كــون المجمعة [الأرشيف] - الهيـــــــــــــلا *** منتدى قبيلة عتيبة

مشاهدة النسخة كاملة : كــون المجمعة

ابو شاكر

10-Jun-2003, 01:58 AM

مناخ المجمعة

مناخ المجمعة كان بين الملك عبد العزيز تسانده قبيلة عتيبة وقبيلة مطير ، والسبب في هذه المعركة هو خروج الدويش
عن طاعة الملك عبد العزيز فتوجه إليه الملك عبدالعزيز بعتيبة الد أعدائه والتي كانت فرس السبق عند الملك عبدالعزيز .
واستطاع الملك عبدالعزيز وعتيبة هزيمة الدويش هزيمة قاسية اضطر الدويش فيها إلى الهرب والأ لتجاء إلى خلف اسوار مدينة المجمعة بعدما قتل فرسان مطير وأخذ ت ابل الدويش ، واضطر بعدها مرغما على طلب العفو من الملك عبد العزيز .
والحقيقة ان المعركة الحقيقية كانت بين عتيبة ومطير ، وكانت عتيبة في هذه المعركة ترد على مطير و هجومها على عتيبة قبل هذه المعركة في رضيمة المستوي عام 1324هــ والتى لم تخسر فيه عتيبه الشيئ الكثير سوى ذود لأحد الثبتان ، ولكن الذي أعطى هذه الكون اكبر من حجمه هو قصيدة الشاعر حنيف بن سعيدان والتي يقول منها :
يــاشيــخ مــالك حــليٍ مــع الناس ****** كــونك صباح وكـون غـيرك نهـابة
وقد رد عليه الشاعر سلطان المريبض بعد مناخ المجمعة بقصيدة التي يقول منها :
لـيــا جـــاك طـرقــي العتـيـبـي بـعــد يـــاس ***** يـنـشـد عــــن الـعـتـبـان صفوة شـبـابــه

وقد كانت هذه المعركة خسارة كبيرة لقبيلة مطير ، فقد خسرت ثلاثة من أبرز فرسانها وهــم :
(1) حسين بن الجبعا الدويش
(2) حسين بن شوفان
(3) محسن بن زريبان
والذين قتلوا هؤلاء الفرسان من عتيبة هم :
(1) الفارس الشيخ مرزوق بن وبصان شيخ قبيلة الغنانيم
(2) الفارس الشيخ عــقاب بن ربيعان
(3)الفارس راكان بن عبدالله بن صلما الثبيتي
وقد أصيب في هذه المعركة الشيخ فيصل الدويش والفارس بندر الدويش ، كمـا استولى فرسان عتيبة على الودايع والمعيد
وهــي رعيتان كبيرتان للـدوشان ، كما غنم الملك عبد العزيز ابل فيصل الدويش وهي الشرف .

سنحاول الآن التعرف على احداث هذه المعركة في ضوء المصادر التاريخية الموثوقة وما يساندها من الموروث العامي من أشعار وروايات :

قال المؤرخ ابراهيم القاضي :
" كان فيصل الدويش عند اغارة ابن سعود على شمر( باين شينه) ويضهر عليه التضجر من عبد العزيز بن سعود
وهمّ ابن سعود بقتل فيصل الدويش وإذا قومه الذي معه من البادية مطير وعتيبة ؟؟ ثم أحضر كبار العرب وقال وش ترون؟ وهو مدخل العلم مع محمد بن حميد وكبار عتيبة. وقالوا ما لك إلا تنكف. ابن رشيد دخل ديرته، وشمر هجوا، وأنت لاحق عليهم، قال انكفنا. ثم انكف القوم. والمقصد نكوفة مطير لا ينذرون. وواعد عتيبة يلتوون من قفا القصيم
ووعدهم الأسياح.. ثم ركب ابن سعود وسار مجنب يزعم أنه منكف لديرته ثم عارضوه عتيبة وعدا في فيصل الدويش وأغلب علوى معه هاك الوقت. انتذر الدويش، وزبن المجمعة وهي في هاك الوقت قوم لابن سعود، ونزل تحت
الجدار ، وظهروا أهل المجمعة مساعدين الدويش .؟ ابن سعود زتّها عليهم، وتهيا ملحمة وكون جيد، وكسرهم ابن سعود، وحجرهم داخل الجدار: البدو والحضر والطالعي أخذه كله. صوب فيصل الدويش صواب شين، والذي صوبه فاجر ولد شليويح. ثم انكف ابن سعود ودخل ديرته في ربيع آخر سنة 1325هـ." اهـ . ( 1 )

قال الدكتور عبدالله بن عثيمين في كتاب تاريخ المملكة:
" وانطلق الملك من بريدة حيث انضمت اليه فئات من قبيلة عتيبة بقيادة محمد بن هندي . وعلم الدويش بتحركهم
نحوه ، فمضى إلى بلدة المجمعة ، وعسكر خارجها . ودارت بين الطرفين معركة ضارية جرح خلالها الدويش ، واضطر اتباعه ومن انجدوهم إلى د خول البلدة والأحتماء بأسوارها . وكسب الملك ومن معه ماكان خارجها من إبل مطير وأمتعتها . ثم طلب زعيم مطير العفو من الملك ، فعفا عنه . وكانت تلك المعركة في الثالث والعشرين من ربيع الأول عام 1325هــ "
وفي الهامش الثاني في نفس الصفحة تعليقاً على جرح الدويش " يقول الذكير ( نسخة خاصة ، ص80 ) : إن الذي جرحه وألقاه من ظهر جواده فاجر بن شليويح . ويورد تفصيلاً عن مبارزتهما . ويذكر ذلك القاضي ،ص27 ( 2 )

قال ابوعبدالرحمن ا لظاهري مجلة العرب ج 11و12 سنة 1402هــ
" ولشليويح العطاوي ولد فارس اسمه فاجر قتلته سبيع في واديها رغم انه هزمها .
وقد شرب فنجال فيصل الدويش في حرب المجمعه رمز لتعهده بقتله واصابه بشلفا اخترقت جسمه ورغم هذا شفي منها "
وذكر رئس مركز عبلاء الشيخ خالد بن مشعان بن فاجر بن شليويح العطاوي بجريدة الرياض أن ماذكرة العصيمي بروايته أن جدي فاجر بن شليويح العطاوي ضرب فيصل الدويش بشلفاء في ظهره مخالف للحقيقة وقصته بالبندقية وليس بالشلفاء المصدر جريدة الرياض عدد 10148 الصادرة يوم السبت 18/ 11/ 1416

قال الشيخ مرزوق بن وبصان شيخ الغنانيم من ذوي عطية من الروقة في كون المجمعة حينما قتل الفارس الشيخ حسين بن الجبعا الدويش :
خل الرمك تاطى على ابن الجبعا ***** لو كان خيال ودويش
من عقبنا تمسي الضرايا شبعا ***** والطير نرمي له وليش

وقال الشاعر نامي بن ثعلي العضياني في قصيدة طويلة في :

جازوك با للي فات ذ خر محصن ***** بالكون الأول واوتلم للثاني
كـــون عليكم غـــايب شيـــطانه ***** يا مرضعة شبابة الضياني
كله لعام كونكم با لملحا ******** هذا خلاص الدين للدياني

وقبل مناخ المجمعة قال الشيخ فيصل الدويش يحدو ويتحدى عتيبة :

يا واصلن مني الدوشــــان ****** لباسة الجوخ الجديد
والله لطارد سربة العتـبا ن ****** وش عاد لوني وحيد

وبعد المعركة رد عليه الشيخ ذعار بن مشاري بن ربيعان وكان رداً أدبياً بعد الرد القاسي في ميدان المعركة :
يا طارش مني لأبن سلطان**** حرٍ مقانيصه بعيد

كان يتمنى سربة العتبان **** يبشر بها علم وكيد

يبشر بخيل فوقها فرسا ن**** بيدينهم صافي الحديد

من فعلهم عينت ابن شوفان ***** وحسين حماي البليد

وبندر رموا به داخل الميدان**** وهو على السنة وكيد

والبل خذيناها با لحيطان ***** وخذنا الودايع والمعيد ( 5)

وقال الملك عبد العزيز يخاطب فيصل الدويش بعد المعركة :

وش انت خابر يانفيش ***** المـــجـــمعة خــليتــهــا
يومك تتقي بالعريش ***** والشرف ما فكيتـــــها
من فعلنا قلبك خريش***** والمــرجــلة خــليتــها
كلٍ يلومك يا ا لدويش***** مــن ذ لــة ذ ليتـــهــــا ( 6)

ويقال انه دخل الفارس الشيخ فاجر بن شليويح مجلس الملك عبد العزيز وكان في المجلس مجموعة من شيوخ القبائل ومن ضمنهم الشيخ فيصل الدويش ، فرحب الملك بفاجر وأ جلسه بجانبه وحول حديث المجلس إلى فاجر ، فقال الشيخ فيصل الدويش : من هذا الرجل اللي راحت له السوالف عــنــا ، فرد عليه الملك : هذا فاجر بن شليويح ، فقال الدويش : هذا فاجر بن شليويح العطاوي هذا اللي ما غــيــر دقن وعين ، فقال فاجر : نعـم واطلب من الله ان يجمعنا على ظهور الخيل حتى تشوف فــعــلي ، فقال الدويش : بـيــنــي وبـيــنــك الله
وفـي كــون المجمـعـة بـيـن المـلـك عـبـد العـزيـز ومعه عتيبة من جهة والدويش ومن معه مـن جهـة،وكـــان فــاجــر يــــردد هــــذه الــحــداه:

