مستور بيذبح حاشي ان فاز تركي ؟؟

[طلال الثبيتي]

هذي محاورة جديدة بين ابو تركي ( مستور العصيمي ) وتركي 2000

مستور يقول :

تحزمت ياتركي وسافرت يم دبي=تحاول على الــ 1000000 ماهو لك ياخي
وانا اظن تالي روحتك ماتعود حي=صلاتي وتسليمي على افضل عباد الله

ورد تركي :

تحزمت يوم اكثر الناس مامن لون=امثل بلادي وربعي على العسر والهون
وانا شاعر القلطه وانا شاعر المليون=صلاتي وتسليمي على افضل عباد الله

قال مستور :

خسرت الرسايل مير راحت على لا شي=وصارت كما البرنامج الي على الماشي
ونذرن علي ان فزت لاذبح لك الحاشي=صلاتي وتسليمي على افضل عباد الله

رد تركي :

بأفوز بأمر الله ومثلي ماهوب مهزوم=لكن صبرك يالعتيبي يامال القوم
وحاشيك عشه لربعك الي ورا ام الدوم=صلاتي وتسليمي على افضل عباد الله

للامااانه منقوووووووول

[مشاري الحبردي]

هههههههههههههههههههههههههههههه
حلوه المحاوره ومكور اخوي طلال علاها

[النافذ]

شاعرنا الفاضل طلال الثبيتي

شكر لك على اتحافنا بمحاوره رائعه

وصح السان الشعار ابو تركي وتركي 2000

[$@المقاطي@$]

ههههههههههههههههههههههه


اشجع مستووووووور لتحديه





مشكووووووووووووووووور طلال

[مرزوق حمدان العتيبي]

...
.

الله ربنا ورب الشعار اقهرهم بالله
مايفوتهم شي
ههههههههههه
الدكتور مبدع ... ولاهان تركي
...
والف شكر لك ياطلال باتحافنا بهذا المنقول الرائع
....

[مشعل الريمان]

مشكور الثتبيتي

ويعطيكـ العافيه

والله يطول عمر أبوتركي

[طلال الثبيتي]

مشكورين على المرور ..

[نواف نايف]

اخوي طلال مشكول عل النقل


والكصيده فيها من الصور الجماليه وانا ما اجيززز الكصيييدة



<<=========<<<< الدكتور غسان على غفله

صح لسان دكتوور الشعر مستوور العصيمي

تقبل تحياتي

[طلال الثبيتي]

اخوي نواف امانة خير من يمثلهم ..

وفالك التوفيق ..

[الفراهيدي]

الله يعطيك العافية

على النقل المميز

طيب قوم انا وياك نحيي ابو تركي

هههههههههههههههههههه

[طلال الثبيتي]

ههههههههههههههههههههههههههههههه


الله يرجك يالفراهيدي .. ياكرهي لهاك الآدمي ..

منافق وماعنده سالفه ..


لاهنت عالمرور..

[سعود النفيعي]

لاهنت يا طلال على المحاوره

وتفضل إلى مييلس الشعراء


يالبيه يا روضه

[طلال الثبيتي]

هههههههههههههههههههه


ياسعووود مغرز مع البنت

لاهنت عالمرور ..

[ابو براك]

مشكور على النقل الرائع
(( وأنت من ناس معروف إنهم أهل الشعر ))

[ابوبجاد الرويس]

السلام عليكم ورحمه الله وبركاته

مشكور اخوي طلال الثبيتي على الموضوع الجيد وصح السان ابوتركي

والشاعر مستور مايحتاج لتعريف ماضيه يشهد لــــــه .

والمليون ان شاء الله ليوسف رزاق العتيبي .

وشكرا على الموضوع الناجح ................

[طلال الثبيتي]

مشكورين على المرور

[ابن مشيب]

الله لايهينك ياطلال , ومادار بين مستور وتركي , قرأتها في عدة منتديات , وكذلك اطلعت عليه في مجلة المختلف العدد الاخير , ولا اعلم عن صحة هذه المحاورة , لان المجلة لم تسندها على مصدر.

ومادعاني لهذا , لان كثير ممن قابلتهم وتحدثنا عن هذه المحاورة , عزوها إلى بعض الاشخاص اللذين لاعلاقة لهم لابمستور ولابتركي , ولكن من باب التطفل نظموها.


