خمسين من زيزوم بـرزان حايـل**ما رجحت ميزان منغـص حريبـه

[ولد الحمايل]

بسم الله الرحمن الرحيم

كيف الحال يالربع إن شاء الله بخير

إخواني فالبيت هذا للشاعر الكبير محماس بن شميسان الروقي

من ضمن القصيدة اللي يمدح فيها قبيلة عتيبة

خمسين من زيزوم بـرزان حايـل**ما رجحت ميزان منغـص حريبـه

دليل على إن عتيبة خاضت مع شمر خمسين معركة بدون هزيمة

هل هذا صحيح والال لا

وأنا لادخلت في منتدى شمر قريت عن معارك لهم فازوا فيها على عتابه

ومامنها اللي موثق

أفيدوني لاهنتوا

أخوكم ولد الحمايل

[روووقي]

مشكووور اخووي ولد الحمايل .................

انا اتوقع ان شمر منتصره على علينا اكثر
ولا اتوقع ان حنا فزنا على شمر خمسيين مره الصراحه رقم مبالغ فيه جدا جدا...
الظاهر ان المعارك حول الاربعين واكثر الانتصارات لشمر


والله اعلم

[ولد الحمايل]

مشكووور اخووي ولد الحمايل .................

انا اتوقع ان شمر منتصره على علينا اكثر
ولا اتوقع ان حنا فزنا على شمر خمسيين مره الصراحه رقم مبالغ فيه جدا جدا...
الظاهر ان المعارك حول الاربعين واكثر الانتصارات لشمر


والله اعلم

والله ياخوي عن اكثر إنتصاراة فما أظن إن شمر هي اللي أنتصرت أكثر

وأنت تعرف البيت هذا شاعرٍ كبير ومحسوب عليه إن كان فيه خطأ

وأنت تعرف الشعار أكيد عندهم خلفية عن كل شي

من مخاطهم للشياب الأولين ومن مخاطلهم للرواة

عموماً ننتظر رد أي شخص يجيب لنا العلم اليقين

[ولد الحمايل]

يالربع مية زايرة ولافيه ولارد يوضح لنا السؤال

أفا مايصير يالغالين

[روووقي]

تكفوون وضحوا لنا يا شباب

[ولد الحمايل]

روووقي والله الظاهر مافي الموضوع ألا أنا وأنت |165|

[ابن محقن]

بسم الله الرحمن الرحيم
السلام علاكم جميعا
اخواني في ذاك الوقت كانت شمر تحكم وسط الجزيره العربيه وكانت لهم حاميات مثل الحاميات التركيه في كل مدينه وكانت يدعمهم العثمانين.يعني كانت دوله لها سلطات واجهزه امنيه بسيطه اكيد مو زي الحين بس كانت دوله.وكانوا ياخذون الزكاه من القبايل مقابل الحمايه الا العتبان مادفعوا لهم لان ربعنا مايبون احد يحميهم.

وعلى قد ماسمعت من الشيبان ان الشمامره صبحوا العتبان اربعين يوم وهي معروفه عندنا وعندهم,
لكن السؤال هو هل اخذوا من نجد شي وهل انتصروا فيها او لا؟
الجواب هو/ نعم انتصروا في بعض وانهزموا في بعض.
والتاريخ يوثق ان شمر ماملكت في نجد ولا لها اي حاميات في وسط نجد ((ديار عتيبه)) حيث اني سمعت ان شمر لها حاميت وصلت الى جنوب الرياض ((الدرعيه في ذاك الوقت)) ولكن لم اقرا او اسمع عن حاميات لهم في ديار العتبان.
وعندما نسمع عن مجالس ابن رشيد ((مجالس الحاكم في ذاك الوقت)) نسمع عن اشخاص من كل القبايل الا قبيلة عتيبه لان العتبان ماتبعوا لاحد فلذلك مادخلوا مجلسه.
وفي التاريخ اقروا عن حروب العتبان معا شمر تللقون اغلبها في منطقه القصيم او حواليها لكن ماذكر ان لشمر لهم ديرة هناك وهذا يثبت ان شمر ماملكت في نجد شي. ((طبعا هذا الكلام قبل نزول حرب))
وهناك سالفه سمعتها من احد الشيبان من اهل الدوادمي يذكر فيها ان الشمامره صبحوا العتبان في يوم من الايام وكسروا العتبان ولما كان ابن رشيد على راس القوم وهو يشوف ربعه ينكسرون بعد فوزهم فسال واحد من ربعه وش اللي صار قاله جونا هل الخيل البيض.((يقصد فيها الروقه))
قال ابن رشيد:عادتهم الرده ((يعني رد القوم))عساهم الرده,مشينا حايل.
طبعا هذا السالفه قبل نزول حرب في نجد وحروبهم معا الشمامره وخصوصا الفرده من حرب اللي ردوا الشمامره عن ن شمال نجد.

هذا والله اعلم.
تحياتي للجميع.

[المثوثي على روس]

مشكور يابن محقن على الايضاح ولاهانو الاخوان

[ولد الحمايل]

بسم الله الرحمن الرحيم
السلام علاكم جميعا
اخواني في ذاك الوقت كانت شمر تحكم وسط الجزيره العربيه وكانت لهم حاميات مثل الحاميات التركيه في كل مدينه وكانت يدعمهم العثمانين.يعني كانت دوله لها سلطات واجهزه امنيه بسيطه اكيد مو زي الحين بس كانت دوله.وكانوا ياخذون الزكاه من القبايل مقابل الحمايه الا العتبان مادفعوا لهم لان ربعنا مايبون احد يحميهم.

وعلى قد ماسمعت من الشيبان ان الشمامره صبحوا العتبان اربعين يوم وهي معروفه عندنا وعندهم,
لكن السؤال هو هل اخذوا من نجد شي وهل انتصروا فيها او لا؟
الجواب هو/ نعم انتصروا في بعض وانهزموا في بعض.
والتاريخ يوثق ان شمر ماملكت في نجد ولا لها اي حاميات في وسط نجد ((ديار عتيبه)) حيث اني سمعت ان شمر لها حاميت وصلت الى جنوب الرياض ((الدرعيه في ذاك الوقت)) ولكن لم اقرا او اسمع عن حاميات لهم في ديار العتبان.
وعندما نسمع عن مجالس ابن رشيد ((مجالس الحاكم في ذاك الوقت)) نسمع عن اشخاص من كل القبايل الا قبيلة عتيبه لان العتبان ماتبعوا لاحد فلذلك مادخلوا مجلسه.
وفي التاريخ اقروا عن حروب العتبان معا شمر تللقون اغلبها في منطقه القصيم او حواليها لكن ماذكر ان لشمر لهم ديرة هناك وهذا يثبت ان شمر ماملكت في نجد شي. ((طبعا هذا الكلام قبل نزول حرب))
وهناك سالفه سمعتها من احد الشيبان من اهل الدوادمي يذكر فيها ان الشمامره صبحوا العتبان في يوم من الايام وكسروا العتبان ولما كان ابن رشيد على راس القوم وهو يشوف ربعه ينكسرون بعد فوزهم فسال واحد من ربعه وش اللي صار قاله جونا هل الخيل البيض.((يقصد فيها الروقه))
قال ابن رشيد:عادتهم الرده ((يعني رد القوم))عساهم الرده,مشينا حايل.
طبعا هذا السالفه قبل نزول حرب في نجد وحروبهم معا الشمامره وخصوصا الفرده من حرب اللي ردوا الشمامره عن ن شمال نجد.

هذا والله اعلم.
تحياتي للجميع.


