رائعة سعود بن حلمي

[سماوي]

اعزائ الاعضاء استوقفتني قصيدة رائعة للشاعر المبدع سعود بن حلمي السميري وهو من الشعراء الشباب المبدعين واللذين لم ياخذوا حقهم من التغطية الاعلامية .
انقل لكم هذا القصيدة وامل ان تحوز على رضاكم ..

نــام الغرام وهاجس الشعر ما نــــام
لا نــام شـعر ولارقد قلب شـــاعر
مــا طاب نوم وغفوة النوم قـــــــدام
النوم مـــن دونــه طعون وخناجر
وجيتــك وانا كلي متاهات وحطــــام
جــرح الغلا فيني واضمه واكابر
طــال السكوت وراعي الحب مــا قام
هيكل غــلا والقلب جبروت فاجر
سارت قدم رجلي على درب الاعــدام
أدري ولكني بروحــــي مخــاطر
يــاظالمي هـــذي مــداهيلك الـــعــام
وانا على درب الغلا وانت خــابر
الحب نظـرة عطف وأحساس وألهام
ومشاعرً يقطن بها قلـب شــاطر
وفـــي داخلي دائـم معانــــــاة وإلام
والفها بالجرح مــن شأن خـاطر
ياللي قريتي كتب تفسير الاحـــــلام
ياقارئه وش صار تحت النواظر
وش صار دام الحب صـاحي ولا نام
نام الغرام ولا رقــد قلب شــاعر

[ابوبندرالشيباني]

صح لسانك اخوي
وصح لسان الشاعر السميري
والله لايهينك
اخوك ابوبندر

[السميــــــري]

..
.

رائعة يالسماوي ..
صح لسان قائلهاا سعوود .. وهو غني عن التعريف ..
شاعر وله مكانته الشعرية ..
..
لاهنت ..

أخووك ..

[عمرالروقي]

لاهنت ياسماوي على النقل المميز
وعلى هذه القصيدة الجميلة وصح لسان شاعرها
.....................

نــام الغرام وهاجس الشعر ما نــــام=لا نــام شـعر ولارقد قلب شـــاعر
مــا طاب نوم وغفوة النوم قـــــــدام=النوم مـــن دونــه طعون وخناجر
وجيتــك وانا كلي متاهات وحطــــام=جــرح الغلا فيني واضمه واكابر
طــال السكوت وراعي الحب مــا قام=هيكل غــلا والقلب جبروت فاجر
سارت قدم رجلي على درب الاعــدام=أدري ولكني بروحــــي مخــاطر
يــاظالمي هـــذي مــداهيلك الـــعــام=وانا على درب الغلا وانت خــابر
الحب نظـرة عطف وأحساس وألهام=ومشاعرً يقطن بها قلـب شــاطر
وفـــي داخلي دائـم معانــــــاة وإلام=والفها بالجرح مــن شأن خـاطر
ياللي قريتي كتب تفسير الاحـــــلام=ياقارئه وش صار تحت النواظر
وش صار دام الحب صـاحي ولا نام=نام الغرام ولا رقــد قلب شــاعر