السؤال:

هل هذه المحاورة صحيحة ؟

[طلال الثبيتي]

ارحب يابن مشيب ..

ولاهنت على مرورك طال عمرك ..


وبالنسبة للمحاوره اتوقع ان الاغلب استبعدوها عشان تركي في الامارات بس الظاهر انها في الاسبوع الي ماكان موجود فيه تركي ..

والمحاورة صحيحه ..

لانك اذا دقيت على مكتب الركن الي في الرياض وكان المكتب مسكر راح يشغلون لك مسج هو موال مستور ورد تركي ..

[ابن مشيب]

ولا انت ياطلال , وبيض الله وجهك على الإفادة , وياليت تكتب رقم المكتب الله لايهينك


تحياتي

[طلال الثبيتي]

ووجهك ..

012307999

[ابوبجاد الرويس]

السلام عليكم ورحمه الله وبركاته

نعم يا شباب المحاوره صحيحه تركي 2000 و مستور العصيمي

في قصر دسمان اللي عند دخل المحدود وكان الزواج زواج ناس

من السهول من ال محميد وانا حاضرها ولعب معهم واحد شيباني

توه شباب لعب مع تركي 2000

.... وشكرا بس حبيت اوضح لكم المعلومه ..........

[طلال الثبيتي]

لاهنت يابو بجاد

[منصور البرقاوي]

لايهينك ياطلال , ومادار بين مستور وتركي , قرأتها في عدة منتديات , وكذلك اطلعت عليه في مجلة المختلف العدد الاخير , ولا اعلم عن صحة هذه المحاورة , لان المجلة لم تسندها على مصدر.

ومادعاني لهذا , لان كثير ممن قابلتهم وتحدثنا عن هذه المحاورة , عزوها إلى بعض الاشخاص اللذين لاعلاقة لهم لابمستور ولابتركي , ولكن من باب التطفل نظموها.


السؤال:

هل هذه المحاورة صحيحة ؟

==================
نعم اخي الكريم انا قريب جدا نسب وحسب بمستور العصيمي واول ماشفت المحاوره لم اصدق
اتصلت على عمي وابلغني بان المحاوره صحيه وتمنى ليوسف كل خير وقال بالحرف الواحد يستاهل الله يوفقه00

شكرا لك اخي الكريم طلال00

دمت لمغليك 00000000000000

[طلال الثبيتي]

لاهنت يامنصور ..

[كاسر البرقاوي]

أبو تركي مايفوته شي وكل مره يطقطق على راس تركي
والله يوفق الجميع والمليون والنصر للعتبان ان شاء الله

[فهد العطاوي555]

بارك الله بك , شكراً أخي الكريم

[بــرقــــاوي]

هذي محاورة جديدة بين ابو تركي ( مستور العصيمي ) وتركي 2000

مستور يقول :

تحزمت ياتركي وسافرت يم دبي=تحاول على الــ 1000000 ماهو لك ياخي
وانا اظن تالي روحتك ماتعود حي=صلاتي وتسليمي على افضل عباد الله

ورد تركي :

تحزمت يوم اكثر الناس مامن لون=امثل بلادي وربعي على العسر والهون
وانا شاعر القلطه وانا شاعر المليون=صلاتي وتسليمي على افضل عباد الله

قال مستور :

خسرت الرسايل مير راحت على لا شي=وصارت كما البرنامج الي على الماشي
ونذرن علي ان فزت لاذبح لك الحاشي=صلاتي وتسليمي على افضل عباد الله

رد تركي :

بأفوز بأمر الله ومثلي ماهوب مهزوم=لكن صبرك يالعتيبي يامال القوم
وحاشيك عشه لربعك الي ورا ام الدوم=صلاتي وتسليمي على افضل عباد الله

للامااانه منقوووووووول

اولا شكراا لك..ولكن,,؟؟

انت كتبت اخر 6 دقايق من المحاوره وهي اصلا 15 دقيقه

ومحمله النت على جزئين..

يعني انت كتبت الجزئ الثاني وتركت الاول..

وهي عندي المحاوره وبنزلها في موضوع..

وشكراا