مشكور ياخوك على المرور وعلى التوضيح

لاهنت وانا أخوك

[ولد الحمايل]

مشكور يابن محقن على الايضاح ولاهانو الاخوان



لاهنت يالطيب

مشكور على المرور

[بجاد علي]

اربعين او خمسين صباح حسب اللي نسمعه ويقولونه الرواه لكن ابن رشيد لم ينتصر فيها كلها بل كانت هذه الوقعات مداوله بينه وبين عتيبه يوم له ويوم عليه يكسرونه ويقلعون خيله . وعلى سبيل المثال معركة الرحى او يوم الرحى بين ابن رشيد ومحمد بن هندي ليس معه الا ربعه الادنين واستطاع ان يكسر ابن رشيد ... وقلع من خيل ابن رشيد ذلك اليوم خمسه وثلاثين فرس لوحده . يقول فيه البراق :
ابا العطايا قد عطى من نهاره = خمس وثلاثين معنونة ضهاير
ما منهن اللي حط فيها مثاني = ولا قال فيها لي رجا فلو ناير

والايام مداوله بين الناس... وابن رشيد ليس بحاجه ان نمدحه هاهنا تحياتي للجميع ( ابو علي )

[أبو صقر]

السلام عليكم
اتذكر بيتين لواحد شمري ولست متاكد من هو او القصه بالظبط لكن على ما اعتقد انه يقصد باشقر الريش ابن رشيد عندما كان ذاهبا لغزو عتيبه وهو يشهد ان عتيبه لم تخضع لبن رشيد يقول:


اهقوا لنا ياراكبين العياسيب = اهقوا لنا وين اشقر الريش ناوي
من حد حايل لين نجران اصاحيب = الا عتيبه مخلفين الهقاوي

[مؤرخ محايد]

السلام عليكم ورحمة الله وبركاته


اخوي ابن محقن


دعنا نتناقش بكل حياديه وهدوء

انت تقول

هناك وهذا يثبت ان شمر ماملكت في نجد شي. ((طبعا هذا الكلام قبل نزول حرب))

؟؟؟؟؟؟؟؟؟؟؟

يقول راكان ابن حثلين وهو شيخ العجمان في وقته

وهو ايضأ احد رجال محمد العبدالله الرشيد حاكم نجــد في
ذاك الوقت
يقول الشيخ راكان؟

من بــاب برزان ليــا بــاب نجــران ^^^ ماهو انا يالظيغمي أنت اميره؟

فهو في هذا البيت حدد حدود دولة ابن رشيد

وتقول ما ملك شي في نجد ههههههه


.........

أما بالنسبه للمعارك بين شمر وعتيبه سأورد موضع عن ذالك

وشكرا

[عبدالله بن صنيتان الدلبحي]

والله ابن رشيد حكم كل حاضره نجد ومن الزبير والجوف شمال لين وادي الدواسر جنوب واما الباديه فكانت تخضع ليه احيانا ولاكن الخضوع له يتبع اما النزوح عن بعد الديار او الزكاه له او انهم يتبعونه ب الجيش ولا يوجد معركه وثقها التاريخ انا عتيبه غزت احد تحت رايه ابن رشيد او حلف معه بل اكثر الاحيان كان يغزي عتيبه وياخذهم يجيهم بجيش 5 او 6 الاف ويغزي له قوم او قطعه او احيانا فخذين او 3 من عتيبه وياخذهم اما اذا اجتمعت عتيبه فكان يتجنبهم لين يتفرقوت وثبت ان بعض عتيبه يوم بغت تربع شمال راحت وادفت لبن رشيد عمله او هدوو للامان ولاكن في الشمال او بعض انحاء العارض وابن رشيد حكم وكان يسوق القبائل علي عتيبه وغيرها ولا قدرت عتيبه تنهيي شره الا مع الاخوان وقبل الاخوان اكثر الانتصارات له ووضع في كل بلده نجديه حاميه وقاضي وغيرهم منها نفي والدوامي والشعراء وغيرها ووادي الدواسر بس عتيبه رفضت انها تتبع له وكان ياخذها ب الحرب لين فتره سيطؤته علي حاضره نجد واكثر قبايلها لم تمتد ل اكثر 9 سنين مستمره وكلها علي عهد محمد بن رشيد والله اعلم .

[عبدالله الجـــذع]

الأخوان ماقصــروا والله يعافيــهم ..

ولكــن كلــنا نعــرف قول ابــن رشيــد المشهـــور (بالمعنــى وليــس بالنــص)ان كل القبايــل صيطرنا عليها ماعدا عتيـــبه فكــل ماغزيناها لم نتوفــق واذا توفقنا لم نصــل الى حائل الأ وهــم قد اتوا وردوا حلالهـــم وهــذا يــدل على تماسكـ وقــوه قبيــله عتيــبه فــي ذالكـ الوقــت حتــى ان عتيــبه كادت ان تغزيــه وتحزحزه في بيــت ابن رشيــد المشهور::::

ان كان ابــن هنــدي نوانا ببرزان &&حنــا على عروى قطعنــا مسيــره


بالنسبــه للمؤرخ المحايــد اولا هنــا ليــس مكانا للضحــكـ فتعـرف ايــن اماكــن الضحــكـ هذا مكان ريجيل وعلوم ..

وأذا كان في خاطرك شيء اوأضافــه تستطيــع توصيــلها بــدون الضحكـ...



اشكر الجميــع ..


عبد الله الجـــذع...

[سنعوس]

كما ذكر الاخوان ان شمر كانت دوله وليس قبيله

واعنقد كما ذكرو ان شمر صبحوا اعنيبه 40 صباحا

والحرب يوم للك ويوم عليك

والنعم بعتيبه

واكثر المعارك كانت بين شمر وعتيبه

لطامت العايل ذباحت الحائل عتيبه

اكبار الصحون وساع الطعون شمر


وشكرا

سنعوس

[سنعوس]

]والله ابن رشيد حكم كل حاضره نجد ومن الزبير والجوف شمال لين وادي الدواسر جنوب واما الباديه فكانت تخضع ليه احيانا ولاكن الخضوع له يتبع اما النزوح عن بعد الديار او الزكاه له او انهم يتبعونه ب الجيش ولا يوجد معركه وثقها التاريخ انا عتيبه غزت احد تحت رايه ابن رشيد او حلف معه بل اكثر الاحيان كان يغزي عتيبه وياخذهم يجيهم بجيش 5 او 6 الاف ويغزي له قوم او قطعه او احيانا فخذين او 3 من عتيبه وياخذهم اما اذا اجتمعت عتيبه فكان يتجنبهم لين يتفرقوت وثبت ان بعض عتيبه يوم بغت تربع شمال راحت وادفت لبن رشيد عمله او هدوو للامان ولاكن في الشمال او بعض انحاء العارض وابن رشيد حكم وكان يسوق القبائل علي عتيبه وغيرها ولا قدرت عتيبه تنهيي شره الا مع الاخوان وقبل الاخوان اكثر الانتصارات له ووضع في كل بلده نجديه حاميه وقاضي وغيرهم منها نفي والدوامي والشعراء وغيرها ووادي الدواسر بس عتيبه رفضت انها تتبع له وكان ياخذها ب الحرب لين فتره سيطؤته علي حاضره نجد واكثر قبايلها لم تمتد ل اكثر 9 سنين مستمره وكلها علي عهد محمد بن رشيد والله اعلم

كما ذكر بيت شعر راكان ابن حثلين

حيث ان ابن رشيد كانوا حكام نجد وشمر كانوا دوله وليس قبيله

وشكرا للي يفول التاريخ بدون تزييف وهذا الشي موحود عند الهيلا

عتيبه

شكرا لكم

سنعوس]