حـمـر[ن]مــغــذاة[ن] بـــــــزاد الــبــيـــت ****** وأذبـــح لـهــا الـشـتــوي مــــن الـحـيــران
لــيـــا لـبـسـوهــا لـلــطــراد وجـــيـــت ******* بـنــطــح عـلـيـهــا ســربـــة الـــدوشـــان
وابـــــا عـلـيــهــا كــــــل مــانــويــت *********انــطــح بــهــا فـيـصــل ولــــد سـلـطــان
والله لا حــــــط بـخــشــمــه الـحـلـتــيــت ******** بــكــره لــيــا جــــاء لـلـرمــك مــيـــدان
ويــامــا عــلــى تــــال الــرمــك عـيـيــت ******** مـــن فـــوق حــمــر[ن] كـنـهــا الـشـيـهـان

بعـد كـون المجمعـة وبعـد ان اصـاب الشـيـخ : فـاجـر الشيخ فيصـل بـن سلطـان الدويـش كـان سلطـان المربيـض الرويـس العتيبـي فـي الكـويـت ويتحـرى الأخبـار عـن الملـك عبـد العزيـز رحـمـه الله وقبيلتـه عتيبـه واذا بالطراقـي فنطـلـق لــه مسـرعـاً وطـلـب مـنــه العلوم ،وأخـبـره بـمـا حــدث فـقــال هـــذه القـصـيـدة:

لـيــا جـــاك طـرقــي العتـيـبـي بـعــد يـــاس ***** يـنـشـد عــــن الـعـتـبـان صفوة شـبـابــه
ماعـــد ك يــــم الهضبة اللي بها ا رواس ***** الـــلي يـــرد بـــها الشـــعرا جـــوابــــــه
لا جيت هــا ك الدا ر تلقى بها اونا س ****** امـــا دبــش والا تــواجـــه عـــتــابــــــه
يتلــون ابن هندي حــمى قـــب الأفراس ****** لا قـــام يــنخى و الـــرمك فــي انحطابــه
يــثــنــي جــواده للـــمــتــلـين نـــكــاس ***** وكــــم واحـــد مــن غـــرقـــة الموت جابه
ويـــوم اـرضــيمـة لــهست ذيب الامراس ***** وحـــتى ا يش يــاذود وخـــذ لـــه نــهــابة
وردوا عــليه عـليه موردة كـــل مـنساس ***** وتفا ولوا بحسين ذيب الذيابة الـذيــابــه
وقــفــــوه ابن شـــوفان خــلي بلا راس ***** ومحســـن عــليه الــترف شــقــق ثــيابه
وبنــدر كســير وجــنب البوش الاجنا س ****** وفــي غرس ابن عولة يذكزر وزى به
فـيـصـل بسـيـفـه ضـربـتـه تـشـلــخ الــــراس ***** تـنــاوشــه فــاجـــر ومــكـــن صــوابـــه
زبن عـلـى الـلــي تـثني الـذيــل والـــراس ***** وفـتــح لـــه العـسـكـر عـقــب صـــك بـابــه
ابـــا الـفـراسـه جــــاه فــــراس الأفــــراس ***** عــصــاه لــيــن انــــه تـقـطــع عـقــابــه
بــــدل هــديـــره بـالــرغــى والـتـفـحــا س ***** حـــدر عــــن الـمـسـنـاد ، يــــم اللهابــــه

الهوامش :
(1)ابراهيم القاضي ، تاريخ نجد ، صـــ 27
(2)عبدالله بن عثيمين ، تاريخ المملكة ،ج 2 ،112
(3)ابوعبدالرحمن ا لظاهري ، مجلة العرب ج 11و12 سنة 1402هــ
(4) لقاء مع خالد بن مشعان بن فاجر بن شليويح العطاوي ، جريدة الرياض عدد 10148 يوم السبت 18/ 11/ 1416
(5)برواية الشاعر كديميس العصيمي
(6)احمد فهد العريفي ، حداء الخيل ، صــ22

ابن مشيب

10-Jun-2003, 02:33 AM

جهد عظيم تشكر عليه يابو شاكر , بيض الله وجهك على هذة اللمحة التاريخيه.

ابو غازي

10-Jun-2003, 02:52 AM

بيض الله وجهك يابو شاكر :)

والموضوع مثبت لأهميته...

ابو فراس

10-Jun-2003, 07:01 AM

مشكور يابو شاكر وهذي والله العلوم اللي تنومس

وامل ان تسمح لي بهذه المداخله : الحداه التي ذكرت والتي تقول

ياطارشٍ مني للدوشــــان******** لباسة الجوخ الجديد

والله لطارد سربة العتبان******* وش عاد لوني وحيـد

هي للشيخ فارس مطير على الاطلاق في زمنه/ تريحيب بن بصيص. وهي كالتالي

ياطارشٍ مني لبو سلطان ******* ومناحي حماي البليد

والله لطارد سربة العتبان******* لوكان خلوني وحيــد

ابوسلطان هو:ـ الشيخ محمد بن هندي بن حميد

مناحي هو:ـ الشيخ مناحي بن خالد الهيضل

هذا ما أوردته بعض المصادر مثل كتاب العصيمي شعراء عتيبه وماسمعته من رواة

عتيبه

ولدي بعض الإضافات على الموضوع اذا سمحت و سأوردها لاحقاً ان شاء الله واخيراً تقبل

تحياتي,,,,

الخنفري

10-Jun-2003, 01:55 PM

الاخ ابو شاكر
لاهنت على هالسالفه
ولكن حول قصيدة سلطان المريبض ينقصها كم بيت
يوم الرضيمة لهست ذيب الامراس ... وحتيش لو ذودٍ اخذ له نهابه
جازوه حمران النواظر بدباس .... دباس جمع غادي له ضبابه
نوخ وظهر وانتشل كل عباس ... وجفير سيفه من شماله رمى به

الى الاخر القصيده
دوشان ما فيهم من الذم وسواس ... مير العتيبي هس فيهم بنابه
وحول احدية فيصل الدويش فقد وجهها عندما رفض الدوشان الاشتراك في وقعه الرضيمه
ياواصل مني الي الدوشان ... لباسة الجوخ الجديد
والله لطارد سربة العتبان ... وش عاد لو اني وحيد
واني لطارد جيش ابو سلطان .. ومناحي حماي البليد
صفراي اضريها على الدخان .. والله يفعل مايريد

وسلامتكم

ابو فراس

11-Jun-2003, 02:29 AM

السلام عليكم تعقيباً على مانشر:ـ

اولا :ـ هي حداه وليست قصيده وهناك فرق وهي كما ذكرت وهي

لترحيب بن بصيص نقلا عن عدة مراجع منها العصيمي (شعراء عتيبه) ج2 ص642

الطبعه الاولى والظاهري وكذلك اللقاء الذي تم في مجلة المختلف مع احد ال بصيص

وبالامكان الرجوع اليها بالاضافه لمايرويه لنا كبار السن

ثانياً هي كما ذكرت ولكن اخوي الخنفري جزاه الله خيرا خلط بينها وبين احديات اخرى

حيث ذكر الخنفري في مشاركته وفي البت الرابع من الحداه

صفراي اضريها على الدخان........ والله يفعل مايربد

واقول في ردي والله المستعان:ـ

الشطر الاول من البيت اعتقد بانه من حداه لناصر بن عقيل من الدعاجين في مناخ

عرجا ولست متأكد وسأبحث عنها

اما الشطر الثاني ( والله يفعل مايريد) فقد اورده العصيمي حرفياً بالمصدر السابق ص 716

كالتالي:ـ

نقل الموارث مابها نوماس......... رمية شرودٍ من بعيد

علي ظف احبالها للراس .......(( والله يفعل مايريد))

وقال انها لمناحي الهيضل وهناك من ينسبها لابن هندي

هذا مالزم ايضاحه وللجميع التقدير

الرائد

11-Jun-2003, 11:43 AM

أود هنا أن أشكر أبا شاكر على سرده لهذه الوقعة وأريد أن أصحح اسم الفارس راكان فاسمه الصحيح هو : ( داثان بن عبدالله بن صلما وهو من الشقران من ذوي ثبيت ) وكان لا يركب فرسه في المعارك الا وهو أجرد وعزوته (( خيال البويضا داثان))

الخنفري

11-Jun-2003, 02:02 PM

الى الاخ المتنبي
مساك الله بالخير
وحول ذكري للاحديه فنحن لا نتكلم من فراغ
فنظر الي كتاب شعراء عتيبه الطبعه الثانيه ج2 صفحه 287
لمحمد بن دخيل
وستجد السالفه موضحه وبالنص
فيكف يقول تراحيب بن بصيص
ياواصل مني للدوشان ....... لباسة الجوخ الجديد
والله لطارد سربة العتبان ... وش عاد لو اني وحيد
واترك الحكم للاخوه
وسلامتكم

