إهــــــــــــــــداء الى الهـيـلاء

[حفيد تركي]

ابارك لابناء عمي فوز الابن / يوسف , واطلب منهم مواصلة جهودهم واذكرهم بان الحلقه القادمه هي الحلقه الاخيره

التي سوف يعلن فيها لقب شاعر المليون والذي نرجو من الله ان يكون من نصيبنا وليس ذلك ببعيد عنا لذا يجب ان نبذل

كل مانملك وان نضاعف اصواتنا .

وبهذه المناسبه كتب الشاعر/ صقر بن شباب العصيمي قصيده لشد ازرنا على مواصلة الطريق نحو المليون

يقول:


مبروك ياعتبان مافيها كلام = دعو(ن) نباها مانّعود دونها
فزنا بالاولى ثم الاخرى ياسلام = ترضون والاجعل ماترضونها
ماعاد فيها إسكات يوم الحظ قام = واللعبه الي قدمنا ياهونها
حـِلفت عتيبه بين زمزم والمقام = حتى العجوز الي على حاجونها
ماعاد لاتشرب ولاتاكل طعام = حتى يجي المليون قدم عيونها
الله فيكم يامحللت الحرام = حنا عرفنا السالفه وش لونها
حنا ورثنا الشعر قبل الفين عام = ونٌدرس الجهال لاينسونها
اليا وقفنا شرعن كل الحيام = والي تبا الما يمتلي ماعونها
يوسف موصينا على شد الحزام = بالنخوه الي واضح(ن) مضمونها
ميقافكم واضح ولا منكم ملام = كل الصعاب الكايده ترقونها
وختامها صلوا على سيد الانام = عداد ماالعين ارمشت بجفونها
اللهم صل على محمد وعلى آله وصحبه أجمعين.

[ماجد بن هلال]

حفيد تركي ،،



مشكووور على النقل ،،


حنا ورثنا الشعر قبل الفين عام
ونٌدرس الجهال لاينسونها ،،


اي والله انه صادق ،،


يوسف موصينا على شد الحزام
بالنخوه الي واضح(ن) مضمونها ،،


يبشر والله باللي يفزع له ،،


لك تحيتي وصح الله لسااااان الشاعر ،،


دمت بوود ،،

[_( ابن عاصم )_]

الله يبارك فيك يااخوي حفيد تركي وبيض الله وجهك على هالكلام

وصح لسان الشاعر صقر العصيمي

وانا اضم صوتي لصوت اخوي حفيد تركي واقول تكفوووووووووووووووووووووووووووون

ياعتيبه مابقا شي خلاص الاسبوع الجاي انشاء الله راح يكون اللقب لعتيبه

بس بشرط لازم تشدووووووووووووووووون حيلكم وتصوتووووووووون تكفون

اللي صوت الاسبوع اللي راح 100 صوت يدبلها الى 200 صوت

واللي صوت 200 صوت يدبلها الى 400 صوت

ادبلو ادبلووووووووو التصويت ياعتيبه

والفوز انشاء الله لعتيبه

[ابن مشيب]

صح السان الشاعر / صقر بن شباب العصيمي على هذه الرائعة , ابيات جزلة صور فيها لجنة برنامج شاعر المليون , وبطلها يوسف العصيمي , وطلب من قبيلته التصويت وعدم التوقف , مذكرهم بقوله:


يوسف موصينا على شد الحزام=بالنخوه الي واضح(ن) مضمونها

قصيدة ذات مضمون دسم , لاهنت ياحفيد تركي


تحياتي

[الادعاصم@]

بيض الله وجهك
وصح لسان صقر واشهد انها جزله من راس جزل

[نايف الطير]

ابن العم ..حفيد تركي..

سلمت يمينك على المشاركة المتميزة..

وأما بالنسبة للقصيدة فلا نملك الا قول " صح لسان شاعرها" .. والجزل مايقول الا جزل..

و عمنا ابو محمد -جعل عمره طويل- شاعر خارج التقييم و شعره دائماً عنوان للأصالة والتميز ..

وبما انك تنشر من جديد شعره فاحرص يالقرم أن تزين صفحات الهيلا ببديع قديمه..

والله لايهينك وصل له أرق السلام والتحيات ..

[مرزوق حمدان العتيبي]

...
.
حفيد تركي
صح لسانك .... ولسان صقر ....
قصيده جزله تستحق الثناء ... ويوسف واسم عتيبه
الهيلا يستاهلون كل شي
.......

[نمر العتيبي]

حفيد تركي لاهنت على النقل وصح لسان صقر العصيمي على القصيده الرائعه بس تكفون تكفون عليكم بالتصويت يابني عمي ياعتابه

[حفيد تركي]

اشكر كل من مر على هذا الموضوع , وابشروا يابمي عمي بالتصويت الحارالي ماراح ينقطع الا لين نشوف يوسف

جالسن يلقي قصيده . صح بدنك يابن العم يابوحمود وهذا من اخلاقك الرفيعه والسلام وصل ولك التحيه والتقدير