بيض الله وجيهكم يا خوالي

[فيصل العوني]

شغلكم مرتب ونظيف وهذا توجه طيب لحذف اي مقال فيه اساءه او سب اي شخص
حذفتم اغلب المقالات اللي تسب تركي الفين وتصفه بالطقاقه ومعها ردودنا

وهذا شي طيب ومطلوب منكم حتى يبقى منتدى الهيلا منبر من منابر الشعر والفكر اللي الناس تحرص عليه

بقى مقال اخر اتمنى ان يحذف لأنني لم اشارك فيه حتى الان واحتراما لكم

فضلا لا امرا يا خوالي احذفوا المقال والا سوف ادخل وارد نفس ردودي التي كتبتها في المقالات اللتي كانت على تركي
لأن تركي في الاول والاخير ابن عمي وحزامي ولن ارضى عليه
وانتم قلتوا اللي مافيه خير لربعه مافيه خير
وانا مافيني خير اذا ماوقفت مع ولد عمي


هذا الرابط
http://www.alhaila.net/m/showthread.php?t=39052

[فيصل العوني]

بيض الله وجيهكم بياض توديه سمان الهجن
ومالكم عندي الا فالكم التوفيق

نعنبوا حيكم صدق انكم مخلفة الهقـــاوي

في الاخير

لكم من بناخيكم الوعد والعهد ما اقول حرف يزعلكم ما دامت الامور زينه ولا احد غلط علي او على ربعي

[الــوآفــي]

الاخ فيصل


ردودك فيها الكثير من التجاوز وقد اعطيت اكثر من فرصه وانا احذرك تحذير نهائي قبل ان يتم ايقاف معرفك


اما الموضوع في الرابط تم حذفه قبل ان تضع موضوعك هذا

نحن نرفض ان يتعدى احد من اعضائنا على اي قبيله

نعطيه فرصه يعبر عن رأيه ولكن في عدم تجريح القبائل اما تطرقهم للأشخاص فنحن نرفض التجريح العلني للشخص

صحيح ان الاخوان رددو كلمة طقاقه ولكن اللقب اطلقه حمد السعيد وليس اعضائنا ولما رأينا ان المواضيع كثر فيها التشمت من بعض الاعضااء حذفناها لأن التشمت عيب ولن نرضى بوجود العيبه في منتدانا


لهذا جرى التوضيح للجميع وليس لك انت فقط


ذيبان

[فيصل العوني]

رجعنا ثاني يا ذيبان
وانا اتحداك قدام الجميع والله ما انحذف المقال الا بعد ما كتبت مقالي انا متأكد بنفسي ودخلت على المقال بعد ما ارسلت مقالي

بالنسبه لحمد االسعيد كلامه مردود عليه وبلاش نحكي في الماضي حنا عيال اليوم او انت تشوف راي اخر

بالنسبه لأيقاف العضويه لا تروح تهدد وتزبد وترعد هذا منتداك وانت حر فيه
كلها ايقاف يوزر والسلام

افضل اني اوقف من الاداره ولا اجلس كذا بدون ما احرك ساكن ولا ادفع عن حق من حقوقي

[بـنـدر]

فيصل

أشكرك على ما تقدمه من شكر لإدارة المنتدى وهذا ليس بغريب على إدارة الهيلا

وأتمنى أن تحذو المنتديات الأخرى هذا الحذو

لكن لي عتب في مقالك الأخير وشكراً

[الــوآفــي]

واذ قلت والله العظيم اني حاذف الموضوع وموضوع اخر قبل اشوف موضوعك


بالنسبه لأيقاف العضويه لا تروح تهدد وتزبد وترعد هذا منتداك وانت حر فيه
كلها ايقاف يوزر والسلام

ههههههههههههههههههههههههههههه

انا ما هددت يا صاحبي والتهديد مهوب بحذف يوزر :)

