تركي الفين وامكانية خروجه من المسابقه !!!!!!

[العازمي 2007]

مساكم الله بالخير الجميع
تركي الفين حصل على اعلى نسبه من لجنة التحكيم واليامي والعماني ايضا في الصداره اما المنصوري الاخير
وانا اتوقع ان تركي الفين بيتاهل ويمكن يكون خصمه والوسيط هو اليامي
بس يمكن نشوف مفاجئه ويتاهل اليامي او العماني ويطلع تركي الفين الي صار مرشح الاول لشاعر المليون

ابدع تركي في القصيده والموال ويملك صوت جميل
السوال هنا لقب شاعر المليون لتركي الفين؟؟؟؟؟

[فهد الغربي]

ما أدري كنكم نسيتوا وش سوا او تغافلتم عنة
والله ما أنساك ياتركي...

[القلم الصريح]

برأيي اليامي هو الأجدر في هذي الحلقة

وإن شاء الله التأهل من نصيب اليامي


أما تركي خله على جنب

[عتيبي النجدي]

هلا اخووي العازمي

اتضحت محاباة اللجنه للشاعر تركي الفين

والسؤاال هنا هل قصائد تركي افضل من قصائد عبدالله عبياان؟؟؟!!
لا أعتقد ابداً وأجزم بأن عبدالله يفووق تركي في قصائده

والسؤال الثاني
هل قصائد تركي الفين أفضل من قصائد محمد بن فطيس والسكيبي؟

أنا في اعتقادي أن الإثنين أفضل وبكثير من تركي؟ ولكن!!.....

إذا كان تركي قد حصل على 28.4 فكم يستحق السكيبي مثلاً؟
أعتقد لو كان هناك عدل لتجاوز الأربعين وليست الثلاثين!



لكن اللجنه تعتبر كل حلقه منفصله عن الحلقاات التي سبقتها..

فمرره ترفعها ومرره تنزلها بحسب امزجتها؟

والمقصود النسبه بحسب الشعرااء

تقبل تحيااتي

[بندرالقثامي]

كلمة الحق تنقال الشاعر تركي الفين كان ذكي جدا في اختيار موضوع قصيدته في الملك عبد العزيز رحمه الله لانه بذالك سيكسب ود واحترام الشعب السعودي ودعم وتشجيع ومسانده من الاسره الحاكمه الكريمه

[محمد العتيبي]

لا اتوقع فوز تركي 2000
بلقب شاعر المليون ، لانه يوجد شعراء مدعومين
بدعم قوي فيوجد شاعر يدعمه قبيلته
وتجارهم واعضائهم من مجلس الامة الكويتي
ويوجد شاعر يدعمه الاسرة الحاكمة
من بلده وبعض التجار كما حصل وأهلوه للمرحلة القادمة
ويوجد شاعر اخر وهو من دار عاصمة الشعر
مثل ماقالوا انها عاصمة للشعر ..

فلا اظن ان المعجبين بتركي بيلحقون بالتصويت ...

[عقاب الحويماني]

مساكم الله بالخير ياربع

أولا" / انا لست بشاعر ولكن متذوق للشعر ,,,, ولكم وجهة نظري ‍‍‍‍‍‍‍‍‍‍‍‍‍‍‍‍‍‍‍ًًً‍‍‍‍‍‍

بالنسبه لافضل شعر بدون مجامله او تحيز فهو عبدالله اليامي

وتركي 2000 مبدع صراحة" ولكن اليامي أفضل و الجمهور والشعبيه لها في هذه

المسابقه الشأن الاكبروالاثنين مبدعين .


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ

أخوي الغربي بعد إذنك وبكل إحترام لي تعقيب بسيط على تعليقك وإنك مارايح تترك تركي . بسلامة تركي ولاهو أكبر همي ولاهمك وأنا طالبك ماتعطيه أكبر من حجمه لانك بذا الطريقه تركي هو الربحان لانك إهتميت به أكثر من اللازم والامور واجد لو كل الكلام نأخذه على محمل الجد رحنا فيها كلنا لكن الامور سهله ورجائي منك يالغالي إنك تحملني ولو ثقلت عليك,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
,,,,,,,,,,,,,,,,,,,,,, أخوك/ عقاب الحويماني

‍

[رجـم النـايـف المطيري]

الله كريم ومن ترجاه ماخاب



تحياتي لكم ياعتابه



اخوكم رجــــم النــــايــــف المــطيـري

[! محتميها !]

