الفــــــــالح تقدم لاهنت

[سلطان الحافي]

مساء الخير

للجميع

استلم يابن عاضي


ليا رقيت الطويله صحت لأبن الاصيل = وانا اشهد انه ولد من راس ذاك الولد

ياعزوتي يابن عاضي قوم شب الفتيل = مادام للبيت ساس وجوده بعمد

[علي فلاح العضياني]

مساء النور

ولي الشرف اني اتعلم معك

يابن العم



يااللي تصيّح على المرقاب ليلك طويل=عليك ابا اقرا بسورة قل هو الله احد
انا ليا قمت اسوّ المعجز المستحيل=ياصاحبي دوبها هبت هبوب السعد

[مرزوق حمدان العتيبي]

مادام للبيـت سـاس وجـوده بعمـد
مادام للبيـت سـاس وجـوده بعمـد
...
الله الله ياسلطان
حي هالشوفه ... سروها ياعتابه ..
ولا ترحم الفالح ياسلطان .. :)
.. وسجلني في صفك ..
...

[سلطان الحافي]

خلووووها


ماسوق رجلي على درب السبو والذلليل = ليا حفضت احكم التجويد وقراء الصمد

اشوف في كل عام يطورون المديل = باشكال والوان والشايب بوسط اللحد

[سلطان الحافي]

ارحب ارحب

ثم

ارحب

يأستاذي مرزوق

اسعدنا تشريفك

وازهله مادامت بجنبي ماعلي خلاف

تحيااااااااااااااااااتي

[علي فلاح العضياني]

سلطان حاول لبعض الهرج تلقى بديل=ترا البحر لاصطفق فالجال جاله زبد
كل الحموله يقومبها جملنا شعيل=والله يعز الرجال اللي تعز البلد

[سلطان الحافي]

لا تزع الغرسه القشراء بدواديٍ يسيل = لوعرقها غاص يرميها بحزمٍ جلد

شعيل شيب واظنه مابقى فيه حيل = ماباقي الا نعده مكملٍ للعدد

[علي فلاح العضياني]

حسبي على اللي زرع هذي ونعم الوكيل=يعنك ما هو محصل مقصده للابد
لاتشمتون الكريم وتمدحون البخيل=البني يا ربعنا ماهو بمثل الهدد

[سلطان الحافي]

امسيت راعي البلد واصبحت عابر سبيل = عينٍ سليمه والاخرى انعمت بالرمد

مادام ظهرك يشل الحمل مني ثقيل = ابرك وعيب الرغى لوكان دمك جمد