انا قلت لك اني ملاحظ عليك تجاوزات ولديك مخالفات من قبل منها اللي تحت اسمك مكتوبه يعني انت اخطيت وعطيناك فرصه ولن تتكرر هذه الفرصه ويقول المثل

ان انت اكرمت الكريم ملكته وان انت اكرمت اللئيم تمردا

ونتمنى انت تكون كريم مثل الكثير من ابناء قبيلتك العزيزه وليس لئيم



افضل اني اوقف من الاداره ولا اجلس كذا بدون ما احرك ساكن ولا ادفع عن حق من حقوقي

اي حقوق يا عزيزي

قبيلتك لم يتعرض لها احد ولو تعرض لها احد نحن اول من سيدافع عنها وليس انت هذا اولا

اما النقد فلا اظن انك تركي المريخي لترد عليه او تركي الفين لتتكلم بالنيابه

تركي المريخي صقطاته كثيره بقول احد الاخوان من قبيلته ( يقول اقسم بالله انه عار علينا ولا يمثل الا نفسه )

والنقد موجه له وليس لأحد سواه والعاقل من اخواننا في قبيلة مطير العزيزه يعلم انه تركي المريخي اكبر خطأ تواجده في لجنة التحكيم لأنه يرمي بنفسه وبقبيلته وبوطنه من جرف في دحديره في كل تعليق له

لا اريد ان ادخل في النقد سواء لتركي او لغيره


ولكن احببت توضيح ان الموضوع حذف قبل ان ارى موضوعك

تحيتي

ذيبان

[عتيبي من الخرج]

ذيبان انت منت مكلف ان تحلف لفيصل العوني

صدق من قال ( شين وقوي عين)

[فيصل العوني]

فيصل

أشكرك على ما تقدمه من شكر لإدارة المنتدى وهذا ليس بغريب على إدارة الهيلا

وأتمنى أن تحذو المنتديات الأخرى هذا الحذو

لكن لي عتب في مقالك الأخير وشكراً

مرحب يا بندر

نعم لها كل الشكر

عتبك على العين والراس لكن هذا اول مقال يمكن تقصد الردود
اي نعم انا رديت مثل ردود بعض اقول بعض الربع اللي هنا وجاريتهم سواء كان ردهم طيب او ردى

[فيصل العوني]

واذ قلت والله العظيم اني حاذف الموضوع وموضوع اخر قبل اشوف موضوعك




ههههههههههههههههههههههههههههه

انا ما هددت يا صاحبي والتهديد مهوب بحذف يوزر :)

انا قلت لك اني ملاحظ عليك تجاوزات ولديك مخالفات من قبل منها اللي تحت اسمك مكتوبه يعني انت اخطيت وعطيناك فرصه ولن تتكرر هذه الفرصه ويقول المثل

ان انت اكرمت الكريم ملكته وان انت اكرمت اللئيم تمردا

ونتمنى انت تكون كريم مثل الكثير من ابناء قبيلتك العزيزه وليس لئيم





اي حقوق يا عزيزي

قبيلتك لم يتعرض لها احد ولو تعرض لها احد نحن اول من سيدافع عنها وليس انت هذا اولا

اما النقد فلا اظن انك تركي المريخي لترد عليه او تركي الفين لتتكلم بالنيابه

تركي المريخي صقطاته كثيره بقول احد الاخوان من قبيلته ( يقول اقسم بالله انه عار علينا ولا يمثل الا نفسه )

والنقد موجه له وليس لأحد سواه والعاقل من اخواننا في قبيلة مطير العزيزه يعلم انه تركي المريخي اكبر خطأ تواجده في لجنة التحكيم لأنه يرمي بنفسه وبقبيلته وبوطنه من جرف في دحديره في كل تعليق له

