عبد الله بن عبيان ينخا عتيبه وشمر

[‏ミ♡彡 العميد ミ♡彡]

يالربع جتني رساله معنونه باسم عبد الله اليامي ينخا الهيلا
ان كانها له وينخا عتيبه يبشر والله بالفزعه توقعون فعلا انها له ؟


تكفون ياعتيبه هل الوقفه مزبّنت الدخيـل = انا دخيل العزوه اللي من زبنها مايضـام
المستحيل بدبرة العتبان ماهـو مستحيـل =واصغر عتيبي لن نخيته قام وابه العز قام
وانا اتعزّوا فالقنا والدرع والسيف الصقيل=ومعي صناديد الرجال (عتيبه وشمر ويام)

[سلطان الجـذع]

نخا اطيب القبايل

والله لايخيب رجاه

ويســـتاهل الفزعه

بن عبــــــــيان

[ابن مشيب]

يستاهل , ونتمنى لهُ وللجميع التوفيق , وارجوا من الجميع , ان تكون تعليقاتهم حول نخوة ابن عبيان , وعدم التطرق لتحالفات او ماشابه , او تحيز لاحد عن احد , هنا ابيات في النخوة , اتمنى ان تنصب الردود في إطارها , وان يذكر للمتسابقين الاخرين الخير , او ان يتركوا وشأنهم.


تحياتي

[مرزوق حمدان العتيبي]

....
.
.
مليون صح لسان اليامي والله يوفقه ..
.. لاهنت يالعميد ......
...

[النافذ]

صح السان الشاعر والله يوفق شاعر يام

ومرحبا فيك اخوى بين اخوانك الهيلا

[ابن معيض]

والله يستاهل ابن عبيان من غير ماينتخي كيف يوم انتخى

يكفي جميع قصائده تأهله لقلوب جميع متذوقي الشعر

والله يوفقك

ولا هنت يالعميد

[نواف العصيمي]

صح لسانك ياعبدالله

.. يستاهل التأهل وإن شاء الله يتأهل إلى المرحله القادمه ...

ولاهنت على النقل ويبشر بالوقفه معه ......

ولك التقدير والإحترام

[العكام]

انا ولد ابوي ولده والله يوم قريت نخوة اليامي للعتبان ان شعر راسي موقف وعلى طول دورت الرقم وصوتتله على رقم البرنامج ( 82990 ) ورقم ترشيحه ( 23 )


تكفون ياعتابة لاتخلون من نخاكم ولا نخاكم الرجال غير عارف انكم اهل نخوة وقالها الشاعر / فلاح الشمري من الطنايا في عتابة





لقيت بالعتبان خمسـة عذاريـب=الطيب ((((((((( والنخوه ))))))))) وتقدير الاجنـاب


لاتخلون من نخاكم ياعتابة انتم قوموا بالواجب اللي علاكم والباقي على الله

[القلم الصريح]

يبشر بعزه ولد يام دامه انتخا بالهيلا

وأنا قايل رأيي فيه من قبل

اليامي هو الأجدر في هذي الحلقة

تكفون يا عتااااااابة

اللي ينتخى فينا ما يخيب إن شاء الله


وهو انتخى عتيبة وشمر

اختار أطيب القبايل بدون قصور بالباقين


مثل قال الشاعر (( العنزي )) على ما أظن :

فينا طنا شمر ونخوة عتيبة


يبشر بعزه إن شاء الله

[سعد بن مطلق المقاطي]

يبشر بعزه يستاهل عبدالله اليامي
والله يوفقه
لك
تحيتي

[ابن نميان]

يبشر بعزه اليامي

تصويت الله لا يعوق مصوتين مصوتين

جاءك صوتي يابن عبيان 23

[هوزن العتيبي]

عبدالله اليامي والنعم شاعر...........................................

[سويلم الشيباني]

يبشر والله بالفزعة وانا بن مشيب من نخانا يبشر والله بسعدة صوتوا للرجال ياعتابة معاد فيها مقعاد علي الحرام اني راصه برسالة ترشيح والله لدعمه لين النهاية معاد عقب نخوت اليامي لعتابة شي

وهذا رد مني لعبدالله اليامي



كلبونا معك ياليامي يابوقافن(ن) جزيل=من نخى ربعي عتابة والله انه في سلام
تكفون ياربعي عتابة ياهل الباع الطويل=عبدالله اليامي نخاكم يارفيعين المقام
صوتوله بالرسايل يوم مافيكم بخيل=وان كتبه الله يفوز ابها ولا فيها كلام

[نحم]

يا عتاااااااااااابه

اركدوا .. الاقربون أولى بالمعروف ...

القثامي طلعناه .. حنا يالعتبااان .. شوف منتديات العتباان .. ما اهتم لامره سوى منتدى الهيلا
اما البقية .. ما عندك أحد ..

