الليل يا النشاما

[تالي الليل]

يا ربعنا ياهل الوجية المطاليق .. سلام والتسليم واجب نقولة
صايم وادور واحد أفتح به الريق .. واللي في راسه شي يشعب ذلوله

[مرزوق حمدان العتيبي]

...
.

واللي في راسه شي يشعب ذلوله

تالي الليل
صح لسانك
..

[الشبـــح]

يامرحبا وعان الذبايح معاليق = والباقيه شفها ترااها معقوله
ان كان حن القير غير بتعشيق = وبعض المواتر لاسرى منت حوله

[تالي الليل]

يا مرحبا بك جيت في ساعة الضيق .. انا اشهد انك نسل ذيك الحمولة
ليتك تأكد موترك فيه تشريق .. عشان نعرف كيف صرف العمولة

[الشبـــح]

تاالي اليل
انا ارحب وانت ترحب !!


تاخذ شهاده لكن بدون تطبيق = هذا البلاغ اللي مكلف رسوله
ياتالي الليل الغبر ساعة شريق = يجلي ظلام الليل منك ويزوله

[تالي الليل]

سبحان من جابك ومن غير تنسيق .. عان التميس الحار مطحون فوله
وأن كان جات ملفقه أي تلفيق .. نحكم عليها حكم بنت مهبوله

[تالي الليل]

هلا فيك مرزوق وجودك دعم معنوي آسف على التأخير ولا يهون الشبح الممتع

[الشبـــح]

يلي تهوز الضلع قدامك طويق = ربي اعزه فوق وعر وسهوله
انته تبى تشتاهل حملٍ ولا اطيّّق = شيل الحمول الكايدات المهوله

[تالي الليل]

تري قلوب الناس مثل الصناديق .. لكن تفضحها العلوم الجهولة
يا صاحبي ياللي عيونك بحاليق .. لا لا تزاحم في الرجال الزحولة

[رجـم النـايـف المطيري]

صح لسانك يالشبح

ولسان وتالي الليل

وانا متابع معاكم


اخوكم / رجــم النــايــف المــطيــري

[تالي الليل]

اصحت السنتكم وتصبوح علي خير