوا وحبيب الحاله
نبيها ليلةٍ ما تاصل عتابه ولاقحطان = الين الصبح يلبس غترته وينزل عقاله


حبيب
موال


ماعلي منك لو يطول ابنا الطريق = لو تكسر فالحطب لو تولعها حريق
اعرف ان خاطري من كلامك مايضيق = والثنا والشكر لله رب العالمين


ثم قال

تقدمنا وعسا الله يخزي الشيطان والشيطان = يقال انه يسوع في البحر ويفرق عياله


فلاح
موال

كل ماقابلت في الملعبه شاعر كبير = اتعامله معه باسلوب وانوي له بخير
وان تحداني كويته على الضلع القصير = والثنا والشكر لله رب العالمين




تقدمت وتقدمنا سوا والمسلمين اخوان = واذا جت للحقيقه ندري للخيل خياله


موال حبيب

كل ما قابلت شاعر وشفت فيه فيه = اقرصه مع روس اذانيه والوي يديه
والذي يمسك طريقه مايخطي ماعليه = والثنا والملك لله رب العالمين


الا ياطير ياللي صرت تصفقها على الجنحان = ترى جو السما حامي شويه لاتحماله


موال فلاح

انته شاعر والمعاني لها شاهد وحاص = والحقيقه ما يرد الرصاص الا الرصاص
ان بغيتونا نخف الرمي قولوا خلاص = والثنا والشكر لله رب العالمين



والله مدري وش قال بعد الموال :)
موال حبيب

خابرين الشعر ينبع من احساس وشعور = والرصاص مع اكثر الناس نصه مايثور
كل شي يبور غير العتيبي مايبور = والثنا والملك لله رب العالمين




بدون مجامله والله يلا الله ثم لا لا العتبان = لصير الشعر مثل الهندي اللي يقلب نعاله


موال فلاح

صادق الاحساس يا هيه يبغاله صبر = والعتيبي من نشاما ولله الكبر
وقحطان ان جبت العظم يبطي ماجبر = والثنا والشكر لله رب العالمين



والله يلا الفهد اخو عبدالله وسلطان = لصير الوضع مثل الشايب اللي حالته حاله


والمحاوره من اروع واجمل المحاورات اللي شفتها وانصح محبي المحاوره بمشاهدتها (( المحاوره موجوده بشريط فديو وشريط كاسيت))
.. و كانت في الدمام في عرس هواجر
والشعار مستور العصيمي وحبيب العازمي وفلاح القرقاح وسلطان الهاجري

خاصه الرباعيه اللي صارت بينهم

اللي ختمها حبيب موجه كلامه للقرقاح
بموال


انصحك ماتروح تكرر الغلطه = أذن وصل العشا يا شاعر القلطه
مادام ثنتين شعر ودين مختلطه = النار ماتحرق الا رجل واطيها



يالالا له يا لالا خلها فوق السحاب = يالالا له يا لالا لين تلقى ضدها

[الحر الأشقر]

صح لسانك يالشايب وسلمت يديك وبيض الله وجهك
وما قصرت

[صقر نايف العتيبي]

صح السانك وسلمت

[روح جاي]

الحر الاشقر بيض الله وجهك

وصح لسان شعارنا والشعر لنا حنا بدون قصور في جميع القبايل وساحات المحاوره اثبتت ذلك

[العنضولي]

والله والله ما اقولها عنصريه

شعراء عتيبه يجوون ثلاثه اضعاف شعراء خنذف

وما اقلل في شاعريه شعراء الخناذف

وبالنسبه للشاعر ملفي فهو غني عني التعريف

ولكن يوجد ناس من يشككون في ملفي

وانا اعرف مطران كرههم وعماهم ملفي ويخافون ملفي يجي مع تركي في ملعبه

لان اكثر واحد حاس تركي في الدنيا وذوقه الذل هو ملفي

تقبل مروري