سقطة لم ينتبه لها احد للجنه الحكام .. اتمنى المرور من الجمييييع

[الجلاااهي]

سقطه للجنة الحكام لم ينتبه لها احد

ولم تأخذ حقها من النقاااااااااااااااش


إذا إن يوسف على حد قولهم تجاوز في طرح عدد الابيات و الكثيرين الذين انجرفو خلف هذا العذر المضحك

و هو مدخل اللجنه في إعطاءه 22 نقطه


أأين اللجنه من عبدالرحمن الشمري

اللي جاب قصيده فيها نثر كلام غير مقفى يعني ليست من شروووط المسابقه أبداً و التي تخرج صاحبها من المسابقه

اليست من شروط المسابقه الشعر المقفى الموزون طيّب الشمري قصيدته بالطريقه اللي طرحها تعتبر من قصائد التفعليه و ليست من القصائد النبطيه




و يعطوونه 48




ظــــــــــــــــلم عيني عينك


أتمنى انسحاب يوسف العتيبي لكي تاكلها اللجنه محثله و لكي يثبت ان اللجنه ليس لها مصداقيه

و اذا انه بيكمل عز الله اني بصوت له لين يتفل الجوال العافيه

[الجلاااهي]

أتمنى ان يثــّبت الموووووووضووووووع يا أداره

[عبود العتيبي ون]

يأخوان يوسف مهوب منسحب ولاكن لا تخلونه والله ثم والله إن كان التصويت مهوب جاي فيه نخبسة ما يطلع يوسف وإنشاء الله كلامي صحيح وتكفون لاتخلونه والله الضربة القاضية صدقوني إذا ماطلع يوسف

[مشعل بن حديد]

الله يعطيك العافية بس اللجنة همهم يوسف واللي أستفاد كل شاعر فيه من اللجنة من يمثله وعبد الرحمن وتركي وأماراتي
أكبر دليل

[مشعل المقــاطي]

انسحابه بمثل هالوقت غلط

نبي نصوت والله ينصره ويعدى هالمرحله ثم يهجيهم بقصيده غير اللي قدمها لهم امام الملا ثم على الهواء مباشره يعلن انسحابه لعدم نزاه اللجنه

يعني اذا فاز هالمره المره الجايه 70% بيد لجنه التحكيم

وتكفوووووون التصويت شي ماينسكت عنه

[بخيت العطاوي]

ليته على كذا وبس اخوي الجلاااهي ... يوم تذكر عبدالرحمن الشمري واضافة شعر التفعيله ... ياخوي هذا تنبلع مع اللي ابقولها لك ولا يهنون الربع :

يمكن تذكر الشاعر الامارتي المنصوري طلبوا وهذي شروط اللجنة قصيده حكمه او نصيحة ...

وابو الشباب جابلهم قصيده في باص ... نعم في باص ... ووين احترام شروط اللجنة

ووين ووين لا ومن زينها يجوب الشوارع .. خله يفتر وش دخلك فيه الظاهر كان شغال في المرور ..

والعميمي ماشاء الله تجاوزت الوقت هذا اللي لقيته .. الظاهر انه كان حكم ولا رجل

اشارة .. وبعد شوي يقول للميزاني جب التلفزيون التلفزيون التلفزيون ... عسى ماشر بس

لجنة التحكيم ... ليته بس الشعار يلقون القصايد ويخلون الباقي للجمهور تصويت .. بلا لجنه بلا كلام فاضي ..

وبالتوفيق للجميع

[عتيبي فوووق]

رايي الشخصي لجنة التحكيم مومأهله لتقييم الشعراء لان مالهم بالشعر ولاعمري سمعت قصيده جزله

لواحدن منهم الله يظهر الحق يالله وبس ..

[الذيابي511]

السلام عليكم

مسا الخير

ماتوقع تصويتنا راح يودي ويجيب

نفرض ان

المري=اللجنه48+الجمور30=78
المطيري=اللجنه48+الجمهور30=78
العازمي=اللجنه48+الجمهور25=73
الشمري=اللجنه47+الجمهور28=75
القحطاني=اللجنه42+الجمهور27=69
العصيمي-اللجنه22+الجمهور40=62

واتوقع واجد اللي ماراح يصوتون بسبب النتيجه الظالمه

واعتقد انه احسن لنا انا على الاعقل نخسر ذالبرنامج الفاشل

مع التحيه الــــــــذيـــــــابــــــــــــي 511