سلم على قحطان ومطير ..

[طلال الثبيتي]

ظهر في الاونه الاخيره في منتديات قحطان ومطير مواضيع لا يقبلها شخص عاقل ورجل ناضج ..

وقبل كل شي اقول ان قحطان ومطير من اعز القبايل وكلها مجاورة لعتيبه في نجد ويعلم الله انا نقدر هالقبايل ونحشمها ولهم تاريخ عريق وماهم بحاجة شهادتنا ..

فبعد ماتأهل الشاعر يوسف العصيمي زعلوا وشالوا وحطوا والبعض قام ينقص من شاعرية يوسف ( والله ماردى عنكم ابو رزاق )

وترى الدعوى شعر وبرنامج عادي ولاهو زايد ولاهو منقص ..

حنا سوينا الي علينا وحنا مقتنعين بشاعرية يوسف وانه ابن عم وصوتنا له وفي ناس من برا عتيبه صوتوا له فهي وجهات نظر تختلف من شخص لأخر ..

طيب انتم يوم انكم زعلانين وذابحتكم الحميا كان صوتوا ابرك لكم من الاتكاليه والتكاسل والتهاون ..

والبعض الاخر يتهم البرنامج بالتلاعب بالنتايج فهذا كلام غير واقعي ليش يتلاعبون ويفوزون يوسف بالذات عنده جمهور حتى ابن سرور وابن ساقان عندهم جمهور
بل انهم اشهر من يوسف فابن سرور له ظهور اعلامي وابن ساقان متواجد عبر المنتديات

ولكن جاهم كحيلان واكتسحهم بشاعريته

والبعض الاخر يقول فوزوه تضامنآ مع العراق ( شر البلية مايضحك )

يااخي يتضامنون مع شعب يذبح ويقتل بشعر ؟؟

هذا كلام المنتديات التقطته لكم وابي ارائكم

وفالنهااايه اقوول ان قحطان ومطير فيهم شعار وكلهم كفوو بس ترى التنقيص من قدر العرب ماهوب زين ونقص على صاحب هذا الكلااام ..

رسالة الى يوسف العصيمي: ( الله يوفقك وارق سنود دام عتيبه معك )

[الصواي]

..........................
...

الاحترام هو المطلب في هذا المنتدى
والمهاترات تعرف اماكنها عذراً
الاداره

[نحم]

::: طلال الثبيتي ... على راسي يا ابووووي
كلام منك عين العقل .. دام حضورك
دام عزكم يا ربعي |194|

[! محتميها !]

تحيه عطره


طلال الثبيتي


الله يعطيك العافيه يالغالي


والله انك كفيت ووفيت


لكن عااد وش نقول في بعض ناقصين العقوول


والناس يقولون انه مهوب عتيبي ومن هالكلااام


ولم يتقوا الله في كلامهم هذا انهم يشككون في اصل الرجال


وهذا قذذذف يحاسبون عليه



والمصيبه في منتدى المطران حصلت لي واحد يقول


ان فيه موقع يرسل مقاطع بلوتوث


وقام يرسل لارقام جولات مقاطع رقص خليعه


ويقول لهم في الرساله اذا تبون مقاطع ازوود من كذا


ارسلو رقم 48 للرقم التالي " وحاطين رقم شاعر المليون "


للدرجه هاذي تخيل وانا اخوك وصل فيهم الانحطاط الفكرري


ولكن ابو رزاق شاعرنا وولد عمنا


راح نوقف معه ونصوت له


اذا فاز سوينا اللي علينا ووقفنا معه وهو يستاهل


واذا مافاز الشكوى لله وخيرها بغيرها



ولك خالص تحياتي

[المغترب]

ماعلينا منهم يوسف فاااز وبيض وجه عتيبه
وبيواصل شاعر عتيبه وبياخذ المليون ان شاء الله
وعلى قول المثل( السحاب يسير والكلاب تنبح )
واصل يابن العم والهيلا كلها معك بعد الله
بالتوفيق|194|

[طلال الثبيتي]

والله لو انه هندي بس عتيبي نبا ناقف معه ..

بعدين يوسف عتيبي ومالاحقنا شك فيه ..

ومعروف مسقط راس جدانه ومعروفه قصة ابوه يوم راح العراق ..

وبعدين حنا بنصووت وسواء فازوا بني عمنا والا مافازوا يكفي انهم بيضوا وجهينا
وماراح نضيق ونزعل لو مافازوا لان هاللقب مايعني لنا شي ومالاحقنا شك( في انفسنا وفي شعرنا ..

ومعروف من هم اهل الشعر على قول الشاعر ( ليا بدعت كأني من عتيبه .. هم هل الطاروق ))

[صقر البهيته]

صدقت يابن عمي لكن فيه ناس في المنتدى
يدافعون عنهم والله المستعان
وهو يعرف نفسة

[خالد القحطاني1]

كلامك سليم


ولو اني ادري انه إذا ما فاز انتوا بغنا عن فوزه
وذا فاز ماهوب بضايف لرصيد عتيبه ولا منقصه

لأنه مجرد برنامج لا أكثر ولا أقل


ويستاهل الفوز يوسف



وألف مبرووووووك
وعقبال المليون




تحياتي للكاتب

[طلال الثبيتي]

مشكورين على المرور

[أبو مرحبا]

أخواني الاعزاء ارجو منكم الأبتعاد عن المهاترات

كما يفعل المدعو الصوااي فهذا يمثل نفسه ولا يمثل قبيلته

دمتم يود

[طلال الثبيتي]

ارحب يابو مرحبااااااااا

ولاهنت عالمرور

[نمر زهران]

يستااااااااااااااااااااااااااااااهل التصويت وفالة المليون انشا اللة...دون نقصان بالجميع بس هو الابرز

وحنا معكم ياعتيبة ما حسبنا حساب لاحد...