والله اعتقد انه مؤهل في المرحله هاذي


لانه بصراحه شاعر ذكي وغير كذا ترى مافيه قصوور

يعني الرجال شاعر لا تخلونا نهضم حقه يا الربع


لكن يبقى الحكم في يد لجنة التحكيم والجمهور



ويا خبر اليوم بفلوس بكره ببلاش


وتقبلوا خالص تحياتي

[الادعاصم@]

ليس من مصلحتنا خروج تركي الفين
انا اقولها لكم
عبد الرحمن الشمري ، يوسف العتيبي ، ابن مريبد العازمي ، ابن فطيس المري ،الحبابي ، تركي المطيري
اذا خرج تركي مليون في الميه ستحمل مطير مسؤلية خروجه لعتيبه لدعمهم منافسه ويكون تصويت مطير ضد مرشحنا الافضل ان تنشغل كل قبيله بمرشحها
شمر
عتيبه
هتيم
يام
قحطان
مطير
ستكون الكلمه لعتيبه مليون في الميه ستفرق عتيبه الهيلا عن الكل

[همام الدهماني]

ياالربع ترى مطير مبسوطه من خروج فهد القثامي لاوبعد يكتبون القصايد بمناسبة خروجه

[القلم الصريح]

8
8

ما عليك منهم

ههههههه

لنا ولد تأهل لا تنسون


وإن كان القثامي طلع فالريض وبن سرور طلعوا قبله

وتركي بيلحقهم إن شاء الله


وبصراحة الأجدر هو اليامي عسى الله يوفقه

شاعر بمعنى الكلمة

[طارق الشمري]

لا ولن يتأهل تركي المطيري لسبب كبير وهو ان قبيلتي عتيبة وشمر مع عبدالله اليامي
وبالتوفيق ان شاء الله ولاتنسون يالهيلا اليامي وكما سبقني الاخوين القلم الصريح وفهد الغربي مشكورين
ولن تنسى قبيلة شـــــــمر وقفات قبيلة عتــــــــــيبة معها بقضايا كثيرة واخرها قضية بدهان الشمري فتقبلوا شكري وتقديري رجلاً رجلاً 0 حفظكم الله ورعاكم

[همام الدهماني]

اناء والله معلية منهم وخروج شاعرنا الكبير فهد القثامي خروج مشرف

[ابن مشيب]

ياإخوان , يجب ان تضعوا جميع الإعتبارات والإعتقادات الشخصية جانباً , فلقد تعودنا من هذا البرنامج المفاجأت الغير متوقعة , والسبب في ذلك , لان النتائج غير مقننة على لوائح معينة , ووضعت شاعرية الشاعر جانباً , واستبدلات إن صح التعبير ( بجماهيرية الشاعر ) , والشاعر تركي الميزاني , متسابق مثلهُ مثل غيره , وندعو لهُ وللجميع بالتوفيق.

ولكن من الخطأ ان تُطرح الإعتقادات والآراء الشخصية , بمجرد سماع قصيدة الشاعر , او تقييم اللجنة , فهناك اكثر من متسابق تأهلوا , وكانت نتائجهم المعطاة من اللجنة في المراتب المتأخرة , ولكن جماهيريتهم , غطت على جماهيرية المتسابقين الاوائل.

فالفوز والتأهيل , ليس مقرون بشاعرية الشاعر , ولكنها بجماهيريته.

ومن الصعب في الوقت الراهن ومن خلال متابعتي للبرنامج , ان يتم تأهيل الرابح اوالخاسر من مجرد الاعتقاد.

ونبارك مقدماً للمتأهل في هذه الجولة , ونقول حض اوفر , لمن لم يحالفهم الحظ , فالفوز ليس دليل انهُ افضل الموجود شعرياً , والخسارة ليست دليل على ان الخاسر اقلهم شعرية.




