سلامي على نواف واصحاب نواف

[علي فلاح العضياني]

سلامي على نواف واصحاب نواف=هل الطيبه واهل الوفا والجميله
على شانكم ياربعنا نبدع القاف=نوينا نسافر والمسافه طويله

[نواف ابن ثعلي]

هلا مرحبا عداد من فالحرم طاف = يقوله عميلن وافين مع عميله


توكل على الله عارفه عند عراف = يارع الاصيله وين درب الاصيله

[علي فلاح العضياني]

عسا الله يبارك فيك والدرب ينشاف=تطول الدروب ولا يضيع الدليله
ترى اللي هذا مبداه تاليه ينعاف= يا كبر الخطيه يا شيوخ القبيله

[نواف ابن ثعلي]

ليا من عوى ذيبن على راس مشراف = ليا اوحاه ذيب يجاوبه ويعويله

مدام العقول اوزانها اثقال واخفاف = علامك يا ابن عمي حصل فيك ميله

[علي فلاح العضياني]

يا ليت الضماير كلها بيض ونظاف = وبعض الاوادم ما يطلّع حصيله
انا احسب علاكم معيْ في كل ميقاف=يا طيب العميل اللي مع عميله

[نواف ابن ثعلي]

ليامن عطت مع كل هفه ومحراف = محد يعذر اللي صار مامعه حيله

انا معك طول الوقت ما عندي اخلاف = نهار الملاقا والسيوف الصقيله