تذكر يامرزوق العتيبي !

[رجـم النـايـف المطيري]

سلام الله سلامن يذكرونه للرجال رجال=تحيّة مسلمين وواجب المسلم يقدمها
يامرزوق انت وشلونك عساك بخير كيف الحال=تراك من الرجال اللي نقدرها ونحشمها

[سعود العصيمي]

سلام الله سلامن يذكرونه للرجال رجال=تحيّة مسلمين وواجب المسلم يقدمها
يامرزوق انت وشلونك عساك بخير كيف الحال=تراك من الرجال اللي نقدرها ونحشمها



صح لسانك


يارجم النايف

بدايه رائعة ومن شاعر رائع


وفانتظار

شاعرنا الكبير

مرزوق العتيبي

وصح لسانه مقدمآ

[رجـم النـايـف المطيري]

صح بدنك ياسعود العصيمي

والابداع مرورك طال عمرك

تحياتي

[النا د ر]

صح لسانك يارجم النايف وعساك على القوه

وصح لسان اخونا مرزوق العتيبى مقدماا

بانتظار محاوره راقيه من شعراء راقين

تحياااااتى للجميع

[مرزوق حمدان العتيبي]

هلا يامرحبا ترحيبة ٍ لهل الوفا تنقال = رجال المعرفه والطيب ياربي تسلمها
انا في خير من ربي ولاتنشد عن الاحوال = ولكن وش طرالك فالعلوم اللي تخمخمها

[مرزوق حمدان العتيبي]

...
.
الاساتذه ..
ابو طايل
والنادر
شكرا لكم على التواجد المشرف
..
اخوكمــ.....
.

[رجـم النـايـف المطيري]

صح بدنك يالنادر والابداع والله يوم اشوفك بصفي

ومما يشرفني ويفلج صدري قرأة اسمك

ومشاركاتك الطيبه يابن العم

تحياتي لك

اخوك/ رجــم النــايــف المـطيري

[سعود العصيمي]

هلا يامرحبا ترحيبة ٍ لهل الوفا تنقال = رجال المعرفه والطيب ياربي تسلمها
انا في خير من ربي ولاتنشد عن الاحوال = ولكن وش طرالك فالعلوم اللي تخمخمها

هلا يامرحبا ترحيبة لاهل الوفاء تنقال
رجال المعرفة والطيب ياربي تسلمها


الله

الله
يابومحمد
ابداع
ابداع
صح لسانك

مليووووووون

[مرزوق حمدان العتيبي]

..
.
الابداع يكمن في شخصك ياعصابة راسي
..
نورت يابو طايل
..

[رجـم النـايـف المطيري]

زمانن فات كنّا ربع ضد الاعور الدجال=لاشك الحظ الابيض ساعف الديره وحاكمها
ياطيب اللي يصب القوم فوق القوم ثم يحتال =تذوقك العسل يمناه واليسرى يسممها

[مرزوق حمدان العتيبي]

..
.
بحول الله نكمل بكره يارجم النايف
..
وتصبحوون على خير

بعد الرد طبعا هههههههه

صح لسانك ...
..

[مرزوق حمدان العتيبي]

..
.


زمان فات لاتنشد عنه قفّا مع الابطال = رجال ٍ باللوازم ماتخلا عن لوازمها
ترى ماكل خيّال ٍ يجي فعله مثل خيال = خلقها الله ولكنه مفرق في عزايمها

[بنيدر الشيباني]

مشكور يالشاعر رجم النايف

على المحاوره الممتعه

وتقبلو تحياتي

[رجـم النـايـف المطيري]

عليك انزال من شرق وعليك من الشمال انزال=لاتحلم بالسلامه لو جميع الناس تحلمها
وانا اورحت الخيانه وانت مورحها من الانذال=فشقنا في بنادقهم يجينا من محازمها

[رجـم النـايـف المطيري]

العفو يابنيدر الشيباني

والصفحه نورت بوجودك

ويشرفني اتعرف عليك ياولد مشيب

اخوك/ رجــم النــايــف المـطــيري

[بنيدر الشيباني]