[العميد ركن]

مؤرخ محايد هذي قصيدة راكان ابن حثلين :


ياراكب من عندنا فوق شقران &&& خرزها بالخرج فوق النجيرة
اوصل سلامي لاخو نوره ببرزان&&&وعقب السلام تخبره بالسريرة
من باب عمان الى باب نجران &&& ماهو انا يالضيغمي انت اميره
علم لفانا فيه ليل وفوران &&&استر قلبي يوم جانا بشيره
جا من حمود شوق مياح الاردان&&&هو شوق من تزها الشقايق نظيره
عضيد اخوه بصادق الفعل واحسان&&&ودبو لراس اللي دوابه مسيره
فرز الوغا لاجا ثقيلات الاكوان &&& لاسل مصقول الشبى من جفيره
خبرتني ياحمود عن طير حوران&&&يوم على عروا تكسر عويره
هلت مخاييله بدرج وسبهان &&& ماينعرف وردها من صديره
تذكر محمد جامع نجع عتبان &&& ذخيرة ياخوي والله ذخيره
الامر قدره الولي عالي الشان&&&والا عتيبة ماعليهم قصيره
كرمان وان ركبوا على الخيل فرسان&&&اليا اختلط عج الرمك بالمغيره
سبيتنا سب على غير برهان &&& ماتستوي هذي لزبن العشيره
وحنا بديرتنا ولاحن بجيران &&& في شاية اللي مايوازى جويره
حامين ديرتنا بخيل وفرسان &&& يوم ان كلن له حدود وديره
من زان حنا له على الزين خلان &&& وضو الى حرك تزايد سعيره
ماقل دل وزبدة الهرج نيشان &&& والهرج يكفي صامله عن كثيره

راكان يتكلم عن ديرة يام <المره- العجمان -باقى قبائل يام> المعروف ان قبائل يام تنتشر مابين عـٌمان الي نجران وشلون صارت من باب برزان الي باب نجران

اما بالنسبه للموضوع فنترك المجال لااخوان ولنا عوده

[عبدالله بن صنيتان الدلبحي]

مشكور ي اخ سنعوس بالاشاده لمنتدي الهيلا والحق احق ان يقال ويتبع وتستاهلون ي السناعيس انا اشهد جالكم فعل ودوله بس تلك الايام نداولها بين الناس .

[فيصل بن دحيم]

والله ابن رشيد حكم كل حاضره نجد ومن الزبير والجوف شمال لين وادي الدواسر جنوب واما الباديه فكانت تخضع ليه احيانا ولاكن الخضوع له يتبع اما النزوح عن بعد الديار او الزكاه له او انهم يتبعونه ب الجيش ولا يوجد معركه وثقها التاريخ انا عتيبه غزت احد تحت رايه ابن رشيد او حلف معه بل اكثر الاحيان كان يغزي عتيبه وياخذهم يجيهم بجيش 5 او 6 الاف ويغزي له قوم او قطعه او احيانا فخذين او 3 من عتيبه وياخذهم اما اذا اجتمعت عتيبه فكان يتجنبهم لين يتفرقوت وثبت ان بعض عتيبه يوم بغت تربع شمال راحت وادفت لبن رشيد عمله او هدوو للامان ولاكن في الشمال او بعض انحاء العارض وابن رشيد حكم وكان يسوق القبائل علي عتيبه وغيرها ولا قدرت عتيبه تنهيي شره الا مع الاخوان وقبل الاخوان اكثر الانتصارات له ووضع في كل بلده نجديه حاميه وقاضي وغيرهم منها نفي والدوامي والشعراء وغيرها ووادي الدواسر بس عتيبه رفضت انها تتبع له وكان ياخذها ب الحرب لين فتره سيطؤته علي حاضره نجد واكثر قبايلها لم تمتد ل اكثر 9 سنين مستمره وكلها علي عهد محمد بن رشيد والله اعلم .


يالدلبحي أنت وين أنت رايح


الرياجيل يا يجيبون العلم موثق ولا لا يهرجون


انا أعطيكـ الادله

يقول مخلد القثامي
حنا عتيبة كم حريب لطمناه=ودقلاتنا مثل الخيال الرزيني
غربينا في الحجز تلطم قرياه=وشرقينا يم الحسا مردفيني
جنوبنا وادي الدواسر رعيناه=وشمالنا يـم المدينة يمـيني
ترى نجد المســـما ملكنـاه=وخابت حضوض ملوكه الأوليني
والحرب جاء في اربع سنين مسماه=لين أودعوا سبع القبايــل طنيني
منها نهار جاء على الضال اقصاه=منها الهضاب العلط عيت تبينـي
ويوما على الجال العويند فعلناه=على الدويش مشيب المرضعيني
كم راس شيخ عن متونه نقلناه=واصبح تهرجبه كلاب القطيني

كيف تقول ما قوهـ عتيبه الا وهي مجتمعه

ما تعرف أبرقيه يالطيب

معركة أبرقيه وقعة بين عتيبه وأبن رشيد ومن معه من القبائل

نزل محمد العبدالله الرشيد على ماء أبرقيه الواقع شمال شرق محافظة عفيف لأنه أتى من الشمال وادرك جيشه وحلاله الضما وأراد أن يقيم عدة أيام فنزل على هذا المورد المعروف في نجد بعد ما نزل أبرقيه امر أبن رشيد رجاله أن يمنعو القبائل الأخرى من الميراد لأنه يريد الماء له ولقومه فقط. وقد جاءت الأقدار بالأمير صنيتان الضيط ومن معه من العضيان في بداية الأمر وأراد ان يسقي حالآله من أبرقيه الا ان فرسان أبن رشيد منعو العضيان وعلى رأس اميرهم من ذالك الميراد لأن ابن رشيد قد أصدر لهم الأوامر بالمنع لأي قبيله ثم بعد ما رجعو العضيان ركب الأمير صنيتان الضيط ومعه فارسين من العضيان وذهب الى بيت أبن رشيد وطلب منه أن يورد الأبل وأن يشربو العضيان من الماء فسمح له أبن رشيد تقديراً له مع أخذ الشرط عليه بعدم ورود غير العضيان أحد فأمتثل صنيتان الضيط لذالك لأن الضيط يريد ان يشرب ويكمل سيره بعد ذالك، ثم وردو العضيان وأسقو جيشهم ووردو اليوم التالي وأذا باقومً من ذوي عطيه ومعهم بعض من الأساعده من الروقه قد علمو بميراد العضيان على الماء ونزلو على الضيط وطلبوه منه أن يوردهم مع العضيان وكان صنيتان الضيط في حيرة من أمره وأصبح بين أمرين أما أن يرفظ طلب من أتاه من الروقه أو أنه ينقظ شرط أبن رشيد ويواجهه بالحرب فما كان منه الا انه امر المزاحمه أن يردو الماء وقال (أردو والتكلا على الله) فوردو المزاحمه الماء وعلم أبن رشيد في ذالك وغظب على الضيط لأنه نقظ شرطه وكان الضيط ومن معه ليس بالبعيد عنه بل أن مايفرق بينهم هو الماء وأمر بصباح الضيط وأخذه وعلمو المزاحمه بذالك وأخبرو شيخهم الضيط ، ثم أتاهم مرسول فجحان الفراوي بأبيات يخبرهم بالحرب ويقول









الضيـط فسـد عملتـه بالخرامـيـط=ماتستـوي نجحانـتً هــي ونـيـه
جبت (الحبردي) و(الصواويغ) يالضيط=ولميتـهـم للصيـرمـي فأبـرقـيـه





وهناك من يقول اليت بهذه الطريقه
جبت العصيمي والدعاجين يالضيط = ولميتهم للصيرمي فأبرقيه
وهذا البيت غير صحيح ولم يحضر أحد من برقا بل كانو المزاحمه وقليلً من الأساعده فقط على صنيتان الضيــط.والدليل جاء في القصيده الثانيه وذكر المزاحمه والعضيان.

