ابن نجد
04-Jun-2003, 12:46 PM
شاعرنا هو معروف واسمه نجر بن فيصل بن عيد بن معيض ابو كلاب العصيمي العتيبي ، ويتسم شعره بالدقه بالوصف العجيب بكل بدقة الدقة نفسها ويقلب الابيات كما يشاء ليطوعها كما يريد وهذا غير غريب عليه وهو قد سيطر على الشعر وعمره 18 سنه فقط ، وقد انتقل من الكويت ليسكن المملكه العربية السعودية وله عدة قصائد جيده واخرى ذات فكاهه وننتقي لكم هذه القصائد :
القصيدة التالية قالها عندما اشترى له سياره وكانت سكراب فندم على شراءها وتمنى لو ان العصر القديم يرجع ويرجع له بعيره شقران ، قال:
دفها يا عيد لين يدرجني
لين تمشي من خطرها الله يناجي
لو مشت يومين بالثالث تكني
ماتقضي الوقت معنا باندماجي
ياسنين الماضية لو ترجعني
رجعن شقران حيث انه مزاجي
العوض عقبه سكاريب تحني
ماتجي عرق وراه البيت لاجي
القرنبع ماينشع بالمغني
ماتعدا مزرعة راعي الدجاجي
القرنبع ضيعت فكري وظني
جبتها قبل امس من سوق الحراجي
التواير من ورا مايمسكني
والمواشي من قدم فيها ارتجاجي
والمداقر والرفارف يقرعني
والكويل ما يورد للبواجي
والمكينه كن فيها صوت جني
ينزعج دخانها مثل العجاجي
والسوايل والبريك يهربني
كملت مصرف عيالي بالكراجي
خسرتني مايكف الدين عني
اكلت البيزات مايضحك حجاجي
مثل راس غليص تاكل ماتونى
بيح الماجود ماعندي خراجي
شرية السكراب في كبدي طعني
ماتعدا العرق الاقصى بانزعاجي
مثلها واشكالها مايعجبني
وان مسكت بريكها السكان راجي
مع هذا وانا بعد سايق وفني
مير ماينفع بها كثر العلاجي
ابعدوها يا اهل المعروف مني
واشعلوا في كشنها مثل السراجي
قال قصيدة اخرى يمدح بها موتره بوصف عجيب لامثيل له ولكن أي موتر تعتقد ! :
احمدالله وارد الستين عانه
واردن قبل الحديد يوردونه
مايعبى من شراب القيز خانه
ولا وقف وسط الكراج يوضبونه
المكينه مطرقن من خيزرانه
والفرامل حبل والسسته متونه
وتايره رجليه يازين ربعانه
كامل بالوصف والشمعه عيونه
والجما كبوت والبوري لسانه
والمساعد ياولد حربة سنونه
والرديتر صرته مضرب بطانه
ديتره يابوسهل مايلحمونه
وان ركب راعيه ما مله مكانه
وان طرش صوب البلد ما يجرونه
وان عطا جو الخلا زين هذبانه
وان تعرض رملة مايسعفونه
نمرته وسمه على خده بيانه
وان وطا له مركزن مايسألونه
وارد الرحمن يازين سهيانه
يعجب اللي فوق وسقه يركبونه
خالقه ربه وخالقنا وزانه
مايورد من بعيدن يصنعونه
مير شان الوقت واقفا به زمانه
وانقطع شقران ياللي ترغبونه
وتم قولي بذكر رب عز شانه
بذكر رب كل الامه يشكرونه
والقصيدة التالية هي من نوع النصح والارشاد لشباب المستهتر والمنحل :
بسم رب الناس محيي الميتين
واحدن يمطر مطرها من سماها
ملحق الحيين بثرى السابقين
والبعث عنده على اخر منتهاها
والنصيحه عندنا للسامعين
وان سمعها عاقل يشكر ثناها
ياشباب اليوم صيروا عاقلين
لاتحدون الجنون بمستواها
الجنون بدورهم متخـنفسين
يصعدون الى السما في معتلاها
حاولوا في سمع رب العالمين
لين صار النجم مشهاب ورماها
وانتم اليومه تراكم طايرين
والعقول اللي تشوش من رداها
انتم القدوه شباب المسلمين
استحوا من ملة محدن مشاها
النشاما مايجون مقحصين
وان زبنهم عورتن صاروا ذراها
والنشاما للضيوف مرحبين
تشبع الظيفان في كرمة صخاها
تزعمون بروحكم مثقفين
والثقافه طاعة الله من عطاها
وان سألته عن فعول الاولين
قال مادري بالبلاد ومن بناها
موتره سكراب مشري بدين
والشعر باروكته توه شراها
للحوادث دايما متسببين
كل يوم وشرطة النجده وراها
يزعجون موظفين مجهدين
والمخنفس مادرا على عماها
والخساره كلها للوالدين
خسر ابوه وخسرت امه في غذاها
يوم جوها بالخبر قالوا سجين
صفقت بايدينها عند اقصراها
جت هل المعروف تنخا الطيبين
علمتهم والعيون انهل ماها
وقام جار البيت في دور حسين
واطلعه تحت الكفاله لين جاها
وكل توجيهاتنا للجاهلين
ربمن جهالنا تمنع خطاها
وتم قولي بذكر رب العالمين
واحدن يمطر مطرها من سماها
