قصيده تحكي بعض وقائع شاعر المليون

[بخيت العطاوي]

السلام عليكم ورحمة الله وبركاته ،،،

اولا اهنئ للجميع ادارة ومنسوبين عودة المنتدى والعود احمد ان شاء الله ..

نتركم مع القصيده اللي تمثل راي كاتبها ...


كل له راس واذانـي وعـيـون
واللي مالـه نقـول الله يعــيــنه
نطالع الشاشة وشاعرالمليون
نوقت الجوال بساعته وحينه
نضيق ونفرح وتبان سنـون
نزعل والخطا نقول ياشينـه
ياشينهالاصارت ضحك دقون
والعلم طلع غـصب وغبـينه
الشعر ياهجاكم ياهل الفنون
في ماضي الوقت وتالي سنينه
هضمتوا حقوق وجاملتوا بلحون
وناسن توخذ شده وناسن لينه
موال موال عطنا التـلفزيون
وعطنا وعطنا وهزي يا دينه
ما بقا الا يغني ويصفقون
واللي يرقص والوسط لتحزمينه
الله يرحم قصايد ابن لعبون
ويرحم زهير و جميل بثـينـه
ويخسون والله انهم يخسون
بنقد القصايد والشعر عرفينه
شبيت الفتيل ولع الغليون
وجات المعاني دقاق و سمينه
ملعون في كتاب الله وملعون
قدام البـشر ياخراب السفينه
غزيتوا الشعر بليفه وصابون
يا ملمعين الزيف و محتمينه
ون كان تكلم عاقل سمع مجنون
قصـة مفرحه ونهايه حزينه
تضاهي المسلسلات وفلم الكرتون
من بطولة عدنان وخويته لينه
والقصايد تصرخ بين بومبه وتيمون
احـد يشد واحد يقطع بـسـكيـنه
وضاع الشعر بين سبته و بنطلون
الشعرحنا من صغرنا فاهمينه
ياسمكم الشعر بمخطر وحاجون
والحـق واضـح والكـذب يابيـنه
همكم تلفون وماهمنا التلفون
النيه الدراهم والجيب حالبـينه
نهبتوا العالم وش باقي تخلون
والجـوال ما نسمع رنـينـه
انكشفتوا وطاح غصن الزيتون
ياساترين الحق والشر جالبينه
جتكم واضحة ماهيب مدفون
حاضر بحاضر ماهيب ديـنـه
يوسف من صدق الاحساس يبكون
من نبل المشاعر سلمت يـمينه
صور لنا بغداد وحال الظالمون
قصه اركانها غايره ودفـينـه
تضحك تبتسم والظهر مطعون
من غدر غادر ولجـنة لـعينه
كل يحد سيفه وينتف من العرجون
ويكثح عليهم مايندى جبـينـه
وجيهن تستاهل السبه هاللون
وكم لحيتن على الموس حالقينه
شعاركم ما فيك حيله و مليون
اللي مضمرن في صدره ضغينه
يكتب على اللوح صفر صغيرون
و كـل عـبـد بفـعـله رهـينـه
ضاعت معاني والحان وشجون
يجزاه ربي اللي مانامت عينه
حكمتوا الغش وضيعتوا القانون
يازين الصراحة والعدل فاقدينه
تبطون عن النقد والله لتبطون
تبطون عن الشعر رسمه وتلوينه
والخاتمه صلوا يا مسلمون
على النبي وصحبته و متبعينه

ارجو من يستطيع تنسيقها لا يبلخ علينا وبالتوفيق للجميع