قصيدة عتيبي مقهور من لجنة التحكيم

[بن عايد]

هذه القصيدة كتبها أحد أبناء قبيلة عتيبه، وهي بصوته، وقد طلب مني عدم ذكر اسمه، وله ذلك.
تفضلوا هنا (http://www.5ymah-up.net/upload/upload/wh_46920211.3gp)

[العسيلي @]

قصيده ممتازه بس لو قال قصيدته بهدوء الرجال مستعجل تقول واحد يلحقه

[عتيبي 511]

ابن عياد

صح لسان قايلها ولاهنت على النقل


والله انهم يستحقون ماجاهم

[ولد مجري]

والله القصيدة حلوه لو متركد اشوي اذا تعرفة تقولة يسجلها مرة ثانية بس باداء احسن من كذا وبهدوء

صح الساااااااااااااااااانه وبيض الله وجهه ووجهك


تحياتي له ولك/ ولد مجري



الرويس

[بن عايد]

أبشروا إن شاء الله أخليه يسجلها مره ثانيه، بس المشكله هو أدائه دايم بهالطريقة.

[محمد النفيعي.]

صح لسان الشاعر وأنت يابن عايد الله يعطيك العافيه وتكفى خله يكتبها

[بن عايد]

يا قاف شب الضو وازداد في النار = واشتب عودانك بروس القناديل
وأخذ هوى المنفاخ من قلب محتار = لهيب ناره يحرقن المعاميل
وليا حمى الميقاف ناخذ ونختار = نركبك منجوب ونرسل مراسيل
نعد في القيفان في سر واجهار = عتيبه الهيلا هل القاف والقيل
عتيبه الهيلا على قب الامهار = يحدون ما كنا البلاوي بهاذيل
حنا خدمنا الشعر من غير دينار = نحمي حدوده والحما والمحاصيل
دونه نجز الراس من جز جزار = ونقدمه صافي صفات الشهاليل
يشهد لنا التاريخ في ما مضى صار = في صفحته تلقى جزيل الأقاويل
كلام نقطفله كما قطف الأثمار = يطربله العمسان لو ما لقى هيل
وتشهد لنا سبع القبايل والأمصار = الشعر عند ربعي هل العز والخيل
ويومن تربعنا على العرش والكار = خذنا الولاية فيه جمله وتفصيل
جونا هل التطبيل والدف والطار = في لجنة التحكيم جونا المهابيل
(الأردني) ثور مع سحم الأبقار = أبو خدود كنها خدة الفيل
دكتور عود يم الأردن والاقفار = يا شيخ عوده في هذيك التماثيل
ولا (حمد) مجاملينه وعيار = ابن السعيد وينه ووين التحاليل
مغير يمدح ماش علم ومعيار = كذاب والكذاب في وادي الويل
ولا (العميمي) لقبوله برادار = كمانه الهدد وشاف المحابيل
ولا (المريخي) خافت الصوت حيار = يقلد اللجنة على غير تعديل
ولا (على) لاوصله الدور هذار = يوم العراقي سردهم بالتعاليل
يا شاعر المليون مليون شعار = تمشي من العارض ليا حرة السيل

[محمد النفيعي.]

الله يعطيك العافية يالغالي.

[أبو فيصل]

والله صح لسانه ملايين

أنا أشهد أنه كفّى و وفّى شاعر وافي والله

لاهنت يالغالي على النقل

تحياتي

[خالد السيف]

ههههههههههههههه

ماينلام والله

اما الشيخ عوده هههههههههههههه

عموما صح لسان الشاعر

وبيض الله وجهك يالغالي