تحياتي

[سفيرشيبان]

لاحول يالربع انتم عطيتو تركي فعلا اكبر من حجمه تركي غريبه مازهم مطير في المليون عشان يخطف عجرم هذا تركي شاعر المليون... ياخوان الشعر لاهله ..الا على فكره يقولون ان تركي يقول حنا عندنا ردار يلقط سرعه السيارات هههههههههههه مالقى كلام يقوله الا الردار وده يشارك الرجال معذور



عموما الحق يقال انا معجب جدا بالشاعر. بن فطيس

شكرا يالهيلا

[ولد الحمايل]

أنا من وجهة نظري إن تركي كان الأفضل

مع إني والله ماأدانيه لله فالله

لكن الحق يقال

تضل وجهة نظر

[محــ نجد ــب]

إن شاء الله التأهل من نصيب اليامي

[أبو مرحبا]

ياالربع نتمنى لجميع الشعراء التوفيق

قبيلة عتيبه محايدة

اليوم كلن شاف الحلقة والشاعر اللي يستاهل التصويت صوتوله


بيض الله وجهك ياصاحب الموضوع




وفالكم التوفيق

[محمد الراشد]

تركي = صوت!!!
الشعر لاهله!!!
القثامي وطلع!!!
الاكيد مانبي ننشغل عن يوسف!!!
تراها صارت تحدي...
***** يوم تأهل يوسف كان معه المطيري وبن ساقان من السعوديه... ويوسف من العراق!!! تأهل العتيبي وطلعوا الاثنين ... قويه جدا جدا... نبي نأكده.. وتركي اذا الله فكه من العتبان تراه بخير|194|
يبطي صح؟؟

[العازمي 2007]

الوعد مع يوسف انشاء الله
لقب شاعر المليون مهم جدا وانشاء الله يكون من نصيب قبيلة عتيبه لازم نكون صووووووووووووووووووووت واحد

[الشاهين.]

مساء الخير

بالنسبة لي وهي وجهة نظر إن الأجد في القصائد الفردية هو تركي الميزاني ولكن في الغزل والحكمة هو عبدالله بن عبيان اليامي وأتوقع إن التنافسة بين تركي وعبدالله على الفوز واللي يرجح الميزان دخول عتيبة في هالتصويت ولكن أتمنى من قبيلة عتيبة عدم الدخول في هالتنافس وترك الميدان حتى يجي يوسف0

ولاتنسون اليامي أسند على شمر يعني الرجال مرتكي على عدة قبائل وأتمنى له التوفيق وفالة المليون هههههههه

[مقاطي مكه]

لله درك يابو عبيان

لله درك يابو عبيان

لله درك يابو عبيان

والله العظيم شاعر بمعنى الكلمه الله يوفقه


وياعتابه لاتنسون بن رزاق والله الله شدوا حيلكم

[العنضولي]

اصلا اللجنة واضح فيها التحيز لتركي خصوصا من تركي المريخي المطيري



واكبر دليل

تركي المريخي قال للسكيبي في القصيدة الغزليه لازم انك تختار قافية سهله وعذبة وما قال لتركي مع ان قاقية تركي اخس من قافية السكيبي


وبعدين قالها علي المسعودي صريح انهم وصوه على تركي


وتركي قصيدة جميلة ولكن مهي افضل من قصيدة اليامي

[نايف المطيري]

بسم الله الرحمن الرحيم
شكرا للجميع..
تركي الفين شاعرغني عن التعريف...شاعرمحاوره ونظم في ان واحد
حجز مكانته بين الشعراء الكبار واصبح كبيرا مثلهم
وتجاوزه لهذه المرحله مضمون بنسبه كبيره ولايزاحمه سوى ابن عبيان..
وقد كان تركي موفق جدا في اختياره لموضوع القصيده
وهذا يدل على ذكائه ولقد ابدع في القصيده واجاد ولقيت الثناء من الجميع ..والى الامام
عموما لن يفلت شاعر المليون من اثنين تركي المطيري وابن افطيس.
انا لااعرف تركي شخصيا.. ولكن يقولوا بان خواله العتبان..ولماذا لاتشجعوا بناخيكم اذا خرجوا ربعكم..!!؟؟؟؟؟.
================================================== ======
اما بالنسبه للمسابقه فاعتقد بان الطريقه المعمول بها في اختيار شاعرالمليون غيرعادله وينقصها الشي الكثير حيث بامكان اي شاعر ان يستعين بالاخرين في قصيدته اواعداد نصفها ..اوتعديلها وبالتالي من الظلم ان يرشح لشاعر المليون ..فهذا بمثابة اختبار ويجب ان يطبق على هذه المسابقه مايطبق على الاختبارات النهائيه
ولاتترك الفرصه للشاعرلكي يتصل بالاخرين او اسشارتهم؟؟..

