الفيصل6703
18-Mar-2007, 03:24 AM
السلام عليكم ورحمة الله وبركاته
وفاء القبيله من قبيلة الوفاء لشاعرها ممثلها في برنامج (شاعر المليون) ( يوسف العصيمي) عندما صوتوا له التصويت
المميز والغير غريب عليهم والذي صعد به الى المراكز الأولى مع زملاؤه المميزين كانت لي هذه الابيات:-
بيض الله وجيه ربعي طلّعوا يوسـف غصيبـه
وانثنت لـه عنـوه الحـرّه ولـوّح وامتطاهـا
بيض الله وجيه ربعي ربعـي الهيـلا عتيبـه
عـزوةٍ وقـت الله الله ماتخيّـب مـن نخاهـا
عـزوةٍ فالماقـف الغصّـاب وقفتهـا رهيبـه
تحتمـي ميقافـهـا والله بتوفيـقـه حمـاهـا
فزعة ابن سعود فزعتهـا ماهـي والله غريبـه
لـن دعاهـا داعـي الدّاعـي تعدّيهـا يداهـا
السيوف اللامعه تضـرب وضربتهـا عطيبـه
كم صدورٍ ساعة الهيجـا تخبّـط فـي دماهـا
ياعتيبـه ياعتيبـه مابـهـا شــك وريـبـه
انتم أهل الأوله واللـي وراهـا مـن وراهـا
يامطوّلـة الرقـاب ويامهـوّنـة الصعيـبـه
ويامقصرة الرقـاب اللـي تعـدت مستواهـا
يامقربةالبـعـيـد ويامـبـعـدة القـريـبـه
ماعليكم من زعل بعض النفـوس ولا رضاهـا
ماعلى الوقفه حجاب ولا على الفزعه ضريبـه
ومن عطانا نصهـا ياخـذ بعـون الله ملاهـا
سطرّوها ملحمـة تاريـخ يالـروس المهيبـه
لين تقنع كـل نفـسٍ غيّهـا غثـرب صفاهـا
الوفـا والعـز والرفعـه لنـا حـظ وكسيبـه
ومن وهايب واحدٍ سيّر نجومـه فـي سماهـا
اكتسبناها بحـدّ السّيـف بسنيـن(ن) عصيبـه
السنين اللي على مـوت بقـا يـدرج رحاهـا
واكتسبناها بنصـرة قايـد اصفـوف الكتيبـه
الملك عبد العزيز اللـي علـى العليـا بناهـا
والنّعـم مليـار فيكـم يامطـوّعـة النجيـبـه
يامقابيس الظلام النـار تحـرق مـن وطاهـا
ياطحاطيـح الرجـال اللـي لخالقهـا منيبـه
لو كتبنا الفين بيـت وبيـت مانلحـق جزاهـا
وبيض الله وجه يوسف له مع اهل العرف هيبه
هيبته هيبـة بطـل كـل المواقيـف احتماهـا
ايه ابن رزّاق فـارس للمغـازي ينغـزي بـه
لن طعن يجـرح جـروحٍ مايداويهـا دواهـا
ياعريب الأصل والمنسب من القـوم العريبـه
ابشر بعزك ومـن دوّر علـى حاجـه لقاهـا
وان خطا المليون حظك عندنا ماهـي مصيبـه
عندنـا تشريفـك العتبـان غايتهـا ومنـاهـا
ربعك الهيـلا ماترضـى بالهزيمـه والغليبـه
الحصون اللي تذرّي مـن تـذرّا فـي ذراهـا
لطمة العايـل طلبهـا للمطالـب مـن طليبـه
وذبحة الحايل كرم وأهل الوفا نوفـي وفاهـا
ولو على المليون فابشر من على خشمي لاجيبه
من يدين اطرف عتيبي ثروته لاجلك صخاهـا
لا تفكر فيـه ابـد يافـارس الشعـر وأديبـه
فكر بآخر قصيـده ويـن ياصـل بـك مداهـا
حطها بين الضلوع وحطهـا جـوف التريبـه
خلنا طـول السنيـن المقبلـه معـك نحداهـا
هاتهـا مثـل السمـوم وشبهـا مثـل اللهيبـه
مثل الاولى (ثور ينطح ثور) يامطيب صداهـا
وسلامتكم