عندما أتت الأبيات الأولى للضيط وكان مجلسه قد أمتلأ بالمزاحمه أستعدادً للحر ب وتشاورً في الأمر وجاءتهم هذه الأبيات فقام الشاعر سلطان التهامي الثعلي برد على الفراوي في الحال وأرسله له.
يقول بن ثعلي








أبن رشيد ليا عطا وجهه الضيـط=أطيب عليه المخطيـه والرديـه
فجحان ذيبً مير يرفظ ليـا ليـط=ليا حفته منـا السمـوم القويـه
ياما حلا مركاظ ربعي على العيط=وماطاح قدم نحورهم مـن منيـه





هذه الحداء أو الأبيات قيلت قبل بدأ المعركه.
المهم أجتمع قبائل المزاحمه وتشاورو في الأمر وكان منهم من يقول نرحل ونترك أبن رشيد لأنهم كانو يظنون أنهم لا يستطيون ان ينجو منه ومنهم من يقول نواجهه وهو الأمير صنيتان الضيط الذي حزم في نهاية الأمر بمواجهته وأمر الفرسان ان يأتو امام حالآهم ويدعونه الحله خلفهم ويستميتون دون ذالك ويفتكون أبلهم لأنه يعرفون هزيمته صعبةً جداً والنجاه هي المطلب،
ولاهناك مقارنه بين أبن رشيد ومن يتبعه من القبائل والجزء البسيط الذي حظر من عتيبـه
أتفقو عتيبه على هذا الأمر وأصبح عليهم الصباح وصبحهم أبن رشيد ومشو على الخطه المرسومه ودافعو دون حللآهم وحلتهم وتراجعو عتيبه عن أبن رشيد وكان دفااع عن أبلهم فقط لأنهم لا يطمعون في غير ذالك والذي يردونه حصل وهو الأبل وفعلاً افتكوها من أبن رشيد بل كان هناك الكثير من ذبحا أبن رشيد وأنتهت المعركه

وبعد أنتهاء المعركه قال الشاعر سلطان التهامي الذي رد على مرسول أبن رشيـد
أبيات لا يحضرني منها الأ القليل.








الأ يالله طلبـتـك يامـقـل الطـيـر بالجـنـحـان=مقـلـه فالـهـوى يلـفـح بزيـنـات الجناحيـنـا
كمنـك قـادراً تنجـي مـن الـى ياخـذ العربـان=أخـو نـوره محـمـد لادفــع ذروات ناصيـنـا
ولا لا عـدت يايـوم عليـنـا فأسـفـل البـرقـان=نهـار البيـرق الجايـر عــن الحـلـه يعديـنـا
أخذنـا فـي لهيـب القيـض لاحلـه ولا صمـلان=عـسـى ربــاً بـلانـا بالـبـلاوي مايخلـيـنـا
والا واشيب عينـي مـن تنـازي الخيـل بالتومـان=ليـا قلـت أوجـهـو ردولـنـا خـيـلاً تناحيـنـا
طردنا البدو عن حم الـذرا ليـن ألحـق الحضـران=وموشـيـة الفتـايـل بالبـنـادق وقــدو فـيـنـا
تلافـت لقحنـا والخلـف مرزيـة علـى الحيـران=تـوحـى حــس دمـامـاً تقـفـاهـا وقافـيـنـا
ترى البل دونها قحص الطلايع فوقها العضيان=حمول الخيل مهدية العمار بلا موازينا وتراهـا دونهـا جاسـر وأبـن شـلاح وصنيتـانوينحـاكـم مخيـمـر دون حــرزات المزابيـنـا
ونهمهم ضـاوي الخمـري بحسـاً يفـرح النشطـانوفــراج التويـجـر ردهــا لـلــي متلـيـنـا






الأشخاص الذين ذكرهم الشاعر هم
صنيتان ـ بن شالح الضيط (مساوي)
أبن شلاح هو أبن عم صنيتان الضيط وهو يقال أنه حمدي بن شلآح بن متاعب الضيط
جاسرـ السلات أحد فرسان ذوي عطيه وأمير القساسمه من ذوي عطيه
مخيمر ـأحد فرسان العضيان وهو من البياشا من الفداعسه
ضاوي الخمري هو احد فرسان العضيان وهو من البياشا من الفداعسه
فراج التويحر الدماسي العضياني وهو الشاعر المعروف والمشهور.

هذا ما جرى في يوم أبرقيه الذي كثرة حوله المغالطات ولانقول أنه لا يوجد اخطاء او نقص ربما يكون ذالك ونرحب في من يضيف مايعرفه حول هذه المعركه التي لم تلقا صداها أعلامياً رغم انه من أصعب المعارك التي مرة على عتيبـه


نختتم موضوعنا بأبيات للشاعر الكبير شباب الروقي الذي تطرق لمعركة أبرقيه وقال فيها







وعلى ابرقيه نهاراً شاعت اذكـاره=روس المواليد من هولـه يشيبهـا
نمرن تشادي لجيش الروم كـراره=فيها الطنايا طبول الحرب تضربها
قدامها يرسـل الزيـزوم سبـاره=يبا المعاشيـر والخلـف يتحلبهـا
وقال العرب قدمكم والبل كما القاره=والخيل من دونها الفرسـان تدبهـا
ومالو على البل وكلً يرفع شعـاره=واشتدة المعركة والطيـر حامبهـا
وقف صنيتان دون الشول وصغاره=خيال صفراً على الفرسان يوثبهـا
يمصقلً يوم يلمـع كـن غيمـاره=غيمار نجمٍ تحـدر مـن كواكبهـا
كم فارسً من يده ذيب الخلى زاره=من دون مزيونتـن تلفـح جنايبهـا
عفراً ليا روحة في الـذود نـواره=تكسر لحس المـوده يـوم يندبهـا
ترعى قراراً تعاقـب فيـه نـواره=في ظل شيخً سهاف القود يطربهـا
شيخ ليا طق زير الحرب وانـذاره=يروي العبابيس والرايات ينصبهـا
ويد حم بربعً على الردات جسـاره=في حومة المعركة تروي مغالبهـا

وهذي منقوله من منتديات العضيان وأنا من العضيان ونشت عنها شيبانا وعلموني فيها

غيرها يومكـ تقول ما يقواهـ فخذ

هذولي الحفاه في نطاق يوم هذه القصيدة بمناسبة غزوة ابن رشيد على الحفاة من عتيبه في نطاق ، وكان وقتها ظهرا وجرى كر وفر بين الطرفين ، وكان هنالك قتلى من الطرفين ، وكان الفارس مصاول البعيص الحافي حاظرا القتال وقد اجفل الفرسان واهاب فرسان شمر حتى انهم اخذوا يتحاشونه ، فكان يفرق الصفوف رغم علمه بقوة وفروسية من يقابلهم وبحلول العصر اراد الله ان تقع عليه ضربه من احد السيوف من فرسان شمر فضربته من تحت رقبته من الخلف فصاح لطلب النجده من احد فرسان عتيبه وقال انه لم يمت وهو بخير ويريد احد ان يركبه على فرسه لمواصلة القتال ، لكن لشدة القتال لم تكن فرصة لنقل حتى الجرحى ، ومع بزوق الفجر بعد ان انفض القتال رجع الفارس الذي سمع نجدته وهو سرور من عتيبه لمكان المعركه واخذ يمشى ركبا فرسه التي تعثرت بصعوبه بين القتلى حيث تفاجى بكثرة القتلي والتي اسقطت كثيرا من فرسان شمر والقليل من الحفاة ، ليس لميزان الاقوى لكن كان القتال ذلك الوقت بالسيوف والحفاة كان اقل عددا من القوم المغيره لكن اسرع في التصدي بحكم المكان والسبر الذي اخبرهم بقدوم غزو ، حتى انه يذكر ان لم تكن هناك مبارزة ، فالفارس يطعن بالسيف مباشرة خصمه فلا مجال لاستعراض القوة لكثرة العدد من الطرفين ، فنتج عن ذلك سقوط الكثير من الفرسان وخاصة من شمر وكذلك من فرسان عتيبه، وبعد فترة عثر سرور على مصاول وحمله على الفرس وعاد به جريحا الى قومه .