راكد وفهمان

11-Jun-2003, 02:17 PM

وقال الشاعر نامي بن ثعلي العضياني في قصيدة طويلة في :

جازوك با للي فات ذ خر محصن ***** بالكون الأول واوتلم للثاني
كـــون عليكم غـــايب شيـــطانه ***** يا مرضعة شبابة الضياني
كله لعام كونكم با لملحا ******** هذا خلاص الدين للدياني

ابو فراس

12-Jun-2003, 04:18 AM

الاخ الكريم الفاضل/ الخنفري

انا لم اقل انك تتكلم من فراغ ولايحق لي هذا اطلاقاً

ولكني لم اقل ايضاً ان ترحيب قال

ياواصل مني للدوشان................. الخ الاحديه

وانما قلت انه بالامكان الرجوع للحداه وأشرت للمصدر

و هنا سأوردها من مصدرين وان شئت بحثنا عن اكثر والله يعيننا وكله يهون علشان تاريخ عتيبه

1ـ ذكر العصيمي في شعراء عتيبه ج2 ص 642 مانصه :ـ

ياطارش مني لبو سلطان **** ومناحي حماي البليد

والله لطارد سربة العتبان**** لوكان خلوني وحيد

وقال بأنها لتريحيب بن شري .

2ـ ذكر الشيخ /نواف بن غلاب بن بصيص في مجلة المختلف العدد 134 سنة 2002م وعند سؤاله

عن شعر تريحيب ذكر هذه الاحديه :ـ

ياطارش مني لبو سلطان ****** مناحي حماي البليد

والله لطارد سربة العدوان ***** وكان خلوني وحيد

صفراي مضريها على الدخان*** والله يفعل مايري

انتهى هنا كلام لبن بصيص..

هذا وقد رد على تريحيب حاد من عتيبه لست متأكد من اسمه بقوله

ياللي تمنى سربة العتبان ***** ابشرب بهم علمٍ وكيد

ابو سلطان هو الشيخ محمد بن هندي

مناحي هو الشيخ مناحي الهيضل

هذا ما أردت إيضاحه والله من وراء القصد وتقبل كل شكر ومحبه

الخنفري

12-Jun-2003, 11:36 AM

الاخ الفاضل | المتنبي
ياخي العزيز انت وانا لم نلحق على ذيك الايام ولكن نجتهد في سبيل ايصال المعلومه صحيحه من خلال مصادر الكتب او الرواه الملمين به السوالف
ولكني وجتك تناقض نفسك من خلال اخر رد لك والرد اللي قبله
وقلت عني اني خلطت في الاحديات (اللي منها والله يفعل مايريد)
واجدك الان تكتبها
ذكر الشيخ /نواف بن غلاب بن بصيص في مجلة المختلف العدد 134 سنة 2002م وعند سؤاله

عن شعر تريحيب ذكر هذه الاحديه :ـ

ياطارش مني لبو سلطان ****** مناحي حماي البليد

والله لطارد سربة العدوان ***** وكان خلوني وحيد

صفراي مضريها على الدخان*** والله يفعل مايري

انتهى هنا كلام لبن بصيص..

واليك رد ذعار بن مشاري بن سلطان بن ربيعان
ياواصل مني لبن سلطان ...حرٍ مقانيصه بعيد
كانه تمنى سربة العتبان ... يبشر بهم علمٍ وكيد
خيل تنازى فوقها فرسان ... وبايمانهم صاف الحديد
مع دربهم عينت ابن شوفان .. وحسين حماي البليد
وبندر رموبه باوسط الميدان .. ومحسن بعد مثله فقيد
الابل اخذناها من الحيطان .. جبنا الودايع والمعيد
واظن ان بن سلطان هو فيصل الدويش وليس تراحيب بن شري
فكيف يخاطب تراحيب بقول بن سلطان
واولا واخير انا اشكرك يالمتنبي حول هذا الحوار الشيق
وللحديث بقيه

ابن داعج

14-Jun-2003, 08:29 AM

انا معك وانا اخوك القصيده لمناحي يااخوان ولا تنسبونها بالغلط
وهذا معروف عند قبائل نجد

ابوعتب

15-Jun-2003, 06:44 PM

داثان هو اللي عياله بالفحيحيل؟؟؟؟؟؟؟؟؟؟

ابو شاكر

16-Jun-2003, 12:54 PM

أشــكر جميع من تفاعل مع هــذا الموضوع وأقول وبالله التوفيق :
بالنسبة للقصيدة التي قيل أ نها للشيخ فيصل الدويش فأنا إعتمادي على رواية الشاعـر كد يميس العصيمي وهو شاعــر بليغ وراوية متمكن ، وأنا لا أنــكر أن هناك قصيدة للفارس تريحيب بن شري ولكن هناك لبس في قصيدة الشيخ ذعـار بن ربيعان التي قيل إنها رد على قصيدة تريحيب بن شري وهي في الأساس رد على قصيدة الشيخ فيصل الدويش ورواية الشاعر كد يميس العصيمي للقصيدة ونسبتهـا للـشيـخ فيصل الدويش يعضدها عدة اشياء هـي:
في قصيدة الشيخ ذعـار بن ربيعان ذكرت أحداث تاريخية وقعت بعد وفاة الفارس تريحيب بن شري و هي مقتل مجموعة من فرسان وشيوخ قبيلة مطير وهـم :
(1) حسين بن الجبعا الدويش
(2) حسين بن شوفان
(3) محسن بن زريبان
وإصابة كل من :
(1) الشيخ فيصل الدويش
(2) الفارس بندر الدويش
وهذه الأحداث التاريخية وقعت في مناخ المجمعة عام 1325هـــ ، وقد ذكرها الشاعر سلطان المريبض في قصيدته التي رد فيها على الشاعــر حنيف بن سعيدان التي قالها في كون الرضيمة عـام 1324هــ 0
هذه الأحداث وقعت بعد وفاة الفارس تريحيب بن شري بثمان سنوات فتريحيب توفي عــام 1317هــ ،حسبما ذكر ذلك ابن بليهــد 0
فكما رأينا فإن قصيدة الشيخ ذعـار بن ربيعان ذكرت أحداث حصلت بعــد وفاة الفارس تريحيب بن شري بثمان سنين ، فمن غـير المعـقـول أن يرد الشيخ ذعـار بن ربيعان على قصيدة قيلت قبل ثمـان سنوات 0
هــذا ودمتم سالمين مـع تحيات ابو شاكر

ابن جدعــان

18-Jun-2003, 10:19 AM

ابو شاكر.

بيض الله وجهك.

مشكور على الكلام اللي عليه العلم،

ومشكور على هذا الجهد.

ونحن في انتظار طرح موضوع جديد بنفس القوه.

الباحث

25-Jun-2003, 03:44 AM

مناخ ؟؟ أنا خابر هنا ناس يعرفون بالتاريخ وينهم ؟

أكيد ماهو مناخ يليت يعدلون العنوان لأنه خطأ شنيع منذ متى كان للملك

عبدالعزيز مناويخ ؟!

التوت و النبوت

25-Jun-2003, 08:33 AM

أعتقد الأخ الباحث معه حق ... ماحدث كون وليس مناخ ... والله أعلم .

عين العقل

06-Jul-2003, 05:08 PM

خل الرمك تاطى على ابن الجبعا ***** لو كان خيال ودويش
من عقبنا تمسي الضرايا شبعا ***** والطير نرمي له وليش

.
.
.
.
.
.
.
. . . . . . . . . . . . . . . . |4|

عين العقل

06-Jul-2003, 05:09 PM

الله يلوم من يلومني فحبكم ياعتابة .... :)

ابو فراس

13-Aug-2003, 03:25 PM

المجمعه معركه وليست مناخ كما نعلم
واشكر من اشار لهذه النقطه

الامير

12-Sep-2003, 11:13 AM

ما دري ليش العتبان يفتخرون بكون المجمعه على العلم انهم مرتزقه تحت بيرق
بن سعود وكان مع بن سعود كثير من الباديه

على العلم ان كان مع الدويش اربعين خيال عندما واجهو الجيش
يقول الامير زعيم حركة الاخوان فيصل الدويش حداء:

جانا الجذوعي شايف له شوف ******* ومروعه ولد الامام

جانا بقومان الوف ****** وحنا اربعين بتمام

ما نضرب الا بسيوف ***** الي يقصن العظام

لعيون شقح يرتعن الخوف**** وسود يشادن الظلام

يعني عتيبه في كون الجمعه تحت بيرق بن سعود و بصحيح مرتزقه

يقول الشاعر:

ورجل مايفخر الا في فعول تنتميله******** والعرب جهلها تعقل ليمنا جهلنا

لين اخلي لك زميل السو يلعن في زميله**** تبت ايدين اخذن منا الفخر ولا عطنا

كحيلان

12-Sep-2003, 12:00 PM

لو كان هذا الكون هو الوحيد الذي انتصرت فيه عتيبه لقبلنا كلامك, ولكن يظهر لنا من ردودك انك لاتفهم ولاتعرف ولم تسمع عن المعارك اي شيء الا اذا وقعت بالصدفه بين يديك.