الشاعر(( صالح وصل العصيمي )) مشرف الحاوره في منتدي النداوي
وفاء القبيله من قبيلة الوفاء لشاعرها ممثلها في برنامج (شاعر المليون) ( يوسف العصيمي) عندما صوتوا له التصويت
المميز والغير غريب عليهم والذي صعد به الى المراكز الأولى مع زملاؤه المميزين كانت لي هذه الابيات:-
بيض الله وجيه ربعي طلّعوا يوسـف غصيبـه
وانثنت لـه عنـوه الحـرّه ولـوّح وامتطاهـا
بيض الله وجيه ربعي ربعـي الهيـلا عتيبـه
عـزوةٍ وقـت الله الله ماتخيّـب مـن نخاهـا
عـزوةٍ فالماقـف الغصّـاب وقفتهـا رهيبـه
تحتمـي ميقافـهـا والله بتوفيـقـه حمـاهـا
فزعة ابن سعود فزعتهـا ماهـي والله غريبـه
لـن دعاهـا داعـي الدّاعـي تعدّيهـا يداهـا
السيوف اللامعه تضـرب وضربتهـا عطيبـه
كم صدورٍ ساعة الهيجـا تخبّـط فـي دماهـا
ياعتيبـه ياعتيبـه مابـهـا شــك وريـبـه
انتم أهل الأوله واللـي وراهـا مـن وراهـا
يامطوّلـة الرقـاب ويامهـوّنـة الصعيـبـه
ويامقصرة الرقـاب اللـي تعـدت مستواهـا
يامقربةالبـعـيـد ويامـبـعـدة القـريـبـه
ماعليكم من زعل بعض النفـوس ولا رضاهـا
ماعلى الوقفه حجاب ولا على الفزعه ضريبـه
ومن عطانا نصهـا ياخـذ بعـون الله ملاهـا
سطرّوها ملحمـة تاريـخ يالـروس المهيبـه
لين تقنع كـل نفـسٍ غيّهـا غثـرب صفاهـا
الوفـا والعـز والرفعـه لنـا حـظ وكسيبـه
ومن وهايب واحدٍ سيّر نجومـه فـي سماهـا
اكتسبناها بحـدّ السّيـف بسنيـن(ن) عصيبـه
السنين اللي على مـوت بقـا يـدرج رحاهـا
واكتسبناها بنصـرة قايـد اصفـوف الكتيبـه
الملك عبد العزيز اللـي علـى العليـا بناهـا
والنّعـم مليـار فيكـم يامطـوّعـة النجيـبـه
يامقابيس الظلام النـار تحـرق مـن وطاهـا
ياطحاطيـح الرجـال اللـي لخالقهـا منيبـه
لو كتبنا الفين بيـت وبيـت مانلحـق جزاهـا
وبيض الله وجه يوسف له مع اهل العرف هيبه
هيبته هيبـة بطـل كـل المواقيـف احتماهـا
ايه ابن رزّاق فـارس للمغـازي ينغـزي بـه
لن طعن يجـرح جـروحٍ مايداويهـا دواهـا
ياعريب الأصل والمنسب من القـوم العريبـه
ابشر بعزك ومـن دوّر علـى حاجـه لقاهـا
وان خطا المليون حظك عندنا ماهـي مصيبـه
عندنـا تشريفـك العتبـان غايتهـا ومنـاهـا
ربعك الهيـلا ماترضـى بالهزيمـه والغليبـه
الحصون اللي تذرّي مـن تـذرّا فـي ذراهـا
لطمة العايـل طلبهـا للمطالـب مـن طليبـه
وذبحة الحايل كرم وأهل الوفا نوفـي وفاهـا
ولو على المليون فابشر من على خشمي لاجيبه
من يدين اطرف عتيبي ثروته لاجلك صخاهـا
لا تفكر فيـه ابـد يافـارس الشعـر وأديبـه
فكر بآخر قصيـده ويـن ياصـل بـك مداهـا
حطها بين الضلوع وحطهـا جـوف التريبـه
خلنا طـول السنيـن المقبلـه معـك نحداهـا
هاتهـا مثـل السمـوم وشبهـا مثـل اللهيبـه
مثل الاولى (ثور ينطح ثور) يامطيب صداهـا
وسلامتكم
الشاعر(( صالح وصل العصيمي )) مشرف الحاوره في منتدي النداوي