والشعر مع طاري عتيبه له حضور

[أبوأنس العتيبي]

ابيات اعجبتني

الشعر مع طاري عتيبه له حضور
............................قومٍ تغوص البحر عرضه وطوله
يكفيهم حبيب ومطلق ومستور
.............................وتركي وإبن عون ورشيد وقبوله
ماصاروا بحاجة برامج ومنظور
...............................أفكار نشوى ماتقيس الرجوله
برنامجٍ مابين ناصر ومنصور
.............................ناسٍ من التصويت تآخذ عموله
يكفي عتيبه شعرهم فكر وشعور
.............................وشاعرهم يجيب الجزيل محصوله
شفنا ولدهم حرك إحساس جمهور
..............................وكل الحضور لحضرته وقفوا له
وشاعر وطنا مانسيناه مخبور
..............................خلف خلف شاعر سياسه ودوله
كم شاعرٍ من وقفته ماخذ الدور
..............................اللي سلاطين العرب صفقوا له
قلته وباقي للشواعير مشهور
..............................بندر يوم إن الشعر صوله وجوله
هذا كلام الحق ماني بمجبور
.............................لو كان قلبي له هواه وميوله
والشعر مع طاري عتيبه له حضور
.............................قومٍ تغوص البحر عرضه وطوله


للشاعر/فالح سعد السبيعي

[عاشق القوافي]

صح لسانه

والله ونعم

وماقال الا الحق

تشاووو

[عتيبي الحويه]

صح لسانه قصيده اكثر من رائعه
تحياااااااااااتي
وشكرااااااااااا لك بو انس على نقلك--

[فارس من الفريس]

بيض الله وجهك يابو انس علي نقل القصيده
وصح لسان الشاعر السبيعي

[البرق العصيمي]

صح لسان السبيعي

قصيدته طيبه وابيات جزله


وشكرا على النقل

[بــــ عون ــــن]

صح لسان السبيعي ......... وبيض الله وجهك على النقل .....

قصيدةٍ جزلة ......

[ابن مقعد]

والله اني احب السبعان

[محسن الغربي]

كفو ياولد الغلبا
الناس شهود الله في أرضه وما عليكم زود

[الهراني المقاطي]

نشكر الشاعر/ سعد السبيعي
هذي بيتين رد

حي الجواب اللي لفانا على الفور** من شاعر السبعان نعم الحموله
سبعان وان نخيتهم جوك طابــور**هم هل الفزعات رجالــن زحـوله

[أبوأنس العتيبي]

شكرا على مروركم