هل سمعت عن طلال.......

"كلنا عيال قريه وكلنا يعرف خيه"

عين العقل

12-Sep-2003, 12:44 PM

كحيلان ... هي طلال بس ... !!!!!
العالم ذولي ممتهننين الأرتزاق طوال تاريخهم ...
خذ عندك ... وقعة ركبة 1210 هج مع صاحب شقرا ضد عتيبة (( وراحت عليهم هزيمة )) ... طلال الثانية 1290 هج مع الأمام (( وراحت عليهم هزيمة )) ... الضال 1292 هج مع الأمام (( وراحت عليهم هزيمة )) ... حتى حرب أستخدمتهم كمرتزقة في كون الرشاوية 1327 هج (( وراحت عليهم هزيمة )) ... ... ... ... ألخ

بس الفرق بين فريس عتيبة ومرتزقة مطير ... أن عتيبة ساطين ... لافزعوا لأحد رفع الله رايته ونصره ... بينما مرتزقة مطير .. (( نكبة )) ... محدن أستفزع فيهم .. وعين خير ... (( غراب بين )) الله لايطرح لنا حظ ....

يالمطاري ... أذا سوالف الأرتزاق والمرتزقة ... تعجبك ... عادي ... نفتح ملفات بعض ناس ... ونشوف وش كتب عنهم الأجانب .. (( الي تقول بنستشهد فيهم)) ... صدقني يجيك أحباط ... وممكن تنتحر !!!!!! ههههههههههه

وبعدين وش تاليتها معكم ... كل مادخل رخمة من عندكم قام يسب عتيبة وفي مجالس عتيبة ... لاتخلونا نتكلم ... ترى (( للصبر حدود )) ...

الخنفري

12-Sep-2003, 01:27 PM

الاخوه الكرام
انت تحاورون لكم شخص والعياذ بالله يعاني من نقص
الله يرفع عنه ولايبلانا
وبس ينسخ من منتداهم يحسب انهم بسرون حاله في ردودهم

الله واكبر عليك الحين صرنا مرتزقه :D:D

الامير

12-Sep-2003, 05:49 PM

يا.......... انت وياه انا اقولك ليش تفتخرون بكون المجمعه لا تلف وتدور

وبعدين يقول حنا نسب العتبان ليش علشان قلت مرتزقه

(والخطا لو منك مني الاعتذار )

عين العقل

12-Sep-2003, 06:34 PM

يامطيري ....... ( مانيب قايل يا ...... مثلك , لأن كونك مطيري ... فهذا يكفي !! )
صلب الموضوع ...تاريخ وتوثيق ... ماهو ليش تفتخرون والا ماتفتخرون !!
والدور والباقي على الي يزورون التاريخ ( ببلاهة وعبط مكشوفان ) ويقلبون الهزيمة نصر ... ويفتخرون فيها !!!!
أما كونك سبيت والاماسبيت ... فترى الوضع عادي ... لأنك يوم تسب سواء بتصريح أو بتلميح ... تعطينا فرصة نرد بنفس الأسلوب ... بس بذكر حقائق ...(( لين تورط)) ...!!

عين العقل

12-Sep-2003, 06:44 PM

وبهذي الطريقة ... ممكن جدا تتعلم الأدب , أذا ماهوبطيب .... غصب ... !!!!!
عسانا بس نكسب فيك أجر ... !!!!!! هههههههههه

عين العقل

12-Sep-2003, 06:56 PM

وبعدين الدويش والي معه ماكانوا أربعين ...أهل المجمعة كانوا فازعين للدويش ...
أرجع وأقراء النصوص التاريخية المحايدة وش تقول ...... (( بطلوا تزوير !! ))
وبالمناسبة , كون المجمعة من الأكوان الكثيرة (( والكثيرة جدا )) الي زورتوها وقلتم أن النصر كان فيها لمطير ... يعني هزيمتكم الشنعاء قلبتوها نصر ... وأفتخرتوا فيها ..!!!! ......... (( ولله في خلقه شوؤن )) !!!!

الخنفري

12-Sep-2003, 07:22 PM

قال ايه قال اربعين بس :D:D:D
والله انك عجبه الحين المصادر تقول اغلب مطير واهل المجمعه وهو يقولي اربعين
اخاف اللي قايل لك سعد بن سلطان :D:D
ولا عمك اللي قالك :D

يالله عطنا من تزييفكم
ودنا نضحك
اقول وش رايك به الابيات بس
وقال الملك عبد العزيز يخاطب فيصل الدويش بعد المعركة :

وش انت خابر يانفيش ***** المـــجـــمعة خــليتــهــا
يومك تتقي بالعريش ***** والشرف ما فكيتـــــها
من فعلنا قلبك خريش***** والمــرجــلة خــليتــها
كلٍ يلومك يا ا لدويش***** مــن ذ لــة ذ ليتـــهــــا

:D:D:D

عين العقل

12-Sep-2003, 07:36 PM

يالخنفري ....
ماراح يجيب مصدر ولامرجع ....
تدري وش بيقول ..... بيقول روحوا أنشدوا .... !!!!
لأن الأخوان عندهم نية يألفون كتاب تاريخ بعنوان (( النشده ... عن أيام العرب ))
... والي ماهو مصدق كلامي ..... يروح ينشد ... !!!

الامير

12-Sep-2003, 07:46 PM

كذاب ما عمر مطير قالت انها انتصرت بكون المجمعه

والحبيب يضحك يقول اربعين ليش عندك دليل انهم اكثر

تقول في الحداء الملك عبدالعزيز ( من فعلنا قلبك خريش

الملك ما قال من فعل عتيبه قال من فعلنا

هاذي حجه عليك مو لك

مسكين

الامير

12-Sep-2003, 07:49 PM

كم مره اقولك

ورجل مايفخر الا في فعول تنتميله******** والعرب جهالها تعقل ليمنا جهلنا

عين العقل

12-Sep-2003, 08:08 PM

اخونا المطاري .....
عين العقل ... مايكتب سيء الا وهو واثق منه ... تمام الثقة ... فلاتقولي كذاب محد من مطير قال أن مطير أنتصرت في كون المجمعة ... خذ الرابط كحل عيونك ... ترا هذا كلام مشرفكم ماهوكلامي ولاكلام الخنفري ونكتب لك نص ماذكره مشرفكم : (
وكان الملك عبد العزيز على غزوا فلما بلغه رفض الطلب وكان الدويش على المجمعة فما كان من الملك عبد العزيز ألإ أن انحرف قاصدا الدويش ومن معه وأرسل الى عتيبة فانضمت للملك عبد العزيز فهاجم الدويش على المجمعة كما ذكرت سابقا ودارت المعركة وكانت نتيجة المعركة أولها انتصار للملك عبد العزيز وجموعه
وأعوانه وأخر النهار انهزمت تلك الجموع رغم الفارق الكبير بين القوتين ) ... عساني ماظلمتكم ههههههههههه

http://mutir.com/vbvv/showthread.php?threadid=4855

عين العقل

12-Sep-2003, 08:21 PM

http://mutir.com/vbvv/showthread.php?threadid=9141&pagenumber=2

وهذا رابط ثاني (( فوق البيعه )) .......
شف وش كاتب ولد عمك النداوي : ( لحداه لفيصل الدويش الهزيمة اولها على مطير واخر النهار على الامام عبد العزيز وجنده ) ......

لــيــل

12-Sep-2003, 09:17 PM

الاخوان حفظهم الله

النقاش حول كون المجمعه.

الرجاء عدم الاساءه الى شيوخ قد توفاهم الله.........

الخنفري

12-Sep-2003, 09:31 PM

الاخ _ عين العقل
ما لاحظت من خلال اطلاعك على الرابط اللي كاتبين مطير معركة المجمعه فيه
انه ماله اي مستند
على عكس ما كتبناه نحن مستنداتنا موجوده

الامير

13-Sep-2003, 04:30 AM

والله اني اول مره اني احس اني اخذ منك شي او دليل

زين انت رديت على السؤال الاول كمل الباقي علشان يكون النقاش أخذ وعطا

وخلنا ولو مره كلامك بعيد عن السب

عين العقل

13-Sep-2003, 04:50 PM

أخي الفاصل ... حنا مانسب أحد ... بس أذا جانا مطفي اللمبات ويبي يقدح في عتيبة في منتدى عتيبة ... فحنا طال عمرك نرد من جهتين ...الأولى تفنيد الأفتراءات ... والثانية ...ننبش بعض الوقائع التاريخية ... ونرد ... يعني ولد عمك الشلاحي .. سب داهية نجد محمد بن هندي ... وقال انه رخمة و جبن عن لقاء تريحيب المطيري .. وأحنا أثبتنا (عكس) كلامة .. وبمصادر موثقة ... وأنت تقول عتيبة مرتزقة ... وحنا أثبتنا لك ولدينا المزيد ... عن من هم المرتزقة الحقيقيون ... وهذه مجرد أمثلة على تطاولكم على عتيبة في منتدى عتيبة ... فخلاص ياشاطر .. أكتب بأدب ... تجد أدبا ..........تطول لسانك وتقل أدبك .... (( براحتك )) ........