لا اريد ان ادخل في النقد سواء لتركي او لغيره


ولكن احببت توضيح ان الموضوع حذف قبل ان ارى موضوعك

تحيتي

ذيبان


هلا ذيبان
التركي المريخي و التركي العوني كلهم عيالي عمي واللي يضرهم يضرني واللي يسرهم يسرني
واي نقد لهم انا اعتبره نقد لي ولا انتظر منهم تكليف او توكيل بالدفاع عنهم

مصدقك بدون حلف صحيح حذفت كم موضوع لكن ها الموضوع اسمح لي انا متاكد منه مثل ماني متأكد انكم مخلفة الهقاوي رغم انف اللي يبي يزعل

[فيصل العوني]

ذيبان انت منت مكلف ان تحلف لفيصل العوني

صدق من قال ( شين وقوي عين)

والله ماطلبت منه او منك الحلف
احنا في نقاش اخوي انت وش مطيرك في العجه يا خال ؟؟

[عقاب الحويماني]

أأخـــــــــــــــي العزيز / فيصل العوني؟

أنت ضيف أو دخيل على القبيله . ولك حق الضيــــــــــافه ومسألة فرد العضلات

وتبي تفتك فلا ن وفلان . مالها سنع . انت في منتدى قبيله تحترم مايطرح بين

أبناء القبيله ودك تـشـــــــــــارك هلا؟ ماهو معجبـــــك الموضوع وأقسم لك

بالله دور في المنتدى ورايح تلقى مايعجبك ياعزيزي ؟

والنت ماهو طــــريقه لرد إعتبار قبيله أو رد إعتبار لاي شخــــص ؟؟

والنت يحتوي على مشـــــــاركات,, وأخبار البعض يجهلها,, وتطـــــرح للمشاركات والاطلاع

ياأخـــــــــي العزيز ؟؟ ومايقال عن المريخي والميزاني

ليس من قاله ابناء عتيبه وليس مايكتب عنهم فقط في منتدى عتيبه

شف منتدى قبيلة مطيـــــر ؟؟ وسالفـــــة الطقاقه؟؟؟

وانا بصراحــــــــــه ضـــــــــد السعيــــــــــــد في كلامــــه . لانها مهما كان

الميـــــزاني رجل ... وعيب يقال او يلمح بمثل هذا الكلام لرجل

ومن اي قبيله ان شاء الله من هتيم ؟؟؟؟؟

***** تواجــــــــــدك يســــــــــــــرني ؟؟ لكــــن إحترام المنتــــدى مطلـــــوب؟؟؟


تحياتي / عقاب الحويماني

[عتيبي الحويه]

ان من حق العضو ان يعبر عن رايه ولكن لاتكون باساءه لاعضاء المنتدى
وانت ياخي العزيز تدافع كما قلت عن اخوانك تركي وغيره ومن حق عتيبي
من الخرج بان يدافع كما يحلو له ولكن بدون غلط وكيف وش دخله
وصحيح اننا في نقاش اخوي ولكن بحدود العقل
وشكراااااااا لك اخي ذييان والله انك خير من يمثلنا بهذاااا الكلام
تحيااااااااااااااتي

[مشعل الريمان]

أحنا مافينا سفهاء حتى نغلط أحنا رجال نعي مانقووووول

والسفهاء لاتجدهم من أبناء قبيلة عتيبه ولافي منتدى الهيلا السفهاء تجدهم هناك هناك حدث ولاحرج

وانت يالطيب مكانك المناسب في منتدى بني عمك هناك مجّدهم وهنا لانستطيع فرض رائيك علينا

ولقب طقاقه أطلقه على تركي حمد السعيد ولم يتكلم لاهو ولا المريخي وأنت هنا تدافع عنهم


عجب عجب!!!!!!

