عتيبه الهيلا ومطير حمران النواظر

[النا د ر]

السلام عليكم ورحمة الله وبركاته

اخوانى ابناء عتيبه الكرام

انا عضو فى هذا الصرح الشامخ منتدى الهيلا الذى نتشرف بالانتساب له وانا عضو من تقريبا سنه وجميع مشاركاتى فى قسم المحاوره ولاتوجد لى ولا مشاركه خارج قسم المحاوره لاننى انسان من طبعى لا احب ان ادخل بجدال مع اى شخص
وجاء اللى مايتسمى شاعر المليون وكثروا المسفه هذا يسب عتيبه وهذاك يسب مطير والطامه الكبرى العقلاء ضاعوا ولا عاد لهم صوت والله ان بعض الكلام مايقوله رجال ولايشرف قايله سواء مطيرى او عتيبى وانا عندى يقين ان فيه ناس مرضى ماهم مطران ولاعتبان يحاولون زرع الفتنه بين القبيلتين
ومطير وعتيبه اكبر بكثير من هاذه التفاهات وانا اقرب الناس لى واخوان الدنيا انا وياهم عتبان فيهم المقاطى وفيهم القثامى وفيهم العصيمى وامزح معهم دايم اقولهم سحرتونى ياعتيبه ليا رحت منتدى مطير احس انى غريب يضحكون ومتوقعين يفرقنا مليون المزروعى وربعه لاوالله يبطى وانا ابن علوى واللى يصوت يصوت لرفيقه ولا فيها شى لكن بعيد عن الشتم والتجريح اتمنى يالهيلا انى ماطولت عليكم والمليون يبى يخلص وتصير كلها سوالف وحنا من الله خلقنا اخوان وجيران وقرابه وهالكلام والله انى قايله فى منتدى مطير اول مابدى البرنامج التافه
واسمحولى على الاطاله

اخوكم النادر المطيرى

[إبن ناشر]

مشكووور اخوي النادر


ومابيننا الاكل خير

تحياتي

[عريدي وأفتخر]

مشكوووووووووووووووووووووووووووووووووووووووووووور على هالكلام الجميل

[نمر العتيبي]

مشكور يالنادر على الكلام الرائع الذي في محله وبيض الله وجهك

[ذيبان ظلم]

هذا كلام العقل
ورغم إني أدرري ~إن البرنامج تافه
لاكن مابا كلام. وعسى يوسف بطلها

[عمر الدغيلبي]

ونعم والله يالمطيري وكلامك عجبني


ومابيننا وبينكم شي ان شاء الله


واحييك على الكلام الطيب


والمشاكل كثرت بسبة شاعر المليون


الله يعديها على خير

[أبو مرحبا]

كلام صحيح أخ النا د ر

بيض الله وجهك

[مخاوي الجيب]

مشكور على الكلام الطيب الله يوفق يوسف

[بـنـدر]

بيض الله وجهك

[ممدوح الروقي]

بيض الله وجهك يالنادر والله انك نادرفي كل شي والمعذره على القصوروانااخوك

[فارس المورقي]

صدقت يالنادر والله ان هالبرنامج شاعر المليون انه فتنة زرعوها بينا حتى يفرقونا ويفككون مجتمعنا الاسلامي والبرنامج اعتبره سلاااااااااااح الارهاااااب الحقيقي الله يكفينا شر الفتن والحروووووووب الاهلية ونعم بقباااااايلنا كلهاااااااا

[الواقعــــي]

اخوي النادر عين العقل كلامك وان دل هذا الشي انما يدل على سمو اخلاقك وانا ادري ان في العتبان والمطران ناس اكبر من برنامج المليون الذي اوقض الفتنه من جديد .
بكره راح ينتهي البرنامج وبعدها وش يبي يصير او وش اللي يبي يبقى معنا غير الاحترام والتقدير .
صادق في كلامك انه من حق اي قبيلة تشجع شاعرها وهذا طبيعي ولا فيها شي بس بدون تجريح القبايل الثانيه مهمها كان السبب لأن الموضوع برنامج وفيه رابح وخاسر .

تقبل تحياتي .

[رجـم النـايـف المطيري]

النادر اشكرك يابن العم على هذا الموضوع الاكثر من رائع

وانا اضم صوتي لصوتك وبيض الله وجهك


تحياتي لك


واهنيك على رجاحة عقلك

اخوك / رجــــم النـــــايـــــــف

[فتى الدويله]

بيض الله وجهك00يابن علوى

كلامك عين العقل 00وعز الله انك نادر اسم على مسمى


تحياتي لك

الـــــــــ فتى ـــــــــــرويــــــــــ الدويله ـــــــــــــس

[طلال الثبيتي]

كلام صحيح 100%


والكل يعلم ان اقرب القبايل الى بعض مطير وعتاابه


ماتلقى مطيري الامخاوي عتيبي والعكس صحيح


بس وش نسوي بالسفهااء الي مالقوا احد يردعهم

[خبروها بالغلا]

النادر منتدى عتيبه منتداك ومحلك

ويامرحبابك كنت عتيبي او مطيري

او من اي قبيله والرجال العاقل يعرف

كيف يحسب الامور وبرنامج شاعر المليون

صار فتنه ومصدر إشاعات والله يكفينا من شرها

وإن فاز يوسف او تركي نقول مبروك وهذا تنافس

شريف ولايدخل بين القبايل بشك من سمعتها او مكانتها

وبيض الله وجهك وهذا الكلام اللي كتبته يدل على رجل

عاقل .

[الفيصل6703]

احسنت وبارك الله فيك وهذه بادره طيبه من رجل طيب من قبيله طيبه
واهم شي لانلتفت لمن يحاول ان يصطاد في الماء العكر وان نعرف اننا
محاسبين من الله عز وجل على كل كلمه ننطق بها


تحياتي لك ولقبلتك

[النا د ر]

ماقول الا بيض الله وجيهكم على التفاعل الطيب مع الموضوع وهذا اندل يدل على رجاحة عقلكم يا اخواننا ويازملائنا ابناء عتيبه الكرام والله ياربع يوم انى اشوف الردود اقول هاذى هى اخلاق عتيبه الهيلا وعندى كلمه اخيره وبعيدها ترانى اخون لكم وانشالله امون عليكم
اخوانى صوتوا لشاعركم ووقفوا معه ولافيها منه
ونبا نصوت لشاعرنا ونوقف معه ولافيها منه
لكن يامطير وياعتيبه بعيداا عن التجريح فوقنا رب ن يحاسبنا
كثر الله خيركم وماقصرتوا وهاذى عوايد الرجال تكرم الرجال

وشكراا من القلب لجميع من مر وشارك بهذا الموضوع

اخوكم ابن علوى النادر

[ابن مشيب]

وعليكم السلام ورحمة الله وبركاته

الشك زايل يالنا د ر , ونحن في الإدارة , قد حذفنا وحررنا والغينا عضويات مشبوهه , من اجل ان نحافظ على الاقلام الواعية والهادفه , وإبعاد الاقلام الساذجه عن طريقها , والكتابة في إطار التنافس الشريف , مطلب وغير معيب لاحد , والسذج واصحاب الإصطياد في الماء العكر , لامجال لهم إن شاء الله في منتدى الهيلا , وهذا الذي نستطيع فعله في منتدانا


تحياتي