عين العقل

13-Sep-2003, 04:57 PM

يعني أرفع مستوى الحوار والنقاش ... ودلل على كلامك بمصادر ومراجع ... ووقتها .. أهلا وسهلا .... وأن لم تكسب الحوار حول التاريخ ... بتكسب أحترام أعضاء المنتدى ... أما التطاول والسب والشتم ... وخثاريط العلوم ... ومحاولة تزوير التاريخ بالقوة ... وتسفيه عقول وأحلام الناس .... فنصيحتي لك أن تبتعد عنها .... !!!!!!!

عين العقل

13-Sep-2003, 05:16 PM

وأنا أقراء بشكل يومي كل مايكتب في جميع المنتديات القبلية ... منتدى مطير , شبكة شمر , مجالس حرب , ...........ألخ , ولا أحمل أخي الفاضل ضغينة ضد أحد ... لأننا كلنا عرب وأخوان ... بس أن الفلاينة يسيئون لعتيبة في منتدياتهم ... ويجون هنا بيكملون المسيرة .... فهذا مالايقبله عقل عاقل ولاحلم حليم ... والي يبي يواصل ...براااااااااحته ... بس نذكره أن التاريخ والجغرافيا في صف عتيبة ... وفوق هذا مايخفانا شي عن علوم العرب وسوالفهم .... !!!! ..

الامير

13-Sep-2003, 06:59 PM

اسمع انا جايب سالفة ذيب بن شالح لي ان مافي دليل غير كلام شياب عتيبه
وانا اغلب سوالفي من علوم الشياب وغالبا ما تكون مثبته بقصيده
وبعدين محمد بن هندي لا يحتاج شهاده
واذا تبيني ابد النقاش بمراجع وكتب اول سؤال عطني انكم ذيب بكتاب او مرجع

وبعد هذا السؤال يبدى النقاش بالمراجع

يا عين العقل ماشي كمل الاسئله
جاوبت على واحد والباقي جاوب عليهم

مثل ما قلتلك خل الحوار اخذ وعطا

الخنفري

13-Sep-2003, 10:23 PM

ياخي صارلنا اسبوع واحنا نحاورك
ماشفناك تعطي اذا على قولتك الحوار اخذ وعطا
عطنى مصادر
انت الى الان لم تثبت شي من سوالفك

وارجع واقولك سالفة ذيب بن شالح
معروف اللي ذبحوه العتبان وقلنا لك انشد القحاطين ولا راجع ردود اخونا القحاطين

بعدين هذي الصفحة على معركة المجمعه
عندك شي عن هالمعركه تكلم فيه
وموضوع ذيب رح لصفحته وحنا نحاورك

عين العقل

14-Sep-2003, 01:27 AM

لا لا لا ...........
ذبحة عتيبة لذيب بن شالح معروفة ولكن تناقش مع الأخوان من قحطان ... وسبق نوقشت معهم .... شف الرابط ( رح يمه وشارك أذا ودك .......!! )
http://www.otaibah.net/m/showthread.php?s=&threadid=4740
بس الي أبيه منك تثبت لي أن فيه مناخ بين عتيبة وقحطان من جهه ...ومطير من جهه
ههههههههههههههه

عين العقل

14-Sep-2003, 01:31 AM

لأنك أنت دخلت وقلت أن فيه مناخ بين عتيبة وقخطان من جهه ومطير من جهه ... وولد عمك الشلاحي صدقك وأدبك وراك ( وريط , وريط , وريط , .......!!! ) ... فودنا طال عمرك ((نحشرك)) ونسئل ... وشو ذا مناخ وريط !! وش مصدره !!! متى ؟ فين ؟ طيب عام كم ؟ من من مشائخ عتيبة وقحطان ومطير حضر ومن ماحضر ... !!!!
هههههههههه

ابو فراس

14-Sep-2003, 01:37 AM

مناخ وريط ؟؟؟؟؟؟

ليتهم قالوا معركه يمكن تنهضم شوي

وبعدين لو ابه مصادر شفناها من اول ... على ماقيل لو ابه شمس ظهرت من امس

الامير

14-Sep-2003, 06:27 AM

رديت عليك ياعمري وقلتلك وريط سامعه من شيابنا

بس لو انت تقول الصج مثل اخوانا القحاطين وتعترف بوريط

عرفنا نكمل حورنا

بعدين انا اقولك بلساني ماعندي دليل من كتب ومراجع نفس سالفة ذيب بس لو يعترفون عتيبه

هم هذا رابع المستحيلات

بس شوف اسئل اي شايب عتيبي يعرف العلوم وطبعا الشايب على الفطره

ابيك ولو مره تسئل شايب

ابو فراس

14-Sep-2003, 06:52 AM

اقول لك اسمع العلم زين

قلنا مصدر قلت سامع من شايب !!!!!!! يعني كلام مجالس ماله عندنا رد

وبعدين ليه المصادر ماذكرت وريط هذا !!!!!!!!!!!!!!

الكتب ذكرت المعارك الكبيره بين مطير وعتيبه وقحطان ..... ليه وريط بالذات لم يذكر مع انك تقول انه مناخ يعني اكبر من كونه معركه

اتحدى ان تجاوب ؟؟؟؟؟؟؟

تحياتي

عين العقل

14-Sep-2003, 12:12 PM

شيبانا .........شيبانا ........شيبانا
أخوي المطيري ........ الظاهر على بالكم ماعنده شيبان ألا أنتم .... !!!!!!!
طيب وةش رأيك أنا سئلنا شيبانا عن وريط وكشب والقرن وقالوا عنها
(( خرطي )) ......
وبعدين من هم القحاطين لي أعترفوا بوريط !!!!!!!!! (( لاتتبلون العالم !!! ))

الخنفري

14-Sep-2003, 01:51 PM

الاخوه _ ابو فراس _ عين العقل
الاخ الحبيب المطاري يقول مطير هزمت عتيبه وقحطان
شوفوو وش كاتب ابن عمه ابن عبيه والمصيبه انه مشرف المساجلات
وانتم يعتيبه يوم حربكم مع ابن هادي منوا؟ استفزعتوا فيه ؟

اليس استفزعوا مطير التي نصرتكم عقب خسارتكم؟

جتنا عتيبه على قحطان جهاشه.............. ومطير تاقفلها ومطير تقرشهايعني خرطي

يالمطاري انصحك لابغيت تكذب وتزيف انت وعيال عمك المطران
اتفقو على كذبة ولا تخلون لرجاجيل حجه عليكم :D:D:D

سلاااااااااااااااااام
|4||4|

الامير

14-Sep-2003, 02:43 PM

تعديل لي الشله انا مطيري الجمع مطران او مطير

المطاري غلط بس الشله تبي تغير الاسم

بعدين لا تكذب

شيبان عتيبه تخلا منك لا تكثر السوالف على عتيبه

انا اقول اعترفوا بيوم وريط مثل ما تقولون ان قحطان اعترفت ان ذابحين ذيب

طبعا من واقع الخيال

مطيري وليس مطاري

علشان تتعلم

والتكرار يعلم .......... ؟

الامير

14-Sep-2003, 03:02 PM

بعدين الشله كل ما اكلم واحد وش دليلك

ماهو مرجعك

من اي كتاب

ومافي

لا دليل

ولا كتاب

ولامرجع

ولاقصيده

تثبت معركة العصلا ولا موت ذيب

يقول واحد من الشله كلام المجالس ماله عندنا رد

ممكن احوركم يالشله بعد ما تجيبون دليل ومرجع

يا راعين الكتب والمراجع

الامير

14-Sep-2003, 03:25 PM

والله حرام انتم تمثلون عتيبه او تردون عنهم

بس ما أقول ألا

راحة شيوخ عتيبه

مدام اشله ترد عنهم

مثل ما قال المثل

(النار ما تخلف ألا رماد)

الكلام لي الشله

الخنفري

14-Sep-2003, 04:36 PM

المطاري

اسمع هذا المثل يمكن يصلح لك

الكلب ينبح والسماء فوق
والثاني
وش على الذيب من ................ النعجه
اظن تعرف الفراغ وشنهوو

عندك مصدر حاور تسمع العلم

عين العقل

24-Sep-2003, 01:01 PM

مشكور على الرابط ياخال ... هههههههههه
مشكلتهم وفي أي موضوع يفرون ويفترون ويعودون يتكلمون عن عتيبة !!!
حتى لو الموضوع في وادي وعتيبة في وادي !!!
مالومهم ... متلازمة عتيبة .... ضاربتهم حتى النخاع !!!

