لو قلت انا شعري فلاني بمليوم

[فهد الدعجاني]

لو قلت انا شعري فلاني بمليوم = تخفيف عن نفس الشقا من عناها

ماهو طرب لاشك ياناس مهموم = اشوف بعض الناس يكثر خطاها

واشوف بعض الناس باالغم ملزوم = التفرقة لو هي تبيع شراها

واشوف بعض الناس بالفعل مذموم = نفسه رديه والبلا من هواها

قامت تخوله على كل مسموم = ويمشي على درب الردي من رداها

ويشفق على وقت السهر مايبي النوم = ليته لدرب الخير نفسه هداها

كيف الفتى يترك صلاته مع الصوم = والنفس بفروض العباده دواها

نصيحة من قلب مخلص ومغروم =من واحد يبغي من الله جزاها

توبو لوالي الكون والاجل محتوم = تنجون من نار لهيب لظاها

في ساعة مافيها ظالم ومظلوم =ومن يفعل الخيرات يلقي جزاها

ترى الحظيظ اللي ليمات مرحوم = النفس عن فعل المعاصي قواها

وصلو على من هو من الذنب معصوم = على النبي اعداد ماطر سماها


خوكم

فهد

[ابن شنيف]

نصيحة من قلب مخلص ومغروم // من واحد يبغي من الله جزاها
اخوي فهد صح السانك وبيض الله وجهك
لاتحرمنا من قراءة مثل هذه القصايد
تقبل تحياتي :
ابن شنيف

[فهد الدعجاني]

صح بدنك اخوي ابن شنيف مشكور على مرورك ومتابعتك للقصيده وابشر باللي طلبته.
اخوك
فهد

[^المقاطي^]

واحب اقول اني اميل للشعر الغير غزلي وخاصة التي تكثر فيه الحكم والنصائح على العموم صح لسانك يافهد وتسلم

[فهد الدعجاني]

صح بدنك يالخال ولاهنت ياطويل العمرررررر ومرورك على هالقصيده المتوااااضعه فخرررر للقصيده

اخوك
فهد

[ابو وعيل]

صح لسانك


ولاهنت اخوي فهد



وحقيقة متشوق دائما لمشاهدة قصايدك

وماشاء الله عليك كل قصيدة افضل من الثانيه :)


تحياتي
ابو وعيل الرويس

[فهد الدعجاني]

صح بدنك ابو عيل ولا شنت وحقيقه مرورك على القصيده شرف لي ووسام على صدري يعطيك العافيه
اخوك
فهد

[عمر الدعجاني]

أكثر ماعجبني في القصيده النصائح الدينيه فيها

ومشكوووووووور على هذي الابيات

[فهد الدعجاني]

الشكر لله سبحانه مشكوراخوي عمر على تعقيبك على القصيده

[مطلق الشيباني]

اولا :-

اللهم صلي وسلم على نبينا محمد وعلى آله وصحبه اجمعين

صح لسانك يابن العم على هالقصيده الرائعه والجزله

الي من راس جزل

ولا تبخل علينا يابن العم بمثل هالقصايد

وشكراا

مع تحيات :- مطلق الشيباني ...............

[فهد الدعجاني]

صح بدنك اخوي مطلق الشيباني الرائع وجودك وتشريفك للقصيده طال عمرك وابشر باللي يرضيك انت والاعضاء
اخوك
فهد

[ناصر العصيمي]

نسأل الجميع ... عن فهد الدعجاني
وصمت المجيب .... برهة من الزمن ...
ليخرج ... من حقيبته هذه القصيدة ...
وينشرها في ارض المنتدى ... ليثبت أن الإبداع
في كل زمان ومكان..
ــــــــــــــــــــــــــــــــــــــــ
عزيزي فهد قصيدة بحق اكثر من رائعة لما تحتويه من نصائح قيمة
عزيزي لاتبخل علينا بقصائدك الجميلة
***********************************************
انا بحق من اكثر المعجبين بقصائدك التي انتظرها بفارغ الصبر
لانني وبحق اتذوق ماتكتبه بصدق

[ابن جدعــان]

اللهم صلي وسلم على قائد الغر المحجلين المبعوث رحمة[ن] للعالمين


صح لسانك

[فهد الدعجاني]

هلا اخوي ناصر مشكور على كل حرف كتبته وان شاء الله اكون عند حسن ظن الجميع يعطيك الف عافيه
اخوك
فهد

[فهد الدعجاني]

صح بدنك اخوي ابن جدعان بس ياليتك ماغيرة تنسيق القصيده كان الاول احسن

[ابن جدعــان]

فهد الدعجاني:

القصيده المنسقه

ما تطلع في الشكل الجديد للمنتدى.


ولما لم اجدها قمت بأعدة كتابتها بدون تنسيق.

[ان كانها تطلع عندكم فأنا اسف].

[فهد الدعجاني]

يسلم راسك ياولد العم

[جهز الهرس]

في ساعة مافيها ظالم ومظلوم =ومن يفعل الخيرات يلقي جزاها

سبحان الذي لا يظلم احد
،،،،،،،،،،،،،،،
اخوي فهد الدعجاني صح اللسانك على هذه النصيحه الطيبه
وجزاك الله خير الجزأ


اخوك جهز الهرس

[فيصل محمد]

كيف الفتى يترك صلاته مع الصوم = والنفس بفروض العباده دواها

صح لسانك..
تسلم يا ابن العم لا هنت جزله وما تجيب إلا الجزل

ننتظر منك الجديد

أبن عمك.. (أبن محمد) :)

[فهد الدعجاني]

صح بدنك اخوي جهز ماننحرم من مرورك الطيب يعطيك العافيه
اخوكم
فهد

[فهد الدعجاني]

صح بدنك ياابن محمد مشكور على مرورك وتعقيبك على القصيده

اخوكم
فهد