يابن ثعلى يابن ثعلي

[علي فلاح العضياني]

يا سلام الله سلامٍ يعم الحاضرين=من هجوس الشاعر اللي يلاطم جمّها
يابن ثعلي سالفتنا لها حول اسنتين= مدري انته يمها ولا ما انت بيمّها

[نواف ابن ثعلي]

مرحبا باالشاعرالي على تقوى ودين= من هجوس(ن) ماحداهاالزمان وهمها

سالفتناروحت ولعن ابليس اللعين=والعلوم المقفيه لاتزيد اتخمها

[علي فلاح العضياني]

سالفتنا باقيه لو يطولنّ السنين=والعلوم الكايده مالها الا عمّها
الوعد ما عاد يلزم معك والله يعين=مار اظنك ماش قلب العلوم يضمّها

[نواف ابن ثعلي]

غيرالموضوع ياجعل فالك مايزين=العلوم الي نبا ها وراك تزمها

اكتم السراكتمه ما نبا الخافي يبين=لاتفرقها وبعدين يصعب لمها

[علي فلاح العضياني]

لا تروح يسار والدرب يا الثعلي يمين=والعلوم اللي تباها تعال وسمّها
النشاما فاللوازم تخلص كل دين=وانت صرت اثقل من اللي ثقيلٍ دمّها

[نواف ابن ثعلي]

مانروح يسارنمشي دروب الغانمين= والعلوم اللي تعل الضمايرغمها

انت ماتفهم كلامي وقلبك مايلين=صرت مثل اللي لاشاف المراغه شمها

[علي فلاح العضياني]

الرجال الغانمه وين وانت تعيش وين=ابلع النعمه عسا الله علاك يتمها
لا تحرث العلم وتصير مثل ام القرين=ما حسبت حساب لام الكباير وامّها

[نواف ابن ثعلي]

انت تعرفني وانا اعرفك يابو نيتين=صرت مثل الحيه اللي ذبحها سمها

ردها معروف لاكن حنا مستحين=لاتذم الناس ماهوب طيب ذمها