السلام ورحمة الله وبركاته يا عتيبه

[علي فلاح العضياني]

السلام ورحمة الله وبركاته يا عتيبه=واثني التسليم للي حاضرٍ يقرا سلامي
علموا مرزوق رجال المهمات الصعيبه=جاك موتك جاك يامرزوق ما فيها كلامي

[مرزوق حمدان العتيبي]

مرحبا ياللي تسلم من بعد طول المغيبه = صاحب ٍ لو يختلف ممشاك معطيك احترامي
هات علمك واذكرالله لاتضوي لك مصيبه = موتنا في دبرة اللي ينشي حقوق الغمامي

[سلطان الجـذع]

علموا مرزوق رجال المهمات الصعيبـه
جاك موتك جاك يامرزوق ما فيها كلامي
علموا مرزوق رجال المهمات الصعيبـه
جاك موتك جاك يامرزوق ما فيها كلامي
علموا مرزوق رجال المهمات الصعيبـه
جاك موتك جاك يامرزوق ما فيها كلامي
علموا مرزوق رجال المهمات الصعيبـه
جاك موتك جاك يامرزوق ما فيها كلامي



طيب طيب يالفالح


صح لسانك وسر الليل

[سلطان الجـذع]

هات علمك واذكرالله لاتضوي لك مصيبـه
موتنا في دبرة اللي ينشي حقوق الغمامـي
هات علمك واذكرالله لاتضوي لك مصيبـه
موتنا في دبرة اللي ينشي حقوق الغمامـي


وش نقول يالمدير ؟؟؟؟؟؟؟؟

لازلت تقدم دروس النقض والفتل
لكل من يمر على مشاركاتك

[علي فلاح العضياني]

والله اني مبعدٍ عن كل شك وكل ريبه= انته اللي يا ولد عمي معي مانت بتمامي
الصحيب اللي سواتك ما يخبّي عن صحيبه=وانت ما تبغا تخبّرني عن الحر القطامي

[رجـم النـايـف المطيري]

صح لسانكم يالهيلا


واصلو واصلو وانا متابع معاكم


وانا بصف مرزوق العتيبي {ولو اني ماخذ بخاطري عليه شوي بسبب الغيبه عنا}


بس مهما صار انا بصفه{والغالي يبقى غالي}



تحياتي لكم



اخوكم



رجــــم النــــايــــف الـمطـيري

[مرزوق حمدان العتيبي]

...
.

مرحبا ياسلطان ...
شكرا على الاطراء ... وانت الاستاذ ومن شرواك
نتعلم .....
..
مودتي .....

[الشمالي الغربي]

الله الله الله


الفالح ومرزوق




لله دركم

كم انتم مبدعين


متابع لاهننننننننننتوا با ابطال

[مرزوق حمدان العتيبي]

عاش راسك ياولد عمي بعيد من المعيبه = كل جسم ٍ له مقاس وكل رجل ٍ له مقامي
شد حيلك واتبع الجره وتوصلك الذهيبه = وانت رجال ٍ عروف اسمك من خيار الاسامي

[مرزوق حمدان العتيبي]

...
..
.
الشاعر الكبير رجم النايف
مرجبا تراحيب المطر .... ما اغليت الا.. من يغليك ..
واشكرك على مشاعرك النبيله والغير مستغربه ..
... والله ياخوك هالايام ربيع وعلوم ٍ طيبه ... وزانت الطلعات
مع النشاما شرواك...
شرفت ياغالي .... وزاد الشرف بوجودك في صفي
....لاهنت ...

[مرزوق حمدان العتيبي]

...
.
مرحبا يابو خالد ...
.. متابعتك تزيدني شرف ..
..
اشكرك بعنف :)
....

[علي فلاح العضياني]

كل رجلٍ يالعتيبي ما يحوش الا نصيبه= والعلوم الطيبه ياصاحبي غاية مرامي
لا تخلينا نروح بعيد والدعوى قريبه=مثل ما قال المثل والواسطه فوق النظامي

[مرزوق حمدان العتيبي]

كل رجل ٍ دون وجهه ماقعد شي ٍ بجيبه =يبذل المجهود يوم ان الكرم طبع الكرامي
انت مشغل خاطرك علمٍ ولادري وش تبيبه = من كثر منت بتفكر فيه ماذقت المنامي

[علي فلاح العضياني]

االوفا والطيب من طبع الرياجيل العريبه=من هو اللي ما يصوّت للعصيمي والقثامي
لا تدس العلم يا مرزوق جيب العلم جيبه=انت رجالٍ حشيم ومن رياجيلٍ حشامي

[مرزوق حمدان العتيبي]

انت عندك علم فالعتبان ماترضى الغليبه = يومها بالسيف والرمح ومزاريق السهامي
كل رجال ٍ على مايعمله ربه حسيبه = التزم بامر الحلال ولا تجي درب الحرامي

[وسيع البنايد]

اليل ياعتابه
وانابين الصفين

ياشعار
وصح السنتكم

مودتي

[علي فلاح العضياني]

اعرف العتبان لامنّه عوى ذيبٍ لذيبه=متعبة قحص المهار اللي يثيرن العسامي
صاحبك ما يطلبك شيً حرام ولا رضيبه=يالرياحي ما تمشيها على قلب الزلامي