عبدالله اليامي ينخاكم ياذخر ابوي وجدي

[سويلم الشيباني]

مساكم الله بالخير ياشعار عتابة عبدالله بن عبيان اليامي نخانا بثلاثة بيوت ولازم نرد علاها يقول:


تكفون ياعتيبه هل الوقفه مزبّنت الدخيـل=انا دخيل العزوه اللي من زبنها مايضـام
المستحيل بدبرة العتبان ماهـو مستحيـل=واصغر عتيبي لن نخيته قام وابه العز قام
وانا اتعزّوا فالقنا والدرع والسيف الصقيل=ومعي صناديد الرجال (عتيبه وشمر ويام)

وانا رديت عليه وقلت



كلبونا معك ياليامي يابوقافن(ن) جزيل=من نخى ربعي عتابة والله انه في سلام
تكفون ياربعي عتابة ياهل الباع الطويل=عبدالله اليامي نخاكم يارفيعين المقـام
صوتوله بالرسايل يوم مافيكـم بخيـل=وان كتبه الله يفوز ابها ولا فيها كـلام


لاتخلون الرجال بالتصويت وبالرد على ابياته

[ابن مشيب]

صح السانك يالقنعير , ولسان الشاعر عبدالله اليامي , والله يوفق الجميع

تحياتي

[مرزوق حمدان العتيبي]

...
ابشر يابن مشيب...
غالي والطلب رخيص استلم
....

حنا عتيبه نوفي الماجوب مافينا بخيل = وعزومنا منها الصخور القاسيه تغدي حطام
ياليامي ابشر بالسعد مال الثقيل الا شعيل = بعد اوصلتنا نخوتك تثمينها يلزم لزام
وقفاتنا يوم المثارى تبري القلب العليل =وعتيبه الهيلا لنخوتها اشهدوا كل الانام

[ابن مشيب]

صح السانك يابومحمد على هذا الرد الرائع

في إنتظار الردود القادمة

موضوع مشوق :)

[سلطان الجـذع]

صح لسانك يابو محمد

ويستاهل الفزعه بن عبيان

[ناصر الحافي]

صح لسان بن عبيان اليامي وصح لسان من رد عليه وبيض الله وجيهكم يالهيلا

وانا اقول للشاعر عبدالله بن عبيان اليامي


يامرحبا باللي نخا واعداد ماخال المخيل *** انته خطفت البعير ولاخطفت اصغر سنام
عزوتك بعتيبه تراها تكشف الظل الظليل *** والنور قدمك لاتراجع وانس موضوع الظلام
انت شاعر ومتميز وابشر بكل الحصيـــل *** فالك المليون كله وعلق (بصدرك وســام)

[شامان]

صح لسانك يـا :

القنعير ،،
مرزوق العتيبي ،،
ناصر الحافي ،،


وبيض الله وجيهكم ،،،،

[ناصر الحافي]

ابو شمروخ صح بدنك وشكرا على مرورك
وحنا عتيبه هل الوقفات ومن هو زبنا قمنا معه
وابشروا ياعتابه بالخير كله سمعتكم تعدت النجوم من قديم الوقت وللابد انشالله