عضو فضي

28-Sep-2003, 11:55 AM

شف شف
ماطردتو المطيري

والله لو انه عتيبي كان شتتوه باند من زمان

سموه منتدي مطير وحرب

ولا عزاء لعتيبه

عين العقل

28-Sep-2003, 12:12 PM

معك حق يابوعتب .... والله يوم رقعوك باند المرة الأولى زعلوني من الطايف للكويت ... دورت واسطة منا منا برجعك بس ماش .. !!!!

ejoz

07-Oct-2003, 04:57 PM

الاخوان عتبان / قحاطين/ مطران

بعد السلام عليكم
اخوانى للحوار اداب معروفة وانتم فى منتدى قبيلة لها مكانتها فى العالم العربى ةالاسلام مثل غيرها من القبائل
اتمنى ان تلتزموا بادب الحوار البناء الهادف الذى يحقق المصلحة والهدف منة
وكل شئ ............. ايجوز

الذيب الامعط

30-Oct-2003, 01:57 PM

الله لايهينك ياخوي ابو شاكر على هذي السالفه :) بس ابي قصيدة نامي بن ثعلي العضياني كامله

عضو فضي

31-Oct-2003, 03:20 AM

بعد عمري يا عين العقل
ياعزوتي

الذيب الامعط

01-Dec-2003, 12:30 AM

الرجاء من الاخوة الكرام اللي في هالمنتدى يكملون هالقصيدة لاني طلبتها قبل ولم يتم الرد

جازوك با للي فات ذ خر محصن ***** بالكون الأول واوتلم للثاني
كـــون عليكم غـــايب شيـــطانه ***** يا مرضعة شبابة الضياني
كله لعام كونكم با لملحا ******** هذا خلاص الدين للدياني

فهد الركيبى

20-Dec-2003, 04:54 AM

عكاش

20-Dec-2003, 11:28 AM

اول مرة اسمع بهاذي.

ابيك تعطيني اسم الكتاب او المخطوطة المحايدة الي نقلت منها يالركيبي علشان اتاكد من هالمعلومة الجديدة..

ِ
انا انتظر اسم الكتاب او المخطوطة المحايدة الي نقلت منها يالركيبي.ِ

ونتبه لتقولي سامعها من شريط كاسيت.

الخنفري

20-Dec-2003, 01:13 PM

الاخ فهد الركيبي

اتمنى منك الاطلاع على اول صفحة لهذا الموضوع والتامل بالست مصادر لهذه الوقعه

وسلامتك

روقي

20-Dec-2003, 07:23 PM

متعب العضياني

22-Dec-2003, 09:41 AM

مطير قبيله عزيزه لكن نبي نناقشك على حسب كلامك

قل
تجانا الجذوعي شايف له شوف *** مروعه ولد الامام
جازوك با للي فات ذ خر محصن ***** بالكون الأول واوتلم للثاني
كـــون عليكم غـــايب شيـــطانه ***** يا مرضعة شبابة الضياني
كله لعام كونكم با لملحا ******** هذا خلاص الدين للدياني
جانا بقومان الوف *** وحنا اربعين بالتمام

مانضرب إلا بالسيوف *** اللي يقصن العظام

مره كاتبين جانا العتيبي شايف له شوف ومره الجدوعي وش القصه

المجمعه جميع الوثائق ذكرت انها لعتيبه ضد
مطير وعتيبه شارك اغلبها لاخذ الثار بالرضيمه
وفعلا اخذ
جازوك با للي فات ذ خر محصن ***** بالكون الأول واوتلم للثاني
كـــون عليكم غـــايب شيـــطانه ***** يا مرضعة شبابة الضياني
كله لعام كونكم با لملحا ******** هذا خلاص الدين للدياني
اما قول ابن عمك الثاني اتحدا ان تثبت ان هناك قلب للحقايق في منتداكم
موضوع عرجا الي قلتوا انكم كسرتو عتيبه فيه
كسيره حطيبه على ماقال راويكم الي اقتبستم منه هالكلام
الي معارض للحقيقه المتعارف عليها

حتى بالحرمليه وضعتو احصائيه بالقتلى من عتيبه بتجاوزها العشر الالاف
وهذا مخالف لان عتيبه لم تقفد شيء هك اليوم

اما العصلا
معركه معروفه عند عتيبه وغيرها
وموقف الزلامي فيها معروف

اخيرا تقبل تحياتي

عاشق التوثيق

23-Jun-2004, 12:20 PM

موضوع مؤكد وموثق بمصادر تاريخيه , والمصادر تعمي البصائر فلا حاجه
للجدال البيزنطي العقيم والنتيجه معروفة وبالكتب التاريخيه . ونشكر الكاتب
على المصادر التاريخيه

عــــــــــــــاشق التـــــــــــوثيق

الامير

15-May-2005, 05:22 AM

متعب العيضاني

تقول

اما العصلا
معركه معروفه عند عتيبه وغيرها
وموقف الزلامي فيها معروف

وراح اقولك مثل عكاش

ابيك تعطيني اسم الكتاب او المخطوطة المحايدة الي نقلت منها يالعيضاني علشان اتاكد من هالمعلومة الجديدة..

ِ
انا انتظر اسم الكتاب او المخطوطة المحايدة الي نقلت منها يالعضاني.ِ

الامير

نايف العبيد العتيبي

15-May-2005, 11:09 PM

تسلم يابن شاكر على الطرح الرائع والجميل والحقيقة سررت بما قرأت

لك كل الشكر والتقدير

أخوك الوسم

فيصل المسعودي

16-May-2005, 12:01 AM

مشكور ياخي العزيز على هذا الموضوع الشيق ونتمنى منك المزيد من الطرح الذي يجذبنا لقرائته والا طلاع عليه
فيصل المسعودي

عاشق علوى

26-Jun-2005, 07:06 PM

OTAIBAH

26-Jun-2005, 08:57 PM

الاخ عين العقل (( ناقد ومحلل)) ودي اسألك
الودايع من اخذها من عتيبه وكذلك المعيد
والشرف وين راحت بشرط ان يكون ردك بموجب مصدر موثق
لان تلك الابل اهم ابل مطير ارجو الاجابه ايها الناقد الهمام

انتطر الرد علشان نتناقش ونثري هذا الموضوع

تثري الماضوع ههه

صدق راعي المثل
غبر ياثور وعلى قرنك

مار اسمع ,, الودايع والمعيد اخذتها عتابه
وكل عتيبي استاق منها شلقه

وترا للحين سلالتها ماجوده
مرّ على اطرف عتيبي ,,وارتشف من حليبها

وترا عين العقل تذكر عنده ,, انصاه ولاهوب مقصر

تحياتي الك

عاشق علوى

27-Jun-2005, 01:34 AM

الاخ العتيبي سؤالي موجه لناقد منتدى عتابه (على قولتك عتابه)
وهو سؤال محدد لايحتاج لفلسفه والدخول في نقاشات بيزنطيه
تدور في حلقه مفرغه

الشاهر2000

24-Aug-2005, 07:32 AM

يعطيك ألف عافيه أخوي أبو شاكر

وارد*

27-Feb-2006, 08:55 AM

احسنت يابوشاكر
وتشكر على هذا السرد المفصل والمدعوم بالمراجع الموثقه
اما بالنسبه اما حدث في المجمعه
فهو (كون ) وليس مناخ

أبو مرحبا

10-Mar-2006, 09:32 PM

ويقول فيصل بن سلطان الدويش حاديا في ذلك اليوم

جانا الجذوعي شايف له شوف *** مروعه ولد الامام

جانا بقومان الوف *** وحنا اربعين بالتمام

مانضرب إلا بالسيوف *** اللي يقصن العظام

لعيون شقح يرتعن الخوف *** وسود يشادن الظلام

قوه غير متكافئه 40 مقابل الوف (( يوم تشيب به الولدان ))

وكانت نتيجة المعركة أولها انتصار للملك عبد العزيز وجموعه
وأعوانه وأخر النهار انهزمت تلك الجموع رغم الفارق الكبير بين القوتين فجيش الملك عبد العزيز يتكون من بادية وحاضرة العارض + عتيبة صاحبة الطلب وهم يعدون بالا لأف بينما الدويش ومن كان معه لا يتجاوزون ال 40 شخص كما هو موضح في حدأة الدويش

الشواهد على ذلك

وقال ابن بويتل الجبلي يتشره على الملك عبد العزيز طيب الله ثراه

جزيتنا واثر الجزاء منك باره ** طاوعت فينا هرج المبغضه والحسودي
ويش أنت خابر يوم كون الزبأره ** يوم (ن) ابن متعب قطن بالنفودي
يوم الهجاد الى قبس ضوح ناره ** يوم(ن) فيصل لجمع علوى يقودي

حداة الشيخ فيصل بن سلطان في هذا لكون

ياشيخ مامثلك عل تويق ** ماجيت في درب الصباح

وش انت خابر يوم جاك الضيق ** يوم التعنيبي عنك راح

لي لابة عز الرفيق *** وعلى العدو سم ذحاح

هذا ماتيسر في هذه العجاله

والامانه العلمية تقتضي الصدق

اي أمانه واي صدق

الا كذب وتلفيق يالمطاري ردووو على الصلبي اللي لعب فيكم
بالقصيدة القوية اللي يرد على المطران

