ضروري .. ضروري .. ضروري .. ضروري

[الرووقي]

السلام عليكم ورحمة الله وبركاته

أخواني وأبناء عمومتي وكل من يقرء هذا النص المكتوب في منتديات الهيلا

برنامج شاعر المليون / برنامج أنتهى بخيره وبشره وكلكم كنتوا تعلمون عن إدارته بكل طاقهما من نساء ورجال

ورغم هذا أنجرفتوا وماألومكم والله ولكن شي وأنتهى وخلاص " فاز فيها من عشاها عياله " ولكن أستمرار الكلام المسيء للبعض شي لايجوز والله

مطير تربطنا فيها نسابه وجيره يعني المطيري والعتيبي " خال وبناخي " وكلكم تعرفون هالشي

وإن كان الدويش أو غيره فزع لربعه " فلا خير فالشجره اللي ماتظل على أثمارها " ونعم بالدويش وفعله طيب وواجب ربعه عليه اللي سواه لهم

وإن كان أحد يبي يقول حرام ليه سوى كذا .. راح أرد عليه بقول " البرنامج كله حرام وبرنامج ربوي ميه بالميه "

ورغم هذا فزعنا .. اللي راح راح ياأخوان والحديث بالماضي نقص بالعقل

لاتظلمون الناس ياربعي ياعتيبه

الكل مبدع والكل شاعر ومبروك لمن فاز بجهده وفزعة محبيه وربعه

قولوا مبروك للفائز واكسبوا الطيب

وأبتعدوا عن المهاترات فهي لاتسمن ولاتغني من جوع

وإن كان فيكم نعره يامخلفين الهقاوي

أعزموا يوسف وسووو لكم حفل واعزموا ربعكم والناس وهذي بحد ذاتها فرحه والله

وخلوهاا ثلاث أيام فالرياض يجي البعيد والقريب ونتنومس مع ربعنا ولاهيب غريبه عليكم والله تفعلون الأكبر منها ياعتابه

ونطوي اللي راح ولانخسر ربعنا وجيراننا واخوان البعض منا بالرضاعه ونسايبنا وبنيخينا ... وألخ من مطير والقبائل الثانيه

وأتمنى الأبتعاد عن اللجنه واللجنه والكلام المأخوذ خيره .. الذمم ياأخوان فأنت محاسب ياأخي

والسلام ختام وآسف على الإطاله

[متعب الدله]

سلام عليكم

اخوي الروقي الضلم ضلمات ولا هو عيب او خطاء ان تكلمنا بهالشي والدويش اللي سواه حرام ان كان فزع وش تقول مافي الشجره خير ان ماضللت ثمرها ابدللك بحديث قال الرسول صلى الله عليه وسلم انصر اخاك ظالماً او مظلوم.

الدويش ضالم ويوسف مظلوم وعلينا ننصرهم اما بنصيحة الدويش بكلامنا وتضلمنا ونصرتنا ليوسف نصره لمظلوم وحميه وفزعه وتعصب مبااااح اكرر تعصب مباااح

تقبل مروري