الطير غرد..لـ غازي طلق موجهه للنفعه..؟

[نواف ابن ثعلي]

السلام وبعد السلام يطيب الكلام,,,,

قصيده لشاعر غازي بن طلق بن سعد بن ثعلي موجهه لزملاه النفعه


الطير غرد فوق لدنـات الاغصـان =صوته يسلي اهل القلـوب الحزينـه
لاهوب لاجايـع ولاهـوب ضميـان = بين العذوق وعنـد سـاق المكينـه
وبعد سمعته قمت اغنـي بالالحـان قـاف علـى مزاجنـا ساخريـنـه
اطربتنـي ياطيـر مانـي بطربـان= لكـن اعامـل كـل حيـن بحينـه
اصارع الافكـار راضـي وزعـلان= امشي مماشي الوقت عسره ولينـه
ماني غشيم عن المواجيب عجـزان= اللـي يحسبـه غيرنـا حاسبيـنـه
واليا بغيت الشعر اسويـه باتقـان =اترك هزيل القـاف واخـذ حسينـه
قـاف يشابـه در حلـواة الالبـان= لياربعـت بيـن العلـم والدفيـنـه
ترعى الزهر في نجد مع نزل عتبان= مهيب داخل شبـك وسـط المدينـه
يبرالها سربه مـن الخيـل فرسـان= بمصـقـلات يبـتـرن الوتيـنـه
بطرافهن الضيـط وابـن ربيعـان= اشيوخنـا اللـي فعلهـم خابرينـه
واجب نجازي راع الاحسان بحسان= وراع الوفا والطيـب نوفيـه دينـه
نعـم بابوهانـي ونعـم بفلـحـان= وابـو فهـد عسـاه تسلـم يمينـه
يساعد اهل الحق والحـق سلطـان= وعن الخطاء والظلم يحميـه دينـه
باحث قضايا بطـل للحـق ميـزان= على الشرف عسى طـوال سنينـه
ونوار صاحب صدق وخلاص وايمان= حنـا علـى راس العمـل عارفينـه
شجيع ابن شجيع من نسل شجعـان= اهلـه كـرام ويذبحـون السمينـه
وذوي زياد وشيخهـم فعلهـم بـان= في قصـره العامـر وهـم كانفينـه
في مجلس مافيـه لجـه وسفهـان= الا الشحم والنجـر تسمـع دنينـه
والعود الازرق كاسن البيت دخـان= لاهـل الوجيـه الطيبـه محتسينـه
ونعم بذخر انفـاع حضـر وبـدوان= في راي ابن حجنـه وراي الدهينـه
قلته وانا مـن لابـةً شانهـا شـان= الاد روق اهـل الفعـول الميبـنـه
صافين للصافـي وللقـوم عـدوان= عدوهـم مـن فعلهـم مرهبيـنـه
وصلاة ربي عـد همـال الامـزان= عـلـى نبـيـاً كلـنـا تابعيـنـه

[نبض المشاعر]

ابن ثعلي

شجيع ابن شجيع من نسل شجعاناهله كرام ويذبحون السمينه

صح لسانك ولسان شاعرها

قصيدة جملية

[أبو نجر النفيعي]

.
..

الله الله

صح لسان الشاعر غازي..
وصح السان ناقلها ..

ونعم في النفعه :) وفي كل عتيبه ..

ولاهنت يا نواف

..

اخوك

[ضيف الله المسعودي]

صح لسان ابن ثعلي

قصيدة ولا اروع

ولاهنت على النقل الرائع

[نواف ابن ثعلي]

نبض المشاعر

أبو نجر النفيعي

أبن عوجان


أمام اساميكم اقف على مشارف الفخر

صحت ابدانكم جميعاً

ويامرحبا فيكم

تواجدكم غاية المطلب واعجابكم مكسب

وتحيااااتي للجميع

[فيصل الحويماني]

..

الله الله

صح لسان الشاعر غازي..
وصح السان ناقلها ..

ونعم في النفعه وفي كل عتيبه ..

ولاهنت يا نواف

..

[نواف ابن ثعلي]

بيض الله وجهك فيصل الحويماني
ولا هنت يالنشمي

بردودكم نواصل ويعطيك العافيه

تـــــــــــحـــــــيـــــا تــــــــــي

[حاكر الكيف]

القصيدة مفقودة ياأخ نواف ممكن تحملها مرة ثانية