اذا كان عندك حمية لعيال عمك ادخل!!!!!

[الخيـــــل]

يارياجيل
حيا الله كل باسمه
اعترف ان العنوان مثير شوي |194|
خلوني ادخل بالموضوع سيدا
فيه حالة بصراحه وجدتها بنفسي عندما اكون في احدى الدوائر الحكوميه
وهي بالظبط:
اذا دخلت وحصلت واحد عتيبي في نفس الدائرة يشتغل... بدون شعور اعطيه اوراقي يخلصهاواكلمه وانا واثق جدا من فزعته
ولك ان تقيس هذا الامر عند المخالفات المرورية والجوازات اقصد المنافذ
الغريب بالامر اني اكلمه وكانه اخوي وكاني اعرفه من زمن يعني واحد من الشله |165| وهو بنفس الوقت يبادلني نفس الشعور بالمزح والتعليق
اذكر مره كنت مسرع وصادني الرادار وطحت بيد ملازم اول فاعطى اوراقي لاحد الافراد وسلمها للي يكتب المخالفات وكان عتيبي جندي ( الله يذكره بكل خير )
المهم يوم روحوا الناس ومسك بطاقتي ذا العتيبي جاء بيكتب القسيمة ومن حقه بصراحة لان هذا شغله
قلت له الاسم ماله خاطر عندك؟ مافيك طيب ولا حمية انت؟
قال حياك ربي نقهويك وتشوف طيبنا
قلت انا ماجيت اجرب طيب عيال عمي لاني خابره لكن لابوها من وظيفة تخليني ما افزع مع ولد عمي ــ اعترف اني اخطيت لان هذا واجبه ومحد قال لى اسرع وماني مظطر للسرعه ــ
رمى اوراقي عليه بجزع وقال لى : روح الله يستر عليك والله لو هي على فصلي من وظيفتي !!
والمواقف كثيره مثل هذا الموقف
سوالى للجميع
هل تحس بما احس به من حمية تجاه ابناء عمك من عتيبة؟؟
لاتطلع الا وانت مشارك تراني جالس واعاين فيكم واللى فيه خير يطلع وهو ماشارك |165|
تحيتي للجميع

[نواف العصيمي]

صدقت والله .. العتبان ماقصروا مع ربعهم و القبائل الأخرى

يعطيك العافيه ...

ولك التقدير والإحترام

[فارس من الفريس]

للعلم ومن فضل الله انا من قبيله طيبه الساس وقليل الرخوم فيها ومع ذاللك الرخمه يصير رجال مع الاجناب

واللي مافيه حميه لولد عمه مافيه خير



دمتم سالمين

[الشقرررردي]

|189| والله ونعم بعيال عمي |194| علي الحرام اني ليا شفت واحد عتيبي تقول اني مقابل واحد من خواني

[الخيـــــل]

للعلم ومن فضل الله انا من قبيله طيبه الساس وقليل الرخوم فيها ومع ذاللك الرخمه يصير رجال مع الاجناب

واللي مافيه حميه لولد عمه مافيه خير



دمتم سالمين

ونعـــــــــــــــــــــــــــــــــــــــــــــــ ـــــــم

[فهيد الايدا المورقي]

اخي الخيل حياك الله

الحميه عند قبيلة عتيبه معروفه ومشهوره

ولافيه عتيبي ماعنده حميه للعتيبي

حتى ان القبايل الاخرى تقول العتبان حميتهم عوجا

ولكن فيه امور يجب ان ننتبه لها وهي الانظمه والقواننين فهذه امانه يسئل عنها

كل شخص امام الله جل جلاله

فيجب ان لانحرج ربعنا في الدوائر الحكوميه في بعض الامور الخفيفه يجب ان نذخرهم

للامور الصعيبه

تقبل تحياتي

[الخيـــــل]

|189| والله ونعم بعيال عمي |194| علي الحرام اني ليا شفت واحد عتيبي تقول اني مقابل واحد من خواني

لاشك والله

[الخيـــــل]

اخي الخيل حياك الله

الحميه عند قبيلة عتيبه معروفه ومشهوره

ولافيه عتيبي ماعنده حميه للعتيبي

حتى ان القبايل الاخرى تقول العتبان حميتهم عوجا

ولكن فيه امور يجب ان ننتبه لها وهي الانظمه والقواننين فهذه امانه يسئل عنها

كل شخص امام الله جل جلاله

فيجب ان لانحرج ربعنا في الدوائر الحكوميه في بعض الامور الخفيفه يجب ان نذخرهم

للامور الصعيبه

تقبل تحياتي

صدقت وبيض الله وجهك

[كش ملك]

الخيل ياخوي وش هالعنوان؟؟ (:

داخل بدقة محيسن.....


