وش معنى (الهيلا)

[& قلب عتيبة &]

ابي احد يقولي وش قصة الهيلا
وش تعني:confused:

[سلطان الشيباني]

وانا ايضاً اريد ان اعرف مامعنى الهيلا

[^المقاطي^]

الهيلا لقب يطلق على عتيبة هذا لكثرتهم وشجاعتهم

[العصيمي 3]

الهيلا مثل مقال المقاطي يعني الكثره

[one]

دلالة على كثرة أعدادهم

[عثمان الوقداني]

شكرا للجميع

[مختصر المسافات]

:D:D:Dههههههههههههههههههههههههه

اسف ياجماعه على الضحك ... بس والله غصب ... وانا داري اني جاي متأخر بالمشاركه بس توني اشوفها الحين ... وضحتك

تدرون على ايش ؟؟؟ضحكت على مسألة ... كيف أعضاء بالهيلا ولايعرفون معنى الهيلا .

:D:D:Dههههههههههههههههههههههههه

ياجماعه اسمحولي أذا انا تجاوزت ... مهما كان انا ولد عمكم .

لايولد الأنسان عالمً / وفيه أمور جهلها من جهلها وعلمها من علمها ... وهنا يجي دور المشاركه ... حتى تعم الفائده على الجميع ... ويمكن أنا عرفت معنى هالكلمه ... لكن فيه غيرها كثير أعترف أني اجهله .

ولاودي اطول عليكم / معنى هذا اللقب الذي اطلق على عتيبه :

_معناه
الـــهــيـــلا / هو الغبار الدقيق الكثيف ... الذي حين يتطاير بالسماء ... يغطيها من كثافته ... وسميت به عتيبه أو لقبت به ، كنايةً لكثرة عددها وأتساع نفوذها ... فهي كثيرة العدد وتغطي مساحة كبيرة من أرض الجزيرة .

وسلامتكم ياجماعه ... وأعذروني أذا أتى مني قصور ... ولاعليكم زود .

ودمتم ،،،

[رمح جعيد]

الععين مااتعلى

انا اشهد

[fahad8088]

الهيلا تدل على كثرة العدد والكرم

وشكرا....

[بن سـرحـان]

انا اشوف اللي قال اخوي مختصر المسافات هو الاقرب


للحقيقه ....


لكم مني كل الشكر وعساكم عالقوه

[ذيب اليل]

معنى الهيلا

قيل انة ايام الحروب كانت تنهال من كل جهه
وقيل انها انهالت من الحجاز لنجد

والله اعلم

[فيصل بن محمد]

لاهنتوا على هذا التوضيح

[& قلب عتيبة &]

ماشاء الله عليكم

هذا الموضوع كاتبة قبل اربع سنين تقريباً

ولا زال تحت الضوء والنقاش

شكرا لكل من ساهم في هذا الموضوع

حتى لوكان الشكر متأخر لبعض الاعضاء

دمتم بحفظ الله ورعايتة

[ابو ساره]

الهيلا ياعيال العم معنها الكرم والجود والنخوه

والشجاعه

[حجاب الحربي]

معنى كلمة الهيلا لان عتيبة دولة كاملة وذلك لقوتها وشجاعتها

[الواصل]

الهيلا الكثرة والشجاعة لامختصر المسافات ولامطول المسافات هذا العلم الموثوق والي يجمد على الشارب

[روقي البرقاوي]

بصراحه اعتقد ان فيه شي نجهله عن معنى الهيلا ما احد جابه من الاخوان ويندرج تحت هذا السؤال ايضا . متى اطلق هذا على عتيبه ومن اطلقه

[أبـو فيصـل]

انا علي حسب علمي

ان الهيلا تدل علي الكثره يعني في وقت الحااجه ينكبوون علاك عتاابه ويسااعدوونك هذا معني الهيلا <<بختصااااار>> معنااه الكثرره والشجااعه

أخوووكم//أبو فيصل

[أبـو فيصـل]

اذا تبوون تعرفوون التفاااصيل رووحوا الي منتدانا اللي هنيا اللملتقى وبحثووا بااسم >>ما معني 511 << ويطلع معكم الموووضوووع

[فارس البدو]

الهيلا لقب يطلق على عتيبة هذا لكثرتهم وشجاعتهم

اهلا وسهلا ممكن مداخله ياعتيبه بدون حيازيه ويكون نقاش نصل به الى الاستفاده


انا قراءت من كتاب للكاتب المرموق الجاسر ويرجع تاريخ الكتاب الى 80عام واسمه قبائل وانساب الحجاز وحيث ذكر لقب الهيلا لقبيله غامد ويقصد بها الجمايل والفزعات من حضر وباديه وتهامه غامد وتمركزهم في البلد وطيبه اهلها حيث عاش بينهم مايقارب 20سنه في تلك القبيله وليس مقصود بها الكثر او الشجاعه لان كل قبيله لها حقها من رجاله وهذا دليل من كتاب الجاسر ولكن لوحظ ان قبيله عتيبه كنت نفسها بالهيلا وسؤالى هل هناك كتاب او قول يثبت ذلك للرجوع اليه دون كلام فلان وعلان والعصبيه القبليه او نكتفي بشريط قناه الساحه
حيث لاحظت ان اكثر ابناء عتيبه لايعرفون متى اطلق على قبيله عتيبه الهيلا وبعظهم لايعرف معني الهيلا مثل ماقال اخي روقي البرقاوي متى اطلق لقب الهيلا لعتيبه.
مثل الان في حمران النواظر قبيله مطير تقا لها وزهران تقول لها وشهران تقول لها ومن هم حمران النواظر لالاقاويل الموثوقه
وكي لايذهب عقولكم انا من قبيله مماليك الجزيره
نرجوااا الايضاح لي

[ابوشادن الدلبحي]

كثرت الاقاويل والصحيح انهم زمان اذا بغو يحاربون او يقيمون معارك ضد احد في القرون الاولى تجمعوا وصاروا يد وحدة وانهالوا على الخصم والله اعلم كذا سمعت

[أبوشـعـف بن ثـابت]

تعني
كثرة العدد مع الشجاعة والبأس في الحروب
تحياتي

[mohjaz]

سمّوهم الهيلا لكثرة جموعهـم=
هيل المطر من رايح الأمـزان
وذباحة الحائل لكثـرة كرمهـم=
قـومً كـرام تكّـرم الضيفـان
ولطامة العايل للطمـة عدوهـم=
قولً على فعـلً علـى برهـان

[البيـــــــــرق]

سمّوهم الهيلا لكثرة جموعهـم=
هيل المطر من رايح الأمـزان
وذباحة الحائل لكثـرة كرمهـم=
قـومً كـرام تكّـرم الضيفـان
ولطامة العايل للطمـة عدوهـم=
قولً على فعـلً علـى برهـان

:)
بيض الله وجهك ، من غير قصور في الاخوان كلهم ...

[النايع]

للي يبى يعرف وش معني الهيلا

نقول له رح الله يسلمك لموقع المزاين

وتعرف معنى الهيلا

[عبدالعزيز عبدالله الهاجري]

الهيلا أسم فرس كانت عند احد شيوخ عتيبه

[النااافل]

يكفي انهيال الهيلا الان بالملتقى من كل منطقه

الهيلااااااااااااااااااااااااااااااااااااااااااااا ااااااااااااااااا

[نبض المشاعر]

تم قفل الموضوع

ويبقى للمشاهدة