اخوكم
نمر زهران,,,

[مرزوق حمدان العتيبي]

يستااااااااااااااااااااااااااااااهل التصويت وفالة المليون انشا اللة...دون نقصان بالجميع بس هو الابرز

وحنا معكم ياعتيبة ما حسبنا حساب لاحد...

اخوكم
نمر زهران,,,
..
كفو الله يالشبابي
وهذا شي مانستغربه وجيهكم بيض يارجال زهران
...

[طلال الثبيتي]

كــــفو يازهران

[الجلاااهي]

اخووي طلال سلمت يمناك على هالموضوع اللي باغي اكتب عنه

الكلام يطول و لو نبي نرد بطريقة الكتـّاب في تلك المنتديات

قسم بالله و اللي رفعها سبع و طمّنها سبع لنرد عليهم برد ٍ يعلّق في أذانيهم لااااان تقوم ناقة صالح
لأن الحجج عليهم واجد

لكن للعقل و الاتزان دوور

و للغوغائيه ربع و رفاقه و للحكيمين أيضاً ربع و رفاقه


السرّ الذي يجهله الكثير و سبب تصويت عتيبه ليوسف العتيبي

هو إنه يستاهل و حمّسنا للتصويت له بالكلام الجزل وشاعر ينحت في صخر و قد يكون الحسنه الوحيده إن لم أجزم بأنه حسنة البرنامج الوحيده برنامج شاعر المليون لان بقيّة المشاركين الذين برزو لهم حضورهم الاعلامي قبل مشاركتهم في شاعر المليون و بس

العود و الولد و الشاب تحمس للتصويت له و هذا كل مافي الامر

أمّا ربعنا المطران و القحاطين

يقولون اللي يقولونه

اللي عدّ الصدق منهم و بارك ليوسف نقوله بيّض الله وجهك و هذا طبع وسيعين التهايا اللي حظايبها بعيد
الريجيل من اول يذبح بعضهم بعض و يهزم بعضهم بعض في حومات الوغى ولا بيّحو سدودهم ولا قامو يقولون هذولي اللي فيهم ما يخطيهم ولولا ولولا و ليش يسوون كذا وليش ما سوو كذا

امّا اللي قام يشذّب و يخرط و ينظم في فوز يوسف العتيبي و يشكك اما في نسبه او في مقدرته الشعريّه نقوله إلك عقل و للناس اعقولها منت بمنقص في رجالنا قدر ولا انت مزوّده قدر بين العالم تهرج ولا ما تهرج

كلمه اخيره

المفروض برنامج كهذا و مسابقه كهذه ما تسبب حزازيات بين القبايل لأنهم اكبر من هذا كله





اتمنى من أي عتيبي يمرّ من هنا و يقرا كلامي

اطلب منه عدم الانجراف خلف تفاهات تلك الاقلام

و برفع نفسه عن الرد على تلك الاقلام

و فااااالكم المليووون

[عجاج الليل]

قلهم ما درى الذيب عن النعاج؟؟؟؟؟ والحر يفهم . والغير على قدره . تحياتي للذيب يوسف .

[قــ الباس ــوي]

طلال الثبيتي

شكرا على المشاركة
بالنسية للمساكين اللي
يشككون
وينقصون
ويحللون؟؟؟
نقولهم الرغا عقب الهدير عيب

والشي اللي ما تطوله بيدك ما تطوله بلسانك
سؤال وجيه
اين هذا الكلام قبل فوز يوسف العتيبي؟؟
ناس عجيبه

وانا مقدر حالتهم النفسيه
الواحد لا صار مقهور ما يدري وش يسوي
اطلع بعلم زين اقل شين

لا عاد مهزوم
و ردي

اهداء:
ياصغير ما يكبرني لقب
ولا يصغرني اذا انكرني صغير

بالنسبة لنا
نحترم الجميع
والكلام موجه للي بدى بالكلام عن يوسف وشكك بشاعريته

اخوك /
قــ الباس ــوي

[الديوان]

الله يعطيك العافيه اخوي

[الداون]

FF0000]مرحبا

الشاعر المميز وشاعريه مناسقه وزينه راح يفرض نفسه على الجميع لاالقبيله او اي احد كان يفرض على الجمهور شنو كان يطلب .[/size]

[النافذ]

شاعرنا الموقر طلال الثبيتي

طرحت فاحسنت الطرح والتميز في موضوع له اهميه كبيره


والعصيمي ان شاء الله فوق في القمة دائم

[سعود بن مويسان]

بيض الله وجهك

[محمد الحصني]

مساء الخير ياشباب

ميروك فوز العتيبي في البرنامج

أخوي طلال في كل المنتديات تجد الغث والسمين

وكل واحد يمدح في ربعه وهم يستاهلون

لكن المهم الإبتعاد عن المهاترات والتجريح في الآخرين

والمطلوب من كل شخص عدم الإلتفات لهذه الأشياء

بالنسبة للبرنامج من مساوئه عودة العصبية القبلية

وهذا مشاهد في كل المجالس والمنتديات

والقائم على البرنامج شخص معروف ما أعتقد إنه يسمح

يحصل شيء يسيء للبرنامج

هذا رأيي يقبل الصح والخطأ

وتقبلوا تحياتي