مــــطلوب شـــاعر محـــاوره

[فوزان]

مساكم الله بالخير ,,,,

نباااا شاعر يلعب ..


إعداد ماهبت هبايبهاااا نسانيس البراد

عداد من يطلب بنات الحوور في جناااتها

يامرحبا ترحيبتٍ تقدح كما قدح الزناد

اقوولها والناس تاكل من ثمر خيراااااتها

[خالد العصيمي]

اسمحلي ارد يافواز وان شالله وعدنا لليله انسب وقت للمحاوره



دام البقا يالي ترحب وانت في دارك وكاد = في حلة اهل الجود يومن الكرم عاداتها
واقول يافواز كلن له على دربه مراد = يالله تامنا من الدنيا ومن هفواتها

[بنيدر الشيباني]

صح لسانك مليوووووووووووووووووووووووووون فوزان

ولك تحياتي

[طلال الثبيتي]

يالله تامنا من الدنيا ومن هفواتها ..


الله الله

فوزان وخالد

واصلوااا صحت السنتكم

[بنيدر الشيباني]

ا لاخ خالد العصيمي

صح لسانك

تحياتي لك

[فوزان]

الاخ خالد العصيمي فيك الخير والبركه إنشاء الله وتسد عن أعضاء المنتدى ..

الليله على خير إنشاء الله بعد الساعه 8 ...

[فوزان]

الشيباااااني و الثبيتي لا هنتو على المتااابعه والله يوفق الجميع




الحظ طيب مير اشوف وقتي منّه مستفاد ....
والدنيا حنا كلبوونا من عيال امواتها



إلي قرى بكتاب يابن العم في زاد الميعاد ....؟

يبا بأمر الله يامن من بقعا ومن صكاتها

[تركي البرّاق]

يااااسسسسلام محراف كااااااااايف


صح لسسسسسسانك يافوزززززززاااااااان


خالد العصيمي شاعر شهادتي فيك مجروحه


ماقول الا صح لسانك وازهل الصف يابناخي


تحياتي,,,,

[عمرالروقي]

صحححححححححح
لساااااااااانك
يافواااااااااز
ولااااااااهنت
-------------------
صححححح
لساااااانك
ياخالد العصيمي
ولاهنت
---------------------
واصلوا متابعين
-----------------------

[خالد العصيمي]

مساء الخير اخوي فوزان بيتك مكسور ياليت تعده عشان ارد

سلام

[فوزان]

الاخ خالد ذكرت الكسر وضح الكسر إذا ما كان عليك امر

[خالد العصيمي]

الشيباااااني و الثبيتي لا هنتو على المتااابعه والله يوفق الجميع




الحظ طيب مير اشوف وقتي منّه مستفاد ....
..........................................



.............................................

يبا بأمر الله يامن من بقعا ومن صكاتها



هذا المكسوره واضنها واضحه وانا خوك

[فوزان]

ِالحظِ طيّب 0000000000000000000 الخ
0000000000000000000000000000الخ



000000000000000000000000000000الخ

يبا بمر الله 0000000000000000000000000الخ


الامر يحتاج فقط تنوين وانت شاعر ولاعوب واعتقد هذي ماتطوفك
0

[خالد العصيمي]

لا أقصد التنوين البيت كله ماهو راكب مع اللحن

[مرزوق حمدان العتيبي]

..
حياك الله يافوزان
نقلت هذه المحاوره ...للمحاولات الشعريه
والسبب عدم تقيد العضو فوزان بالتقيد بشروط
قسم الماوره حيث يجب ان يكون الشاعر المشارك
متمكن في اجادة الوزن والمعنى ..
نتمنّى لك ياها لغالي التوفيق ... ونعتذر لشاعرنا خالد العصيمي
على نقل هذه المحاوره ..
مودتي

[فوزان]

الله يهديك ياخوي خالد مير تيني اعلمك اترك القاف كله مع ان اللحن مافي شئ مدري على اي طاروق تلعب 000 وهذا قافن جديد



استلـــــم


سلام الله سلامن قلتها من خاطرن مسرور

هجوسي اليا طرت لي ألمعت لي في معانيها


يقولون اللي مايجيب الدواء ماهوب بدكتور

يشوف الحاله وشخصها والعله يداويها