رسالة إلى الجنرال ( يوسف العصيمي ) .

[أبو الوليد]

مع تمنياتنا له بالتوفيق في المرحلة النهائية
نتمنى من شاعرنا الرائع ( يوسف العتيبي ) عدم التوتر والتركيز في المرحلة النهائية وبإذن الله الفوز حليفه..
والواقع أن جميع الشعراء فائزين ما دام وصلوا إلى هذه المرحلة وكلهم مبدعين ويستحقون الإشادة .. وأهم من المليون هو الانطباع الذي سوف يأخذه الجمهور عن شخصية الشاعر واتجاهاته الأدبية.
وهذه رسالتي :

الشعر لعتيبة ملوك القصايد = من قبل ما تُخلق محابر قلَمْها
تاج الشعر حِزناه من عصر بايد = لين اصبحت ورثه لمن هو لِزمْها
حنا لنا بالشعر مليون زايــد = سلاسل التاريخ تشهد رجمْها
وحنا لنا بالشعر صيد الفوايد = من عهد بن جبران شيخٍ نظمْها
وحنا عتيبة من قديم العوايد = لا صوّت الشاعر يقّوي هممْها
هوازن التاريخ واهل الجدايد = ما هي هبات موزعة من لمَمْها
يا هل الشعروالفهم واهل الوكايد = صقل المعاني من عظايم قيمْها
ما هي دراهم واتصالات ( وايد ) = والاّ مذيعه تصبغ اطراف فَمْها
والاّ عضو لجنة مسوّي محايد = تصْفِق كُفوفه للّحُون ونغًمْهـا
وما هي مدايح كذب لاهل الموايد = وما هي عقولٍ ترتَخي في ذممْها
ما فيك حيلة يابن رزاق رايد = في حفلة المليون واسمك ختمْها
باذن الكريم تفوز والعلم كايد = وترتقي بالعــز قمة هرَمْها
عزوتك من برقا وروق الندايد = في سهلها والبيد واعلى قممْها
ذباحة الحايل سباع الوهايد = لطّامة العايل خفوقٍ علَمْها
لا سار للرجّال بعض المصايد= يحفظ كرامة وزعته عن رِمَمْهَا
ولا سار للرجّال بعض الشدايد = يصبر على الشدة ويبعد سقمْها
يكوي قلوب القوم والراس سايد = ويرفع ثيابه عن مواطي خٍممْها
...

عبد الملك الخديدي

[الخالدي]

بسم الله وعلى الله...

انا الحقيقه متابع لمنتداكم ولمنتدى يوسف العصيمي بالذات من فتره.. واحييكم على تكاتفكم ووقفتكم مع ولد عمكم وعمنا يوسف العتيبي العدناني.. وما شاء الله أثبت شاعريته وذباحة الحايل والمنصفين من أبناء القبائل الاخرىأثبتوا وقفتهم مع يوسف..ان شاء الله يكون المليون من نصيبه .. والله يوفق الجميع ويجمعنا على ما لا معصيه فيه..وترى كللللنا معها..

تقبلوا تحياتي ..
الخالدي المخزومي القرشي العدناني

[أبو الوليد]

مشكور يا لخالدي
وما قصرت على المشاعر الطيبة
تحياتي

[الــوآفــي]

الله عليك يا عبدالملك



ابو الوليد


راااااااااااااااااااااااااااااااااااائع الى مالا نهايه


صح لساااانك مليون



اخوك

[متعب العصيمي]

... أبو الوليد.. شهادتي فيك مجروحه... لله درك... على القصيده الجزله...

... وبيض الله وجهك... تمنياتي لك بتوفيق والسداد...

... موودتي...

[الادعاصم@]

صح لسانك رائع وجزله ومافيك حيله مافيك حيله

[ممدوح الروقي]

صح لسان يابوالوليدعسى لسانك بجزل الشعرعامر

[أبو الوليد]

تسلم يا ذيبان

بيض الله وجهك

مجهود رائع تبذله هذه الأيام

والتوفيق من الله

يعطيك العافية

ولك مليون تحية

[أبو الوليد]

الاخوان :

متعب العصيمي

الاد عاصم

ممدوح الروقي

أشكركم وبيض الله وجيهكم على الردود الجزلة

يعطيكم العافية

واهم شي التصويت

[نواف العصيمي]

أبو الوليد .. صح لسانك

بيض الله وجهك قصيدة رائعه

لك التقدير والإحترام

[! محتميها !]

ابو الوليد



صح لساااااااااانك يالذيب


ولا هنت يالقرررررم



قصييييييييده اكثر من راااااااائعه وبيض الله وجهك



الخالدي



بيض الله وجهك ووجه ربعك يالذيب


والله العظيم ان محبتي لكم زااااااادت عن قبل بعد هالوقفه هاذي



وتحيااااااتي للجميع

[ابن مشيب]

صح السانك ودام إبداعك , قصيدة ذات معاني جسمية , احسنت نظمها , واوجزت في معناها , سلمت وسلم بوحك المعطاء يابوالوليد


تحياتي

[مرزوق حمدان العتيبي]

والا عضو لجنة مسوّي محايـد
تصْفِق كُفوفـه للّحُـون ونغًمْهـا
وما هي مدايح كذب لاهل الموايد
وما هي عقولٍ ترتَخي في ذممْها
...
لله درك ايها الرائع ..
شاعر الفصحى والشعبي ....
ابوالوليد لافض فوك ... قلت واجزلت ...
لاهنت .....
..

