الـجـمـل طاح ياعتيبه والسبب تـقـاعـس البعض..؟

[أبو مرحبا]

السلام عليكم


مساكم الله بالخير


عرفتوا الجمل اللي اقصده أكيد عرفتووه




خيرها بغيرها ياعتيبه يااهل الشعر


لانه شاعر المليون طلع على حقيقته السالفة حمية

ذا الشاعر عبدالرحمن الشمري طلع من عيال عمه الطنايا كذلك ابن فطيس من اهل قطر ويام وال مرة

كذلك الحبابي من أهل الامارات وقحطان وبني هاجر وفزعت معه يام


مابقى لكم غير شاعر واحد ياسلاطين نجد والدعوة بيدكم أما خليتوه يكفخ بجنحانه لفوق ولا كسرتو جنحانة


نبغى نعيد الصفوف لاني لاحظت عدم التحمس في التصويت لشاعر القثامي لدى بعض عتيبه

وذي قرصة لعل وعسى تنبهكم ياابناء عمي


وانتم اهل الفزعات


لاتخلونه ياالنشاما خويكم وابن عمكم الباقي الوحيد من شعار قبيلة عتيبه الهيلا




نتمنى لكم التوفيق



على فكرة يااخواني العتبان :

أما مجموعة اليوم التي جمعت الشاعر تركي المطيري والشاعر عبدالله عبيان اليامي والشاعر المنصوري والشاعر العماني
اتمنى نكون نحن ياابناء عتيبه محايدين من بغى يصوت لشاعر معين كيفه أما يجي واحد ملقوف ويقول خلونا نصوت لفلان فقط لا والف لا

اليوم كلكم شفتوا الحلقة والشاعر اللي اعجبكم ويستاهل التصويت صوتوله





اسمحولنا على القصور يالربع

[نواف نايف]

ابومرحبا مشكور على الموضوع وعلى الاهتمام بشعراء عتيبه وهذا ليس بغريب على عتيبه

وخروج فهد يمكن يكون خيره وفهد شاعر بمعنى الكلمه

ومبروك للحبابي يستاهل كل خير

والوعد قدام ياشاعر المليون

تقبل تحياتي

[ماجد الرويس]

بيض الله وجهك يابو مرحبا علي الاهتمام وانشالله نعوضها في يوسف العصيمي

اما حلقة الليلة انا ارى ان تركي 200هو نجمها وافضل الاربعة ....

وتحياتي لك يابو مرحبا

[ابوفهد العتيبي]

الوعد قدام وذخرو التصويت ليوسف العصيمي العتيبي

لا تكسر مجاديفكم يامال الغنيمة خيره بغيره

[المسعودي]

مساكم الله بالخير يالربع

ابومرحبا لاهنت ابي طريقه اتواصل معاك فيها
بخصوص سبق موقع الهيلا باستضافة الشاعر فهد القثامي

لان خاصية الرساله الخاصه غير ممكنه عندي.

[ناصر الحافي]

نواف منيف
اللي كتب الموضوع في منتدى المطران هذا يبي يثير الفتن والعنجهيات الباطله وانا اقول ماله الا التطنيش
ولا لو بغينا عرفنا نرد بقصيد وبغير قصيد لكن ماعلينا منه خل الكلاب تنبح محد درا عنها

وبالنسبه ليوسف ما والله ننساه الوعد قدام ياشاعر المليون

[أبو مرحبا]

يالربع كاتب الموضوع يمثل نفسة فقط ولا يمثل قبيلة مطير العزيزة

[ناصر الحافي]

ابو مرحبا
اتمنى انه مايعم قبيلة مطير كلها لانهم فيهم طيبين
ولذلك حبيت اوضح نقطه والحمد لله على الشي هذا (ربعي العتبان ماتطرقوا لمثل هذا الموضوع ابدا ولاهي بسلومهم)
وخطرهم وسيعه ومراجلهم ابدا ماعليهم
ولكن اتمنى ان الله يهدي من كتب الموضوع

