قصيدة ياكليب شب النار كامله لأول مررررررررة

[خلف القثامي]

قصيدة ياكليب المعروفة في وصف القهوة للشاعر القديم دغيم الظلماوي



ياكليب شب النار ياكليب شبه= عليك شبه والحطب لك يجابي

قلط لها ياكليب من جزل خبه=وشبه الي منه غفا كل غافي

حنا علينا جيب ماها وحبه =وعليك تقليط الدلال العذابي

اغدق إيا شبيتها ثم قبه=تدعي لها ربعٍ سراةٍ غيابي

لوهم بعيد شوف ضوه ينبه=ولا هم قريبين بنبح الكلابي

بنسريةٍ ياكليب ياشين غبه=ليا نسنست لكنها سم دابي

متلطمين وناطحينٍ مهبه= متكتفينٍ وسوقهم بالعقابي

خطو الولد ياحيف ماينحسبه=معيرةٍ على غضير الشبابي

وش عاد لويلبس زبونٍ وجبه=يصير منهم من حساب الزهابي

الوالمه ياكليب عجل بصبه=والرزق عند اللي ينشي السحابي

صبه لقرم صرفته ماحسب به=يوم البخيل مكنهب الوجه هابي

وثنه لمصدور ليا جاه نبه= يرخص بعمره والدخن له ضبابي

وعده عن اللي مايداري المسبه= اللي يدور بالقصير الغيابي

واحمس على جمره احراق حبه = يما العرق تشوف على الحب ذابي

[خلف القثامي]

ودقه بنجرٍ تالي الليل نبه= يشادي لذيب ياعوى براس نابي

ودق البهار وبهره ثم صبه= تصبغ على الفنجال مثل الخضابي

ومن يوجعه راسه ترى الهيل طبه = وليا تقهوا غاية الكيف طابي

نذبح لهم كبش عريض الملبه= ومن مذبح السكين حسن الركابي

كم كبش مصلاح ٍ لراسه نجبه= ولو زودوا فيه الثمن مانهابي

مع الشتال مزين ٍ طبخ حبه= والعذر مع هذا وزين الجوابي

ونبدى لهم ياكليب هرج المحبه= ياجنب الهين عريض العلابي

وبهرج ٍ أحلى من شخاليل جبه= واحلى من السمن الجديد العرابي

يارب نأخذ بتالي العمر عبه= من قبل ماينسف علينا الترابي

الصبر زين وراعي الصبر غبه= يرقى بروس مشمرخات الهضابي

ومن لاصبر ياكليب في حكم ربه= هذاك يوم البعث ماله ثوابي

[خلف القثامي]

ودقه بنجرٍ تالي الليل نبه= يشادي لذيب ياعوى براس نابي

ودق البهار وبهره ثم صبه= تصبغ على الفنجال مثل الخضابي

ومن يوجعه راسه ترى الهيل طبه = وليا تقهوا غاية الكيف طابي

نذبح لهم كبش عريض الملبه= ومن مذبح السكين حسن الركابي

كم كبش مصلاح ٍ لراسه نجبه= ولو زودوا فيه الثمن مانهابي

مع الشتال مزين ٍ طبخ حبه= والعذر مع هذا وزين الجوابي

ونبدى لهم ياكليب هرج المحبه= ياجنب الهين عريض العلابي

وبهرج ٍ أحلى من شخاليل جبه= واحلى من السمن الجديد العرابي

يارب نأخذ بتالي العمر عبه= من قبل ماينسف علينا الترابي

الصبر زين وراعي الصبر غبه= يرقى بروس مشمرخات الهضابي

ومن لاصبر ياكليب في حكم ربه= هذاك يوم البعث ماله ثوابي