بخوت المريه

[ابن كشب1397]

نسبها
بخيتة بنت عايض ال عذبة المري المعروفه بأسم بخوت
موطنها :
عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة مرة

حياتها الاجتماعية
كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري،
تنتسب بخوت لعائلة آل منيره ... والذي يقطن غالبيتهم في مدينة المره بجنوب قطر
شاعريتها:
كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة
والشاعرة هي عمة ( الشاعره العملاقه .. الراسيه )
وفي غزلية رائعة



ليتـه ينادينـي وانـا بـس انـاديـه = واجاوبه ياحسين ولو كـان مـره
علـيـه قلـبـي يابـسـات عـراويـه = اقفا ابقلبـي مـن ضلوعـي يجـره
ذالـي ليـال قاعـده فــي حـراويـه = لينـنـهـا زادت عـلــى الـمـضـره
قمت اتوجد وجد من مات غاليـه = قـبـوه اقبـالـه كــل يـــوم يـمــره
أو وجد من خاوه والليل ممسيـه = ينخا ولا حد من هل الهجن مـره
خلي طريح والضواري اتحاضيه = بالمقطعـه وامقابلـه ضلـع حــره
على الذي ماشفـت حـي ايحاليـه = شيخ على القوم المعاديـن شـره

وفي اجمل قصايدها قالت :




جيت النـازل خاليـه مـا بهـا اونـاس = من عام الأول ارضها مـا وطـي بـه
ولقيـت مـرح أهـل المـروات دراس = علمـه بهـم يـا بـو مطـر علمـي ابـه
مريـتـهـا يـــوم المعـالـيـق يــبــاس = ونزلتـهـا يــوم الضمـايـر عشـيـبـه
وونس بصدري واهج الحر حمـاس = احسب من فارق هلـه لـي يجـي بـه
واقفيت كـن ابسـرت القلـب مـراس = واقنب كما يقنـب مـن الجـوع ذيبـه
واعول كما تعول على البو عرماس =ومـن لامنـي جعـل حـوالـه عطيـبـه
باللي يفكون الطلب عقـب الادمـاس = ربعـي مصخـرت الـعـدو بالغصيـبـه
اليا منهم ركبوا على سرج الافراس = وتحيزمـوا مـن فـوق قــب عريـبـه
اليـا اعتـزوا ببعيـر عالـي الـسـاس خلـوا علـى جمـع المعـادي حطيـبـه
ذكـر المـوده للعـرب مـا بهـا بــاس = لكـنـهـا عـلــى الـمـولــع مـصـيـبـه
حب الرفاقـه شيـب القلـب والـراس = وبــاق الـمـوده لــه بـديــل قـريـبـه
باقي العـرب تلقـا بديلـه مـع النـاس = واخـوك لـو درت البـدل مــا لقيـبـه



ولها ايضا.... في وصف السيارات فقد برعت الشاعره فيه





تل قلبي تل فرتٍ على سبر العجـل = عشقه راعيه والحوض تحته قد ملاه
ان تسـنّـد عشّـقـه ثــم لــده بـالـدبـل = وان تحرر ريّحه ليـن ياصـل منتهـاه







ولها ايضاً في الحكمه ...




تل قلبي تل طير(ن) على الجول مهدود
يطـرد المقفـي وطــرد المقـافـي كـايـده
مهبلك ياللي تبي الوقت الأول لك يعـود
مـن يـرده كـون محيـي العظـام البايـده





نوادر من قصائدها





جعل وبل الغيث يسقي ديار المفرعيـن = منـزل اللـي كـن حديثـة حليـب معـدّيـة
ضيقيتي في خاصري دايم ماهوب زين = قومـي اللـي سـم حـالـي وبـيـح سـدّيـة
ان سجنتـه قـام يتبـع دروب الدالهـيـن = وان نشدتـه قــال انــا علـتـي متعـدّيـة
ان بغى خلي جنابـي فـلا غيـره ضنيـن = وان بغـى يقفـي فيقفـي مـراح مـودّيـة