وشكرا لقراءة القصائد ومزيدا من قصائد الشاعر نجر العصيمي…انشالله
-------------------------------------------------------------------
زماننا غير زمانهم وحتى نتذكر الاولين
اخوكم ابن نجد
القصيدة التالية قالها عندما اشترى له سياره وكانت سكراب فندم على شراءها وتمنى لو ان العصر القديم يرجع ويرجع له بعيره شقران ، قال:
دفها يا عيد لين يدرجني
لين تمشي من خطرها الله يناجي
لو مشت يومين بالثالث تكني
ماتقضي الوقت معنا باندماجي
ياسنين الماضية لو ترجعني
رجعن شقران حيث انه مزاجي
العوض عقبه سكاريب تحني
ماتجي عرق وراه البيت لاجي
القرنبع ماينشع بالمغني
ماتعدا مزرعة راعي الدجاجي
القرنبع ضيعت فكري وظني
جبتها قبل امس من سوق الحراجي
التواير من ورا مايمسكني
والمواشي من قدم فيها ارتجاجي
والمداقر والرفارف يقرعني
والكويل ما يورد للبواجي
والمكينه كن فيها صوت جني
ينزعج دخانها مثل العجاجي
والسوايل والبريك يهربني
كملت مصرف عيالي بالكراجي
خسرتني مايكف الدين عني
اكلت البيزات مايضحك حجاجي
مثل راس غليص تاكل ماتونى
بيح الماجود ماعندي خراجي
شرية السكراب في كبدي طعني
ماتعدا العرق الاقصى بانزعاجي
مثلها واشكالها مايعجبني
وان مسكت بريكها السكان راجي
مع هذا وانا بعد سايق وفني
مير ماينفع بها كثر العلاجي
ابعدوها يا اهل المعروف مني
واشعلوا في كشنها مثل السراجي
قال قصيدة اخرى يمدح بها موتره بوصف عجيب لامثيل له ولكن أي موتر تعتقد ! :
احمدالله وارد الستين عانه
واردن قبل الحديد يوردونه
مايعبى من شراب القيز خانه
ولا وقف وسط الكراج يوضبونه
المكينه مطرقن من خيزرانه
والفرامل حبل والسسته متونه
وتايره رجليه يازين ربعانه
كامل بالوصف والشمعه عيونه
والجما كبوت والبوري لسانه
والمساعد ياولد حربة سنونه
والرديتر صرته مضرب بطانه
ديتره يابوسهل مايلحمونه
وان ركب راعيه ما مله مكانه
وان طرش صوب البلد ما يجرونه
وان عطا جو الخلا زين هذبانه
وان تعرض رملة مايسعفونه
نمرته وسمه على خده بيانه
وان وطا له مركزن مايسألونه
وارد الرحمن يازين سهيانه
يعجب اللي فوق وسقه يركبونه
خالقه ربه وخالقنا وزانه
مايورد من بعيدن يصنعونه
مير شان الوقت واقفا به زمانه
وانقطع شقران ياللي ترغبونه
وتم قولي بذكر رب عز شانه
بذكر رب كل الامه يشكرونه
والقصيدة التالية هي من نوع النصح والارشاد لشباب المستهتر والمنحل :
بسم رب الناس محيي الميتين
واحدن يمطر مطرها من سماها
ملحق الحيين بثرى السابقين
والبعث عنده على اخر منتهاها
والنصيحه عندنا للسامعين
وان سمعها عاقل يشكر ثناها
ياشباب اليوم صيروا عاقلين
لاتحدون الجنون بمستواها
الجنون بدورهم متخـنفسين
يصعدون الى السما في معتلاها
حاولوا في سمع رب العالمين
لين صار النجم مشهاب ورماها
وانتم اليومه تراكم طايرين
والعقول اللي تشوش من رداها
انتم القدوه شباب المسلمين
استحوا من ملة محدن مشاها
النشاما مايجون مقحصين
وان زبنهم عورتن صاروا ذراها
والنشاما للضيوف مرحبين
تشبع الظيفان في كرمة صخاها
تزعمون بروحكم مثقفين
والثقافه طاعة الله من عطاها
وان سألته عن فعول الاولين
قال مادري بالبلاد ومن بناها
موتره سكراب مشري بدين
والشعر باروكته توه شراها
للحوادث دايما متسببين
كل يوم وشرطة النجده وراها
يزعجون موظفين مجهدين
والمخنفس مادرا على عماها
والخساره كلها للوالدين
خسر ابوه وخسرت امه في غذاها
يوم جوها بالخبر قالوا سجين
صفقت بايدينها عند اقصراها
جت هل المعروف تنخا الطيبين
علمتهم والعيون انهل ماها
وقام جار البيت في دور حسين
واطلعه تحت الكفاله لين جاها
وكل توجيهاتنا للجاهلين
ربمن جهالنا تمنع خطاها
وتم قولي بذكر رب العالمين
واحدن يمطر مطرها من سماها
وشكرا لقراءة القصائد ومزيدا من قصائد الشاعر نجر العصيمي…انشالله
-------------------------------------------------------------------
زماننا غير زمانهم وحتى نتذكر الاولين
اخوكم ابن نجد