فيكم خير يا عيااااااال العم صوتوا للعصيمي ابن العم ..

اما اليااااامي صح لسااانه .. وشي عادي ينخى عتابه

عتاااابه الكل يتشرف بنخوتها ... فلا تتسرعون ..

[مخاوي العتبان]

يبشر بعزه اليامي دام انه انتخى بنا


يانحم الدعوه مهيب كذا وانا اخوووك

.................................................. ....

[سفيرشيبان]

مع احترمي وتقديري لنحم بنصوتله لو يكون مايكون هذي نخوه وانا اخوك العصيمي مانخليه بعد لاكن تكفون لاتخلون ابن عبيان ماعاد بعد النخوه شي وعتابه اهل النخوه من غير قصور في القبايل

[عسكر البارود]

نصوت له ولا نصوت لغيررررررررره . واتمنى من كل قلبي انه يفوز .

[فزاع نجد]

يبشر والله ابن عبيان اليامي بالفزعه

بالرسايل ( 82990 - 23 )

وبالتوفيق لك يا عبدالله .

[رويشد المورقي]

نصوت له ولا نصوت لغيررررررررره . واتمنى من كل قلبي انه يفوز

[خالد السيف]

يستاهل ابن عبيان

شاعر جزل

ويبشر بالفزعه ويا ( نحم ) يوسف ماحنا مخلينه

لاكن ابن عبيان نخانا ونبي نصوت له

لين يفوز

[سلطان الجـذع]

على شان نخوته والله
اني من البارح اصوت

له لين مليت

[سلمان الدلبحي]

يبشر بعزه دامه نخى عتيبه

[معلا إبراهيم الأسعدي]

يستاهل ابن عبيان

[مشعل بن حديد]

والله تركي أبيه يتأهل واللي يطلعه العصيمي أدواه لازم يكون على يد العصيمي واذا اليامي فعلاً نخا عتيبه يستأهل الوقفه معه

[محمد العتيبي]

«®°·.¸.•°°·.¸¸.•°°·.¸.•°®»صح لسان الشاعر : عبدالله بن عبيان اليامي

على الابيات الحماسيه اذا كانت له بالفعل ، وان صارت مهيب له صح
لسان شاعرها ...

ويستاهل الفزعه اليامي ، وحنا معه ولن نتركه ليوم الثلاثاء ...

لكم اطيب تحيه ...«®°·.¸.•°°·.¸¸.•°°·.¸.•°®»

[جااار القمر]

فزعتنا وصلته والله يوفقه

[فرناس]

ييييييييييييييييييييييييييييييييييييييييييوك على الحرام اني راقعة بصوتين وانا جالس وابكم ينتخي في ذباحة الحايل لطامة العايل صبي يام وابكم نطلوا عمايمكم ياعصابة راسي وصوتوله علي الملازيم انه يوم نخاكم خابركم اهل نخاوي تكفون وانتم مانتم بحاجة تكفون تفهمون معنى النخوك لاتخلون الرجال

وابكم والله لصوتله لوابيع موتري وسدد قيمة الرسايل

ياوجد حالي وجداه ينخانا الرجال يبشرو والله بالسعد والتصويت

[ممدوح الروقي]

ان كان اليامي نخا عتيبه يبشربعزه وبفزعة عتابه واللي الله كاتبه يصير

[ابوتيجان]

من نخانا يبشر والله بعزة

ومن ناحيتي التصويت للشاعر عبدالله بن عبيان من اللحظة هذي حتى قبل بداية البرنامج بدقايق ان شاء الله


ابشر ياصبي يام بالفزعة نخيت اهل الفزعة وبشربها

[خوي السعد]

يستاهل اليامي التصويت
شاعر جزل ونخا عتيبه وش يمنع

[كاسر البرقاوي]

يستاهل ابن عبيان شاعر الحس الانساني


والله اني معجب بقصيدة كله فهو رجال جزل ويستاهل


وصوتي لصبي يام ابن عبيان واقول له ارقى سنود وبنصوت لك لشعرك


ويكفيك رمية الشمري لعقاله

[aL YaMi]

بيض الله وجيهكم وهذا بيت مني إهداء لكمـ

صحيح ان حن نخيا رجال(ن) تفور
صناديد القابيل عتيبه وشمر


وما على الباقين قصور
وبيض الله وجيهكم ونردها لكم إن شاء الله بالأفراح

جزيل شكري وتحياتي لكمـ

[المغيري الخيال]

عز الله مانخا إلا أطيب القبايل





ويستاهل






http://yosefalotaiby

[ابن بشار]

يبشر بعزه تكفون صوتو 23

[مشخص]

مع اني من اشد المعجبين بالشاعر اليامي .. إلا ان يوسف حجز مكانه وحيدا بقلبي .. كما اصبح سفيرا وحيدا لعتيبه .. اتمنى للأثنين التوفيق

