سلام يا اصحابنا العتبان!!!!!

[عبيدالله العرابي]

سلام ياأصحابنا العتبان (والمطرود ملحوق)=رديةٍ من صميم القلب ماتغوى سراها
سمعت لي سالفه ما أظنها من راس مرزوق=واللي سمعها لقاها غير يوم إنه قراها

[عاشق المخايل]

صح لسانك يالقـــــــرم

[ماجد الرويس]

الشاعر المبدع بعيد النظر صح لسانك

وفي انتظار الشاعر المقابل

تحياتي لك يابعيد

[عبيدالله العرابي]

الغالي : عاشق المخايل

صح الله قلبك وسعيد بحضورك

تقديري لك يالقرم

[عبيدالله العرابي]

الشاعر الغالي ك ماجد الرويس
ياهلا وغلا بحضورك الفخم ومتابعتك التي تثلج الصدر
تقديري لك يا امير

[أبو نجر النفيعي]

,,

,

الشاعر الكبير / بعيد النظر ,,

مرحبا فيك عقب طول الغياب :)

وصح لسانك وقلبك ..

وانا بصفك هالمره ,, وننتظر قبيلك ,,

موودتي ك ..

,,

,

[محمد سعيد القحطاني]

صح اللسانك اخي بعيد النظر

[مرزوق حمدان العتيبي]

مرحبا يابعيد النظر وحشتنا ياراجل ...
حمدا على السلامه ...
يامرحبا يالعرابي ياجميل العرف والذوق = يالشاعر اللي بيوتك عاليه في مستواها
ياكثر هرج العرب لكن هاك العلم موثوق = الله من هرجة ٍ لاسمعها العاقل نساها

[مرزوق حمدان العتيبي]

...
.
الجميع ياللي سجلتم حضوركم
على هذه الصفحه مشكورين ومجملين..
ولانعدم تواصلكم ..
.. اخوكم ......

[مطرح البعارين]

مرحبا يابعيد النظر وحشتنا ياراجل ...
حمدا على السلامه ...
يامرحبا يالعرابي ياجميل العرف والذوق = يالشاعر اللي بيوتك عاليه في مستواها
ياكثر هرج العرب لكن هاك العلم موثوق = الله من هرجة ٍ لاسمعها العاقل نساها



الليل الليل
ماااااافيها كلاااااام


في صف مرزوق ولاهان بعيد النظر


وصح السنتكم


والليل والليل

[مرزوق حمدان العتيبي]

....
. سنايدي يامطرح البعارين
لي الشرف يابن العم ..
...

[أبو نجر النفيعي]

,

,,

الله الله يابو محمد,,

صح الساانك مليون ونص :)

لاكني هاليوم ضدك ليه والله مدري ؟؟ :)

واصلو يالنشاما


,,

,

[عبيدالله العرابي]

طيب .. طيب

المعذره يالربع ولو تأخرت والله إني أطمع في مثل هاللقاءات مباشره
لكن عاد كلٍ بظروفه الله لايعوق بشر ومثل مرزوق وشرواه وهم كثر هنا اللعب معهم فايده وشرف
وسامحونا على القصور
لاعدمتك يابونجر عزالله إنك ونعم في صفي ولا في صف مرزوق ولي الشرف بتشجيعك ومؤازرتك
وكل من مر من هنا له مني صادق الود والتقدير .


يالله لعل البقا مادن رعد ولاحت بروق=فى المزنه اللي تشيل الغيث ماشحّت سماها
آنته تقوله وآنا اقول الشرا والبيع له سوق=والهينه بيّنه والغاليه تلقى غلاها

[مرزوق حمدان العتيبي]

يالله حي ابو نجر يالله حيه ...
الشاعر العذب بعيد النظر
الشرف لي ياغالي ... والله يرفع قدرك ,,,,

لاتشكي القل دام المال فالماجوب منفوق = الطيبه رابح ٍ من باعها ولا شراها
وانا اعرف انك سديد الراي وادري طيّب عموق = لكن ماكل من يبحث عن الحاجه لقاها

[علي فلاح العضياني]

والطيبه رابحٍ من باعها ولا شراها


كلالالالالالالالالالالالالالالالالالام

صح لسانك يامرزوق ولا يهون بعييد النظر

[عبيدالله العرابي]

ياسلام عليك
لله درك يامبدع

إستلم
.
.

إن جيت ألاقي وفا وإن غبت أحصل منكم عقوق=وش رايكم فى الهديه لو سرقها اللي عطاها
وأنا أدري إنك خذيت الشور من برقا ومن روق=وأعلنت به تحسب إن الشور في جبرا عصاها

[عبيدالله العرابي]

هلا ومية غلا يالفالح
ولاتهون يالقرم .
ومتابعتك تعني لنا الكثير ربي يحفظك

[فهيد مقعد الرويس]

بعيد النظر\\\ابومحمد

صحت السنتكم يامبدعين

نتابع للستفاده

ولكم خالص تحباتي

[عبيدالله العرابي]

اخي الغالي : المبتدي
متابعتك تاج يالغالي
صح الله قلبك
ولاخلا ولاعدم