تالي الليل
07-Feb-2007, 10:06 PM
المهيلة ..
ياناس صدري ضاق من زحمة السوق .. وراسي مصدع من صياح البواري
والكبد حامت دمها صار محروق .. والخد من فوقه تهل العباري
ولا يشفي الحال اللذي صار مسروق .. الا ديارن واسعات البراري
ارحل على شاص مسمية معتوق .. معتوق من عين الحسود المواري
حاشوه ناس تدرس العلم والذوق .. من يد ياباني يعبد الشجاري
اليا مشى دربا فماهو بملحوق .. واليا نطح طعس يضلي نثاري
خشمة عن الطارة منزل ومنتوق .. مصنوع خصيصا لقطع الصحاري
ولو اصبح الدفرنس في الطعس مشنوق .. مايطلب الفزعة ويعلن طواري
وجنطة على سد المهمات مدقوق .. كنها خوايش لبستها عذاري
يورد الهايم على مرتع النوق .. اللي شجرها ممتلي بالثماري
ونلفي على مستقبل الناس بالشوق .. كن الصداقة من قديم وضاري
ونادي على اقرب واحد يقرب اغبوق .. في محزمة شباب وأربع شباري
وجاب القدوع وكيف من شمة يفوق .. والدم يرجع مثل ماكن جاري
اموردن ثنتين في الصحن مسلوق .. امكرم الضيفان سبع الغداري
وابات في وادي من الغيث مطقوق .. والجو لا قره ولا هو حراري
وامشي على رجلي في حزة اشروق .. وقص جرة للقطا والحباري
وان راعبت ورد الخزامي لرقروق .. اغيب من عقلي وصير انتحاري
وارقى جبل اطلع على قمته فوق .. وتشتت اهمومي هبوب الذواري
وأن عسعس الليل وكسى كل شمهوق .. اداعب النسمات والليل ساري
كل البرية بين عاشق ومعشوق .. وأن لعشق البر اصدر قراري
اقولها للي قعد جوف صندوق .. عن عيشة اهل البر ما انته بداري
اما يخاويني على عشقي اتوق .. إلا يدور من يخاوية غاري
والخاتمة صلوا على خير مخلوق .. عداد من يقرا صحيح البخاري
الشاعر : فارس الثبيتي
ياناس صدري ضاق من زحمة السوق .. وراسي مصدع من صياح البواري
والكبد حامت دمها صار محروق .. والخد من فوقه تهل العباري
ولا يشفي الحال اللذي صار مسروق .. الا ديارن واسعات البراري
ارحل على شاص مسمية معتوق .. معتوق من عين الحسود المواري
حاشوه ناس تدرس العلم والذوق .. من يد ياباني يعبد الشجاري
اليا مشى دربا فماهو بملحوق .. واليا نطح طعس يضلي نثاري
خشمة عن الطارة منزل ومنتوق .. مصنوع خصيصا لقطع الصحاري
ولو اصبح الدفرنس في الطعس مشنوق .. مايطلب الفزعة ويعلن طواري
وجنطة على سد المهمات مدقوق .. كنها خوايش لبستها عذاري
يورد الهايم على مرتع النوق .. اللي شجرها ممتلي بالثماري
ونلفي على مستقبل الناس بالشوق .. كن الصداقة من قديم وضاري
ونادي على اقرب واحد يقرب اغبوق .. في محزمة شباب وأربع شباري
وجاب القدوع وكيف من شمة يفوق .. والدم يرجع مثل ماكن جاري
اموردن ثنتين في الصحن مسلوق .. امكرم الضيفان سبع الغداري
وابات في وادي من الغيث مطقوق .. والجو لا قره ولا هو حراري
وامشي على رجلي في حزة اشروق .. وقص جرة للقطا والحباري
وان راعبت ورد الخزامي لرقروق .. اغيب من عقلي وصير انتحاري
وارقى جبل اطلع على قمته فوق .. وتشتت اهمومي هبوب الذواري
وأن عسعس الليل وكسى كل شمهوق .. اداعب النسمات والليل ساري
كل البرية بين عاشق ومعشوق .. وأن لعشق البر اصدر قراري
اقولها للي قعد جوف صندوق .. عن عيشة اهل البر ما انته بداري
اما يخاويني على عشقي اتوق .. إلا يدور من يخاوية غاري
والخاتمة صلوا على خير مخلوق .. عداد من يقرا صحيح البخاري
الشاعر : فارس الثبيتي