[مخاوي العتبان]

مايجي مطيري الا يقول العتبان خوالي


ولو رجعت الحق تلقى مافيه اي عرق في العتبان

كل ماسجل هنا مطيري قال خوالي عتبان ههههههههه

على العموم لقب طقاقة الوطن ترى مالنا دخل فيه حمد السعيد هو من اضاف هذا اللقب لتركي الفين

تحياتي

[جااار القمر]

فيصل نبى تتكرم وتروح لمنتداكم وتطلب حذف مواضيع ذيخ عندكم واعتذر للفظ الى هو غطفانى وسخ اعتقد انه نخولى مايعرق فى السنه والله لولا عيب على انزل فيه موضوع فى منتدياتنا وعن مشرفيكم الجبناء الى مايسمحون لعتيبى يسجل عندهم وهذا دليل على جبنهم وعدم مواجهتهم للرجال الحجه بالحجه تخليه يهجد شفكم تكتبون معنا نناقشكم ماخفنا وجبنو مشرفينا لعلمك مسجل قبل شهر وماتفعل للحين وغيرى كثير طردو من اكثر من قبيله فاذا عندك احقاق للحق رح اكتب هناك وانا بتابع واشوف تحط شى والا لا
وانا مؤيد لحذف اى موضوع يسىء لتركى الفين او قبيله مطير
اما المريخى فذاك عضو فى لجنه وضلمنا من قبله فلنا الحق نرد عليه ونعطيه ونغطيه
شكرا فيصل واعتذر للكمات الى بتزعجك وتزعج غيرك من ربعى

[عتيبي من الخرج]

يا فيصل العوني انت مثل المجنونة تطقة بعصا نشبت الناس بها

مفروض تنصح ربعك ؟؟



حنا ننتقد في أطروحاتنا تركي المريخي او تركي 2000 فهو حق مشروع

انت تريد لا احد ينقد فهاذ دندن من هم على شاكلتك

بعدين تعال تركي 2000 انكشف لا يجيد شعر النظم ربي يخلي القرب المرافق معه

ودليل القصيدة في الملك عبدا لعزيز فيها الكثير لا يتناسب مع طرق تركي اقرب شي

طرق زيد العضيله

[بدر المقــاطي]

بما ان العتبان هم خوالك على حد قولك ...!!!
فارجو منك ان تكف عن مضايقتهم بكثرة التذمر ..
وخوالك يعرفون العيب ولا يريدون من احد ان يخبرهم او يطلعهم عليه
والتهجم ليس من طباعهم وان كان هناك تهجم فهو صادر من ابناء عمومتك
الذين يكيلون التهم والاكاذيب...
اخيراًَ
خوالك يا فيصل جبالٍِ رواسي وراعين الاوله في كل شئ ولم يسبقهم احد في فعل الطيب
اقوالنا حق وافعالنا شواهد ...

إضاءه :
هل تعلم يا فيصل ماذا سافعل لو كنت محل تركي 2000 اثناء تسلمه للجائزه
اقسم بالله اقسم بالله لأتبرع بجميع الجائزه ولن اترك ابن افطيس ياخذها من امامي
وانا عيني بارده ولكن هذا من طيبه !!!!!!!
وانا متاكد بأن يوسف لو استلمها لما ادخلها جيبه ..
ا

[دريد بن الصمة]