[عكاش]

.................................................. .......................
الاداره

[رويشد المورقي]

برأيي اليامي هو الأجدر في هذي الحلقة

وإن شاء الله التأهل من نصيب اليامي

[غيهب الغياهب]

التوفيق لليامي

[رجـم النـايـف المطيري]

...................................
اعتقد ان فيه مشرفين بأمكانك مراسلتهم واشعارهم بالمخالفه
من غير ان تتكلم بكلام لانجيزه في هالمنتدى .
الاداره

[ابن نميان]

تعيس الحظ على خايب الرجا

مهكذا تورد الأبل يارجم

كان الأجدر بك أن تكون أحلم بكثير اتعست حظ الرجال وخيبت الرجا لان خواله لم يكونو مطران ليه المطران ملائكة..؟

وتقبل مودتي

[الحثري]

افضل شي ان تكون محايد

بالنسبة لتركي نحنو نتكلم علية كشخص يمثل نفسه

حتى لو كان مطيري تبقى شخصية تركي غير ومطير غير

وعلى العموم ونعم بمطير وجميع القبائل


واعتقد ان ابن عبيان هو الافضل

[كاسر البرقاوي]

اصلا برنامج شاعر المليون انكشف على حقيقته


واكبر دليل ان الشاعر عبدالله بن عبيان بيخرج الاسبوع الجاي مو لأن ماحد راح يصوت له


مع العلم ان يام وجمهوره كثار


لكن نشوى الرويني ماتبي يكون اثنين من قبيلة وحد سوى



وراح تشوفون كلامي الفايز تركي عشان يمثل مطير او العماني عشان يمثل دولة عمان

[مرزوق الجعيد]

لا يهمني من يترشح في هذه المجموعه
ولكن كلمة حق تقال

اللجنه (متواطئه) والدليل

النسب


النسبه بين اليامي والعماني

الجميع شاهد البرنامج
من وجهة نظر الاغلبيه ومن تقييمي الشخصي ان
اليامي والمطيري مشابهين في الاداء
اذا لا خلاف ان يحصلون على نسبه قريبه من بعض

ولكن ان يحصل العماني على نسبه اعلى من اليامي
من وجهة نظري انه لا يستحق حتى 20%
مثله مثل الاماراتي

تحياتي

[سلطان الجـذع]

اعتقد

ان اجتياز تركي لابن عبيان صعب صعب صعب للغاية
بن عبيان معه يــــام اهل الجنوب اللي ماتاكلهم النيران
وشمر معه وبالتاكيد عتيبه .............
اما تركي معه مطير فقط


ولكن الله يوفقهم جميع ..كلهم يستاهلون

[العازمي 2007]

اتحدي هنا بين تركي الفين وعبدالله ابن عبيان
اما العماني جمهوره قليل

[((سبع الغداري )]

اخواني اعضاء قبيلة عتيبه
السلام عليكم ورحمة الله وبركاته


أراء برايي ان برنامج شاعر المليون محدد من الان من هو شاعر المليون ..لان في الحلقات الماضيه الذين تأهلوا من الاربع والعشرين على سبيل المثال الحبابي كان غير متوقع وايضاً الشاعر العتيبي كان ماهو متوقع لانه اقل نسبه وكان المتوقع بن ساقان .......لانه سياسة البرنامج هكذا


ويعلم الله انني لااريد ان يفوز الا العماني حتى ياخذ المليون


لان شاعر المليون حقيقه سبب المشاكل والعنصريه العصبيه القيليه بين القبائل ومايكتب من كلام سافل من السفهاء في الشات هو المسبب الرئيسي


اخوكم // خالد الحربي

[فيحان بن فياح]

مساكم الله بالخير يابني العم جميعا

تركي 2000 شاعر قلطة وليس نظم ومع ذلك يستاهل قصائدة في النظم جيدة والقصيدة الأخيرة فيها نوع من التقليد والدليل على ذلك شطر من أبيات فراج التويجر (يصير من الأصرار مالايصير) ..ولانهظم حقة

وأبن عبيان شاعر متميز ومبدع ولكن هظم حقة في تقرير اللجنة وكان أعلى مستوى من تركي ..