يقول سعود أبن لفاي اليابس الحافي الروقي العتيبي في وصف المعركه:



أول كــلامي طلبت الله وذكــــــــره = ذكرت ربي كل بـــادي نـــــور
يقول بن حــافي بدا راس مرقـــــب = في مرقــــب عالــي بروس القور
يرد من زين المثــايل وينتـــــــقي = مثل العسل حلــــــو بدون امرور
كلام أحلــى من لبن شمـــخ الــــذرا = لاروحت من حــــاجر ممطـــــــور
بعد جا خيال طلعة الشمس وامطــرت = ثعوله من الدم الحمـــر شختـــور
وبروقه من بأيمان النشاما سيوفهم = ورعوده من افواه الســلاح يثور
قبلي خشــــــم(نطـاق)لا طقــه الحيا = شمال من العد الهماج أحـــــدور
نطحنا العداء من يوم جتنا جموعـهم = على سردهم والبيرق المنشـــور
طاحــــــــوا به الفرســان منا ومنهـم = وردوا هل العاده على الصابور
وسقيناهم السم الذحـاح وسقــــونا = مثل نمـــــور صادمت لنمـــــــور
وابن لغيصــم طــاح منا على الثــرا= ونحدهم عن مالنا بحــــــــــــدور
ياذيب ياللي بايمن النيــــر وايسره = كل من مداس الخيـل يا معــــثور
واكل من الصبيان والجيش والرمــك = والى ظميت اشـرب من المنجــور
تلقا على الساقه حصـــــان ومهره = وتلقا عيــــــــال لابسين اكـمور
وصوت لذيب يم حشــــــــــــــة مليه = وخلو لغياب السباع جــــــــزور
كم صاح عقب الكون من زينة الحلا = حناها طناها حنيــــــــة الباكور
من اولاد حافي لابتي ذي فعـولهم = أهل ماقف يوم اللقاء مشهـور
وكــروا علينا ثم رجعـــــــنا عليهم = واقفت بهم جرد المهــــار عبـور
وردوا علينــا وردة في عزيـــــــمه = وهج الحــلال وزرفــل المظهور
وأحاطوا بنا قـــوم تهاذيب خيولهم = ولجة حداويهم على المــــــامور
ورمينا العمايم واعتزينا بحــــافي = وثبــــت لهم كل أبلــــج منعــور
وكــروا علينا ثم رجعـــــــنا عليهم = واقفت بهم جــرد المهـــار عبــور
وطاحن جياد الخيل من ضرب لابتي = والدم الاشـــــــــــقر بيننا منثور
وحمو جريرتنا عيــــــــــال بفعلهم = وعيا على التــــالين بن صمعــور
وافتكت اللقوة بكثر الرزايــــــــــا = وكل خـــذا حقـــه من الميســــور
جنايز الظفران حافي وشمــــــري = أمسي بها سبــــع الخلا مسـرور
واربعي اللي كل ما قلت أظنهـــم = لاكن يهـــدم بالبــــــلاد اقصـــور
أهل مرحبا وان جت ليالي الشدايد = وأهل الكرم وان جت ليال اعسور
ياحيسفا ياريف هجــــن حفايـــــا = يوم الـــردى عن خاطره مثــــبور
أيضا وابن هزاع وعميش قبـــــلهم = وحــزام شوق الجــــادل الغنــدور
وجدي عليهم وجد من بات ســـاهر = يجر العواء من عظمــــه المكسور
والوجد الاخر وجـد من بـــــاع ذمته = ولـــــقوا عليه الطيبين اعقـــــور
والا وجودي وجد راعي هجمــــــه = اخـــذها الذويبي من طرف مجـرور
واستغفر الله قــــــــبل تكتب عليه = في كل عمـــــري ما ذكرت الزور
تمت وصلى الله على صفــوة الملا = اعــــداد ما يزهى الفــلا بزهــــور

هذي فعول ربعكـ لحالهم وهم فخذ

تسدكـ

تنومسكـ يالدلبحي

لا ما تسد

هذي الانصر اللي أنكرها من أنكرها وحتى أنهم أنكروا شاعرية موثقها

لكن أقول الشمس لا تغطى بغربال


غزى محمد العبدالله الرشيد الشيابين والمقطه بقيادة شيخ عتيبه محمد بن هندي والشيخ هذال ابن فهيد شمال جبل النير على الأنصر وصار بين الطرفين معركةً شرسه قاتلو فيها الشيابين والمقطه قتال الأ بطاال

وصبحهم ودار بينهم قتالاً عنيفاً تصدوله البواسل من برقا الا ان الكثره تغلب الشجاعه كما يقال وبعد ما أشتد القتال بينهم تراجعو برقا بعد أن فقدو كثير من فرسانهم فقال الشيخ محمد بن هندي لربعه هجوا حلالكم لان المغيره كثار ومن عادت البدو قبل اذا حصلت غاره يهجون الحلال عشان يصعب
على المغير لحق وكسبه وربما تكون من تكتيك الحرب عن البدو والغرض منها
اتعاب المغيره ليسهل التغلب عليهم
وعندما راى الشيخ برغش الطواله الشيخ محمد مقفي ارسل ابنه نمر وقال له رح وانا ابوك ابن هندي مقفي عنا الحقه وجب الكسب
وكان الشيخ محمد بن هندي قد ارسل للروقه يستفزع بهم فحضرالشيخ مارق الضيط وابن محيا وفزعو الروقه وانضمو الى أبناء عمهم
فتقابل الفرسان واشتد القتال وقتل الشيخ محمد بن هندي نمر بن برغش الطواله ويقال الذي قتله هو مقعد بن دحيم بن هندي وقتل الطوير واسترد ابن هندي معضم حلاله من ابن رشيد وقلع محمد بن هندي من خيل شمر خمسه وثلاثين ووزعها على عتيبه ولم يبقى معه سوى خمسة عشر من الخيل فدعاه
ابن رشيد وذهب اليه الشيخ محمد بن هندي وهو في طريقه مرو في ارض المعركه
وشافوا نمر بن الطواله فقال ابن هندي لأبن أخوه مقعدانزل ولبس جوخته
فلبسها مقعد ودخلوا على ابن رشيد وعندما راى الشيخ برغش جوخة اولده
سل سيف فقال له ابن رشيد وقف يالطواله مهي معك
فطلب أبن رشيد من أبن هندي ان يرد الخيل وهو يرد باقي حلال ابن هندي
فقال الشيخ محمد عتيبه تفرقت بغنايمها وانا ماعندي غير خمة عشر خيل
برسلها لك وخذ كل ماعليه العضاد وهو وسم ابن هندي .