البناخي فيصل العوني .
قيل قديما لولا اختلاف الاراء لبارت السلع , وقيل ايضا اختلاف الراي لايفسد للود قضية .
بناخينا فيصل نقدنا لتركي اعتقد انه نقد محايد لو أن اي من التركيين قرأها للبحث عن اخطائه ومن ثم تجاوزها لاستفاد .
بناخينا فيصل لك قناعاتك واحترمها ولاحق لي في مصادرتها ولي قناعاتي انا ومن معي وكحق من منطق حضاري يجب ان تحترم قناعتي مالم اتجاوز حدود الأدب .
قناعتنا في تركي الفين ليس بشاعر لانظم ولامحاورة انما مجرد مغني وهبه الله صوتا جميلا جذب معه الكثير من المراهقين واغلبهم من مراهقي قبيلة عتيبة .
أما تركي المريخي فالرجل كله عيوب الله يستر عليه من اوله الى آخره تملق الى محمد بن زايد ومن ثم تحول الى نشوى وفجأة تطور الى الامير سلمان اتمنى ان يرسي على بر .
أخي الكريم أكثر من استهجن تصرفات السعيد ضد محمد مريبد اولا ثم ضد يوسف ثانيا ثم ضد تركي اخيرا هو نحن قبيلة عتيبه لاننا نعرف ان الرجل لامبدأ له ولانقر كل تصرفاته ونستعيب على ابن القبيلة العريقة مطير تركي المريخي ابن عقيد قومه ان يجاري السعيد الذي لايخفانا ابدا .
ابناخينا سننقد تركي وسننقد من يستحق النقد نقدا يستحقه غضب من غضب ورضي من رضي دون ان نتعرض للقبائل او حتى الاشخاص ولكن سننقد اقوالهم وتصرفاتهم وهذا ماقمنا به وسيكون نقدنا موضوعي وفي حدود اللباقه والادب .
تحياتي .

[فيصل العوني]

مسيتوا بالخير

اللي يقول ما احنا خوالك والله هاذي لا تجادلوني فيها جادلوا خوالي عيال ابو ثنتين القسامي
ديرتهم بيضا نثيل و كلكم تعرفونها

الامر الاخر يا الربع مانبي نرجع ونزيد ونعيد في مسألة الطقاقه وخرابيطها ودامكم شفتوا منتدى مطير والخبل غطفاني اللي بصراحه اعتبره سخيف وكلامه مردود عليه ولا يمثل المطران ابدا

وكلكم تعرفون راي خلف بن هذال عن الموالات وقالها بصراحه في احد الحوراات الصحفيه
وكان ها الكلام قبل يطلع تركي على النور وقبل يعرف المحاورة اصلا
ايام مجد ابن سلمي وحبيب و مستور وفيصل


امر اخير يا خوالي

هل كان تركي هو الوحيد اللي يغني مواويل في شاعر المليون ؟؟

[ذيبان ظلم]

امر اخير يا خوالي

هل كان تركي هو الوحيد اللي يغني مواويل في شاعر المليون ؟؟

لا بالله ألا شعرائنا وشعرائكم كلهم يغنون موالات

مستور العصيمي وحبيب العازمي وتركي الميزاني وزيد العضيله وكل الوجيه السفره

ومطير وعتيبه مابينها غير الطيب والمعزه

ترى كل اللي صاير هالحين هروج عشان برنامج وبٍس .. وألا أنتم عوانينا

[نبراس القصيد]

هذا الأمر الذي يرفع الراس يالابتي الهدوء والتعقل والإحترام (((((((ومرحبا هيل يالبناخي)))))

[ابو قلبً عطيب]

فيصل العوني

انت اتيت وسجلت في المنتدي كي تتهجم ماسجلت للمشاركة والسمو بالموقع مع العلم الموقع ليس بحاجه لك ولا لغيرك من مطير يكفيه انه يحمل اسم عتيبه

بعدين ياخي يالعوني روح وناظر بمنتديات مطير وشوف وش كاتبين وش مسوين

يجب عليك انك تحترم الموقع والاسماء الموجوده هنا

بعدين حنا مانحتاج انك تقول بيض الله وجيهكم او تقول مخلفة الهقاوي

وفي الاخير انصحك من التهجم واذا تبي تدافع عن تركي المريخي دافع عنه بما يكتب في المنتديات الاخرى وتشريفه لكم يامطير واكبر دليل على تشريفه انه اعطى جائزته امراءه وهذا يدل على سقوطه بالاخلاق ..