يمطير شاعركم تعدى حواريه*** فرخ الحميه طار ريشه وتجنى
اما نتفت ريشه قبل توديه *** ولا ترانا بوطيته انجبرنى
العبدلي الي يذكر ايام ماضيه***قام يتبها وباليالي تغنى
وش الفعوله لعنبو جده واليه***دام الفعل واصله منا ومنى
ترا الردى يعرف طريقه وهاليه***لو كان رجل بقصيده وصلنى
مير البهم والكلب مثله وتحاليه***وان مارضى قولو انه جحشنى
::::
:::
انا اصلبي والعلم ياصلك ياهيه*** كلك مطيري بحسبته ماحسبنى
من الصلب ماينبذ كر :::::*** ماهو بمثلك بالغدر له مهنى
اسنعك لدرب انكنت مقديه *** واعطيك درس ينفعك في زمنى
واذكرك في وقت راحت لياليه*** ام الجماجم شاهد مافعلنى
وبذكرك ايضا بواحد تحاليه*** ماينكر الافعال غير المطنى
شيخك نخانى يوم كثرت اعاديه ***في قريه العليا ترا هو زبنى
فزت رجل واحد قمنا نخاويه *** :::::::::::::::::::
وقصيدهم يشهد على الحق يبريه *** والحق عند اللي عليه اتكلنى

يالمطاري هالقصيدة تكفي وتوفي حتى شيخكم انتخى الصلب

يالله تخارجنا

CC3300

ولد فليت

10-Mar-2006, 10:17 PM

ابو شاكر الله يعطيك العافية

قحص بيض الله وجهك ردك قوي والظاهر المطيري معاد ينتزيها|165|

الوهيطي

22-Mar-2006, 08:27 AM

ياقحص والله انك بكلامك هذا تحاول اثاره الفتن الناس موتا الله يرحمهم اذكر محاسنهم الله يهديك
وخليت الدويش يستفزع بالصلب لا حول ولا قوه الا بالله
انت ماتقدر تناقش باسلوب ادبي والابتعاد عن ذم قبيله مطير الله يهداك
واذا كلن بيدور على الثاني بنلقى شي واجد ياقحص والله وعيب عليك واحترم الناس يحترموك
وخل عنك الحرث ورا العلوم الشينه
وابحث عن العلوم الغانمه اللي تطلق الوجه
والرجاء منك اعاده النظر في اسلوبك

أبو مرحبا

22-Mar-2006, 11:40 AM

ياقحص والله انك بكلامك هذا تحاول اثاره الفتن الناس موتا الله يرحمهم اذكر محاسنهم الله يهديك

سبحان الله انا أبحث عن الفتنه

روح وشوف منتداك وش فيه ثم تعال كلمني يالمطاري

وخليت الدويش يستفزع بالصلب لا حول ولا قوه الا بالله

هذا مهوب قولي انا يالمطاري قول الشاعر الصلبي اللي انتخيتوهم في قريه العليا وفي أم الجماجم
أنشد شيبانك يمكن يعلمونك ابك الصلبي وش قال في قصيدة اللي شيخكم ينتخي الصلب

يمطير شاعركم تعدى حواريه*** فرخ الحميه طار ريشه وتجنى
اما نتفت ريشه قبل توديه *** ولا ترانا بوطيته انجبرنى
العبدلي الي يذكر ايام ماضيه***قام يتبها وباليالي تغنى
وش الفعوله لعنبو جده واليه***دام الفعل واصله منا ومنى
ترا الردى يعرف طريقه وهاليه***لو كان رجل بقصيده وصلنى
مير البهم والكلب مثله وتحاليه***وان مارضى قولو انه جحشنى
::::
:::
انا اصلبي والعلم ياصلك ياهيه*** كلك مطيري بحسبته ماحسبنى
من الصلب ماينبذ كر :::::*** ماهو بمثلك بالغدر له مهنى
اسنعك لدرب انكنت مقديه *** واعطيك درس ينفعك في زمنى
واذكرك في وقت راحت لياليه*** ام الجماجم شاهد مافعلنى
وبذكرك ايضا بواحد تحاليه*** ماينكر الافعال غير المطنى
شيخك نخانى يوم كثرت اعاديه ***في قريه العليا ترا هو زبنى
فزت رجل واحد قمنا نخاويه *** :::::::::::::::::::
وقصيدهم يشهد على الحق يبريه *** والحق عند اللي عليه اتكلنى

انت ماتقدر تناقش باسلوب ادبي والابتعاد عن ذم قبيله مطير الله يهداك
واذا كلن بيدور على الثاني بنلقى شي واجد ياقحص والله وعيب عليك واحترم الناس يحترموك
وخل عنك الحرث ورا العلوم الشينه

علم ربعك يمكن يوحونك ثم تعال علمني الاحترام يا المطاري
العلوووم واجد والممسك واجد

انا حصان واعد ربعي حصن
والا ا؟؟؟ حصان ب؟؟؟؟؟

يالله تخارجنا

وابحث عن العلوم الغانمه اللي تطلق الوجه
والرجاء منك اعاده النظر في اسلوبك

أسلوبي يالمطاري دائما اسلوب رائع وكلن يشهد له ولاكن الاوباش والمتطفلين لهم أسلوب غار يعني غير

ولاتلعب مع الزمل ياحويش

ياليتني مارديت عليك

الوهيطي

22-Mar-2006, 01:27 PM

أبو مرحبا

22-Mar-2006, 01:35 PM

اي والله ابك ليتك مارديت علي
انا فكرت انك متحمس للدفاع عن قبيلتك بس طلعت اتناقش مع واحد مريض نفسي
الله يشفيك
واسمع يالعتيبي والله اني ماودي اخلي الحوار اللي بيينا ينزل لحوار ناكس عزالله

يالله ياطوير

ورد الصلبي اللي شيوخكم انتخو فيه في ام الجماجم وقريه العليا مارفع الضغط عندك هههههههههه|195|

اسمع وش قال الشاعر عن مطير

ابوزيد الغبيوي

امطير ياعتيبه الهيلا تيوس وحمير***ولا عتيبه تسر الصدر بالذكارة

على فكرة دائما انت منتكس قبل لاتشوفني
يدافع البلاااء

شيخك نخانى يوم كثرت اعاديه ***في قريه العليا ترا هو زبنى

الله يكفينى الشر

ياطير ابن برمان

أبو مرحبا

22-Mar-2006, 01:46 PM

ردأ" مثل راعية

ياحويش

أبو مرحبا

22-Mar-2006, 02:42 PM

أرجو من الادارة مسح الكلام الذي جرى بيني وبين الوهيطي

لان دخولنا في موضوع يتكلم عن كون المجمعة

يعتبر من الخطا لذلك نطلب من الاخوة في الادارة مسح النقاش الذي دار بيني وبين الوهيطي

وشكرا

راع الصفراء

25-Mar-2006, 05:11 PM

بيض الله وجيهكم جميع

عمر الراوي

01-Jul-2007, 11:06 PM

مشكووووووور على

هالموضوع الجميل

والرائع

الله لايهينك

تقبل مروري

اخوك :

°ˆ~*¤®§(*§*)§®¤*~ˆ°عــــمــــر الــــراوي°ˆ~*¤®§(*§*)§®¤*~ˆ°

النفيعي999

02-Jul-2007, 03:51 AM

^^^^^^^^^

اللهم لاشمااته عاادتكم ياامطير ماتـفـتـهمون

ههههههههههههه

الهجلة_غير

02-Jul-2007, 11:16 PM

^^^^^^^^^

اللهم لاشمااته عاادتكم ياامطير ماتـفـتـهمون

ههههههههههههه

انت الوحيد الفاهم ما شاء الله عليك
الله يخليك لاهلك قول آمين

النفيعي999

03-Jul-2007, 06:22 AM

^^^^^^^
هههههههههههههه الله يصلحك بس وتنجح من الابتدائي بتقدر امتياز

ولد مجنون

04-Dec-2008, 08:30 AM

ياقحص والله انك بكلامك هذا تحاول اثاره الفتن الناس موتا الله يرحمهم اذكر محاسنهم الله يهديك

اي والله ابك ليتك مارديت علي
انا فكرت انك متحمس للدفاع عن قبيلتك بس طلعت اتناقش مع واحد مريض نفسي
الله يشفيك
واسمع يالعتيبي والله اني ماودي اخلي الحوار اللي بيينا ينزل لحوار ناكس عزالله

يالله ياطوير

أنت يا الخريطي قلت عنا يا مال الشحم ترفعوا بأقلامكم عن الجاهلية والعنصريه وأثارة الفتن , ولو تدور وتلف وتدور بك الدوائر مافي مثل منتدى الهيلا , وربعي عتيبه رجال قطعو روس الفتن غصبن علي خشمك مافيهم الحقود , وتاريخنا موثق بكثير من المصادر , ما وضعناه لأثارة العصبيه القبليه ولا للفتنه بين قبيله وقبيله , والغايه منها , معرفة التاريخ والحقائق من قبل أبناء القبيله ودائماً نجد الأفاده منها , لكن هناك من يأتي ويثير التشويش بإثارة القلاقل داخل هذه المواضيع , و ماجابلنا المشاكل ألا أنت وأمثالك ناقصين العقول من مناديب المنديات الأخري , والحميه في عتيبه تجري مجري الدم في الشرايين وماتموت , ولا تبي أنت وأمثالك من السفهاء تهرج فينا وأنصم حلوقنا وننطم , تالله الجاهليه والعنصريه أصبحت مطلب ومكسب وبالمشعاب تتصلح الأمور مع من هم علي شاكلتك يا المطاري