وقال الشيخ برغش الطواله في هذه المعركة


مزن نشا من روس عالي جباله=خيل على الانصر وهاكـ الاراضين

خيل على الانصر حقوق(ن) خياله= امطر على ابن حميد هو والشيابين

وعقب ادبحوا جت فزعة(ن) من شماله= بلاد روق مرجحين الموازين

جونا كما سيل حدر بجتواله =جاد جودهم فوق الجياد الرباعين

والخيل جاها من سنعهم جفاله = مقادم الهيلا صعوط المجانين

مالوا علينا ميلتن بحتماله= حنى سناعيس وجانا سلاطين

ومن ضرب اهل العمهوج رحنا دباله=مير اقمحن يا لابسات السباهين

ياكن ضربه وسط جماهي رجاله=قنيب ذيب في علو الضلاعين

وابن محيا ضايقونا عياله= من فوق قبن كنهن الشياهين

بشلفا مضاربها سوات الدحاله=منها الجياد والخيل راحت حراذين

رجنا وراجوا فوقنا بالعماله= والهوش طال وتالي الفعل جا شين

اولاد روق اهل الفخر والجماله= عجلين بالردات مثل الشياطين

كلن ينادي بالقشر من قباله=لين اذبحوا شمر وراحوا مطيعين

والحرب عقب اليوم ويش عداله=ان كان ماهادوا ترانا مهيدين

عقب ابلجن ياعبيد سمحن قباله=عادوا فرسان الهوج جفرين


رواية كلٍ من الراوي جزاء بن مقبل العتيبي عن الراوي الشيخ مطلق بن سعيّد الشمري والراوي نجر بن نجيخان الحمادي عن الشيخ سالم بن طواله والراوي سعود بن عبيدالله الدلحباء والراوي مطلق بن عبد الهادي الضميان والراوي محمد بن حويل العصيمي والراوي غازي بن نامي العازمي وغيرهم الكثير من الرواة الذين يحفضون هذه القصيدة


هذي فعول عزوتكـ لا أعتزوا عتابه يالابه

يقول شاعر شمر مبيريك التبيناوي :
أقول انا ياراكبين العياسيب ... أقول وين أشقر الريش ناوي

ماعاد من حايل لنجران أصاحيب... الا عتيبه مخلفين الهقاوي

يقصد بأشقر الريش محمد أبن عبيد أبن رشيد

أضن أن فيما كتبت رد كافي ووافي لكل من تسائل
والله الموفق

سمي عمهوج العضياني

[شمري وافتخر]

مرحبا الهيلا

انتهت المعارك وابن رشيد

وادام الله لنا الرخاء والنعمه في ضل حكومتنا والسعود

وشكرا علي الموضوع

[جبل النور]

وسبعة انعام في الهيلا وفي الطنايا

[بجاد علي]

انتهت المعارك وابن رشيد



والله ونعم بقبيلة شمر وابن رشيد

[عبدالله بن صنيتان الدلبحي]

ي ابن عمي مشكور علي جهدك الطيب بس لا تقولني ما لا قلت انا قلت انه كان يتجنب مواجه عتيبه كامله بل يحاول ياخذهم علي حين غره او هم متفرقين وم قلت ان عتيبه ماتقدرر لبن رشيد الا وهي مجتمعه ولا انا خابر يوم انطاق وابرقيه والقصب يوم الدلابحه والمراشده اكسروا ابن رشيد ومعه قسم من حرب وخابر يوم اكسروا سلطان العبيد الرشيد زي ما ذكرها صاحب النجم اللامع وخابر ان الي طلع ابن رشيد من القصيم هو ابن هندي وخابر يوم الكهفه عند الزلفي يوم هذا ل بن فهيد الشيباني يصبح فيها محمد بن عبدالله الرشيد وياخذ 80 رعيه من الابل وغيره بعضها نعرفه وبعضها مانعرفه لاكن ما نظلم بختنا ونقول ابن رشيد ماكسر عتيبه في بعض الاكوان والمعارك انقول الحرب سجال والاخير كان للاخوان وعلي رائسهم عتيبه يوم طاح ابن رشيد ونقول ان ابن رشيد حكم حاضره نجد وغزا حتي حدود نجران وثابت ان ل ابن رشيد قصر لحاميه من قواته عند الشارقه في الامارات للان موجود وخابرين يوم يجمع الزكاه من اهل الزبير يوم يقول منتوا زي عتيبه قوم اقلعوا لي خيل واخذهم وياخذوني ونعم ب عتيبه ونعم بن رشيد ونعم ب الاجواد من كل القبائل وارجوا ا ان تاخذ كلامي بسعه صدر وانت والله ماقصرت افدتنا ب علومن طيبه وقصايد اطيب وان اصبت فمن الله وان اخطت فمن نفسي وسلامتكم.

[عبدالله هادي ناشي الفليت.]

الانتصرات كلناااااااا سوى

[فيصل بن دحيم]

ي ابن عمي مشكور علي جهدك الطيب بس لا تقولني ما لا قلت انا قلت انه كان يتجنب مواجه عتيبه كامله بل يحاول ياخذهم علي حين غره او هم متفرقين وم قلت ان عتيبه ماتقدرر لبن رشيد الا وهي مجتمعه ولا انا خابر يوم انطاق وابرقيه والقصب يوم الدلابحه والمراشده اكسروا ابن رشيد ومعه قسم من حرب وخابر يوم اكسروا سلطان العبيد الرشيد زي ما ذكرها صاحب النجم اللامع وخابر ان الي طلع ابن رشيد من القصيم هو ابن هندي وخابر يوم الكهفه عند الزلفي يوم هذا ل بن فهيد الشيباني يصبح فيها محمد بن عبدالله الرشيد وياخذ 80 رعيه من الابل وغيره بعضها نعرفه وبعضها مانعرفه لاكن ما نظلم بختنا ونقول ابن رشيد ماكسر عتيبه في بعض الاكوان والمعارك انقول الحرب سجال والاخير كان للاخوان وعلي رائسهم عتيبه يوم طاح ابن رشيد ونقول ان ابن رشيد حكم حاضره نجد وغزا حتي حدود نجران وثابت ان ل ابن رشيد قصر لحاميه من قواته عند الشارقه في الامارات للان موجود وخابرين يوم يجمع الزكاه من اهل الزبير يوم يقول منتوا زي عتيبه قوم اقلعوا لي خيل واخذهم وياخذوني ونعم ب عتيبه ونعم بن رشيد ونعم ب الاجواد من كل القبائل وارجوا ا ان تاخذ كلامي بسعه صدر وانت والله ماقصرت افدتنا ب علومن طيبه وقصايد اطيب وان اصبت فمن الله وان اخطت فمن نفسي وسلامتكم.


