تأجيل مزاين عتيبة

[صنهات المحياني]

ما صحة هذا الخبر ؟
سمعت أن مسابقة مزاين عتيبة تم تأجيلها إلى ما بعد رمضان

[الديوان]

من يعرف عن الموعد الرجا الافاده

[قــ الباس ــوي]

مساكم الله بالخير

حسب مالدي من معلومات
المزاين في شهر 4

ولا اتوقع ان هناك تأجيل

[رائد العتيبي]

شهر 4 هذ لي نعرفة

لو يقدمونة لشهر 2 احلي

[ابو نادر]

وش العلم كل شوي لهم موعد بس عزلله شهر اربعه حرررررررررررررررر ماينفع لو في شهر 2 او اخر 2 يعني الجو زين

[الغبيـــوي]

أبك بعد رمضان وشفيه

مافيه غير القشع وين يجلونه شهر أربعه زين ولو أنه نهاية الربيع لكن شي أزين من لاشي

[فزاع نجد]

كلامك صحيح أخوي صنهات ....

تم تأجيل مزاين عتيبه إلى شهر شوال تقريباً ... حسب علمي ...

والسبب ... إن أهل الإبل غير مؤيدين للوقت الحالي لأنهم محيلين يم الشمال .. ومن الصعب إن المزاين ينكس الوجهه إلى نجد ....

هذا اللي أقدر أفيدكم به في خصوص هذا الموضوع ... وإن إستجد شئ ... خبرتكم ياربعي .

[سعود المغيري]

مساكم الله بالخير.
انا من وجهة نظري لو يخلونها بعد العيد احسن
يكونون الناس فاضين ماعندهم اشغال.




::::مودتي::::

[العازمي 2007]

اقول
يالليل ماطووووووووولك
الله اعلم
انا سمعت انه تاجل عشان البدو ماهم فاضين يدورون الربيع لحلالهم
سمعت انه في شهر اربعه مع الحر والشمس المحرقه

[فتى كشب]

خذو العلم الاكيد
مزاين عتيبة في نهاية شوال

[فارس @عتيبه]

الموعد الاكيد20@10

[صقرنجد]

ياربع مزايين البل من المستحيلات يكون شهر شوال

لأن مزايين البل في ام رقيبه تقريبآ في نفس الوقت

وهذا التوقعات