وخليت الدويش يستفزع بالصلب لا حول ولا قوه الا بالله

الخريطي مار يجحد عيني عينك ويبي يبرر بأي وسيلة , الله يمصعكم من الصدق قل آمين , مهوب أنت اللي تقعد تغير بالحقايق , خذ كحل عينك

http://up109.arabsh.com/s/knl6zudbq2.jpg (http://up109.arabsh.com/)

وجهك يوم يقرا الوثيقه يلتوي تقول سامعلك مصيبه

ولد مجنون

06-Dec-2008, 03:27 AM

ما دري ليش العتبان يفتخرون بكون المجمعه على العلم انهم مرتزقه تحت بيرق
بن سعود وكان مع بن سعود كثير من الباديه

وبعدين يقول حنا نسب العتبان ليش علشان قلت مرتزقه

تنقلك المنايا من ديارك وتحط بدار غير دارك شرع الباب الوسيع يا مال الشحم وقرب عندي وأنا والله لك , يا أمير الخزي والنذاله يا مدمن المتارعي والكورن فليكس والتمر والكيف في جوفك سم , ترقد في بجاما وتصنيفك نصفين , نصف قرايح وشقى وهموم والنصف الآخر مفلس و راس مالـك رياليـن , أهل الفسوق والمرتزقة هم من أغاروا علي الضعاف قتل ونهب وسرقه , والتواطيء مع الأتراك والعجم هو بلا شك دليل خسه ونذاله وضعف وهذه الرساله تثبت بالدليل القطع أن فيصل الدويش عميل وجاسوس للدولة العثمانيه ومبرمج ومدعوم عن طريق اللقيط ( إبراهيم باشا) للسرقه والنهب وأثارة الفتن

الحمدالله وصلى الله وسلم على سيدنا محمد وعلى اله وصحبه وسلم

السلام من فيصل الدويش الى (أفندينا العزيز) المكرم المحترم ابراهيم باشا

السلام عليكم ورحمة الله وبركاته وبعد

الذي نخبرك به أن حنا نوخنا أهل اليمن أربعة عشر ليله ونصرنا الله عليهم وذبحنا منهم مائتين ومن كبارهم أربعة عشر , منهم محمد بن شبعان , (وقلعنا منهم ستين فرسا , وجميع أجمالهم وعفشاتهم أخذناها) , والذي نخبرك به عن أهل الدرعيه , جاهم (تركي بن سعود) , و (مشاري بن سعود) وتلقاهم محمد بن معمر وأحتركوا بالدرعيه بحرابه , وبعد البلدان أعطوهم اليد وأهل الجنوب أعطوهم اليد وماجد بن عريعر حاربهم بدلهم , أكسبوا خلكم عليه ابراهيم باشا , هذا الذي نخبركم به , وأنت أحسن النظر , و (أحنا لكم بالخدمه على مانتم خابرين ) , ومحمد بن فيصل و الحميدي و شريان و نرهان يكثرون عليك السلام

والسلام

ختم / فيصل بن وطبان الدويش

المصدر - دار الوثائق القومية -القاهرة كورنيش النيل رملة بولاق - وحدة الحفظ رقم 16 / 117

يا عين العقل ماشي كمل الاسئله
جاوبت على واحد والباقي جاوب عليهم

مثل ما قلتلك خل الحوار اخذ وعطا

في منتديات الصمان وصبحا والحصاة لاتجيدون ولا تفقهون سوي هرج الرخى مابين قيلن وقالي و كثر البربره والتهذري والعقل منقوص , والحوار والأخذ والعطاء مع من هم علي شاكلتك , خزي وخذلان , وبالمشعاب تتصلح الأمور مع مناديب صبحا والحصاة والصمان

بس لو انت تقول الصج مثل اخوانا القحاطين وتعترف

المطاري غراب ظامي شاف له جره بحصاة قحطان ثم رمى الحجر تلو الحجر الي أن أمتلى جوفه

مطيري وليس مطاري

علشان تتعلم
والتكرار يعلم .......... ؟

التكرار قد علم رديفك حمار العلف اللي يشيله ولا يذوقه

والله حرام انتم تمثلون عتيبه او تردون عنهم

بس ما أقول ألا

راحة شيوخ عتيبه

شيوخ عتيبه يا ترث المخاسير تخسا عنهم منت بقبيل لهم , قول وفعل عز وهيبه ومجد شامخ , قد وطو بأقدامهم على تاريخك وتراثك في نجد وقلعوك قلع من نجد الي الصماني

ابيك تعطيني اسم الكتاب او المخطوطة المحايدة الي نقلت منها يالعيضاني علشان اتاكد من هالمعلومة الجديدة

المطاري بعد وثيقة حلف مطار والرشايده , صبح مع ذرة الشمس مفلس ولياليه غدن عوج بكثر الهمومي

ابن ذكير

06-Dec-2008, 01:56 PM

لاهنت على الموضوع والمصادر

مطلق الهراني

21-Jun-2009, 10:30 AM

جهد تشكر عليه يابو شاكر

ننتظر جديدك

متـعـب المهيدلي

08-Jul-2009, 09:45 PM

ماهي غريبه على عتابه الهيلا

كون المجمعه انذبح فيه الرجل الثاني في مطير وهو حسين الدويش الملقب بابن الجبعاء وقاتله كما ذكر الاخ هو الفارس الشيخ مرزوق بن وبصان الغنامي العطاوي الروقي العتيبي امير الغنانيم من اذي عطيه

وايضا قتل احد ابرز فرسان مطير وهو حسين ابن شوفان وقاتله هو الشيخ عقاب بن ربيعان الثبيتي الروقي العتيبي

وايضا انذبح محسن بن زريبان وقاتله هو راكان ابن صلما الثبيتي الروقي العتيبي

وايضا كسر شيخ مطير وقائدها وهو فيصل الدويش الذي لم يمت بارض المعركه ولكن مات بعد فتره متاثر بجرحه والذي اصابه هو الامير والفارس فاجر بن شليويح العطاوي الروقي العتيبي ( ابو مشعان)

وحسب ماسمعنا من كبار السن ان القتل تم كما يلي

ابن الجبعا الدويش انذبح مبارزه بالسيف مع ابن وبصان على ظهر الخيول وبعدها سقط الدويش وتم دعسه بحوافر الخيل وهي حركة متعارف عليها عند ابناء الباديه ولا يفعلها الا الفرسان المتمكنون
وابن شوفان انقتل برمح ابن ربيعان فوق ظهور الخيل حيث اصابه الرمح في النحر
ابن زريبان انقتل برمح ابن صلما وكان ابن زريبان على ذلول وابن صلما على فرس والمفترض في مثل هذا الموقف ان تكون الغلبه على ابن صلما لان الذلول ارفع من الفرس ولكن عزوم الرجال لاتعرف العوائق
فيصل الدويش اصيب برمية بندقية فاجر عن قرب في الورك بعد ان تشابك معه بالخيول واسقطه ارضااا ورماه فاجر بالبندقيه ولكن قدرة الله انجته ولم يمت تلك اللحظه ولكن مات بعدها بايام متاثر بالجرح

بعدها توجه مرزوق بن وبصان وهو يحدي على فرسه ويقول

خل الرمك تاطا على ابن الجبعا ...لو كان خيال ودويش
من عقبنا تمسي الظواري شبعا ...والطير نرميله وليش

واتجه الى مخيم الملك عبدالعزيز وكان عنده في مجلس الملك الامير محمد بن هندي والامير عمر بن ربيعان وعندما اقبل عليهم قال حدايته بعد ان عرض بالفرس وقال ذبحت ابن الجبعا يقوله الملك عبدالعزيز قال الله الله قال كفووو ثم قام محمد بن هندي عن المركى وهو يقول تعال هنا ياذخر ابوي وجدي

وماهي الا لحظات حتى اقبل فاجر بن شليويح وهو يحدي ايضا بحدايه وعرض بالفرس قال الملك من ذبحت فيصل ( لان فاجر شرب فنجال فيصل الدويش) قال فاجر ماذبحته لكن ماعاد هو محاربك قال كيف ؟ قال عطيته الرميه اللي والله مدري هي تغّيبه ولا تعّيبه ( اي تموته او تعيبه وتعوقه )
وبعد تناول القهووه قال فاجر قولته المشهووره ياخو نوره عتابه قامت تستاق اباعر الدوشان واباعر مطار وحنا اللي فعلنا ماكسبنا شيء قاعدين عندك انتقهوى فرد الملك عبدالعزيز بقوله الماثور ( كسبكم مكسوب) اي مظمون لكم وفعلا اعطاهم ابل وخيول وبنادق وذخيره

حمد العطاوي

14-Jul-2009, 10:16 AM

جزااءك الله خير يا ابو شأكر

موضوعك راائع

تقبل مروري

ابن الفال

09-Jan-2010, 07:16 PM

.................................................. ..........
.................................................. .........................
..........................................

موضوع مدعوم بمصادر , ونرجوا ان يكون النقاش كذلك مدعوم بالمصادر.

الإدارة