اخي الشاعرالعزيز-مرزوق العتيبي

صح لسانك على المحاوره الممتعه

بيوت جزله من شاعر جزل

تقبل شكري وتقدير وحترامي

[مرزوق حمدان العتيبي]

..
ليا شميتها لازم تفكر في حياة اجيال = رياجيل النذاله ماخلقنا الا نعلمها
وزابك وازي الشكه وجاك من الشمال خيال = وزاد البرق فوقك والخطر بانت معالمها

[مرزوق حمدان العتيبي]

..
. الشاعر الكبير ابو بدر
اعتز بشهادتك وسعدت بحضورك المشرف ..
...

[خلف بن مرزوق]

..
.
وانا اورحت الخيانه وانت مورحها من الانذال
فشقنا في بنادقهم يجينا من محازمها

:
:
ليا شميتها لازم تفكر فـي حيـاة اجيـال
رياجيـل النذالـه ماخلقنـا الا نعلمـهـا
وزابك وازي الشكه وجاك من الشمال خيال
وزاد البرق فوقك والخطر بانـت معالمهـا


مرزوق العتيبي رجم المطيري

ابداع منقطع النظير

مودتي
:)
.

[مرزوق حمدان العتيبي]

...
.

ارحب يابو مرزوق ..
.
توجدك يشرف لاعدمتك
..
مودتي
...

[ذياب]

ليا شميتها لازم تفكر فـي حيـاة اجيـال
رياجيـل النذالـه ماخلقنـا الا نعلمـهـا
وزابك وازي الشكه وجاك من الشمال خيال
وزاد البرق فوقك والخطر بانـت معالمهـا

,

,,

,,,

صح السانك مليون يابومنذر:)

مبدع وجزل وأزهل الصف

ولا يهون المطيري

أخوكـــــــم

,,

,

[مرزوق حمدان العتيبي]

..
.

الابداع تواجدك يابو عبد الله
..
تشرفنا بحضورك وتنومسنا بوجودك فالصف
..
..

[رجـم النـايـف المطيري]

وطاك اللي وطاني ياحياة فهيد ابو هذّال=توقّع لاتحلل لك علوم الله محرمّها
شبكنا واشتبكنا والتقى الجمّال بالجمّال=ودار الحول والقبّار يدفن في جماجمها

[رجـم النـايـف المطيري]

يامرحبا ياخلف بن مرزوق

وحياك الله ياذياب

تحياتي لكم على المرور

[محمد سعيد القحطاني]

صحت اللسنتكم مدد بلا عدد

رجم النايف المطيري + مرزوق العتيبي


ابداااااع واصلووووو وانا بصف رجم النايف

ولا يهون مرزوق العتيبي

[مرزوق حمدان العتيبي]

تطولها تقصرها صحيح القول ليلك طال = ماحاصلك سلامه لو جميع امطير تزهمها
شبكنا واشتبكنا والبنادق صوتها زلزال= وضاعت حيلة المحتال والمسكان سلمها

[مرزوق حمدان العتيبي]

..
.

ارحب يالسنحاني
صح بدنك والله لايهينك
..
تشرفنا
...

[رجـم النـايـف المطيري]

يقولون المطيري للعتيبي من عيال الخال=علامك يالعتيبي تاخذ الحبه وتقسمها
تصوم الشهر لكن ماتصوم الست من شوّال=علامك رحت يوم الناس تنطل لك عمايمها

[رجـم النـايـف المطيري]

يامرحبا يالسنحاني والله يحييك يالغالي

ويشرفني انك معاي

تحياتي لك

[رجـم النـايـف المطيري]

الابداع مرورك على الشاشه ياذياب ومشاركتك

وتحيه لك ياخلف بن مرزوق على تواجدك المستمر

دمتم بود

[مرزوق حمدان العتيبي]

مطير اصحابنا بقلوبنا باق ٍ لها منزال = ليا جت بالمراجل ندهن الحاها ونكرمها
اصوم الفرض واصلي وفعل الخير لي مدهال = يوم انك تبني الصحبه واباهون شي تهدمها

[رجـم النـايـف المطيري]

بغينا نقتسم راس البعير اللي عليه هلال=لكنك مافلحت بخطتك ياللي تنظمها
وفعلك غير فعلك فالرشاويه وكون الظال=وحنا مانبا الكذبه ولا نبغى مسيلمها

[مرزوق حمدان العتيبي]

..
الله الله
..