يالدلبحي أنا ماني جاحد طيب أبن رشيد ولا فعوله

الا أبن رشيد كفو وهو غني عن شهادتي وشهادته يمينه

لكن تقول أنه ملكـ الجزيره فكلامكـ غير صحيح

شمر قبيله عريقه ذات مكانه أسست أمارت الجبل في حايل ومنها أنطلقت الحملات لمد نفوذها ونعم أمتد نفوذها من حايل لنجران

الا نجد ففي نجد وجدوا رجال أشواس حموا العذيه من كل معادي

وجدوا الهيلا التي حمة نجد

لا ننكر أنهم غلبوا عتيبه في أيام وغلبتهم هي الاخرى في أيام أخرى

لكنهم لم لم ينعموا بالراحه في نجد بل عادوا أدارجهم كما قال أبن رشيد لجيشه يوم الانصر قال بهذا اللفض : (( عاداتهم الردهـ مشينا حايل عساهم الرده))

ولعلكـ أخي الكريم لم تلحض بيتين كانتا كافيتين للإجابه على تساؤلكـ

حين قال شاعر شمر مبيريك التبيناوي :
أقول انا ياراكبين العياسيب ... أقول وين أشقر الريش ناوي

ماعاد من حايل لنجران أصاحيب... الا عتيبه مخلفين الهقاوي

سمي عمهوج العضياني

[ولد الحمايل]

ولاننسى عايض بن وازع الجعيداني

عندما كان مخيم وعلاه ربعن من عتيبة

أكثرهم من فقراهم لأنه كان يشتر بالكرم وكان في وقتن قل فيه اللي يذبح

يوم قالوا فرسان إبن رشيد نبى نميل علاه ياطويل العمر نذبحه

قال هو منهو قالوا عايض بن وازع

قال لا والله جنبوا ياشمر لايوسم العضياني في خيولكم

والشكر للجميع

[سنجـار]

ولاننسى عايض بن وازع الجعيداني

عندما كان مخيم وعلاه ربعن من عتيبة

أكثرهم من فقراهم لأنه كان يشتر بالكرم وكان في وقتن قل فيه اللي يذبح

يوم قالوا فرسان إبن رشيد نبى نميل علاه ياطويل العمر نذبحه

قال هو منهو قالوا عايض بن وازع

قال لا والله جنبوا ياشمر لايوسم العضياني في خيولكم

والشكر للجميع
هههههههههههههه

حلوه ياولد الحمايل اجل قال جنبوااا

انا شفت هالموضوع من قبل لكن مابغيت ارد واحرث الامور من اول وجديد خصوصاً ان الموضوع شبه قديم ..,.
وودنا نناقشكم في هالخمسين مره انتصرتوا فيها على شمر (على قول شاعركم) ..,.,
س...سؤال؟؟
هل من الممكن انك تاتي بالوقائع (الخمسين يالغالي) عدها لي باسم كل وقعه ...

وبالنسبه لأحد الاعضاء اورد قصيده للقثامي يوم انه يقوول حنا عتيبه ولكن لم ياتي بالقصيده كامله الى قوله يا مير توبه نطر د السبهان(محصل الهدوو من القبائل)


اخي ولد الحمايل

شمر وعتيبه قبائل اشتهرت بالقوه والشجاعه وبما ان كثرة الحرووب والمعارك بين هاتين القبيلتين الا انهما من اغلى القبائل عند شمر عتيبه وايضاً العكس صحيح ...

شكراً

[علي عتيبي]

السلام عليكم : عندي سالفة سمعتها من احد الشيبان يقول فيها: انه اخذت ابل احد القبائل التي كانت تابعة لابن رشيد (لان اذكر اسمها )فارسل ابن رشيد وفد بقيادة (الطوالة) وعندما وصلو الى مجلس الشيخ محمد بن هندي طلبو منه رد الابل (لم تكن عند الشيخ ولاربعه المقطة)فتكلم شخص يقال له (الساطي) فقال ابن هندي لن يرد الابل حتى يكمخ على خشمه فنظر اليه بن هندي وقال من هذا فقالو (الساطي) قال وشهو فيكم قالو هذا فارس الفريس في جيش بن رشيد فقال له ياولدي قل امين قال امين ثم امين فقال لهم بن هندي والله ماخلي القبايل بكرة تقول ابن هندي خاف من ابن رشيد ورد الابل . ثم خرج الوفد دون الحصول على نتيجة . دارة الايام فاذا الصياح يصيح على الوضح حقت بن هندي فخرج الشيخ بن هندي وتبع القوم (جيش بن رشيد) وضرب الجيش من الوسط وتعدى جميع الفرسان وذهب الى (الساطي)الفارس الاول عند بن رشيد فضربه ضربة يقال اخرجت احشائة من بطنه ورد بن هندب ابله (وهذا هو الذي قاله بن هندي عندما قال للساطي قل امين يعني ان الله يجمعني انا وياك في معركة حتى تعرف من الذي يستاهل ضربة الخشم والسلام وسامحوني على التقصير,.

[عقاب الحويماني]

السلام عليكم : عندي سالفة سمعتها من احد الشيبان يقول فيها: انه اخذت ابل احد القبائل التي كانت تابعة لابن رشيد (لان اذكر اسمها )فارسل ابن رشيد وفد بقيادة (الطوالة) وعندما وصلو الى مجلس الشيخ محمد بن هندي طلبو منه رد الابل (لم تكن عند الشيخ ولاربعه المقطة)فتكلم شخص يقال له (الساطي) فقال ابن هندي لن يرد الابل حتى يكمخ على خشمه فنظر اليه بن هندي وقال من هذا فقالو (الساطي) قال وشهو فيكم قالو هذا فارس الفريس في جيش بن رشيد فقال له ياولدي قل امين قال امين ثم امين فقال لهم بن هندي والله ماخلي القبايل بكرة تقول ابن هندي خاف من ابن رشيد ورد الابل . ثم خرج الوفد دون الحصول على نتيجة . دارة الايام فاذا الصياح يصيح على الوضح حقت بن هندي فخرج الشيخ بن هندي وتبع القوم (جيش بن رشيد) وضرب الجيش من الوسط وتعدى جميع الفرسان وذهب الى (الساطي)الفارس الاول عند بن رشيد فضربه ضربة يقال اخرجت احشائة من بطنه ورد بن هندب ابله (وهذا هو الذي قاله بن هندي عندما قال للساطي قل امين يعني ان الله يجمعني انا وياك في معركة حتى تعرف من الذي يستاهل ضربة الخشم والسلام وسامحوني على التقصير,.



فارس محمد بن رشيد يقال له السطامي وساعده الايمن

[كايف العتيبي]

يعطيك الف اخوي ولد الحمايل
اللي نسمعه من الشياب والرواة ان قبيلة شــمــر غزة عــتــيــبــة اربعين صبح ولا قدرة على عتيبية

[طلاع الكريزي]

لاهنت ياسمي عمهوج كلامك صحيح مافيه شكه

[النبهاني]

السلام عليكم
اخواني الاعزاء

تابعت هذا الموضوع الشيق وورد من بعض الاخوان ان حكم دولة شمر لم يشمل منطقة نجد ،
احب ان اقول للاخوان قبل ان يكتبوا ان يراجعوا كتب التاريخ للصف السادس وسيجدون ان ابن سعود فتح الرياض واستردها من ابن رشيد .


أي ان ابن رشيد كان يحكم الرياض مركز نجد .

