السيف الشطير
25-Feb-2007, 12:04 AM
طال الزمان ورفيقي مابعد جاني = والصبر تاهت دروبه ياالله الخيره
سنين صابر وضيم البعد يشقاني = والفكر صفت مع الذكرى طوابيره
حتى بليل الخلايق عشت سهراني = والكل نايم وأنا في داخلي حيره
مغير أغني وأسامر لحن قيفاني = بيوت شعرٍ من الميراد تصديره
أحاول أسلى مدام الصدر زهقاني = وليلي تعدا وصرنا من مساهيره
حتى بدا الصبح من شرقٍ تباداني = وأنا على سيرتي ياسامع السيره
هاذي علومٍ جهلها زين خلاني = اللي تغيّب وطالت بي مشاويره
قولو ترى فيصل المشتاق ولهاني = عله يقدّر خفوقٍ غاب تقديره
وعله يجيني بشوق وشوق يلقاني = ويفرح ضميرٍ تعنى مع مساييره
وإن كان عيّا وقال إنه تناساني = لابوه ولابو غرامٍ طاح تعميره
في ذمتي ماهو الأول ولا الثاني = بلقا حبايب تسر القلب من غيره
وصّل جوابي على المقصود يافلاني = والصبر غايب مراده ياالله الخيره
سنين صابر وضيم البعد يشقاني = والفكر صفت مع الذكرى طوابيره
حتى بليل الخلايق عشت سهراني = والكل نايم وأنا في داخلي حيره
مغير أغني وأسامر لحن قيفاني = بيوت شعرٍ من الميراد تصديره
أحاول أسلى مدام الصدر زهقاني = وليلي تعدا وصرنا من مساهيره
حتى بدا الصبح من شرقٍ تباداني = وأنا على سيرتي ياسامع السيره
هاذي علومٍ جهلها زين خلاني = اللي تغيّب وطالت بي مشاويره
قولو ترى فيصل المشتاق ولهاني = عله يقدّر خفوقٍ غاب تقديره
وعله يجيني بشوق وشوق يلقاني = ويفرح ضميرٍ تعنى مع مساييره
وإن كان عيّا وقال إنه تناساني = لابوه ولابو غرامٍ طاح تعميره
في ذمتي ماهو الأول ولا الثاني = بلقا حبايب تسر القلب من غيره
وصّل جوابي على المقصود يافلاني = والصبر غايب مراده ياالله الخيره