المساعد الشخصي الرقمي

مشاهدة النسخة كاملة : شرح الطريقه لكي يتاهل يوسف

عماش
07-Mar-2007, 04:18 AM
عتيبه ماعاد دون الحلق الا اليدين

وحنا الهيلا بنغلبهم بكثر الاصوات لو تكاتفنا كلنا وصوتنا تصويت مستميت ليوسف راح يتاهل للحلقه القادمه..ومنها الله يزين الامور وصدقوني مثل مافوزناه من قبل راح نفوز بكثر عددنا وهمتنا لان في مشاركين ماراح يصوت لهم واجد ونتايج الحلقه الليله خير برهان شفنا بعض المشاركين ماتجاوز العشرين بالتصويت

تكفوووووووووون يالهيلا ترى الدعوى تحدي والعزايم معها الغنايم
الطائف نت
07-Mar-2007, 04:23 AM
الله لا يوفق لجنه التحكيم

ويوسف شاعر غصب عن ام لجنه التحكيم

بس كذا ظلم وغش عيني عينك

حرام بالله اني بغيت اطق من القهر

خلاص يا عماش الدعوه وضحت هذي مهي نتيجه هذي طرده عيني عينك

والظاهر لو نصوت ليل نهار ما ينفع بالعربي لجنه التحكيم ما تبغى يوسف

بس نبي نسوي اللي علينا والباقي على الله

تقبل مروري
عماش
07-Mar-2007, 04:32 AM
الطايف تكفا وانا اخوك العزايم معها الغنايم

وحنا سلاطين نجد ماهوب حكي .........والله بيعنا صوتو وماراح لعينا يوسف ماهوب خساره والعرب عارفين ضلم اللجنه

لكن كل عتيبي لاينسى اول اربع ابيات عدها يوسف ونخانا
خالد السيف
07-Mar-2007, 04:35 AM
عماش بيض الله وجهك

وانا من عندي 100 وعلي الحرام اني اقوله صادق

وخلوكم اطيب مني

والدراهم في هالموقف خساره مقعادها فالجيب

تكفون ياربعي تكفون ياعيال عمي

الامور وضحت يبون ينصفقون مره ثانيه

نبيها صفعه حاميه
سعود بن مويسان
07-Mar-2007, 04:39 AM
يااااااااااااااجماعه المسأله محتاجه دبل التصويت اللي صوتنا فيه قبل لأن الفرق كبير جدااااا في حدود26% نسبه ماهي بسيطه . يمكن اللي ارسل قبل 100 صوت يحتاج الان انه يرسل 200 صوت . وخوفي من التلاعب في الكنترول اذا كان يوسف مستقصد في المسابقه والله لو يوصله من كل عتيبي 100 صوت مايطلعونه . بس الله فوق الجميع . رغم ان قصيدة تركيه 2000 الاخيره كانت عااااديه جدااااا ويجيبها مبتدئ في الشعر لاكن الله حسيبهم.

عني انا برووح لشركة موبايلي وبطلع شريحتين بأسمي وبرفع حدها الأتماني وبصوت لين يفصلون الشرايح . بخربهااا وموبايلي ماتباعد اللجنه كلهم مع الاماراااااااااااات والأماااااارات جمهور رااااعي الموووواويل . لعنة الله عليهم من لجنه ومن جمهووور ومن عااااازفة مووااااويل ومن طبلهم في الكراااااسي .
خالد السيف
07-Mar-2007, 04:44 AM
خربها ياسعود خربها

كفووووووووووووووووو

وحنا قدها وقدود

ونبيها عتيبه تخربها

وتكفون ابي صفعه على صلعة غسان
مشعل بن حديد
07-Mar-2007, 04:46 AM
بيض الله وجهك ياعماش وأنا مثل خالد السيف لعيون يوسف كله يهون
ابن معيض
07-Mar-2007, 04:47 AM
لا حول ولا قوة الا بالله

وربي شي يفقع المرااااااااااااره

بس لازم توقف مع ولدنا
خالد السيف
07-Mar-2007, 04:49 AM
كفوووووووووووووو يامشعل

وهذي بوسه على راسك
خالد السيف
07-Mar-2007, 04:50 AM
كفو يامعيض

خلونا ننسى اللي فات

ونبدا من اليوم

اللي بجيوبكم حطوه

ودراهمنا ماتروخ خساره بعون الله
مشعل بن حديد
07-Mar-2007, 04:51 AM
كفوووووووووووووو يامشعل

وهذي بوسه على راسك
يسلم راسك ياخالد
الشايب
07-Mar-2007, 10:42 AM
اضمن لي مافيه تلاعب والله ان يطلع الاول
الصدق
07-Mar-2007, 12:06 PM
عماش بيض الله وجهك

وانا من عندي 100 وعلي الحرام اني اقوله صادق

وخلوكم اطيب مني

والدراهم في هالموقف خساره مقعادها فالجيب

تكفون ياربعي تكفون ياعيال عمي

الامور وضحت يبون ينصفقون مره ثانيه

نبيها صفعه حاميه

ما انت باطيب مني

من عندي 200
العصيمي2007
07-Mar-2007, 02:54 PM
ابشر بعزك وابشر بالفزعه
سامي نجد
07-Mar-2007, 03:05 PM
بشر بعزك يايوسف


حنا معك وانى مخلينك


خربها ياسعود


بيض اللله وجهك