المساعد الشخصي الرقمي

مشاهدة النسخة كاملة : محمد الروقي اغـــــر يمي جااااي

الشمالي الغربي
12-Mar-2007, 10:24 PM
مسيت بالخير يامحمد انت والجميع


يامحمد الروقي ليا ناديت جاوب للندا=نبا نصدرها عن الميراد سلم واستلم
شاعر تجاوزت المراحل كلبوها ماعدا=ماتعتبر من نقدة النقاد سلم واستلم
حمود بن برجس
12-Mar-2007, 11:00 PM
صح لسااانك يبو خالد


وبانتظار محمد ...
محمد الروقي
12-Mar-2007, 11:03 PM
يالله الخيره ..


صح لساانك واستلم يبو خالد




ان صاح صياح العرب جيتك ونفسك تتهدا = واموّلك واعطيك ملح وزاد سلم واستلم

شاعر وراسي فوق يامحمد وانا سقم العدا = عاين في سيفك وده الحداد سلم واستلم
عمرالروقي
12-Mar-2007, 11:06 PM
مسيت بالخير يامحمد انت والجميع


يامحمد الروقي ليا ناديت جاوب للندا=نبا نصدرها عن الميراد سلم واستلم
شاعر تجاوزت المراحل كلبوها ماعدا=ماتعتبر من نقدة النقاد سلم واستلم

0
0
0
الشمالي الغرررررررررررربي
مسيت بالنور انت ومحمد والجميع
-------------------------------------
صححححححححح لساااااااااااااااااااانك
ولااااااااااااااااااااااااااااااااااااااااااااهنت
--------------------------------------------
النا د ر
13-Mar-2007, 03:56 AM
الله الله


صح لسانك يالشمالى الغربى

وصح لسانك يامحمد الروقى

بدايه قويه

واصلواا متابعين الابداع

تحياااتى للجميع

النادر المطيرى
الشمالي الغربي
13-Mar-2007, 11:27 AM
ناديت بأسمك مير جا رجال غيرك واعتدا=مار انتبه بعض الخطا ينعاد سلم واستلم
بعض العرب يلقا مدا بعض العرب ماله مدا=السيف مع عنتر ولد شداد سلم واستلم
الشمالي الغربي
13-Mar-2007, 11:28 AM
عمر الروقي
النادر



هلابكم شرفتوا

لاهنننننتوا
تركي البرّاق
13-Mar-2007, 11:34 AM
الله الله الله ..

محاووووره كبيرررررره وصح السنتكم

وانا في صف محمد انصافاً للحق وبحكم الصداقه هههههههههههههههه :)

دمتم بخير...
محمد الروقي
13-Mar-2007, 11:51 AM
ماجاك غير الظل وانته صوتك يعوّد صدا = حلمك تصيد وواقعك تنصاد سلم واستلم

تمشي دروبك مع كرا وتركب على ضلع الهدا = ياللي تصيد امن الحرم مافاد سلم واستلم
محمد الروقي
13-Mar-2007, 11:57 AM
عمر الروقي ..

لاهنت على حضورك يالمدير


دمت بخير


==========================

النادر صح قلبك ...

حضوورك شرف طال عمرك

والابداع منك وفيك ..

لاهنت على تشريفك


=========================


مروي الشطـــير حيه وحي الصفـــ اللي انت فيه

صح قلبك ..وصح كلك ..


الصف يتشرف بك طال عمرك ..


لاهنت على حضوركـ
الشمالي الغربي
13-Mar-2007, 12:04 PM
اللي يدور له مع العربان والناس اعضدا=يبا يقود وبالرسن ينقاد سلم واستلم
الاوله ضيعتها والثانيه قلنا فدا=والثالثه بأحكم لك الاوتاد سلم واستلم
الشمالي الغربي
13-Mar-2007, 12:05 PM
مروي الشطير هلابك


نورت

لاهنننننننننننت
محمد الروقي
13-Mar-2007, 12:48 PM
اسستلم ..

الصلاه وجبت .. بصلي وراجع ..



محكوم يامحمد تحت حكمي وليلك اسودا= النار في راسك تبا تزداد سلم واستلم

عشيتك البارح واثرك اليوم تبغالك غدا = في ذمتي سينك يعوّد ضاد سلم واستلم
الشمالي الغربي
13-Mar-2007, 12:53 PM
هههههههههههههههههههههههههههههههههههههههههههههههههه ههههههههههههههه


اهب ياهذا

اجل استلم والختام من عندك وصح لسانك ... انا عندي مشوار ويمكن ما ارجع الا بعد يومين ..



ترى المطر يامحمد الروقي مهو مثل الندا=وشعيل مايحمل رسن وشداد سلم واستلم
احداك لدروب السنع وانت تحداني للردا=وانا استحي من ربعي الاجواد سلم واستلم
محمد الروقي
13-Mar-2007, 01:44 PM
صح لسااانك ..

سعدت باللعب مع شاعر مثلك


وشكراً لكل من حضر وتابع سواء اعضاء او زوار او مراقبين :)



استلم ..



اليا غدالك حق علمني وقلي وش غدا = محشوم يالشايب وانا ورّاد سلم واستلم

اما كذا لا تدعي بالكذب والهرج السدا = الحرب يامحمد تبا استعداد سلم واستلم
أبو نجر النفيعي
13-Mar-2007, 02:30 PM
,,

,


محمد الروقي , , ×× ,, الشمالي الغربي

صحة السنتكم ياعيال العم

,

,,