وأنا أتوقع ((( أبن عبيان)))


تحياتي

[العازمي 2007]

تركي الفين هدفه المليون اما الشهره فهو مشهور وهذي من مصلحته يبي المليون
ويقول اذا فزت حفلاتي بلاااااااااش يسوي دعايه..

[الجـذع]

اكثر ما يأسفني في هالبرنامج انه استغلالي

ويدورون الدراهم من وراه ما همهم الشعر والشعار

...

قصيدة تركي جزله لأبعد الحدود بصراحه وموضوعها ممتاز
لكن هناك بعض الابيات الي اتهم بها البدو بأنهم لايعرفون الدين
ولايموت له بصله فهذا مأخذ عليه

فكلنا يعرف ان هناك الكثير والكثير من الامراء والفرسان كانوا رجال دين

والتوفيق للجميع ان شاء الله

[النايع]

على الأقل تركي 2000 من قيس عيلان
وله مني 100 صوت. ليس محبة فيه. وإنما بغضاً في غيره


اللي قريب من جدودي = قريب لو انه غريب
واللي بعيدٍ عن نسبهم = غريب لو انه قريب

[نواف العازمي]

اخوي الاد عاصم العوازم ماهم بهتيم لكن الحقد ماكل قلبك وشاعرهم قوي ومشرف وان فبضل الله وان ماحالفه الحظ حاله حال الرجال اللي قبله لكن ان تصف الرجال بهذا الوصف فشي اكيد ان احدا منهم ماسن كرامتك بشي وهذا الكلام ماتقدر اتقوله في الوجه وهذي ليست رجووووله وتحياتي لرجال عتيبه وليس لعفونهااااااا

[سفيرشيبان]

الاخ نايف المطيري نحترم وجهت نضرك لا كن وانا خوك منتدى مطير بعضهم مسوي قصايد في خروج العتبان ليش طيب بالعكس يااخي حنا ومطير اخوان وبينا معارف و بينا نسب وبينا كل علوم طيبه بس عاد شف ربعك وش يكتبون

[عسكر البارود]

خروج فهد القثامي ليس نهايه للمطاف فما قدمه شاعرنا فهد من اجمل النصوص والتي حيرت اللجنه والجمهور وهذا يدل على عبقريته وتمكنه من قصيدته .

واما الذين يكتبون قصايد بمناسبة خروجه فقد خرج قبله منهم اثنين فهذا شي معروف عنهم ومن طبعهم ليس بغريب عليهم .

ولاكن الله الله بالجاي والتصويت لابن عمنا العصيمي . وافضل انكم تتركون المدح لبعض الاشخاص اللي لاهو ولا عيال عمه يمكن ان يمدحون احد منا . او يشيدون بما قدم شعراءنا .

تحياتي .

[مرقاب الشمال]

ابشر بالتصويت يا تركي 2000

[عتيبي و أفتخر]

مساك الله بالنور

لقب شاعر المليون
ليوسف
وصح تركي قصيدته رائعة
وسبحان الله
له صوت جميل جدا
وهو راعي شيلات

ومشكور على الموضوع

[نايف المطيري]

الاخ نايف المطيري نحترم وجهت نضرك لا كن وانا خوك منتدى مطير بعضهم مسوي قصايد في خروج العتبان ليش طيب بالعكس يااخي حنا ومطير اخوان وبينا معارف و بينا نسب وبينا كل علوم طيبه بس عاد شف ربعك وش يكتبون
================================================== ========