انا بالنسبة لي اشوف ان اللي يميز نخوة العتبان انهم يسوونها ولا يمنونها يعني يعتبرونها حق وواجب... وهذي الحميا ولا فلا..

دام عزها والله

[الخيـــــل]

العذر من الله ثم منكم ياعيال عمي
كل ماسجلت عيا يدخل
اسف على التاخير بالرد

[سفيرعتيبه]

اخوي الخيل هداك الله


الحميا تجري في عروق كل عتيبي مجرى الدم ومن لافيه حميا لربعه لاخيرفيه

[مبارك الرويس]

والله العظيم اني اذا عرفت ان الشخص عتيبي ماعده الا من اخواني أخلصه أخلصه قصب او طيب واذا الحاجه عنده انشبله لين يخلصني

[نمر العتيبي]

صدقت مافيها شك فى الحمية عند عيال عمي

وبيض الله وجهك

[نـاصرالهمهم]

تسلم أخوي ولاهنت على هالسالفة وماهيب غريبة على العتبان وفزعاتهم ما هيب محدودة ومعدودة




تبا الصراحة ما كنت ناوي أرد على الموضوع بس يوم شفت تهديدك خفت وقلت في نفسي: يا ولد خلنا نرد أخاف إنه عند الباب ويدخل ويمسّني بالعجرا





أخوك/ ناصر الهمــــــهم

[روق الشمال]

اول شي اسلم على الجميع واقول
بالنسبه للموضوع الحميه هذاماهو بغريب علينا
ولله الحمد وترى احنا محسودين فيها والله عند القبايل الثانيه
كثير من زملاي في الدوام من القبايل الاخرىمستغربين
من علاقات العتبان مع بعظهم في الدوام الموظفين الكباروصغارالموظفين
كلنا يد وحده
والحمدالله اللي فرقنا عن القبايل الثانيه
وشكراااااا.

[أسامة العتيبي]

بالنسبة لي شايف الموضوع عادي
لأن هذا ماتعودناه من قبيلة عتيبة ولاهو غريب فزعاتهم لبعضهم اللة يحميهم
لأن القبيلة الوحيدة اللي تقدر الأسم والمواقف والنخوة هي قبيلتبا والمرموز لها
(( أهـــــــــل الــــــــــفزعـــــــــــــــــــات )):) :)

[عمهوج الضيط]

اللي يقدر ولا يفزع قهذا ردي

لكن فيه أشياء تلقى العتيبي وده يفزع لاكن مايقدر أو ماهي من تصرفه فيجب أن نعذره وما نقعد نهرج عنه في كل مكان بالعكس نشكره

[الخيـــــل]

تسلم أخوي ولاهنت على هالسالفة وماهيب غريبة على العتبان وفزعاتهم ما هيب محدودة ومعدودة




تبا الصراحة ما كنت ناوي أرد على الموضوع بس يوم شفت تهديدك خفت وقلت في نفسي: يا ولد خلنا نرد أخاف إنه عند الباب ويدخل ويمسّني بالعجرا





أخوك/ ناصر الهمــــــهم
تبا الصراحة
اوله ماسكها وناوي القشر ياناصر وانا اخوك :p ــ عتيبي شجاع ولاهي غريبه الغريبه عتيبي ورخمة ــ

لكن يوم اني تعوذت من الشيطان قلت في نفسي ياولد انت صاحي والا مجنون
ابك والله يالعجرا ان ياخذونها منك وعلى راسك
وجعان يوم تفكر ترفع العجرا على عتيبي :eek:
صار عندي علم ثاني وذليت ياخوك:D
الف شكر اخوي ناصر وما عاش من يرفعها في وجهك او وجه كل عتيبي

[الخيـــــل]

لكل من شارك بالموضوع كل باسمة
مهي غريبة علينا الحمية والكل وافقني الرأي ومكان عندي والله شك ولكن قلت لعل هذا المقال يكون تعريف لعيالنا على ابرز مقومات الاخوة بيننا وهي الحمية

بدوووووون استثناء

اسف لتاخري بالرد

وشكرا لكم حسن المشاركة

اخوكم الخيل