قصيدة الشاعر لافي الغيداني الحربي في شاعر المليون

[متيم عتيبه]

يرد فيها الشاعر علي أسباب عدم مشاركة حرب في شاعر المليون



للي يبي المليون ينصى الإمارات
واللي يبي ماعند ربه يصلي

وأظن والله ماعليه ملامات
شي يعل الكبد ياناس علي

وشلون شاعر تنتخبه المسنجات
والشاعر الموهوب خله يولي

في شاطي الراحه صراخ وهتافات
وتنطحك روظه كالغزال المطلي

والمسأله فيها رسوم وحسابات
ومليونهم تل الملايين تلي

واللجنه اللي شكلت خمس دولات
مبرمجه في شفرتن ماتحلي

أحدن يجيز وواحدن فيه فزعات
يرفع عقاله لابن عمه يهلي

وللشاعر الأهدل سلام وتحيات
عقبه غدا غسان ثورن مفلي

وللشعر ناس وللشواعير وقفات
واللي يغالطني يجي في محلي

سبيل مات وماقفه حي مامات
وقفت شرف ماهي مزوح وتسلي

وحرب العريبه حاربت قبل دولات
مسطرن تاريخهم بالسجلي

وإن كان تبغى الحل إقرأ السجلات
وبعده تراك من الغلط بألف حلي

ترأ سجود السهو مشروع بالذات
سجدة سهو تجبر صلاة المصلي

[فهد الفريدي]

يا مرحـــبا يا متيم عتيبه...

هذه القصيده ليست للشاعر لافي حمود الغيداني وإنما من رسائل الجوال التي يتناقلها الناس فيما بينهم...وقد نفاها الشاعر لافي وذكر انه سيصدر لاحقا في جريده الجزيرة تصريح يوضح انها ليست له..

والذي يستمع لشعر لافي الغيداني يتضح انها ليست له لان القصيده ركيكه والشاعر لافي حمود الحربي من فطاحلة الشعراء..


اردت التوضيح فقط وشكرا لك..

[بــــ عون ــــن]

واللجنه اللي شكلت خمس دولات
مبرمجه في شفرتن ماتحلي

أحدن يجيز وواحدن فيه فزعات
يرفع عقاله لابن عمه يهلي

وللشاعر الأهدل سلام وتحيات
عقبه غدا غسان ثورن مفلي
بيض الله وجهك يامتيم على النقل وصح لسان الشاعر وعز الله ماكذب

[فارس الزيادي]

صح لساان الشاعر وبيض الله وجهك على النقل

[فارس من الفريس]

صح لسان الشاعر وتسلم يمينك علا النقل ونعم بقبيلة حرب هذولا شبابه

[ماجد الرويس]

يعطيك العافية يامتيم ولاهنت علي النقل
تحياتي

[راع العرف]

شكرا ً على الايراد يامتيم عتيبه
وهذه القصيده للشاعر فيحان بن ناحل الحربي
وليست للشاعر لافي الغيداني .....

[ابو براك]

وللشاعر الأهدل سلام وتحيات
عقبه غدا غسان ثورن مفلي


صح لسان الشاعر ولاهان الناقل

[كش ملك]

والله ماندري ولكن ماهذا اسلوب لافي ....!!


وشكرا............................،

[راع العرف]

هذه القصيده للشاعر :(
(( فيحان ابن ناحل الحربي ))


يالربع للتنبيه فقط ...