اخوي سفير شيبان
ونعم فيكم كلكم..يالعتبان والله انا نعزكم ونقدركم اصدقاء وجيران وخويا لنا والله ان خوياي الاعزاء على نفسي عتبان ..ولاارضى عليهم خلاف ابد ابد..
والمخطي ماهومعين خيرابشرك سواءمن مطيروالاعتيبه..
والي يكتب في منتدى مطيرضدعتيبه مخطي وكذلك الي يكتب ضدمطيرمن عتيبه
ويجب على العاقل مايجاري هولاءوانا عن نفسي اعتبرهم قاصرين ولافيهم خير
الرجال ماتكون كالحريم ماعندهن غيرالنق في بعض...
وتركي ماهوبعازة احد هوشاعرمثبت وجوده بجداره ولوماله اهميه كبيره ماوضعتله المنتديات صفحات.
.وتابعة خباره ولكن هذه دائما ضريبة الشهره والنجاح.
اتمنى ياعزيزي ان يغيروا الرجال النبلاء والكرماء من كلاالقبيلتين هذا الفلتان الموجود في المنتديات التي يدخلها العاقل والغيرالعاقل.وان يحاولوا يصلحوا ذات البين بين الطرفين وينبذوا من منتدياتهم جميع مايجرح شعورالطرفين وان نرتقي بكلامنا وتعليقاتنا الى مستوى الرجال الكرماءوالشجعان..ونضع حدلهذه المهاترات التي لاقيمة لها ولافايدة منها سواء ارتكاب الاثام..ونشرالبغضاء والكره بين الناس.
تحياتي لك ولامثالك من الرجال الصدقاء

[القوبع العضياني]

التوفيق بيد الله وتركي شاعر مميز


والاجدر انشاء الله يفوز نحن نتمنى احد ابناء عتيبه


ولاكن يبقى التوفيق بيد الله

[مخاوي العتبان]

ان شاء الله يفوز يوسف العصيمي وتركي يطلع من اول جوله

[اول واحد]

السلام عليكم


اول واحد

رووح العب بعيد في غير منتدى الهيلا



نبض المشاعر

[نبض المشاعر]

اشكر الجميع على المشاركة واخص بالشكر لصاحب الموضوع ومن يفوز بالمليون يستحقة بكل جدارة



***ملاحظة ***

أتمنى من الجميع عدم الخروج عن اطار الموضوع سواء بتجريح او التلميح ....

[العازمي 2007]

ارجو من الجميع عدم التجريح في
ومع ان تركي الفين يخطي كثير على قبيلة عتيبه لا اننا قلنا بانه شاعر والقصيده الي قالها في المسابقه جميله
تركي الفين لايمثل جميع قبيلة مطير اذا اخطى

[بـنـدر]

ارجو من الجميع عدم التجريح في
ومع ان تركي الفين يخطي كثير على قبيلة عتيبه لا اننا قلنا بانه شاعر والقصيده الي قالها في المسابقه جميله
تركي الفين لايمثل جميع قبيلة مطير اذا اخطى



هذا هو الكلام


الي أخطى تركي وليس قبيلته

والجاهل جاهل مهما كان

[الهيلع]

والله مدري عن ابن فطيمه محد يمه والظاهر انه هو اللي بيتأهل |191|

[الأمــير]

تبون الاجــــــــابه المؤكده



يوم الثلاثاء الساعه 9 مساء على قناة ابوظبي تعرفون ااذا تصدر ام لا:)

[ابوفهد العتيبي]

دائماً مميز يا ذيب الحنابج

ههههههههههههههههههههههه

[مطيري وأفتخر]

أنا لو كنت عتيبي ماراح أصوت لعبدالله عبيان اليامي ..

حتى لو كنت أكره تركي المطيري (تركي 2000 )



تدرون ليش؟


لإنه شيعي رافضي من نجران

ماني فاضي أكسب ذنوب


يعني أكون محايد لا أصوت لا لتركي ولا لليامي ولا للعماني ولا للمنصوري

وأوفر صوتي لولد عمي يوسف العصيمي في المراحل الجاية



..
وإذا صوت لتركي 2000 .. وليس لليامي ..
فهذا معناه بأني لم أنسى مدى الأخوة والمحبة بين قبيلة عتيبة وقبيلة مطير لإنهم أخووووان




..
ولا تفرق بينهم محاورات !!!!!!!!