انا وش لون ابا اثق فيك والتاريخ قبلي قال = ترى اللي يخدع اصحابه خديعاتك مولمها
علامك ترتجف لاجيت تنطقها وكنك ذال = ترى منته بقادر فالجبال اللي تصادمها

[رجـم النـايـف المطيري]

يومن ابلال يذّن مامعاه الا ربوع بلال=واهل خيبر بذكر الله ماتفتح براطمها
انا ماجيت للشجره هذيك ولا طمعت ظلال=مدام الله مغنيني عسى الجراد يلهمها

[مرزوق حمدان العتيبي]

تبا تتعب وتزعل من نتيجة وقتك الميال = وتفشل خطة ٍ ضيعت وقتك وانت ترسمها
ترى الشجره لها حراس تحميها عن العيّال = حقيقه والحقيقه واجب العيال تفهمها

[رجـم النـايـف المطيري]

عرفنا مخرج الخطه قبل ندخل مع المدخال=وحنا اللي رسمناها وحنا من تزعمها
لو انك حامي الشجره صحيح وتردع الجهال=زمان العام وش سويت يوم النار تشعمها

[محمد سعيد القحطاني]

يومن ابلال يذّن مامعاه الا ربوع بلال
واهل خيبر بذكر الله ماتفتح براطمها

******************************

الله 000رائع رائع رائع 000بارك الله فيكم

رجم النايف صح اللسانك

مرزوق العتيبي صح اللسانك

واصلووووو

[رجـم النـايـف المطيري]

الف الف الف

شكر على مرورك يالسنحاني

ويشرفني يوم تمر علينا بالصفحه وتنورنا

[مرزوق حمدان العتيبي]

صراحه ماعلى ابواب الهروج الزايدات اقفال = ياكثر الهرج عند العرج واشقاها توهمها
انا لاشعمت نار اعط العنيد اللي مريد الصال = وناس ٍ ماتسالم والله انا مانسالمها

[العسـ نواف ـاف]

.....................................
......

العساف الله يهديك
لابد تعلم ان هذا قسم محاوره واخذ وعطاء بين الزملاء
في حدود الادب والاحترام
واذا عندك كلام صحيح هناك قسم بطولات ومعارك الله يقويك
ههههههههه
مرزوق

[الصبر جميل]

عليك انزال من شرق وعليك من الشمال انزال=لاتحلم بالسلامه لو جميع الناس تحلمها
وانا اورحت الخيانه وانت مورحها من الانذال=فشقنا في بنادقهم يجينا من محازمها
بارك الله فيك عز الله انك شاعر تسلم على المحاورة

الصبر الجميل / الظبيطي

[رجـم النـايـف المطيري]

صراحه ماعلى ابواب الهروج الزايدات اقفال = ياكثر الهرج عند العرج واشقاها توهمها
انا لاشعمت نار اعط العنيد اللي مريد الصال = وناس ٍ ماتسالم والله انا مانسالمها

صح لسانك يامرزوق العتيبي والله لايهينك على الطاروق الناجح

[مرزوق حمدان العتيبي]

..
.

رجم النايف لي الشرف ان العب
مع شاعر بحجمك وعسانا بس تجملنا معك؟ :)
شكرا لك ولمن سجل حضوره على هذه الصفحه
....

[رجـم النـايـف المطيري]

..
.

رجم النايف لي الشرف ان العب
مع شاعر بحجمك وعسانا بس تجملنا معك؟ :)
شكرا لك ولمن سجل حضوره على هذه الصفحه
....


كمال وجمال يامرزوق الغتيبي

وشكر خاص لكل من شرفنا بمروره على الصفحه وشارك

تحياتي لكم

اخوكم


رجـــم النـــايــــف