[نبض المشاعر]

نشكرك يبو مرحباااا على الطررح الرائع

وبالنسبة للتصوويت الصراحة

كان اليامي مبدع

[النافذ]

ياربعي ياحبتي

بخصوص الموضوع الى في منتديات المطران

ان دخلت وقريت الموضوع

ولامانه هناك ارجال من مطير رد على المسكين

ومدحو في عتيبه

لكن ياخواني

حنا محنا سفهاء نلحق وراء ضعيف عقل ونكثر في الكلام

ونغضب الله علينا السفيه بكره يلقي سفيه مثل يرد عليه

ابو مرحبا طرحت فاحسنت الطرح

[الرومي]

بسم الله الرحمن الرحيم
فالحقيقة انا اشوف ان موضوع شاعر المليون زاد عن حدة ,اشوف هناك من يسب القبائل ويحاول ايقاع بعضها بالبعض وهناك من يقراء ولايميز وتاخذة الحمية ويرد بقلب مخلص بينما الحقيقة لايفهمها.
زبدة الكلام هناك من يكتب بسم ابن القبيلة وهو لاينتمى لها ويسب قبيلة اخرا كي يوقع بين ابناء القبيلتين (لعن الله الفتنة ومن ايقضها)وا لادها من ذلك هو تحمس بعض الاعضاء والرد بسرعة وهذا مايريدة المفسد.
عاشت عتيبة ,وعاشت مطير ,وعاشت شمر.جميعنا ابنا وطن واحد ديننا واحد هدفنا واحد شرعنا واحد اصلنا واحد وعاشت بقية قبائل المملكة وشعبها الكريم .

[النافذ]

بسم الله الرحمن الرحيم
فالحقيقة انا اشوف ان موضوع شاعر المليون زاد عن حدة ,اشوف هناك من يسب القبائل ويحاول ايقاع بعضها بالبعض وهناك من يقراء ولايميز وتاخذة الحمية ويرد بقلب مخلص بينما الحقيقة لايفهمها.
زبدة الكلام هناك من يكتب بسم ابن القبيلة وهو لاينتمى لها ويسب قبيلة اخرا كي يوقع بين ابناء القبيلتين (لعن الله الفتنة ومن ايقضها)وا لادها من ذلك هو تحمس بعض الاعضاء والرد بسرعة وهذا مايريدة المفسد.
عاشت عتيبة ,وعاشت مطير ,وعاشت شمر.جميعنا ابنا وطن واحد ديننا واحد هدفنا واحد شرعنا واحد اصلنا واحد وعاشت بقية قبائل المملكة وشعبها الكريم .


اخي الرومي

ماقول غير بيض الله وجهك على الطرح الرائع

وفعلآ الواحد يفتخر انك من ربعه

اخوك النافذ

[الرومي]

بارك الله فيك اخوي الناقد .
عتيبة كبيرة بحلمها وعلمها وعقلها (ماتهزك لاعواصف ولاغدر عملا) من يسي لعتيبة لايمثل قحطان,او مطير او او او او ومن يسي لمطير لايمثل شمر اواواواواو .خزعبلات صبيانية لاتحرك احساس الزحول من الرجال.

[فيحان بن فياح]

عتيبة يابني عمي ياذخر أبوي

صدق أخي الرومي فيما قال ولايهون الباقين

وبالنسبة لطيحت الجمل أن شاء الله ماطاح دام فيه جمل ثاني ..

وعني أنا والله ونذر علي أمام الله ثم أمامكم أنه ليروح مني (3000) صوت لعيون عتيبة ثم لعيون يوسف

والله على ماأقول شهيد ..