[فيحان بن فياح]

ابو الوليد

بيض الله وجهك

مدد بلا عدد

وصح لسانك يالحصان

أخوك/فيحان العضياني

[مشل]

مشكور يابوالوليد
وصح اللسانك
يالخديدي

[أبو الوليد]

الاخوان الكرام :

المشرف المبدع نواف العصيمي

الاخ الكريم : محتميها

الكاتب الرائع : ابن مشيب

الشاعر الرائع : مرزوق العتيبي

الأخ الكريم : مشعل

الأخ : العضياني

أشكركم جميعا على المرور

والله يعطيكم العافية

[نمر العتيبي]

الله على القصيده الرائعه ياعبد الملك

والاّ عضو لجنة مسوّي محايـد
تصْفِق كُفوفـه للّحُـون ونغًمْهـا

يكفي البيت ذا كل القصيده رائعه وصح لسانك

[j w a l]

بسم الله وعلى الله...

انا الحقيقه متابع لمنتداكم ولمنتدى يوسف العصيمي بالذات من فتره.. واحييكم على تكاتفكم ووقفتكم مع ولد عمكم وعمنا يوسف العتيبي العدناني.. وما شاء الله أثبت شاعريته وذباحة الحايل والمنصفين من أبناء القبائل الاخرىأثبتوا وقفتهم مع يوسف..ان شاء الله يكون المليون من نصيبه .. والله يوفق الجميع ويجمعنا على ما لا معصيه فيه..وترى كللللنا معها..

تقبلوا تحياتي ..
الخالدي المخزومي القرشي العدناني

ماعليك زود يالخالدي

وكل اخذ حقه من الطيب
ويوسف يستاهل صبي عتيبه

[ابو غازي]

عزوتك من برقا وروق الندايد = في سهلها والبيد واعلى قممْها
ذباحة الحايل سباع الوهايد = لطّامة العايل خفوقٍ علَمْها
...
عبد الملك الخديدي

كفو يا أبا الوليد ... وصح لسانك ... يا شاعرنا الفذ
ومليون نعم بعزوتنا عتيبة الهيلا ( روق وبرقا )


.

[نمر العتيبي]

بيض الله وجهك ولاهنت على القصيده الرائعه

[الحسن الشمري]

السلام عليكم ورحمة الله وبركاته
صح السانك على القصيدة الجزله واتمنى لك التوفيق
والسلام

[امبر الفواصل]

صوتوا يالرووووووووووووقه وبرقاااااااا ليوسف العصيمي

[ولدمورق العطاوي]

صح لسانك ابو الوليد

[بـنـدر]

بيض الله وجهك


وصح لسانك

[فزاع الهيلا]

بيض الله وجهك يابو وليد على هالبصمه الجميله

ولك جزيل الشكر على ماقدمت.


ولله درك


وهذه مشاركه متواضعه واتمنى ان تعجبكم



تكفون يابرقا وتكفون ياروق= رفيقنا وقت اللقاء لايضامي

ذباحة الحايل ولطامة العوق= وعاداتنا بالفعل كسر العظامي

ومطير يالعتبان لاتكسر السوق= من شان يغشاهم سواد اللثامي



ودمتم بود



اخوكم/

فزاع الهيلا

[ابو رامي]

فعلا رسالة رائعة وصريحة

أتمنى من ممثل عتيبة أن يقرأها

ويا ليت اللجنة بعد تقرأها

وتشعر بمدى الخطأ الذي ارتكبوه في حق شاعر متمكن مثل يوسف العتيبي

تحياتي

[الوليد الاسعدي]

صح لسانك يابو الوليد ... سجل ياتاريخ :)
عزوتك من برقا وروق الندايد = في سهلها والبيد واعلى قممْها

لو مالنا من مسابقة المليون الا هالشعر اللي تفجر من كل مكان كان قلنا يكفي ... عتبان حرك تموت .

[أبو الوليد]

الاخوان :

نمر العتيبي

جوال

الحسن الشمري

امير الفواصل

ولد مورق العطاوي

بندر

فزاع الهيلا

أشكركم على المرور وعلى الردود الجميلة

يعطيكم العافية .. واهم شي التصويت

[أبو الوليد]

الاخوان :

مستشار المنتدى : أبو غازي

الكاتب الرائع والمشرف العام : الوليد الأسعدي

الاستاذ : ابو رامي

أشكركم جميعا على مروركم وردودكم الرائعة ..

وتقبلوا تحيتي وتقديري

[رعد]

قصيدة رائعة وجزلة يا أبا الوليد
ورسالة قوية وفي وقتها
يعطيكم العافية على جهودكم المميزة
وعلى هذه الحملة المساندة
تحياتي

[جمال النفيعي]

صح لسانك رائع وجزله ومافيك حيله فالك المليون