محاورة بين ابن جدعان والهاجس

[ابن جدعــان]

ابن جدعان:

يالهاجس الليله يا كثر المشاريع=حتى المعاني تا تعود طماعه
واليا التفتنا فالقداء والتسانيع=كل[ن] يقوم ونجدته من ذراعه

الهاجس:

منصور بن جدعان لا يقعد ايذيع=العلم وصله كان يبغى سماعه
اليا بغينا الشعر جتنا مطاويع=كل الهجوس اتقول سمع[ن] وطاعه

ابن جدعان:

الله يعين ابخير يا خاتل الريع=منته لحالك فالوفاء والشجاعه
ضرب العصا ما هوب مثل القواطيع=لو للعصا فالناس سمعه وراعه

الهاجس:

بصبر على الي صار لو فيه تلويع=وغيري كثير الوقت بالفعل لاعه
قلنا ندافعه مع الربع تدفيع=وانتك تعلمت الهجوم ابدفاعه

ابن جدعان:

الله يعينك يالجباه المصاليع=جاك الخبر والنور بين شعاعه
يا مكثرين من اليثب فالمقاميع=بعض الحروب اهي السبب فالمجاعه

الهاجس:

يقوله الي حاصل[ن] له زعازيع=تال الزمن طاو[ن] لحاله شراعه
ياماقلوب[ن] من سببنا مفاجيع=والي لحاله مكسبه للجماعه

ابن جدعان:

يا كبدي الي تشتكين الملاسيع=روحك عساه تشتملها الشفاعه
بنات فكر الهاجس امس[ن]مفاريع=وصل الخبر للتلفزه والاذاعه

[مطلق الشيباني]

سلمت ولا هنت يابن العم

وصح لسانك انت و الهاجس على هالرديه الرائعه

جزله من راس جزل

تقبل تحيات ابن عمك :-

مطلق الشيباني ...............................

[((الدلبحي))]

ابن جدعان
تسلم الله يعافيك انت والهاجس على الرديه الرائعه والجميله
صح السانك والسن الهاجس على الكلام الجزل والمعاني الطيبه
تقبل تحياتي

[نجد]

الشاعر منصور بن جدعان
شهادتي فيك مجروحه .... وشاعر تجاوز مرحله الاشاده بمراحل

صح لسانك .. وننتظر ونطمع في المزيد يابوفلاح

[ابن جدعــان]

الاخ : مطلق الشيباني

صح بدنك.

واشكرك على هذا الشعور الطيب الذي يدل على طيب معدنك.

[ابن جدعــان]

مرحبا بك يا خوي((الدلبحي))

وصح بدنك

[ابن جدعــان]

اخوي نجد:

في الحقيقه انني اعجز عن شكرك.

واتمنى ان اكون دايما[ن] عند حسن ضنك بي.

انت ومن يهمني رايه في منتدى الجميع.