هذي الحقيقه..

[العنيد999]

السلام عليكم ورحمة الله

أنا أبدخل في الموضوع وبقولها على بلاطه


مع إني عتيبي

لكن قصيدة الجنرال البارحه

ما هي في مستواه بتاتا البته ولو طلع في الأسبوع الجاي بنفس الشي من المستوى البارحه ما أعتقد بيوصل المليون

ولكن أنا أعتقد أن الجنرال الحر النداوي يبي يجمع يخزن الكم الهيل من الطلقات ثم يفضيها ويفجرها في أخر حلقه

عسى الله يوفقه وأنا أقول الله الله بالتصويت وأرجو من يتواصل مع الشاعر يوسف ياجوال يوصله كلامي هذا


و أرجو منه يكون عند حسن ظننا به جميع انشاء الله ويبين للناس قدراته تكفى يا يوسف عطنا اللي عندك

وفجرها الله الله لا وصيك ابيك تحط حرتك في القصيده وفالك المليون وأنا أعتقد أن المنافس الأبرز هو بن فطيس
أشهد أنه شاعر وبس الجنرال بيوريه الشغل مظبوط

على العموم لا تحسبون من كلامي هذا إني معادي يوسف لا والله
لكن نبي منه المزيد ومجرد تحفيز لا غير

وشكرا أخوكم أبو منيف السميري |194| |197| |197|

[ابن الرافدين]

معاك حق اخوي الغالي حتى انا هم تفاجئت من القصايد اللي قدمهة ماهي من مستواه الشعري الراقي لكن هو يقول انه كتبهة العصر يعني قبل ساعات من بدء البرنامج واذا حسبنة هذي الفترة فهي قليلة لكنو بصراحة جاب قصيدة ع الجرح ذكرنه فيهة بلاخرة والعمل الصالح ويمكن كان هو حاس انه ماراح يكمل ...........لكن انه اتوقع انه بيفجر المسرح الحلقة الجاية وتكفون يلهيلا صوتو معاي والله اني من سمعت انه فاز واني ضاعف التصويت واصابيعي تورمن لكن فدوه ليوسف (الحر الندواي)

[نايف ابن حديد]

قصيدته جيده ولكن الوقت والضغوط النفسيه التي واجهها الاسبوع الماضي لها دور

العنيبد لاهنت

[الروسان فرسان]

انا معكم قصيدة يوسف مو في المستوى كانت بايخه مره انا احسن منه <<< اقول شعرفكم الشعر


يوسف شاعر عتيبه وقصيدته ثاني احلى قصيده في الحلقه الفائته حقت بن فطيس احسن منه ثم هو الحق ينقال لاكن ان يوسف شاعر كبير وقصيده مره حلوه


انتم ما عليكم الا انكم تدبلون التصويت ثلاث مرات عن الي فات

عتيبه والتصويت حر

[راعي النيسان]

يوسف البارحه ماضبط القصيده ولا الومه لانها كتبها متاخر وكان متوقع بشكل كبير انه بيخرج من المسابقه

لكن شكل جاه علم العصر انه باقي وكتبها

وهالشي صار مع تركي الميزاني في الحلقه الي طفات كان مستواه عادي لانه كان مضغوط مره والبارح كان افضل

وبالتوفيق ليوووسف العتيبي

[برقاوي البرقاوي]

لا يلااااااااااااااااااااااااام
نفسية الشاعر لها دور كبير في كتابة القصيدة
أعتقد أن توجهه لكتابة القصيدة التذكيرية بسبب احساسه بالظلم في الحلقة الماضيه والله يوفقه

[مقاطـي]

والله مثل ما اطلقوا عليهم

لجنة التحطيم


ربما نتيجة يوسف 22 اثرت عليه

[الجلاااهي]

يالربع الحق يقااال


يوسف قصائده البارح


كانت أفضل قصيده بعد قصيدة ابن فطيس المري و موازيه لقصيدة المريبد العازمي



أحدث من الصين و اقدم من حضارة مصر واغني من المملكه و افقر من السينيقال

تشبيه يعدّ الاول من نوعه في قصائد النصح والارشاد و يعدّ ابتكار في إدخال مثل هذا النوع من التشبيهات في قصائد النصح

واللي جعل الناس تحس بان القصيده غير ثريّه شعرياً

انها ليست حماسيه

كما عودنا يووووسف

[سلطان الحمراني]

ههههههههههه يا اخوان انتم تقولون قصيدة يوسف اللي قبل الاخير افضل وماخذ 22 من 50 وهالحين تقولون مو زينه ماخذ الرجال 21 من 25 وين الفرق............لا وازيدكم من الشعر بيت الدكتور يقول افضل قصيده سمعتها منك(يوسف)ذي القصيده


يعني اختاروا تبون قصيده على مزاجكم واللجنة تخسف بالدرجات والا درجات

[شامان]

الله يوفقه ،،

والمهم فزتكم يابني عمّي ،،،

[العنيد999]

ما أقول إلا الله يوفـــــــــــــــــــــــــــقك يا جنرال وحنا معك

ولا هنتو حميع

[الصيرمان]

يالربع..
ترى المري اخذ تصويت اكثر من يوسف...
هذا وحنا مرابطين ومحرقين تلفووناننا !!!!!!!!!!!!!!
يعني...لازم ندبلها مره او مرتين ويمكن ...لان اللجنه بتحط حيلها في انه مايفووووووووووووز

[الروسان فرسان]

صحيح لازم ندبل التصويت الي فات ثلاث او اربع مرات لكي نظمن الفوز بمشئة الله