يانـاشـدٍ عـنـي

[السيف الشطير]

ياناشدٍ عني عقب غيبة إسنين = أبشرك كل الدعاوي يسيره
حتى إني شايم عن غرام المحبين = عقبك تركت الحب وأقفى مسيره
في غيبتك لاصارو الخلق غافين = بالي مع الذكرى وعيني سهيره
ياما كتبت بغيبتك من دواوين = جتني جنون الشعر عقبك حضيره
همي كما اللي شايل الهم لـ الدّين = يـدّه قصرها والنظاير بصيره
عزة ضميره ماتخليه مسكين = لو كان نفسه فالخلايق فقيره
حتى رزقه الله برزق السلاطين = وسدد ديونه للوجيه السفيره
وأصبح يسمّى من رجال الملايين = عقب الحياه القاسيه والمريره
هاذي علومي مع علومه موازين = دقق وفسر كل علمٍ نديره
وإن كان ماتفهم بشعر العريبين = بشرح لك المقصود داخل ستيره
مدام ماتفهم عقول الغبيين = ياكود شاعر ماجهل في نظيره
أبختصر قصدي بعز الوفيين = إني نسيت الحب وأقفى بخيره
ونصيحتي تقفي ومالك مهلّين = عافك ضميري يوم حبيت غيره

[ناصر الحافي]

صح لسانك على القصيده

[ابو سديم]

لاهنت صح لسانك

وبيض الله وجهك

تقبل تحياتي

ابو سديم

[السيف الشطير]

صــح بـدنــك آخـوي نـاصر ولاهنـت ومشكـور على إطـلاعـك

[السيف الشطير]

لاشـنت ياأبوسديم وصـح بـدنـك ووجهـك أبيــض أخـوي مشكـور على إطـلاعـك

[رويشد المورقي]

صح لسانك وبيض الله وجهك

تحيـــــــــ ::: المورقي::::ـــــــاتي

[السيف الشطير]

صـح بـدنك آخـوي رويشـد ووجهـك أبيـض لاهنـت ومشكـور على إطـلاعـك