يامثقلات المزن

[الطرقي]

اتمنى ان تحوز هذه القصيده على اعجابكم

يـامثقلات المزن مع تالي الصيف
روفـي بقلبي وابرقي وامطريبه


الا الـرعد تـراه صداع ومخيف
صـوته يـروع القلب لا ترعديبه


حـدر وانا سندت في عالي النيف
نـفسي عزيزه ما رضيت الغليبه


وانا على المقفين مابدي تحاسيف
ذاك الـحبيب اللي غدر في حبيبه


مـايستديم الحب والساس تزييف
ومـن عاش زيف الحب مايهتنيبه


اهل الهوى دايم صخاف وملاهيف
دايـم تـصادفهم مشاكل غريبه


واللي مهونها على القلب ياسيف
انـي حسبت الغدر قبل المصيبه

[لــيــل]

صح لسانك ,,,,,,,,,,,,

قصيده جزله من راس جزل.

[مطلق الشيباني]

صح لسانك ..... يابن العم على هالقصيده الجزله

ولا تبخل علينا بمثل وزن هالقصيده

مع تحيات :- مطلق الشيباني ....................

[ابن شامان]

صح السانك ولاهنت


قصيده ماتحتاج كلام وافيه


عزالله كفيت ووفيت


لك تحياتي

[الطرقي]

ليل/صح بدنك ومرورك كافي

اخوك/ الطرقي

[الطرقي]

الاخ/مطلق
جعلك سالم يابن العم ومشكور على مرورك

اخوك/ الطرقي

[الطرقي]

ابن شامان

صح بدنك وجعلك تسلم ياغالي

اخوك / الطرقي

[ابن جدعــان]

الطرقي :

صح لسانك

وبيض الله وجهك اخوي.

ولا تبخل علينا بما عندك.

[^المقاطي^]

صح لسانك يابن جدعان

وسلمت..

[الصمصام]

قصيده رائعه

تقبل تحياني

الصمصــــــام

[الطرقي]

اخواني

ابن جدعان_المقاطي_الصمصام

صحت ابدانكم جميعا والله يعطيكم العافيه

واسف على التاخير بالرد بسبب الاختبارات

اخوكم/ الطرقي