والسلالالالالالالالالالام

[حمود الشمري]

بسم الله الرحمن الرحيم وبه استعين


بيض الله وجهك يا روووقي حيثك من الرجال الي يعدون الحق
والحق مو اي واحد يقوله او يعترف فيه

نعم شمر صبحو عتيبه اربعين صباح وماقول كله الاربعين انتصرت فيها شمر
لكن اغلبها وانا اشهد بالله كل من شهد شهادة حق انه شريف

لكن يا اخواني حنا ماناخذ الامور هذي من المنتديات ونجي نكتبها هنا
ونتم تعرفون عدم المصداقية في المنتديات يعني تحصل خبر صادق وعشره لا المنتديات هذي خلطت الحابل بالنابيل

حنا ناخذ العلم من الروس الكبيره مثل الشيوخ والشيبان

اما بالمنسبة للبيت الي ذكره اخونا يا اخي زي ماقال روووقي العدد مبالغ فيه ونت تعرف بالوقت هذا كثير ناس تقول قصايد وتنسبه لفلان
كيف لو كان بيت واحد

الدنيا يا اخوان يوم لك ويم عليك والحرب كر وفر

انتم ذكرتوني في سالفه ولازم اني اقوله


( من مغازي شمر على عتيبة )

كان عند خونان ابن عقيل الدعجاني العتيبي
وهو من شيوخ عتيبه وفرسانها المعدودين
كان عنده ذود من الابل المجاهيم
تسمى اذيال الخيل
وكانت من اجمل الابل في الجزيرة العربية على الاطلاق
حيث كانت سريعة الجري جميلة في شكلها واصلها

فعلم بذلك المهاد محمد بن رشيد
وصمم على اخذها بالقوة مهما كلف الثمن
ولكن؟؟؟؟
خونان هذا كان فارس معروف ومن الصعب ان تؤخذ وهو موجود عندها
لانه شجاع وابله سريعه في الجري
فكان كلما علم ان ابن رشيد مغير عليهم اطلق عقلها
ثم ركب الفرس وقام يبرى لها
ولم تستطع الخيل اللحاق به
في احد الايام انتدب الامير محمد بن رشيد
امير المسعود ابن لغيصم
وطلب منه الاغاره على الدعاجين وعلى خونان بالذات
وبالفعل
صبحهم بيرق ابن رشيد بقيادة ابن لغيصم
وكانت المفاجاءة ان خونان غايب عن الابل واللي كان معها اكا الوقت
هم عياله
ولم يستيعوا فك الابل وصوب واحد منهم واخذت اذيال الخيل.

المصيبه على خونان لو علم ان الابل اخذت وان احد اولاده صويب

كان هناك عتيبي يكره خونان وقد اخبر خونان ان شمر اخذوا اذيال الخيل
و اولاده موجودين معها و ان واحد صويب
وهو يقصد اغاضة خونان
وكان خونان هذا جالس على المركى
فقام للرجل وقال اخذوها وعيالي موجودين؟؟
فقال نعم واحدهم صويب
وكرر عليه ذلك ثلاث مرات
ثم وقع مغشيا عليه ومات من القهر على ابله ( رحمه الله)

يقول شاعر من شمر بهذه المناسبه
وجبنا اذيال الخيل من عرض كسبنا......... ملح(ن) براطمها تهف هفيف
اباعر خونان الذي تعرفونها...................... اللي اذا عد ابها البعير يقيف

بالمناسبه
ابن لغيصم قتل بعد ان اخذ اذيال الخيل رحمه الله
في معركة اخرى ضد الحفاه من عتيبة
وقد قتل في هذه المعركة عدد كبير من فرسان الحفاه
ولكنهم استطاعوا قتل ابن لغيصم وفكوا
ابلهم من شمر وكذلك قتل عدد اخر من فرسان شمر
في هذه المعركة

والسلام ختام

[الرومي]

بالمناسبه
ابن لغيصم قتل بعد ان اخذ اذيال الخيل رحمه الله
في معركة اخرى ضد الحفاه من عتيبة
وقد قتل في هذه المعركة عدد كبير من فرسان الحفاه
ولكنهم استطاعوا قتل ابن لغيصم وفكوا
ابلهم من شمر وكذلك قتل عدد اخر من فرسان شمر
في هذه المعركة

والسلام ختام


بارك الله فيك اخوي حمود ..
دام الشيخ ابن طوالة قتل من قبل الحفاة عتيبة ولم تستطع شمر اخذ ابل الحفاة فقد حموها الحفاة اليس هذا يعتبر نصر مؤزر للحفاة بما ان الهدف الذي غزا من اجلة شمر لم يتحقق بالاظافة لمقتل الامير ابن طوالة ..
هناك قصيدة للشاعر سعود بن لفا الحافي في هذة المناسبة وكانت في قمة الروعة والابداع ..
في الختام جميع مانذكرة هو من ضرب تاريخ الماضي وبالتاكيد ان لايحرك فينا ساكن لان الهدف تغير لدينا والمفهوم ولكن هذا من باب ذكر التاريخ الماضي وماكانت تعيشة الجزيرة العربية في ذلك الوقت .

[حمود الشمري]

سلام عليكم ورحمة الله وبركاته

ياهلا فيك يالرومي ويامرحبا فيك

شمر خذت الابل وقعدت عند شمر فتره بس راع الحق لابد ياخذ حقه

وعتيبه فريس ماعليهم قصور وهذي شهادة الشيبان الي ماتو والي على قيد الحياة

قبل تكون شهاده مني وعتيبه ردو وخذو ابلهم وهذا حال الدنيا تاخذ وتنوخذ

شعاع الشمس لا يغطيه طير بالسماء

والحرب فيها الكر والفر

خذيتونا وخذيناكم

وذبحنا منك وذبحتو منا

شمر عزيزة جانب وعتيبه عزيزة جانب

ولاجواد مانهضم حقهم

اخوك
حمود الشمري

[فهد العطاوي555]

اخوي ولد الحمايل انا اصحح المعلومه المعارك التي بين عتيبه وشمر هي


(((41وقعه)))

فازت عتيبه فيها (((( 40 معركه ))))

وفازت شمر فيها(((( واحده فقط )))))



وهذا ماسمعناه من الرواه

وشكرآآآآآآآآآآآآآآآآآآآآآآآآآآآ

[عبادي المقاطي]

يستهبل فهد العطاوي


حنا عاادتناا نعد الحق لو على انفسناا


دوله ابن رشيد ضمت القصيم مع قباايلها وقامو ياحاربون مع ابن رشيد

وتقول انتصرت عتيبه في 40

الله يهديك بس

دوله ابن رشيد حكمت الرياض لكن مراعي نجد لم يستطيع ابن رشيد

ان يدخلها الا غزااي ومره ينكسر ومره ينتصر واغلب معاركه انتصار

لكن كلمه حق تقولها القبايل كلهاا ان عتيبه هي القبيله الوحيده

في نجد وقفت في حلق دوله ابن رشيد وهذي دوله وشمر ونعم

لكن دوله ابن رشيد مكونه من قبائل من بدو وحضر القصيم

وقد خسرنا وخسرو شيوخ ورجال وهذي الدنيا

وتقبلوا مروري ياجماعه

[حمود الشمري]

بارك الله فيك اخوي عبادي المقاطي وبيض الله وجهك


انا اعتب عليك يا اخوي فهد العطاوي


تقولي فازت عتيبه ب 40 وشمر ب 1

هذي وين اصرفها الله يخليك لعين ترجيك


شكلك غلطان وراجع حساباتك يالغالي


تحياتي لكم

حمود الشمري

[هاجس الشعر]

حمود الشمري
شمر قبيله عزيزه وكريمه ومن القبائل المعدوده
لكن من الظلم ان تقول معارك شمر مع عتيبه
المعارك ليست بين شمر وعتيبه
قراءت وثيقه فيها لتفصيل جيش محمد بن رشيد فوجدت العجب العجاب
جيش محمد العبدالله الرشيد المدعوم من تركيا بالمال والسلاح واحيانا الجنود يظم قبائل كثيره من قبائل الشمال ويظم بني تميم حاظرة حائل
ويظم اهل القصيم بقيادة بن مهنا
ويظم كثير من شيوخ القبائل الاخرى مثل فيصل بن حشر احد شيولذلك المعارك ليست بين شمر وعتيبه
ولكنها بين قبائل كثيره ضد عتيبه لوحدها
وساحاول ان اتي بهذه الوثيقه حتى يكون كلامي موثق
وهذا الامر من المفاهيم المغلوطه التي يجب ان تصحح لبعض الناس
وها الكلام ليس تقليل من قبيلة شمر العريقه ولكن يجب تسمى الامور بمسمياتها