وهذي الابيات قالتها بخوت عندما كانت اختها تعالج من مرض السرطان في لندن وكانت الشاعرة في ارض الوطن حيث قالت هذة الابيات تشكر الذي صنع جهاز الهاتف وتتمنى مرافقة اختها ( نوره) التي وافها اجلها المحتوم هناك حيث قالت





عسى من صنع ذا الهاتف ايدية ماتنشل = عسـى دارة الوسمـي يـخـرب بساتيـنـه
تـعــلا الـحــرارة وان تكلمـتـبـه تـنــزل = علـى صوتـهـم قلـبـي تـريـح شراييـنـه
وجـودي عـلـى طـيـارة صوبـهـم تنـتـل = علـشـان مستشـفـاه بـاجـي مصاخـيـنـه





.
اما المحاورة نذكر لها هذة المحاورة مع الموت
بخوت المرية:






اشهد شهادة حق ما تستحـي يـا مـوت = وانا اشهد ان ما فيك ميزٍ ولا شيمة



الموت:




صلاتش ردية والحكي زور يا بخوت = وكل خذيتيـة مـن هلـه وانتـي مقيمـة



تقول بخوت المريه وهي أشهر من تكلم عن السيارات من النساء :





حن قلبي حن ماكٍ علـى سمـر العجـل = عشق السـواق والـدرب ممسـوكٍ وراه
إن عـطـا مــع طلعةٍ عشـقـوا لــه الـدبـل = وإن تسـهـل ريـحـه لـيـن يـاصــل منـتـهـاه
مــا بشـفـي لا دريـــول ولا ريـــس عـمــل = شفـي اللـي كـل مـاشـاف بــراقٍ رعــاه
صبي أهله قطينٍ على عدٍ جاله عبل = طـيـبٍ للـبـل وراعـيـه مايقـطـع ظـمــاه
ونتـي ونـة خلـوجٍ ولدهـا مابـعـد جــدل = تـشــرف الـمـرقـاب لـلــذود وتــعــود وراه



والماك : هي السيارة الكبيره ..

وقالت في الفراق :




ياجماعة وإن عزمتـوا علـى أنكـم راحليـن = غمغـمـونـي عـــن مظاهـيـركـم لاشـوفـهــا
كـن فـي قلبـي لهـب نـار ربـعٍ نازلـيـن = اشـعـلـوهـا بـالـخــلا والـهـبــوب تـلـوفـهـا
ول عودٍ لاش رحمـه ولا قلـبٍ يليـن = عسى ذودك في نحر قومٍ وانت تشوفها
عيـدوا بـي فـي الـخـلا والفـريـق معيـديـن = كــل عــذرا نـقـشـت بالـخـضـاب كفـوفـهـا
مايـقـرب دارهــم كـــود صـنــع الذاهـبـيـن = كــود حـمـرا عزمـهـا مــن صـفـاة بلوفـهـا
كـن حنيـن الويـل يشبـه لخلـفـات القطـيـن = ليـنـوا لــه بالـقـدم مــع طـمـان اجـروفـهـا



وتقصد بالحمرا : السيارة ..
وقالت تتمنى حياة البر والبادية :




وجودي على بيت الشعر عقب بيت الطين = وجــودي عـلـى شــوف المغاتـيـر منـثـره
وجـودي علـى خـوة هـل الموتـر المقفيـن = وجودي على شوف السهل من ورا الحره
ليـا حلـوا البـدوان وصـاروا علـى بيتـيـن = ومــن كــان لــه خـــل مـــع ذاك مـاغــره


.
.
.
وفاتها
عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو ) وحاليا اسمها ( حي البادية) حتى توفيت هناك عام 1995 ميلادي.
الله يرحمها ويسكنها فسيح جناته