تسجيل الدخول

مشاهدة النسخة كاملة : غلا والديني ......

ناصر العصيمي
31-May-2003, 01:50 AM
السلام عليكم ورحمة الله ..

اخواني بينما انا اتصفح احدى المجلات وقع عيني على احد القصائد التي اعجبتني والتي فيها وفاء للوالدين قبل كل شي فاحببت ان انشرها في المنتدى لكي تسمتعوا بقرائتها كما استمتعت انا
اتمنى ان تحوز على رضائكم ..

غلا والديني ...

ياللي نشدت وقلت لي من أغليت ؟؟
أغليت أنا أثنين أسكنوا وسط عيني ...

أبوي وأمي في غلاهم تماديت ..
لي حق أفخر في غلا والديني ...

أبوي لي قدوة أنا به تعزويت...
لولاه ماشلت الفخر في يديني ..

أمي هي القبلة وهي شمعة البيت ..
ياما كستني بالغلا في سنيني ...

والله لو أبذل كل عمر فلا أوفيت ...
ربع الجميل اللي كسوا به جبيني ..

ماقصروا جابوا اللي تمنيت ...
لو اقدروا حطوا القمر في يميني ..

والثالث اللي كل ماضاق فزيت ..
هذاك اخوي وفي حياتي عويني ..

والرابع (( انته)) عقبهم بالغلا جيت ..
ياللي ابيك وعارف انك تبيني ...

أدري حبيبي للقا كم تحريت ..
وأدري بشوقك كلما تحتريني ..

بس الغلا يفرض عليه إذا أوفيت ..
إني احطك بعدهم ياظنيني ...

لكم منى جل التحايا // ابو بدر:)
(( المصدر مجلة شهد ))
( العدد 2 )
( لشاعر تركي العزيزي .. جدة )
& قلب عتيبة &
31-May-2003, 06:22 PM
اللة يعطيك العافية
ناصر العصيمي
31-May-2003, 08:09 PM
ويعطيك العافية
وشاكر لك مرورك الكريم على ماكتبت
فيصل محمد
01-Jun-2003, 07:48 AM
وهذه قصيدة أخرى ياناصر العصيمي
أنا عاجبتي وعساها تعجبك وتعجب كذلك زوار وأعضاء منتدى الهيــــــلا.


وشلون مــا اغليك ياللي تسكن احساسي**يــا اقرب من اقرب وريد ينبض بدمــــي
يــا مــن قتلتي بـعزمـك فالدجى يــاســي**يــا اول حروفـي واول مـــانـطق فـمـــي
انـتي لــوحـدك هـلي واحـبابي ونـاســـي**لا ابـوي ولااخـوي ولا خـالي ولاعـمــي
مــن غيــرك انتي تحمل قـلبي القـاســـي**خمسه وعشرين عـــام شــايله هـمـــــــي
يـكـفـي انـك سبب عــزي ونـومــاســــي**وانـك سبب كــل شــيء الا سبب غـمــي
غـلاي لك مــايـعـبـر عـنـه قـرطـاســــي**تعجز حروفي لـو ان الحبر مــا اهـتـمـي
كــلي فـدا بسمتك ورضــاك هـوجــاسـي**انـتـي الـوفـا والـنـقـا والـطـهـر مـلتمـــي
والله لــو تـطـلـبـيـنـي اخـنـق انـفـاســــي**مــا ارد لك غـيـر سـمـي يـالـغـلا سـمـي
لـجـلـك حياتـي رخيصه لـعن ابـو بـاسـي**لـو مــا يطيعك سقيته كـاس مـن سمــــي
غـرور مثلي لـجـل خـاطـرك ينداســـــي**ابـيـع مـدحـي لـعـيـنـك واشـتـري ذمـــي
لـغـيـر ربــي انــا مــا يـنـحـنـي راســـي**الا لـمـوطـاك لــيــتــه دايــمـا يــمـــــي
ناصر العصيمي
02-Jun-2003, 12:46 AM
يعطيك العافية على مرورك الكريم

قصيدة اكثر من رائعة ..
تسلم ويعطيك العافية
((الدلبحي))
02-Jun-2003, 01:02 AM
أبوي وأمي في غلاهم تماديت ..
لي حق أفخر في غلا والديني
تسلم ياتاصر الله لايهينك واجمل مافي هذه الدنيا هو الوالدين
يعطيك العافيه
تقبل تحياتي
ناصر العصيمي
02-Jun-2003, 03:19 PM
اشكر لك مرورك الكريم
الوالدين فعلا اجمل وأغلى مافي الدنيا وهم شمعة الحياة
الله لايحرمنا منهم ...