أبو مرحبا أشكرك أبن العم .... تحياتي
أخوكم/فيحان بن فياح بن هاجد العضياني

[(( المقاطي ))]

ابو مرحبا انت مصدق ان فهد خرج بالتصويت
والله لو تبيني احلف لحلف انها من تدبير اللجنة
وكلامي هذا ماهو عاطفة والا زعل لخروج فهد
بس المقصد من هذي المسابقة مادي بحت وبفوز الحبابي
يكون هناك سعودي وعراقي وقطري وامارتي
وعتيبي ومري(يام) وقحطاني وشمري وعلى هالمسحوب
بالعربي يبون شعار من جميع الدول وجميع القبائل لزيادة التنافس وبالتالي الربح
يعني انت صوت للي تصوت وهم بيفوزون الي يبون

وفي النهاية ما لاحقنا في انفسنا ولا شعارنا شك

[فيصل المسعودي]

ابو مرحبا كلام طيب


وتوجيهات جيده وجميله نتمنى ان نأخذ بها جميعاً


ابو مرحبا اسمح لي قليلاً لأسلط وجهة نظري عن هذا البرنامج بشكل عام من خلال متابعتي له


هذا البرنامج هدفه بالاصل هو خدمة الشعر وايجاد مكان للشعر النبطي في خضم القنوات الفضائيه


والبرامج التي تبث في هذه القنوات التي بوجودها اختلط الجيد بالرديء واصبح من الصعب التمييز بينها من قبل المتابعين وسحب البساط منها

وقد يكون من حسنات هذا البرنامج انه الفت النظر الى الشعر واهله وقدم وجوه مبدعه استطاعت ان توجد لإبداعها


مكان واضح في عقول الجمهور وهذا يعتبر من ايجابياته بلا شك


ولكن للأسف اصبح هذا البرنامج في الفتره الاخيره مدعاه للفتنه والعنصريه الخامده


واما بالنسبه للجنه بهذا البرنامج تضم اسماء حملت شهادات ولها وجود في الاعلام الخليجي والصحافه الخليحيه ليس من حقنا التجريح بأي شخص بهم فمؤهلاتهم العلميه كفيله بإحترامهم


صحيح أنه قد يكون هناك عدم الانصاف من قبل بعض الاعضاء في هذه اللجنه وقد تكون هناك بعض المحاباه لبعض الاشخاص ولكن هذا ليس هو مجال نقاشنا


باختصار شديد بما ان الامور اصبحت حميه وفزعه والكل يريد ا ن يفزع لرفيقه اياً كان مستواه الشعري


فنحن ايضاً لنا الفخر والاعتزاز ان نفزع لرفيقنا يوسف العصيمي الذي تدعونا للفزعه معه عدة امور


القرابه والانتماء القبلي،الشاعريه الجيده التي يتميز بها هذا الشاعر وذلك بشهادة اللجنه والجمهور الداخلي لشاطىء الراحه بغض النظر عن ابناء قبيلته الذي جميعهم يشهدون بلا شك بشاعريته الجيده


* ملاحظه خروج القثامي لا يعني عدم شاعريته بل القثامي شاعر وشاعر خطير ووضح هذا في قصائده واختلاف اللجنه عليها وهذا الاختلاف بحد ذاته دليل قوي على نجاح هذا الشاعر


اخيراً وليس اخراً الكلام يطول ولا ينتهي اعتقد في هذا المجال ولكن اكرر شكري لك وتقديري واقول لك وللجميع


لنكون وافين مع ممثلنا في هذا البرنامج ولنكون متذوقين للشعر الحقيقي واعتقد انه من حسن حظنا وحظ يوسف انها جميعاً اجتمعت فيه


اخوكم


فيصل منيف النفيعي

[سلمان الدلبحي]

شكرا ابو مرحبا على الموضع

فهد القثامي خيرها في غيره

يوسف العصيمي يبشر بالتصويت
وان شاء الله انه شاعر المليون

[المغيري الخيال]

مشكورررررررررررررر على الموضوع ابو مرحبا










http://yosefalotaiby