وتركي الميزاني اقسم بالله والذي لااله الا هو انه مايعني لنا شي من هو تركي الميزاني لاجل تدافع عنه يارجل خلك اكثر واقعيه واعرف انت تتخاطب مع من

وسلامي عليكم يالهيلا

[فيصل العوني]

ياحبي لك يا بو قلب عطيب
انا ماتهجمت على احد انا دافعت عن ربعي وعيال عمي واتحداك تطلع لي رد فيه سب او تهجم على احد منكم
و ترا مانيب في مجلس ابوك عشان تطردني انا في منتدى وحرية الراي مكفولة للجميع بشرط الاحترام و الادب ولا اظني قليت ادبي على احد

اجلس بكرامتي او اطلع اذا احد من المشرفين اصحاب الموقع قالوا شل عفشك يابناخي



شكرا ذيبان ظلم ونبراس القصيد لاعدمتكم

[مطلوب للعداله]

بسم الله الرحمن لرحيم
السلام عليكم ورحمنه وبركاته
إلى اخي فيصل العوني والله انك من الناس الي تنتقدر وتحشم بس انا مستغرب من عتبك على الإدارة ليش يا خوك والله ان منتديات امطير فيها نفس الي في منتديات عتيبه وانا مع إني عتيبي منهم فيهم لكن بعض الأحيان انقهر يوم يحذفون موضوع ما فيه إلى ردود اكرر ردود على ما يقال عنا في منتديات مطير وانطباعنا عنها وبعض الأحيان يردون على ردودي ويحذف بعضها وما تشرهت عادي وجهة نظر ولا فيه زعل هم ادرى

[فيصل العوني]

مطلوب للعدله
الله لا يسمي ها الوجه الا بكل خير
تؤمن بالله ؟؟
اقسم بالله انه مايرضيني اللي صاير هناك في منتدى مطير واللي صاير هنا في منتدى الهيلا

اقسم بالله اني بين نارين نار ربعي وجماعتي ونار خوالي وزملائي

وبعد اقسم بالله الواحد الاحد الفرد الصمد انه مالي لي يوزر هناك ولا اشارك في منتدى مطير بعد ما طلعت منه من سنة 2004 ميلاديه لأختلافي مع الاداريين والمشرفين بخصوص سياسة المنتدى هناك

هل رضيت بقسمي

اعرف اني لست مجبر للحلف وانت لست مجبر للتصديق لكن والله عشانك وعشان خوالي اللي اقدر طيبهم وطيّبهم

[السلطان العتيبي]

يالبناخي وجهك أبيض وعلمك غانم

واللي يسب مطير كقبيلة ماله عندنا لاقدر ولاحشمة ، مطير جيران وقبيلة عزيزة روابطنا معها كثيرة ولايهمنا كلام السفهاء

لكن يالبناخي لابد تعرف شيء واحد انتقاد تركي الميزاني او تركي المريخي مايعني يالبناخي اننا نسب مطير او نتهجم عليها ، الحين لو جا واحد وانتقد اي شاعر عتيبي في شعره واسلوب قصيدة ما اهتمينا بالموضوع ولاقلنا هذا يسب العتبان !!

اي انسان يتقدم في أي مجال أدبي راح يتعرض للنقد وهذا لايتجاوز شخص الانسان لقبيلته ، فماهو معقول اي واحد ينتقد تركي نقول عنه انه يكره مطير ويسبهم !! ماهو معقول

[ابن نميان]

ياشاعر المليون حطمت الامـال
................منت الطموح اللي نبيـه ونريـده

سببت لك فتنه على روس الاقذال
................وراحت ضحياها القلوب البليـده

ناسٍ تحسب المسأله ساحة قتال
................وكلٍ على الثاني يحد الحديـده !!

ياناس ياعالم هذا الحكـي بطـال
................والمسأله مغيـر ذوق وقصيـده

.............................................
مطير والعتبان حطّـووك بالعـال
................ومن دوننا رصيدكم عالحديده ؟!



يالبناخي وجهك أبيض وعلمك غانم

واللي يسب مطير كقبيلة ماله عندنا لاقدر ولاحشمة ، مطير جيران وقبيلة عزيزة روابطنا معها كثيرة ولايهمنا كلام السفهاء