..
تحياتي

[القلم الصريح]

مطيري وافتخر حياك الله بيننا


سجلت عشان تسوي دعاية لتركي ههههههههههههه

عموما صوتي لابن عبيان عشان شعره

بعدين

سبحان الله من متى الواحد يتكلم في معتقدات غيره

ياخي هو قالك إنه شيعي

وش يدريك لو إنه سني

وإنت كسبت ذنوب من كلامك عليه


صوتي لابن عبيان

وبلاش بلبلة وفتنة


وكل واحد يصوت للي يعجبه في الشعر


وبالنهاية عتيبة ومطير إخوان

وما راح يفرقهم تصويتنا لابن عبيان

الرجال انتخا فينا وما راح نقصر معاه


وولد عمنا يوسف ما حنا بناسينه إن شاء الله

لا توصينا على ولد عمنا


وحياك الله مرة ثانية

وعلى تواجدك الجميل بيننا

[النايع]

لعيون جدنا قيس عيلان

لتركي مني 100 صوت أخرى

هاذي 800 ريال الله يخلفها خخخخخخخخخخخخ

أنا وأخوي على أبن عمي... وأنا وأبن عمي على الغريب

ووالله لو أني من أهل الأموال والفلوس لأصوت له بأكثر. لأن الرجال من قبيلة معروف أنها عدنانية.

[مطيري وأفتخر]

سجلت عشان تسوي دعاية لتركي ههههههههههههه

تركي مايحتاج دعاية هههههههههههههه

سبحان الله من متى الواحد يتكلم في معتقدات غيره

ياخي هو قالك إنه شيعي

وش يدريك لو إنه سني

وإنت كسبت ذنوب من كلامك عليه

شيعي وروح شوف ربعه .. ودور عليه في منتدياته.. وبتحصل النتيجة !!!!!!11



لعيون جدنا قيس عيلان

لتركي مني 100 صوت أخرى

هاذي 800 ريال الله يخلفها خخخخخخخخخخخخ

أنا وأخوي على أبن عمي... وأنا وأبن عمي على الغريب

ووالله لو أني من أهل الأموال والفلوس لأصوت له بأكثر. لأن الرجال من قبيلة معروف أنها عدنانية

تسلم يمينك يالنايع يالنشمي

[العازمي 2007]

هل الياميه والي من نجران كلهم شيعه

[عسكر البارود]

ياالربع ترى مطير مبسوطه من خروج فهد القثامي لاوبعد يكتبون القصايد بمناسبة خروجه


اخوي همام يا ليت لو اعرف وش كتب عن خروج فهد القثامي .

تحياتي .

[ابوفهد العتيبي]

يالربع دخلنا في مهاترات ما منها جدوى
فإبن عبيان شاعر
وتركي شاعر

وهم ما يدرون عنكم لا تقحمونا بين الشعراء فهم متصافين ونحن نتحارب هنا.

أتمنى للجميع التوفيق.
كما أتمنى من الإدارة أن تحذف الموضوع لما يجره من الفتنة

ودمتم لأخوكم المحب لكم الخير.

[العازمي 2007]

انا لااتوقع بان مطير مسروره من خروج فهد القثامي الا بشي واحد هو الخوف اذا تاهل مع تركي الفين
والاسبوع القادم يمكن نشوف مفاجئه قويه بخروج تركي الفين

[سفيرشيبان]

يااخوان يقولون ان الشعار اذا انتهت حفله المحاوره ركبو سياره وحده ومشوا سوا معناتها اصحاب بس في الملعبه مجرد مزاح بينهم طيب لماذا اجل نتعب انفسنا وتجي بينا حنا وهم مادروا عنا مثل ماقال اخي ابو فهد

يااخوان حنا ومطير وباقي القبايل اخوان في الله واصحاب ورفاقه وصدقوني اذا فرقتنا المحاوره فنحن ضايعين وماعندنا سالفه

وحنا مطير ترانا ربع .

[مشاري]

اليامي شاعر متمكن ويستحق أنه يتأهل


في النهايه اتوقع شاعر المليون الشمري عبد الرحمن

مودتي

[إدارة الموقع]

تم الاغلاق والاكتفاء بهذا القدر من الموضوع.