[يام ابن يصبا]

بعد التحية الى قبيلة عتيبة الهيلا رجال الماضي ورجال الحاضر ودرع الارض اذا اهتزت زلازلها,
مررت على ابيات ابن عبيان ونخوته فيكم,

تكفون ياعتيبه هل الوقفه مزبّنت الدخيـل
انا دخيل العزوه اللي من زبنها مايضـام

والحق يقال انه اعتزى بقبيلة لها مكانة في قلوب الاحرار , قبيلة رسخت الحروف والمعاني في قاموس الرجولة في زمن اصبح من يبحث عن مفاهيم العز والشرف بين البشر كمن يبحث عن الماء في الصحراء القاحلة,

لله درك يا ابن عبيان فقد اخترت قبيلة ترجح من هي في صفة وتحطم الموازين,وسواء تاهلت او لم تتاهل فيكفيك ان عتيبة كانت في صفك مما بعث الارتباك والذهول في نفوس الاخرين فتره ما.....................

ولكم من يام كل الاحترام والتقدير,
.

[سلطان الجـذع]

بعد التحية الى قبيلة عتيبة الهيلا رجال الماضي ورجال الحاضر ودرع الارض اذا اهتزت زلازلها,
مررت على ابيات ابن عبيان ونخوته فيكم,

تكفون ياعتيبه هل الوقفه مزبّنت الدخيـل
انا دخيل العزوه اللي من زبنها مايضـام

والحق يقال انه اعتزى بقبيلة لها مكانة في قلوب الاحرار , قبيلة رسخت الحروف والمعاني في قاموس الرجولة في زمن اصبح من يبحث عن مفاهيم العز والشرف بين البشر كمن يبحث عن الماء في الصحراء القاحلة,

لله درك يا ابن عبيان فقد اخترت قبيلة ترجح من هي في صفة وتحطم الموازين,وسواء تاهلت او لم تتاهل فيكفيك ان عتيبة كانت في صفك مما بعث الارتباك والذهول في نفوس الاخرين فتره ما.....................

ولكم من يام كل الاحترام والتقدير,
.

اليامي اولا /لانغفل قوله مرحبا بك في منتدى الهيلا
نيابه عن اعضاءه واصاله عن نفسي ..

ثانيا /المقام لابن عبيان انتصارا للشعر ..قبل ان تحرك
بنا نخوته الشئ الكثير ...
ويستاهل بن عبيان




والحق يقال انه اعتزى بقبيلة لها مكانة في قلوب الاحرار , قبيلة رسخت الحروف والمعاني في قاموس الرجولة في زمن اصبح من يبحث عن مفاهيم العز والشرف بين البشر كمن يبحث عن الماء في الصحراء القاحلة,

لله درك يا ابن عبيان فقد اخترت قبيلة ترجح من هي في صفة وتحطم الموازين,وسواء تاهلت او لم تتاهل فيكفيك ان عتيبة كانت في صفك مما بعث الارتباك والذهول في نفوس الاخرين فتره ما.....................

ولكم من يام كل الاحترام والتقدير,

كلام هذا اتى في قالب حكمه ..نابع عن تجربتك وملاحظتك
لما يحصل .......
وبعذرهم لو حصل الارتباك والذهول
1فجماهير بن عبيان تملاء جنوب المملكه بالتحديد
2عزوته يام المشهوره بالفزعه
3منتخي في عتيبه

نعم نعم يحق لمنافسي بن عبيان بالارتباك

[خالد السيف]

اليامي فايز فايز الله لايعوق بشر

واللي يقول غير كذا الايام تثبت له

تطمن ياصبي يام التصويتات شغاله وماراح نذخر عليه شي

[خوي السعد]

وانا اقولكم الفوز للمطيري ماهوب بالتصويت ولا بالجمهور
بالفبركه واللعبه المكشوفه للمنظمين وجاكم علمي . واذكركم !!

[خوي السعد]

السته المتأهلين
عتيبي
شمري
يامي اللي هو المري
عازمي
قحطاني
مطاري
انتهت

[‏ミ♡彡 العميد ミ♡彡]

مشكوريين جميع على تفاعلكم

[سلطان العوني]

وانا اقولكم الفوز للمطيري ماهوب بالتصويت ولا بالجمهور
بالفبركه واللعبه المكشوفه للمنظمين وجاكم علمي . واذكركم !!



الله يسمع منك ههههههههه

[سلطان العوني]

..........................
يبدو انك لن تتوقف عن تجاوزاتك
وهذا انذار اخير مابعده الا الشطب

الاداره

[تركي عايض]

ابشر بالفزعة ياليامي تستاهلها ابشررررررررررررررررر ياولد يام

[ابن عياد الروقي]

ابشر بالعز يابو صالح ......